जसपाल भट्टी : कला क्षेत्र की संपूर्ण शख्सियत

jaspal bhatti : kala kshetra ki sanpurn shakhsiyat  

Ank ke aur Lekh | Sambandhit Lekh | Views : 1594 |  
injiniyar kahen ya kartunist, abhineta kahen ya dayrektara-prodyusar, vyangyakar kahen ya fir kaemediyan, jaspal bhatti kala kshetra ki ek aisi shakhsiyat hain jinhonne jahan bhi hath ajmaya vahan apni amit chap chodi. jaspal bhatti shuru se hi bahumukhi pratibha ke dhani rahe hain. chandigadh ke panjab injiniyaring kaelej se ilektrikal injiniyaring ki padhai karne vale jaspal ka jhukav shuru se hi abhinay ki taraf raha. kalej ke dinon men nansens klab ke jariye inhonne strit ple se shuruat ki. uske bad d tribyun akhbar men kartunist ke taur par bhi kam kiya aur duradarshan par jab apna ulta-pulta sho lekar ae to bahut surkhiyan batorin. vishuddh kamedi aur bina dviarthi sanvad ke hi unhonne kamedi ki ek nai misal pesh ki. iske bad nauven dashak men unka flaep sho aya. fir ful tenshan, hay jindgi, bay jindgi jaise hasya siriyal ae. pahli film ‘mahaul thik hai’ aur antim film ‘pavar kat’ rahi. iske alava ‘fana’, ‘a ab laut chalen’ adi filmon men hasya bhumikaen rahin. nach balie jaise sho men najar ae. mohali men ‘jok faiktri’ ke nam se prashikshan kendra ki sthapna ki taki hasya-vyangya kalakaron ko prashikshan diya ja sake. bhatti ji ki kundli par najar dalen to lagnesh mangal apni mul trikon rashi mesh men sthit hai tatha chandrama se gyarhven bhav men bhi hai. isi mangal par parakramesh shani ki drishti hai jiske karan bhatti ji sahsi, parishrami tatha man pratishtha ke dhani hue aur isi karan inhen vyangyon ke dvara apni kadvi bat kahne ka bhay bhi nahin tha. panchmesh brihaspati ki ashtam bhav men bhagyesh chandrama tatha ketu ke sath yuti ka sanket hai ki bhatti ji apne jivan men kuch naya tatha anya kalakaron se alag kala darshan karne men samarth the. inhonne apne jivan men hasya vyangya tatha kartun ke kshetra men apni alag pahchan banai aur vishesh chap chodi. parakram bhav men budh-shukra ki yuti tatha unki bhagya bhav chandrama ki rashi par purn drishti hone se inhen kala ke kshetra men shighra saflta prapt hui. karmesh surya brihaspati ke navmansh men tatha dhanesh panchmesh brihaspati budh ke navmansh men hone se inhonne mohali men naye kalakaron ke lie prashikshan kendra ki sthapna ki. inki kundli men nichasth rahu hai lekin navmansh men uchchasth hai tatha rahu jis rashi men nich ka ho raha hai us rashi ka svami brihaspati chandra lagn se kendra men hai jisse rahu ka nich bhang ho raha hai. isi ke falasvarup inhen jivan men uttam dhan, sanpatti, sukh, man-pratishtha prapt hui. ayu ke sanbandh men inki kundli par drishti dalen to kundli ke charon kendron men koi shubh grah nahin hai. marak sthanon men bhi vishesh shubhatva nahin hai. ashtamesh grah budh apne ghar se ashtam men arthat lagn se tritiya bhav men markesh shukra ke sath sthit hai jo ki madhyam ayu ki or sanket hai. inki kundli se mrityu ke samay ka vichar karen to us samay par inki ashtamesh budh ki mahadsha tatha prabal markesh shukra ki antardasha chal rahi thi. isi dasha kal men inke lie yah dasha marak bani. gochar men bhi is samay shani-brihaspati ka gochar bhi shubh nahin tha. shukra vahan ka karak bhi hota hai. islie unke lie markesh shukra ki antardasha vahan ke dvara marak siddh hui.
Kya aapko lekh pasand aaya? Subscribe
Kya aapko lekh pasand aaya? Subscribe


nakshatra visheshank  February 2013

fyuchar samachar patrika ke nakshatra visheshank men nakshatra, nakshatra ka jyotishiya vivaran, nakshatra rashiyan aur grahon ka paraspar sanbandh, nakshatron ka mahatva, yogon men nakshatron ki bhumika, nakshatra ke dvara janmafal, nakshatron se ajivika chayan aur bimari ka anuman, gandmul sangyak nakshatra adi gyanavardhak alekh sammilit kie gae hain. iske atirikt hindu manyataon ka vaigyanik adhar, vastu paramarsh, vastu prashnotri, yantra samiksha/mantra gyan, gun jenetik kod ki tarah hai, damini ka bharat, tarapith, mahakunbh ka mahatmya, lalkitab ke totke, laghu kathaen, jaspal bhatti ki jivnktha, bachchon ko safal banane ke sutra, ank jyotish ke rahasya, man ka kainsar aur upchar v hastarekha adi vishyon par gahan charcha ki gai hai. vichargoshthi men vastu evan jyotish namak vishay par charcha atyant rochak hai.

Subscribe

Apne vichar vyakt karein

blog comments powered by Disqus
.