गंडमूल नक्षत्र

gandmul nakshatra  

Ank ke aur Lekh | Sambandhit Lekh | Views : 25281 |  
gandmul nakshatra vichar goshthi prashn : gandmul nakshatron ka jatak par kya prabhav hota hai? kya yah prabhav bari avastha men bhi bana rahta hai? in nakshatron ke upay kab aur kaise kiye jane chahie? gandmul nakshatron men jatak ka janm hona shubh nahin mana gaya hai. kisi bhi gandmul nakshatra men jatak ka janm hone par ashubh falkarak sthiti banti hai jismen samay ki bhinnata ke anusar ashubh fal bhinna-bhinn prakar se ghatta hai. gandmul nakshatron ki ashubhta ka karan inke tritiyanshon ki sandhi par parne se hi jura hua hai. kisi bhi chij ki sandhi ke samay ko shubh nahin mana gaya hain. ''sandhi ya sankraman kal sadaiv ashubh, hanikarak, kashtadayak v asmanjspurn hota hai'' jaise rituon ke sandhikal men rogon ki utpatti hoti hai, do margon ki sandhi par chetavni suchak pat lage hote hain, shasan, prashasan ke sandhikal men janta ko kasht hota hai tatha vardan prapt karne par bhi hiranyakashyapu ka jis prakar ant hua vah bhi sandhi ka hi udaharan hai. atah gandmul nakshatron men janme jatak par nakaratmak prabhav to avashya parta hai vishesh rup se janm samay se hi balak ko svasthya sanbandhi samasyaon ka samna karna parta hai tatha mata-pita par bhi iska dushprabhav kai bar vyavharik rup se dekha ja sakta hai. prakriti ne kuch nakshatron ko nirdharit kar rakha hai jismen janm se lekar jatak apna hisab-kitab barabar karta hai, karvata hai. inhin vishesh nakshatron ashvini, magha, mul, ashlesha, jyeshtha, revti ko gandmul nakshatra kaha jata hai. yahan par prashn yah uthta hai ki inhin nakshatron ko arisht kyon mana gaya hai to iska karan yah hai ki 27 nakshatron men se in chah nakshatron ke kramon men tin sthan aise ate hain jahan nakshatra evan rashi donon hi samapt ho jate hain. ek rashi evan nakshatra ki samapti hone evan dusre nakshatra evan rashi ke praranbh hone vale bindu ko sandhi kaha jata hai aur in sandhikal ka vivaran yah hai ki- 1. kark rashi ka antim bhag jahan kark rashi aur ashlesha nakshatra samapt hote hain kyonki kark rashi men punarvasu nakshatra ka ek charan 30-20' kala ka tatha pushya ke char charan 130-20' kala ke tatha ashlesha ke pure charo charan 130-20' kala milakar 300 ki ek rashi purn kar dete hain. atah yah sthan do nakshatron v rashi ka sandhi sthal sanvednshilbindu hai kyonki yahan se kark rashi v ashlesha nakshatra samapt hokar sinh rashi evan magha nakshatra ka praranbh hota hai. 2. isi prakar dusra sanvdenshil bindu vah hota hai jahan par jyeshtha nakshatra evan vrishchik rashi ki samapti hoti hai tatha mul nakshatra tatha dhanu rashi praranbh hoti hai. 3. tisra sanvednshil bindu hain jo revti nakshatra evan min rashi ka samapti kal hai tatha ashvini nakshatra evan mesh rashi ka praranbh hai. uprokt sandhi sthalon par utpann hone vale jatak gandmul nakshatron men utpann hone vale jatak hote hain tatha inka janm jyotish shastron ke drishtikon se arishtakarak hota hai kyonki in nakshatron men paida hone vale jatkon ko n to pichli rashi, nakshatra tatha n hi praranbh hone vale nakshatra evan rashi ka fal prapt hota hai. gandmul ka prabhav : gandmul nakshatron ka prabhav purn jivan bhar (bari avastha) tak bahut kam ho jata hai. shastron ke anusar pratyek nakshatra prabhav avdhi ka vivaran nimn anusar hai. rat men jatak ka janm ho aur gandant dosh ho to mata ko bahut kashtakari hota hai. din gand men kanya ka janm ho aur rat men purush jatak ka janm ho to yah dosh bahut kam balki n ke barabar ho jata hai. gandmul nakshatra ki shanti vapas usi nakshatra ke ane par 27 din bad ki jani chahie. shanti ke bad hi pita ko bachche ka munh dekhna chahiye. 6 mah v 12 din men shanti karne ka vidhan bhi kuch jyotishacharyon ne mana hai. narad ka mat : mul, jyeshtha v ashlesha ye tin gand karak hote hain. ashvini, revti aur magha ye tin apgand nakshatra hote hain. mul, jyeshtha v ashlesha ki antim char ghari (1.36 mint) gand kahlati hai. samanyatah in tinon nakshatron ko gand mana hai. mul aur jyeshtha ka bura prabhav din men, ashlesha aur magha ka bura prabhav ratri men, ashvini aur revti ka bura prabhav sayan kal men hota hai. ashvini ka pratham charan, magha ke pahle do charan v revti ka antim charan anisht karak hota hai. gandmul nakshatron ka jatak par kya prabhav hota hai? ashvini : mesh rashi evan ketu ke is nakshatra men paida hue jatak sundar, saubhagyayukt, chalak, stri priya, shurvir, buddhiman, drirhnishchayi, jaldabaj, nirog, rajapaksh se labh kamane vale aur sangharshamay jivan vyatit karte hain. ashvini pratham charan : pita ke lie kashtakarak. dusra charan : adhik paisa kharch karne vale. tisra charan : ghumne vala (bhramnshil) chautha charan : apne sharir ke lie kashtakari ashlesha nakshatra : kark rashi v budh ke nakshatra men paida huye jatak shighra hi badal jane vale, dhanvan, kalakar, chatur buddhi, logon ke kam karne men tatpar, khane-pine ke shaukin v hansmukh hote hain. agar yah nakshatra pap grahon ke prabhav men ho to jatak dhurt, krur karya karne vala, parastrigami, vyasni, svarthi tatha shighra kruddh ho jata hai. ashlesha pratham charan : vishesh dosh nahin. dusra charan : paitrik dhan hani tisra charan : mata ya sas ke lie arisht karak chaturth charan : pita ko kashtakari magha nakshatra : surya ki rashi sinh evan ketu ke nakshatra men paida huye jatak spashtavadi, munhafat, jaldi gussa karne vale v hathi prakriti ke hote hain. kathor man vala aur stri paksh se dvesh rakhne vala hota hai. magha pratham charan : mata ya matri paksh ko hani. dusra charan : pita ko arisht tisra charan : shubh faldayak chautha charan : vidya aur dhan ke lie shubh hota hai. jyeshtha nakshatra : mangal ki rashi (vrishchik) budh ke is nakshatra men paida huye jatak krodhi, saral hriday, adhyaynshil, spashtavadi, tarkashil, vakyuddh men pravin, dharmik, sahyogi v ahankari hote hain. jyeshtha pratham charan : bare bhai ko arisht dusra charan : chote bhai ko arisht tisra charan : mata ya nani ko arisht chautha charan : jatak svayan ko anishtakari jyeshtha nakshatra ke sanpurn man ko das bhagon men vibhajit karen. yadi jyeshtha nakshatra ka kul man 60 ghari hai to 10 dvara bhag dene par pratyek khand ka man 6 ansh hoga. iska fal niche likhe vibhag sankhya dvara nirdisht kiya gaya hai. mul nakshatra : ketu ke nakshatra aur guru ki rashi dhanu men paida jatak dharmik, udar hriday, dhani, imandar, milnsar, paropkari, nitivan, samajik karyon men vyast aur achche sanskaron se yukt hote hain. samanyatya samast mul nakshatra ko arisht karak mana gaya hai. mul nakshatra men paida huye jatak ka shuru evan ant ki ghariyon men vidvan acharyon men matantar paya jata hai. mul pratham charan - pita ka nash dusra charan - mata ka nash tisra charan - dhan ka nash chautha charan - jatak sukhi, dhani mul nakshatra ke sanbandh men anek mat prachlit hain. lekin jayarnav namak granth men mul nakshatra ke bare men vishesh paddhati se bataya gaya hai joki prachlit tatha manyataprapt hain. mul nakshatra ka sanpurn man 60 ghari hai. ise 8 vibhagon men banta hai. is prakar 7+8+10+11+12+5+4+3 = 60 ghari. ab dusre prakar se anisht dekhte hain. sanpurn mul nakshatra ke man ko 15 se vibhajit karen. dekhen ki janm samay mul nakshatra ke kitne ghari pal vyatit ho chuke hain. jis khand men janm ho, iske anusar anisht fal hoga. 1. pita 2. pita ka bhai 3. bahnoi 4. pitamah 5. mata 6. mausa 7. mama 8. tai ya chachi 9. sarvasva 10. pashu 11. naukar 12. svayan jatak 13. bara bhai 14. bahan 15. nana. revti nakshatra : budh ke nakshatra aur guru ki rashi min men paida huye jatak dhanvan, sundar, tarkashil, vidyavan, putra evan kutunb se yukt, buddhiman, dharmik adhyaynshil, saral svabhav ke hote hain. revti ke pratham charan : raja ke saman vaibhvshali dusra charan : mantri ke saman sukhi tisra charan : dhanvan chautha charan : mata-pita ke lie arishtakari. keval nakshatra gandant par hi vichar nahin kiya jata apitu tithi evan lagn ke bhi gandant ka vichar kiya   jata hai. kya gandmul nakshon ka prabhav bari avastha men hota hai? keval gandmul nakshatra dekh kar jatak ki ayu mata-pita, bhai-bahan aur apne liye arisht falon ki vyakhya karna uchit nahin. jyotish men aur bhi shubh yog hain jo jatak ko uski ayu aur shubh fal dene men sarthak hote hain. bari avastha men gandmul nakshatron ka balhin hona : mul ka arisht bachapan men hi hota hai. yadi kundli men niche likhit praman mile to bari avastha men inka balhin hona svabhavik hai. nakshatra gandant par apvad : vashishthaji ka mat hai ki agar jatak ka ratri men mul nakshatra ke pratham charan men athva din men mul ke dusre charan men janm ho to jatak mata-pita ke liye arisht karak nahin hota. gargacharya ka mat hai ki ravivar ko ashvini, budh ya ravivar ko hast, chitra, svati anuradha, jyeshtha athva revti nakshatra men janm ho to trividh gandant ka dosh nahin hota. chandrama ki shubh sthiti men kundli men kendra aur trikon men shubh evan uchch ke grahon ki sthiti men gandmul nakshatron ka prabhav balhin ho jata hai. mantreshvar maharaj ne bahut sundar likha hai ki lagn aur lagnesh ke balvan hone se sari kundli sudhar jati hai. trikon (5, 9) v kendra (1, 4, 7, 10) men balvan budh hone par 100 doshon ka tatha balvan shukra hone par 200 doshon ka aur balvan guru hone par ek lakh doshon ka nash ho jata hai. isi tarah lagnesh kendra ya lagn navanshesh ho to vah bhi dosh samuh ko is prakar shant karta hai jaise agni rui ko jala deti hai. shubh rashi men purnima ke chandrama par shubh grahon ki drishti balarisht ko nirbal banati hai. lagn par purnima ke chandrama ki drishti aur guru kendra men ho to jatak ki ayu barh jati hai. janm samay men shubh grahon ki dasha bhi jatak ki bari avastha men gandmul nakshatron ke arisht fal ko balhin karti hai. vashishth ke mat se jatak ka abhijit men janm hone par samast gandant dosh shant ho jata hai. mul nakshatra vas vichar yadi janm lagn v janm mas ke anusar mul ka vas bhumi par ho to vishesh kasht hota hai. svarg v patal men vas ane par tulnatmak dhang se kam kasht hota hai. gandmul nakshatron ke upay kab karna chahiye? jis gand mul nakshatra men bachche ka janm ho vahi nakshatra 27 din ke bad ae ya janm se 12ven din athva athven varsh men jab kabhi bhi shubh samay men apna janm nakshatra ho. isi nakshatra men kisi suyogya brahman dvara nakshatra, grah, devi-devtaon ka pujan aur havan karana chahie. yah mat bahut prachlit hai. gandmul nakshatron ke upay : sutak samapt hone ke bad pita gandmul nakshatra ki shanti karne ke bad putra ka munh dekhen. tithi gand men bail ka dan, nakshatra gadant men godan, lagn gandant men sone ka dan karne se bhi dosh nivaran hota hai. shanti ki vidhi : nakshatra devta (ashlesha ke devta nag, magha ke pitar, jyeshtha ke indra, mul ke nriti revti ke pusha, ashvini ke ashvini kumar) ki 3 gram sone ki murti. sone ki murti ke abhav men tanbe ki murti bhagvan vishnu ki bhi rakh sakte hain. purn patra : tanbe ya stil ka bartan chaval dalne ke lie pratyek kalash men dalne yogya dravya purva disha : is disha men sthit kalash men dalne yogya vanaspatiyan evan dravya-dev daru, shvet chandan, lal chandan, kamal gatta, nilofar, kangni, kut, nagar, motha, anvle, vach, sarson, agar, tagar, mura, mansi shuddh jal . dakshin disha : is disha men sthit kalash men dalne yogya dravya panchamrit (godugdh, goghrit, godhi, shahad aur mishri), gajamad, saptadhanya (jau, til, gehun malkganni mung, chaval aur chane) sona, shuddh jal. pashchim disha : is disha ke kalash men ghursal, hathi aur sher ke panv ke niche ki mitti, rajdrbar ki mitti, jangli suar dvara khodi gayi mitti, gaushala aur chaurahe ki mitti. uttar disha : is disha ke kalash men panch ratna- munga, manikya, hira nilam aur moti, panch pallav-pipalabaragad, dhak, gular aur jamun ke patte, kadanb, nim, imli, am ke patte, sat nalkupon ka jal. pancham kalash : char kalshon ke bich 27 chidron vala kachcha ghara, ismen rakhne ke lie shataushdhiyan . gandmul nakshatron ke shanti karne ke upay aur vidhi : samatal bhumi par svachch sthan men gay ke gobar se lipakar mandap banaen. yah mandap ghar ke purva ya uttar disha men hona chahie. mandap ka nap pita ke hath se 8 hath ya 4 hath vargakar banayen. charon taraf kele ki tahniyan toran adi banayen. mandap ke bahar havan kund banayen. ismen yagya shastra ki vidhi ka anusaran karen. yajman, uski patni aur svayan pandit ji apne-apne uni asan bicha len. ganga jal dvara mishrit jal dvara mantra uchcharan karte huye asan shuddhi aur bhagvan vishnu ka dhyan karte hue tin bar mantrapurvak achaman karke yajman sapatnik purva disha ki or mukh karte huye apne-apne asan par baith jayen. ek lakri ki chauki par sath lage chitra ke anusar haldi se tilak mandal bana len jismen shri ganesh, surya adi navagrah kalash sthapna karen. 64 yogini, shodash matrikaon, kkakar, brahma, vishnu, mahesh, shri durga, lakshmi, nag, nakshatra devta ki 3 gram sone ki murti rakhen. sone men sabhi devtaon ka nivas hota hai. charon dishaon men char kalash, pital ya tanbe dhatu ke bane huye, panchva ruddh kalash ishan kon men, ek madhya men kachchi mitti vala 27 chidron se yukt ghara sthapit karen. kalshon men vibhinn aushdhiyan, vanaspatiyan, sat kuon ya tirthon ka jal panchagavya (gomutra, goghrit, go dahi, gobar yukt jal, go dugdha) shatoshdhi rakhen. iske bad pandit ji svasti vachan se gandmul shanti prakriya shuru karen. adhidev ke rup men indra ki pratyadhidev ke rup men jal ki puja karen. uske bad pradhan dev v mahadev ji ki prityarth havan karen. uski 108 ahutiyan dalen. mrityu tulya kasht hone ke nivaran men trayanbak mantra ka jap aur havan karen. bad men lakri ki patri par baithakar mata-pita v jatak acharya ka abhishek karen. bad men kachcha kalash jo chidron vala hai usmen shataushdhi, sat kuon ka jal evan samast kalshon ke jal ko dalte huye yajman ko snan karayen. acharya ko dudh dene vali gay ka dan, dakshina aur bhojan karayen.
Kya aapko lekh pasand aaya? Subscribe

Kya aapko lekh pasand aaya? Subscribe


upay v totke visheshank  August 2011

tone –totke tatha upayon ka jansamanya ke lie arth tatha vastavikta v sanbandhit bhrantiyan. vartaman men prachlit upayon – totkon ki prachinta, pramanikta, upyogita evan kargrta. vibhinn deshon men prachlit totkon ka svarup, vivaran tatha unke jankon ka sankshipt parichay.

Subscribe

Apne vichar vyakt karein

blog comments powered by Disqus
.