तंत्र व टोटकों क गुण- विशेष

tantra v totkon k gun- vishesh  

Ank ke aur Lekh | Sambandhit Lekh | Views : 17569 |  
tantra v totkon ke gun-vishesh do. tipu sultan ''faij'' jab vyakti ko koi rah nahin milti aur vibhinn kshetron ke paramarshadata pirit ki vedna ko kam karte hue svayan fans jate hain. aisi kathin paristhitiyon men tantra evan totkon ki prakriya apni sukshm shakti se prakriti ko apne anukul dhal leti hai kyonki in kriyaon ke gun-vishesh apne prabhav ko sukshm rup se prakat karte hain. uchch se uchch shikhar se kahe gae har kathan arthat uchchastar se prasarit har bat ko band ankhon se svikar lena kisi sakaratmak soch ka parichayak nahi hota. usi prakar dharatal se juri har dharna ya kriyatmakata ko baghair anubhav andhvishvas ki sangya de dena bahut bari buddhimani nahi kahi ja sakti. atah prakriti ki kaya men chupe sukshm se sukshm kanon men rahasyamay visheshtaon se bhari lok- dharnaon ya parampanragat pravrittiyon men vidyaman asankhay aisi vidyaen hain, jinhen vidanbna svarup vaisa mukam ya prachar-prasar ka vaisa sansadhan n mil sake jo ki adhunikta ke manovigyan se grast arthat bhautiktavadi samaj ko samjha pane ke lie paryapt hote. parinam svarup lok-manas athva gramin kshetron men vidyaman aisi anek prachin vidyaen hai jinmen asadhya v anishtakari samasyaon ko bari hi sarlta se v chamatkarpurn dhang se nirakaran karne vali tantra v totke ki vidya bhi shamil hai. ye vidyayen ek simit paridhi men simatakar rah gai. vastutah choti se choti in vastuon men chupi siddhi v upyogitaon ke sroton ko yadi keval anubhvon ki kasautiyon par hi utar liya gaya hota to shayad is vidya ka ayam aur adhi ak vistrit hota. atah jis prakar vigat kuch varshon men is pariprekshya se sanbandhit vishyon ko hamare jyotirvidon ne ujagar karne ka prayas kiya hai, us ke lie ve sarvada dhanyavad ke patra hain. tantra v totkon ki kriyatmakataah- mukhytah gramin kshetron men adhik viksit hui tantra v totkon ki yah prakriya, prakriti ki anukultaon ke adhar par vastu, kal v kriyaon ko sangrahit kar vastu-sthiti ke anusar arthat karyon ke anurup bari hi sukshmata se ek aisi santulit v sakaratmak urja-shakti ko sanchalit karti hai, jo karyon ki akankshaon v avashyaktaon ki purti hetu pratyaksh v apratyaksh donon hi rup se sahayak hoti hain. vastutah sadharan taur par har kisi ke lie is prakaran ki sari kriyatmakata ko samajh pana itna asan nahi hota parantu svany men yadi dhyan, yog adi ki anubhutiyan vidyaman hon to is karya ki vyavharikta bari hi sarlta se spasht ho sakti hain. prayog hetu avashyak nirdeshah- tantra, totka adi ke prayogon men svayan ke acharan arthat man, vachan, pavitra vichar, shraddha, vivek adi gunon ko sabse mahatvapurn mana gaya hai. karmon ko pradhanta dete hue is karya ko un logon ke lie adhik vicharan aiya kaha gaya hai, jo sarvagunon se sampann hote hue bhi v drirh prayason ke bavjud bhi saubhagya ke avsron se vanchit rah jate hain. is ke atirikt is prakar ke kisi bhi prayog ke kram men samay, kal ya anukul muhurton ka chayan, vidhivat niyamavli ka palan tatha man men adhyatmik astha ka hona atyant avashyak hai. svarth, sima se adhik labh, chal, irshya v dusron ke ahit ke lie kie gae is prakar ke prayogik karya, ane vale samay men svayan is karya ko prarup dene valon ke lie hi hanikarak siddh hote hain. atah jivan ke bhinna-bhinn pahluon se sanbandhit kuch kalyankari tantra v totke prastut hain:- dhan samriddhiah- shanivar ke din ninbu ko apne vyavsayik sthal ki divaron v darvajon arthat charon or sparsh kara kar char tukron men kat len tatha fir 'use charon dishaon ki or fenk den. vyavsayik sthal ki nakaratmak urja shidhra hi samapt ho jaegi tatha dhan-samriddhi ka vikas hone lagega. tin guruvar, tin rotiyon ke sath gur milakar gayan ko khilaen, aisa karna vyavsayik unnati ke lie atyant labhaprad hoga. dhan-kosh men kuber yantra athva shri yantra ko pratishthapit karen tatha pratyek shukravar ko use itra ya sugandhit vastu dikhaen, dhan-kosh kabhi khali nahi rahega. dhan v samriddhi ki vriddhi hetu haldi ki ganth v dal chini ki chal ko pile kapre men lapetakar dhan-kosh ya tijori men rakhen. is karya ko karne ke lie guruvar ka din ati uttam mana gaya hai. guruvar ke din pratah tulsi ke paudhe par gay ka dudh arpit karne se arthik-samriddhi ka kram bana rahta hai. nau guruvar, udit surya ke samaksh dariya ki bahti jaldhara men gur pravahit karne se dhan ke agaman ka kram sarvada barkrar rahta hai. budhvar ke din kisi hijre ko bhojan ya kuch samagri dekar prasann karen tatha fir usse ek sikka prasad svarup mang kar us sikke ko apne dhan-kosh ya tijori men rakhden, vah sarvada bhara rahega. parivarik sukh : ghar men ''aprajita'' ki bel lagane se ghar parivar ki sukh-samriddhi ka sarvada vikas hota rahta hai. nitya sat din tak pratah pushp, kukunm v thore arva chaval ko kisi jal se bhare patra men dalakar baragad ke vriksh par arpit karne se parivarik sukh samriddhi ka kram bana rahta hai. is karya ko prarambh karne hetu budhvar ka din sabse anukul mana gaya hai. jis ghar men anjir, jaitun v chuare upalabdh hon us ghar ki sukh-samriddhi kabhi samapt nahi hoti. pratyek shukla paksh ke pratham guruvar ko pipal ke vriksh ke samaksh sarson ke tel ka dipak prajvalit karne se ghar men sukh-samriddhi ki nirantrta bani rahti hai. vivah sukh :- sat guruvar gur, thori haldi, do ate ke pere ko bhigi hui dal ke sath mishrit karke pili ya safed gay ko khilaen, vivah karya men a rahi badhaen shidhra hi samapt hone lagengi. yadi koi avivahit vyakti shukla paksh ke ikkis guruvar ko jal men ek chutki haldi dalakar snan kare to avashya hi use vaivahik karya men saflta milegi. vivahit vyakti shukravar ke din kisi andhe vyakti ko itra ya sugandhit vastu ka dan karen, to use shidhra hi vivah-karya ka saubhagya prapt hoga. sat shukravar ki ratri sau gram chuare v ek khule tale ko yadi avivahit apne sharir ke upar sat bar ghuma kar kisi chaurahe par rakh aen to vivah ki sambhavnaen avashya hi utpann hone lagengi. dampatya sukhah- siddhi yukt chandra yantra, ek mutthi gehanu, gur v namak ki ek dali ko safed kapre men bandhakar vivahit vyakti apne bedrum men sthapit karen tatha pratyek ravi, som, budh, guru v shukravar ko use lohban ki dhuni dikhaen. dampatya prem men sarvada vriddhi hoti rahegi. ''har singar'' ki buti ko chandi ke tabij men bharakar vivahit vyakti apne gale men dharan karen, to unmen apsi prem sarvada barhta rahega. santan sukhah- kisi bhi manglvar ko mrigshira nakshatra men niahsantan stri pili kauri ko lal dore men dalakar apni kamar men badhen. santan prapti men a rahi badhane samapt hone lagengi. purvafalguni nakshatra ke din ''baragad vriksha'' ki jar ko niahsantan stri lal dore men dalakar apni kamar ya bain bhuja men badhen. avashya hi santan ka saubhagya milega. rog nivarnah- piramid ke saman nirmit kaksh men rogi ko rakhakar yadi uski chikitsa ki jae to rogi ki sakaratmak urja ki shakti tatha us ko di gayi davaon ki prabhavkarita kai guna barh jati hai tatha rogi ko shidhra hi svasthya-labh milne lagta hai. ''bahere'' ki guthli ko safed dore men dalakar chechak se pirit rogi ke gale men dal den to is rog se utpann kasht shidhra hi kam hone lagte hain. har tarah ke ilaj ke bad bhi dad-khaj, fore-funsi adi jaise charm rog thik nahi ho rahen hon to chikitsa ke dauran hi rogi shanivar ke din ''vakuchi'' ke ikkis bijon ko kale dore men dalakar apne gale men dharan kar len, shidhra hi labh milne lagega. davaon ke bar-bar prayog ke bad bhi yadi nind n ae to pirit vyakti ''kak jangha'' ki jar ko kale dore men dalakar apne sir men bandhen, avashya hi nind aegi. upri dosh se rakshaah- dhup, lohban, ek laung, lal chandan, baslochan, kasturi, kesar, samudrra-sokh, jai, arva chaval, nag kesar, sui, bhalu v bagh ke bal ko bhoj patra men rakhakar apni rashi v lagn ke anukul dhatu ke tavij men dalakar manglvar ya shanivar ko gale men dharan karen. sharir upri dosh ya pret adi se sarvada surakshit rahega. najar dosh nivarnah- ajvain, hing, sat lal mirch, lahsun v pyaj ke chilke ko buri najra dosh se pirit ke sir ke upar se sat bar dhumakar jalti ag men dal den. is prayog ko sat dinon tak dohraen, avashya hi najar dosh ka prabhav samapt ho jaega.
Kya aapko lekh pasand aaya? Subscribe

Kya aapko lekh pasand aaya? Subscribe


upay v totke visheshank  August 2011

tone –totke tatha upayon ka jansamanya ke lie arth tatha vastavikta v sanbandhit bhrantiyan. vartaman men prachlit upayon – totkon ki prachinta, pramanikta, upyogita evan kargrta. vibhinn deshon men prachlit totkon ka svarup, vivaran tatha unke jankon ka sankshipt parichay.

Subscribe

Apne vichar vyakt karein

blog comments powered by Disqus
.