उपाय विचार

upay vichar  

Ank ke aur Lekh | Sambandhit Lekh | Views : 5294 |  
upay vichar abha bansal, fyuchar point samasyagrast jivan men vyakti sada-sarvada kathinaiyon se bahar niklne ka rasta dhundhta rahta hai. samasyaen vyakti ki niyati hain jise badlna kathin to jarur hai, par asanbhav nahin. mantra, jap, dhyan, dharna tatha jyotishiya samagri adi upayon se vyakti kafi rahat pa sakta hai. yah bat aksar puchi jati hai ki kya upay vastav men karagar siddh hote hain ya in upayon ko karne se hamen nishchit rup se labh hoga, to main yahi kahti hun ki upay karte samay dharmik astha ka hona avashyak hai. yadi apka ishvar men ya dharm ke prati vishvas hai to nishchit rup se apke man ko shanti milegi aur upay ka asar apko mahsus hoga. yah astha adharit nidan hai aur uska sthan har dharm men hai. agla prashn hota hai ki kya upay bhagya badal sakte hain har vyakti ka bhagya bahut balshali hota hai lekin bhagya ka badal pana kathin to jarur hai par asanbhav nahin. bhagya ke rachyita bhagvan ya fir bhagvan ke avtar ya bhagvan jaisa saksham koi siddh purush jis par ishvar ki vishesh kripa hui ho jaise ki shirdi ke sai baba nishchit rup se hamara bhagya badal sakte hain. iske sath hi jatak bhi apne guru se ashirvad prapt kar bhakti-yog, hath-yog, mantra-yog, kundlini yog v shri vidyaupasna se apne bhagya ko badal sakta hai. iske bad prashn uthta hai ki upay kis prakar se hamare jivan men prabhav dalte hain. dekhiye, jis tarah se ek marij doktar ke pas ilaj ke liye jata hai to chikitsak samasya ki jar tak pahunch kar bimari ka ilaj karne hetu davai batata hai lekin yadi bimari lailaj hai to use bhagvan ke sahare chor dete hain. isi tarah vyakti ko mrityu ka bhay ho, kundli ke anusar eksident ki ashanka ho to mahamrityunjay jap yagya dvara akasmik mrityu ya durghatana ko roka ja sakta hai. ya fir kort ka mukdma chal raha ho to baglamukhi yagya se shatru dvara hone vali hani ko kam kiya ja sakta hai. parantu yadi us vyakti ke bhagya men kam jina likha hai ya fir shatru se harna hi likha hai to upay v upchar bhi use nahin bacha sakte. aise men keval ishvar hi uski madad kar sakte hain. jaise savitri apne pati satyavan ko maut ke munh se nikal kar le ai thi. shastron men sahi kaha gaya hai- aushdhi, mani mantranan, grah nakshatra tarika, bhagya kale bhavetsiddhi, abhagyam nishfalam bhavet. arthat aushdhi, mantra aur ratn un samasyaon ya bimariyon ko kam karte hain jo ashubh grah v nakshatron ke karan hoti hai. lekin samay anukul hone par hi ye upay sahayak siddh hote hain. anyatha pratikul samay men ye upay kam nahin karte. ab jarurat hai upay ke chunav ki. shastron men upayon ke rup men ratn, rudraksh, yantra, mantra, stotra, yagya, mala adi ki vyakhya ki gai hai lekin yadi ek bhi upay pure vishvas v astha se kiya jae to nishchit rup se labh milta hai. aushdhi, mantra aur ratn un samasyaon ya bimariyon ko kam karte hain jo ashubh grah v nakshatron ke karan hoti hai par yadi samay anukul hai. tabhi ye upay sahayak siddh hote hain. ek bahut hi saral upay apne isht devta ya devi ka pujan karna hai ya fir us devta ya devi ka pujan karna jo kundli ke vishesh grah ke dushprabhav ko kam kar sake. jaise surya ke ashubh prabhav ko dur karne ke lie matangi devi ya surya devta ki aradhna karen. chandra ke lie bhuvneshvari devi ya shiv ji ka pujan karen. mangal ke lie baglamukhi devi ya hanuman ji ya kartikey ki puja karen. rahu ke lie chinn masta, durga ya sarasvati ki puja ya jap. guru ke lie tara devi shani ke lie kali devi, ya shiv ji ki, budh ke lie, tripur bhairvi ya vishnu ki, ketu ke lie dhumavti devi ki, tatha shukra ke lie kamla devi arthat maha lakshmi ki arthat in devi-devtaon ki puja, mantrochcharan, yagya, stotra v jap se ki jati hai. maharshi parashar ne bhi vibhinn grahon ko devtaon se joda hai aur har prakar ki samasya ke samadhan ke lie vibhinn stotron dvara upay batae gaye hain. grahon ki rashi se bhi upay ka nirdharan kiya jata hai jaise agni tatva rashi ke grah ke lie havan, yagya v vrat se labh hota hai. prithvi tatva rashi ke grah ke lie ratn, yantra ya dhatu dharan karen . vayu tatva ki rashi ke lie mantra, jap, katha, puja se labh. jal tatva ki rashi ke lie dan-dakshina, jal-visarjan v aushdhi snan. yadi kundli men yog karak grah balvan hai to ratn v yantra ko dharan karne v puja karne se labh hoga. yadi marak grah balvan hai to vastuon ka dan v jal visarjan karna chahie ya fir mantrochcharan v dev darshan se labh hota hai. ab ham vibhinn upayon ke bare men sankshep men janenge. ratn : ratnon se gupt shakti, kirnpat v urja prapt hoti hai vibhinn prakar ke ratnon men vibhinn prakar ki urja hoti hai jo hamare sharir men pravesh kar jivan men badlav karne men saksham hoti hai ya fir vyakti yadi yogkarak grah ka ratn dharan kare to vah grah aur adhik bali ho kar shuabh fal dene men saksham ho jata hai. rudraksh : rudraksh men vidyut-chunbkiya gun hote hain jo vyakti ke sakaratmak gunon men vriddhi karte hain aur nakaratmak paksh ko mitate hain. pratyek grah ke liye alag rudraksh dharan ka vidhan hai. surya ke lie ekmukhi rudraksh, chandra ke lie domukhi rudraksh, mangal ke lie tinmukhi rudraksh, budh ke lie charmukhi rudraksh, guru ke lie panchmukhi rudraksh, shukra ke lie chahmukhi rudraksh, shani ke lie satmukhi v chaudah mukhi rudraksh, rahu ke lie athmukhi rudraksh, ketu ke lie naumukhi rudraksh. yantra : yantron men mul shaktiyan hoti hain aur ve ek kavach ki bhanti hamari raksha karte hain. mantra : mantrochcharan bhi hamare andar spandan paida karta hai aur hamare vyaktitva v buddhi ka vikas karta hai. parad : parad shivling ki puja se shiv ji ka ashirvad turant prapt hota hai. sfatik : prakash v urja ka ek shaktishali madhyam hai. rang : rang-chikitsa, hamare sharir ke urja chakro ko santulit karti hai aur inmen vriddhi karti hai. yagya : atharvaved men yagya ko is srishti ka adhar bindu mana hai aur kaha hai ayan yagyao vishvasya nabhiah . yagya sarvadhik faldayi hote hain. hamari paristhitiki ko bhi thik rakhte hain. upay karte samay dharmik astha ka hona avashyak hai. yadi apka ishvar men ya dharm ke prati vishvas hai to nishchit rup se apke man ko shanti milegi aur upay ka asar apko mahsus hoga. bhagya ke rachyita bhagvan nishchit rup se hamara bhagya badal sakte hain ya fir bhagvan ke avtar ya bhagvan jaisa saksham koi siddh purush jis par ishvar ki vishesh kripa hui ho isi tarah pranayam, dan, arghya, vrat, dev darshan, aushdhi snan, jal visarjan adi anya upay bhi kundli ke vishleshan ke anusar bataye jate hain.
Kya aapko lekh pasand aaya? Subscribe

Kya aapko lekh pasand aaya? Subscribe


upay v totke visheshank  August 2011

tone –totke tatha upayon ka jansamanya ke lie arth tatha vastavikta v sanbandhit bhrantiyan. vartaman men prachlit upayon – totkon ki prachinta, pramanikta, upyogita evan kargrta. vibhinn deshon men prachlit totkon ka svarup, vivaran tatha unke jankon ka sankshipt parichay.

Subscribe

Apne vichar vyakt karein

blog comments powered by Disqus
.