वराह व्रत व वराह जयंती

varah vrat v varah jayanti  

Ank ke aur Lekh | Sambandhit Lekh | Views : 3443 |  
varah vrat v varah jayanti (31-8-2011 ) pan. brajkishor sharma brajvasi jagat ke kalyan hetu jo liladhari bhagvan anekanek avtar lete hain unhin bhagvan vishnu ke tritiya avtar varah ki puja bhadra shukla tritiya ke din ki jati hai jo varah avtar jayanti ke nam se jani jati hai. varah bhagvan ka yah vrat sukh-sampattidayak evan kalyankari hai. jo shraddhalu bhakt is din varah bhagvan ke nam se vrat rakhte hain unke soye hue bhagya ko svayan bhagvan jagrit kar dete hain. varah vrat v jayanti ka vidhan dharmashastron men vibhinn mas v tithiyon men varnit hai. nirnayasindhu prokt varahpurananusar - ''nabhasya shukla panchamyan varahasya jayantika'' yahi varah jayanti hai. dharm sindhu aur nirnay sindhu ke anusar kramshah bhadrapad shukla tritiya (aprahna) evan shravan shukla shashthi tatha chaitra krishn navmi bhi varahjyanti ke rup men manya hai. parantu sabhi panchangon ke anusar bhadrapad shukla tritiya hi varah jayanti ke rup men sarvamanya hai. tathapi bhakt jan paratpar parabrahm ki prasannarth apni bhavnaon ke anusar kisi bhi tithi men ya sabhi tithiyon men vrat v jayanti ka palan kar ihlaukik v adhyatmik labhon ko prapt kar sakte hain. varah avtar katha : sukhsagar katha ke anusar jab brahma srishti ki rachna kar rahe the us samay manu ne brahma ji se kaha, 'manushya ke nivas ke lie sthan pradan kijie.' brahma ji ke nak se us samay varah rup men bhagvan vishnu prakat hue. vishalkay aur parakrami varah bhagvan chalang lagakar athah samudra men kud pare, jahan daityon dvara prithvi ko chupakar rakha gaya tha. vahan se apni darhon par prithvi ko uthakar bhagvan tivra gati se sagr-tal se upar a rahe the. usi samay hiranyakshipu ka bhai hiranyaksh raste men khara ho gaya aur unhen yuddh ke lie lalkarne laga. us samay hiranyaksh ke apashabd par varah rupi vishnu ko krodh aya, parantu krodh par kabu rakhte hue bhagvan varah atyant tivra gati se us or age barhte rahe jahan prithvi ko sthit karna tha. prithvi ko sthapit karne ke pashchat bhagvan hiranyaksh se yuddh karne lage aur dekhte dekhte hiranyaksh ke pran-pakheru ur gaye. varah vrat vidhan : jo bhakt varah vrat rakhte hain unhen vrat tithi ko sankalp karke ek kalash men bhagvan varah ki sone ki pratima sthapit karni chahie. bhagvan ki sthapna karne ke pashchat vidhi-vidhan sahit shodshopchar se bhagvan varah ki puja karni chahie. pure din vrat rakhakar ratri men jagaran karke bhagvan vishnu ke avtaron ki katha- kahani sunni chahie. agle din kalash men sthit varah bhagvan ki puja karne ke bad visarjan karna chahie. visarjan ke pashchat us svarn pratima ko brahman acharya ko dan dena chahie. varah vrat ka palan karne vale vrati ko chahie ki vah pratah kalin suryoday ki bela men jagakar snanadi krityon ko purnakar sankalp le ki 'aj main varah bhagvan ke vrat ka niyamanusar palan karunga' aur prabhu varah se prarthana karen ki 'bhagvan, ap mujhe shakti, bal, tej pradan karna, jisse ki main apke vrat v puja vidhan men samarth ho sakun.' aprahn kal men nirahar rahakar bhagvan varah ka shodshopchar pujan karen, varah bhagvan ke prakatya ki divya lila-charitra ka pathn-pathan shravan karen, mantron ka mansik jap karen. tatpashchat brahman v abhyagat atithiyon ko dan dekar bhagavat prasad grahan karen. ratrikal men nam sankirtan karte hue ratri vyatit karen, to nishchay hi varah bhagvan ki kripa se jo anand devtaon v manu v shatrupa ko hua tha, vahi anand vrati ko bhi prapt hota hai. lagatar dvadash varshon tak vrat ka palan karne vala vrati dharm, arth kam, moksh namak charon purusharthon ka labh prapt karta hai. bhakt prahlad, dhruv v devarshi narad ki bhanti bhagvan ki priyata ko prapt karta hai. ihlaukik v parlaukik sukhon ko bhogta hua janm-maran ke bandhan se mukt ho jata hai. jis paratpar koti-koti brahmand nayak, akhileshvar, purneshvar, jagdishvar ajanma, avinashi parmatma ki charan dhuli ko bare-bare gyani sant-mahatma,mahapurush apne sir par dharan karne ki ichcha karte hain, vrat ke prabhav se vrati us charan dhuli ko sahjta men hi sir par dharan karne ki bat to dur, nitya-nirantar usmen lin rahne v snan karne ki patrata ko prapt hota hua parmdham ko prapt ho jata hai. yah vrat vrati ki prakat v aprakat donon hi kamnaon ko purn karne vala hai. vishesh mantra : ¬namo naraynay . ¬varahay namah. ¬sukray namah . ¬dhritsukrrupkeshvay namah. ¬puran purushottamay namah .
Kya aapko lekh pasand aaya? Subscribe

Kya aapko lekh pasand aaya? Subscribe


upay v totke visheshank  August 2011

tone –totke tatha upayon ka jansamanya ke lie arth tatha vastavikta v sanbandhit bhrantiyan. vartaman men prachlit upayon – totkon ki prachinta, pramanikta, upyogita evan kargrta. vibhinn deshon men prachlit totkon ka svarup, vivaran tatha unke jankon ka sankshipt parichay.

Subscribe

Apne vichar vyakt karein

blog comments powered by Disqus
.