रोजगार एवं धन प्राप्ति के सरल उपाय

rojgar evan dhan prapti ke saral upay  

Ank ke aur Lekh | Sambandhit Lekh | Views : 141509 |  

rojgar ke pratispardha ke kshetra men saflta pana uttarottar kathin hota ja raha hai. vidya aur purusharth ke hote hue bhi saflta nahin milti. aise men yahan die gaye kuch saral upayon, totkon aur mantron se saflta milne ki sanbhavna ban sakti hai.

yadi berojgari ka ghatatop ho raha ho to rojgar ka prakash pane ke lie in totkon ko kar ke dekhen.

sattvik totka : tin sau gram kale urad ka ata lekar, bina chane isko gunthakar khamir utha len. tatpashchat iski ek-ek roti taiyar karke mamuli-si anch par senk len, taki iski asani se goliyan ban saken. is roti men se ek chauthai bhag torakar kale rang ke kapre men bandh len, shesh paun roti ki 101 choti-choti goliyan banakar, kisi aise jalashay ke pas jayen, jismen machliyan hon. jalashay men ek-ek kar sari goliyan machliyon ko khila den. ab kapre men bandhi roti ko machliyon ko dikhate hue ek sath pani men pravahit kar den. is prakar 40 dinon tak niyamit rup se yah kriya karen. isse berojgari avashya dur hogi tatha koi naukri, vyapar athva udr-purti ke lie kuch n kuch vyavastha jarur ho jayegi.

dusra totka : brihaspativar (jumerat) ko ek nar kaue ko pakarakar kar le ayen, pinjre men band kar den. khane ke lie dana-pani den. ravivar ki subah use dahi men chini milakar khilaen aur dopahar ko chavlon ke bhat men dudh v dahi milakar khane ko den. iske bad somvar ke din, jahan se kam hasil karne ka khayal ho, vahan jayen. us jagah ke mukhay darvaje men dakhil hote vakt dayen panv ko pahle rakhen. is tarah se vahan pahunchne ke sath hi apko kam mil jayega.

intaravyu (sakshatkar) men saflta prapt karne ki sadhna :

  • samagri : sfatik manimala (108 mankon ki)
  • mala : uparyukt
  • samay : din ka koi bhi samay
  • asan : safed asan
  • disha : purva disha, ikkis bar pratidin
  • avdhi : gyarah din

mantra : un hrin vagvadini bhagvti mam karyasiddhi kari kari fat svaha.

prayog : yah prayog sfatik manimala par kiya jata hai. samne pila vastra bichakar us par 108 mankon ki mantra siddh pran-pratishtha yukt sfatik manimala rakh den aur kesar se uska pujan karen. samne agarabatti ya dipak jala den. yah dipak shuddh ghrit ka ho. fir uparyukt mantra ka ikkis bar uchcharan karen. is prakar 11 din tak karne se vah mala 'vijay mala' men parivartit ho jati hai. jab kisi intaravyu ya sakshatkar men jayen to us mala ko bushart athva kurte ke niche pahanakar jayen, aisa karne par sakshatkar men avashya hi saflta prapt hoti hai.

naukri prapt karne ka sulemani mantra :

  • samagri : jalpatra, tel ka dipak, lovan, dhup adi.
  • mala : munge ki mala
  • samay : din ka koi bhi samay
  • asan : kisi bhi prakar ka asan
  • disha : purva disha
  • jap sankhya : nitya gyarah sau
  • avdhi : chalis din

mantra : un ya muhammad din hajrafil bhahak allah ho.

yah muslmani prayog hai tatha kisi bhi shukravar ko praranbh kiya ja sakta hai. pratah uthakar bina kisi se batchit kiye sava pav urad ke ate ki roti banayen aur use anch par apne hathon se seken iske bad rumal par roti ke char tukre karke rakh den. usmen se ek tukre ka e nadi ya talab men le jakar dal den, jisse ki machliyan unko kha jayen. shesh roti ke jo tin bhag bachenge, unmen se ek bhag kutte ko khila den, dusra bhag kauve ko khila den aur tisra bhag raste men fenk den. is prakar chalis din nitya prayog karen, to manovanchit naukri ya roji prapt hoti hai aur age jivan men kisi prakar ki koi samasya nahin ati hai.

naukri prapt karne hetu tabij :

jo parh-likhakar bhi naukri n pa sake hon, ve nimnalikhit yantra ko kagaj par anaj ki kalam dvara kesar se likhakar apne samne rakhen aur upasya dev ka dhyan karke bad men tabij men rakhakar ya bhuja men bandh len. aisa karne se naukri pane ke lie ane vali rukavten kam ho jayengi.

rojgar prapti hetu tantrik totka :

bekar (baithe) naujvanon ke lie naukri dilane athva unka kam-dhandha jamane men yah tabij ramban ke sadrish achuk siddh hota hai.

uparyukt yantra ko manglvar ya guruvar ke din se likhna shuru karen. bhojapatra par ashtagandh syahi se anar ki kalam dvara likhen. pratidin do sau ek yantra likhen. jab panch hajar yantra likhe ja chuke, to akhiri yantra ko svarn ya tanbe ke tabij men band karen aur tabij ko dahini bhuja men bandh len. shesh yantron ko ate ki goliyon men band karke dariya men vaha den.

bhagvti lakshmi ki kripa aur bharpur dhan prapt karne hetu anek tone-totke, gande-tabij, anguthiyan aur ratn hi nahin, balki bari-bari tantrik sadhnaen tak prachinkal se hi sanpurn vishva men prachlit rahi hain. hamare dharm men dipavli pujan ke sath kai prakar ke yantron, pujaon aur mantron ki sadhna prachinkal se hoti rahi hai, to islam men bhi is prakar ke anek naksh aur tabij hain. inmen se purn prabhavshali aur sadhna men ekadam asan kuch tone-totke aur yantra-mantra is prakar hain-

kuch shaktishali totke :

  • dan karne se dhan ghatta nahin, balki jitna dete hain uska das guna ishvar hamen de deta hai.
  • ayurved men varnit 'trifla' ka ek ang 'bahera' sahaj sulabh fal hai. iska per bahut bara, mahua ke per jaisa hota hai. ravi-pushya ke din iski jar aur patte lakar puja karen, tatpashchat inhen lal vastra men bandhakar bhandar, tijori ya bakse men rakh den. yah totka bhi bahut samriddhishali hai.
  • pushya-nakshatra ke din shankhpushpi ki jar ghar lakar, ise dev-pratimaon ki bhanti pujen aur tadantar chandi ki dibbi men pratishthit karke, us dibbi ko dhan ki peti, bhandar ghar athva baks v tijori men rakh den. yah totka lakshmiji ki kripa karane men atyant samarth pramanit hota hai.

dhan prapti ke lie das namaskar mantra :

inmen se kisi bhi ek mantra ka chayan karke subah, dopahar aur ratri ko sote samay panch-panch bar niyam se uska stavan karen. mateshvari lakshmiji ap par param kripalu bani rahengi.

un dhanay namah, un dhanay namo namah, un lakshmi namah, un lakshmi namo namah, un lakshmi narayan namah, un narayan namo namah, un narayan namah, un praptay namah, un praptay namo namah, un lakshmi narayan namo namah

dhan prapti hetu tabij :

niche char asan yantra diye ja rahe hain. inmen se kisi bhi ek ko kagaj par syahi se athva bhoj patra par ashtagandh se ankit karke dhup-dip se puja karen.

chandi ke tabij men yantra rakhakar mateshvari ka dhyan karte hue ise gale men dharan karen aur upar diye gaye kisi mantra ka niyam se stavan bhi karte rahen.

in samanya yantron aur yantron ke pashchat age param shaktishali mantra, yantra aur tantrik prayog is prakar se hain-

un lakshmi van, shri kamla dharan svaha.

is mantra ki siddhi 1 lakh bis hajar mantra jap se hoti hai. iska shubharanbh baishakh mas men svati nakshatra men karen, to uttam rahega. jap ke bad havan bhi karen.

un sachchida eki brahm hrin sachchidi krin brahm.

is mantra ke 1 lakh bis hajar jap se lakshmi ki prapti hoti hai.

iski siddhi 110 mantra nitya japne se 41 dinon men sanpann hoti hai. mala moti ki aur asan kali mrigchala ka hona chahie. iski sadhna kanchni vriksh ke niche karni chahie.

un hrin hrin hrin shrin shrin krin krin krin sthiraon.

pratah snanadi se nivritt hokar 1 mala (108 mantra) ka nitya jap karen to lakshmi ki siddhi hoti hai.

un namo hrin shrin krin shrin klin shrin lakshmi mamgrihe dhanan chinta duran karoti svaha.

is yantra ko siddh karne ke lie sadhna ke samay lal vastron ka prayog karna chahie aur puja men prayukt hone vali sabhi pujn-samagri ko rakt varn ka banana hota hai. iski sadhna arddharatri ke samay karni parti hai. iska shubharanbh shanivar ya ravivar se upyukt rahta hai. 108 bar nitya prati jap karen. charchbila, gorochan, kapur, guggul aur kachri ko milakar matar ke barabar choti-choti goliyan bana len. jap ke bad nitya prati in goliyon se 108 ahutiyan dekar havan karna chahie. is sadhna ko 22 din tak nirantar karna chahie. tabhi lakshmi ji ki kripa prapt hoti hai.

un namo padmavti padhntne lakshmi dayini vachanbhut-pret vindhyavasini sarva shatrusanharini durjan mohini riddhi-siddhi kuru-kuru svaha. un namah klin shrin padmavatyai namah.

is mantra ki siddhi ke lie lagatar 21 din tak sadhna ke samay mitti ka dipak banakar jalaen. jap ke lie mitti ke mankon ki mala banayen aur nitya prati 1 mala arthat 108 mantra ka shraddhapurvak jap kiya jaye to lakshmi devi prasann hokar ashirvad deti hain.

un namo padmavti padmanetra vajra bajrankush pratyakshan bhavti.

pratahkal snanadi sabhi karyon se nivritt hokar 108 mantra ka jap karen aur apni dukan athva karkhane men charon konon men 10-10 bar mantra ka uchcharan karte hue funk maren. isse vyapar ki paristhtiyan anukul ho jayengi aur hani ke sthan par labh ki drishti hone lagegi.

un namah bhagvte padmapadmatya un purvay dakshinay pashchimay uttaray annapurn sth sarva jan vashyan karoti svaha.

is mantra ko siddh karne ke bad pratah kal snan, pujan, archan adi se nivritt hokar purva ki or mukh karke baithen aur suvidha anusar 7, 14, 21, 28, 35, 42 athva 48 mantron ka jap karen. is prakriya se thore dinon men naukri athva vyapar ke shubharanbh ki vyavastha ho jayegi.

un namah kali kankali mahakali mukh sundar jiye vyali char bir bhairon chaurasi shat to pujun manye mithai ab bolo kali ki duhai.

is mantra ki siddhi karne ke bad mantra ka prayog kiya jaye to naukri athva vyapar ki vyavastha ho jaegi. usmen ane vale vighn dur ho jayenge. dhup-dip adi se pujan karke pratah, dopahar aur sanykal tinon sandhyaon men ek-ek mala mantra jap karen.

un namah bhagvti padmavti sarvajan mohini sarvakarya vardayini mam vikat sanktharini mam manorath purni mam shok vinashini namah padmavatyai namah.

dhan prapti hetu tantrik mantra :

yah mantra mahatvapurn hai. is mantra ka jap arddharatri ko kiya jata hai. yah sadhna 22 din ki hai aur nitya ek mala jap hona chahie. yadi shanivar ya ravivar se is prayog ko praranbh kiya jaye to uchit rahta hai. ismen vyakti ko lal vastra pahnne chahie aur puja men prayukt sabhi saman ko rang lena chahie.

dipavli ke din bhi is mantra ka prayog kiya ja sakta hai aur kahte hain ki yadi dipavli ki ratri ko is mantra ki 21 mala jap karen to uske vyapar men unnati evan arthik saflta prapt hoti hai.

jab anushthan pura ho jaye to sadhak ko chahie ki vah nitya iski ek mala fere. aisa karne par uske age ke jivan men men nirantar unnati hoti rahti hai.

un namo padmavti padmalye lakshmidayini vanchabhut pret vindhya vasini sarva shatru sanharini durjan mohini riddhi-siddhi kuru-kuru svaha. un klin shrin padmavatyai namah.

dhan prapti ka sabar mantra :

nitya pratahkal dant dhavan karne ke bad is mantra ka 108 bar path karne se vyapar ya kisi anukul tarike se dhan prapti hoti hai.

un hran shrin krin klin shrin lakshmi mamgrihe dhanan puray chintam turay svaha.

Kya aapko lekh pasand aaya? Subscribe
Kya aapko lekh pasand aaya? Subscribe


upay v totke visheshank  August 2011

tone –totke tatha upayon ka jansamanya ke lie arth tatha vastavikta v sanbandhit bhrantiyan. vartaman men prachlit upayon – totkon ki prachinta, pramanikta, upyogita evan kargrta. vibhinn deshon men prachlit totkon ka svarup, vivaran tatha unke jankon ka sankshipt parichay.

Subscribe

Apne vichar vyakt karein

blog comments powered by Disqus
.