कौन सा उपाय कब करें !

kaun sa upay kab karen !  

Ank ke aur Lekh | Sambandhit Lekh | Views : 2223 |  
apne bhagya se kinchit hi koi santusht hoga. jiske pas jo hai usse adhik pane ki cheshta sadaiv rahti hai. kashton ka nivaran v bhavishya men ane vale duahkhon se chutkara sabhi prapt karna chahte hain. jyotish shastra men grahon ki sthiti v balabal ke anusar anek prakar ke upay batae gae hain jaise:- ratn dharan, rudraksh dharan, dev darshan, mantrochcharan, yantra v vastu sthapna, dan, jari buti upyog, snan, visarjan, havan, jamin men garna adi. pratyek upay ka vishesh upyog hai. kab kaun sa upay karen, aie, ise janen: 1. ratn dharn: ratn grah se a rahi rashmiyon ko sokhakar sharir ko pradan karta hai. islie shubh grahon ki rashmiyon ko adhik matra men prapt karne ke lie un grahon ke ratnon ko dharan kiya jata hai. yadi grah kamjor ho to ratn dharan se turant labh prapt hota hai. 2. rudraksh dharn: shivji ke ansuon se rudraksh ki utpatti mani gai hai. atah isk¨ dharan karne se shivji ki purn kripa prapt hoti hai. durlabh ek mukhi rudraksh to purn rup se shivji ka hi pratik hai. rudraksh 1 se 21 mukhi tak pae jate hain. inmen 4, 5 v 6 mukhi rudraksh am taur par pae jate hain. inme bhi 5 mukhi hi sabse adhik prapt hota hai. jo grah ashubh sthan par baitha ho, uski ashubhta kam karne ke lie v shubhta barhane ke lie rudraksh dharan karte hain. atah jin grahon ke ratn dharan nahin kar sakte unke rudraksh dharan karna shreyaskar hota hai. 1 mukhi-surya, 2 mukhi-chandra, 3 mukhi-mangal, 4 mukhi-budh, 5 mukhi-guru, 6 mukhi-shukra, 7 mukhi-shani, 8 mukhi-rahu, 9 mukhi-ketu, 10 mukhi-vyavsay, 11 mukhi-labh, 12 mukhi-videsh yatra, 13 mukhi- akarshan v najar dosh, 14 mukhi-shani ka vishesh prabhav, 15 mukhi-arth, 16 mukhi-rahu dosh mukti, 17 mukhi-sarvarthasiddhi, 18 mukhi- sarva dosh mukti, 19-sarvakarya siddhi, 20-dhanarjan v vyavsayik unnati, 21 mukhi-sarvadosh nivaran v shani dosh hanan hetu pahnna chahie. iske sath hi kuch vishesh prakar ke rudraksh prapt hote hain. jaise- ganesh rudraksh - vighn nashak, gauri shankar rudraksha- vaivahik sukh, gauri ganesh rudraksh - santan sukh v trijuti rudraksh - sarvamangal prapti hetu dharan kie jate hain. 3. dev darshana: kisi bhi grah ki ashubhta ko nyun karne men us grah ke pratishthit dev darshan se labh prapt hota hai. jaise mangal v shani ke lie hanuman ji ki, guru ke lie vishnu ji, budh ke lie ganesh ji, shukra ke lie durga ji, chandra ke lie shiv ji ya krishn ji, surya ke lie shri ramji adi. 4. mantrochcharn: yadi grah vayu tatva rashi men baitha ho, to uske mantrochcharan se shighra labh prapt hota hai. grah ke tantrik mantra vishesh labhdayi hain. purn kasht nivaran ke lie sava lakh mantron ka jap, taduprant havan ityadi karna chahie. 5. yantra sthapna: grah ya dev mantra jap ke sath yadi uska yantra bhi sthapit kar liya jae to jap ka asar anek guna v adhik samay tak prapt hota hai. kahte hain yantra men dev murti se sau guna urja hoti hai. yantra bhi mantra dvara jagrat hone ke pashchat hi fal dayak hote hain 6. vastu sthapna: anek doshon ko dur karne ke lie vishesh chitra, ghantiya, piramid, adi ki sthapna ki jati hai jo ki vatavaran ki ashuddh urja ko samapt kar shuddh urja ko barhate hain. 7. dan: jo grah ashubh v balvan ho, unki vastuon ke dan se unki ashubhta ka hanan hota hai jaise surya ke lie lal masur dal ka dan, chandrama ke lie jal ka dan, mangal ke lie gur ka dan, budh ke lie hare chare ka dan, guru ke lie pili dal ka dan, shukra ke lie chaval, shani ke lie sarsane ke tel, rahu ke lie kale kanbal v ketu ke lie sapt dhanya ka dan. 8. jari-buti upyog: pratyek grah ki kuch jari butiyan hain. grahon ko balvan karne ke lie unki jari butiyon ka sevan karna chahie ya pani men bhigokar unse snan karna chahie. 9. visarjana: kisi bhi jal tatva rashi sthit grah ki ashuubhta ko dur karne ke lie us grah ki vastuon ka visarjan karna uttam upay hai. jaise surya ke lie lal kapre men bandhakar malka, masur ki dal ka visarjan, chandrama ke lie gangaji men dudh visarjan, mangal ke lie gur visarjan, budh ke lie sabut mung visarjan, guru ke lie haldi ki ganth, shukra ke lie dahi v khir visarjan, shani ke lie kale chane, rahu ke lie koyle v ketu ke lie nariyal visarjan. 10. havn: ashubh grahon ko shubh banane ke lie havan karna chahie. yadi grah agni tatva rashi men baitha hai to fal shighra prapt hote hain. 11. jamin men garna: yadi grah bhumi tatva rashi men ho to grah ke padarth bhumi men garne se uski ashubhta samapt hoti hai. kai bar anjane men ham shubh grah ki vastuon ka visarjan ya dan adi kar dete hain jisse uske bal men kshinta ati hai v shubhta men nyunta ati hai. atah grah kis rashi men kis bhav men sthit hai uske anusar uski shubhta ashubhta ka gyan kar upay chayan karna chahie jisse us grah ke purn labh prapt ho saken.
Kya aapko lekh pasand aaya? Subscribe
Kya aapko lekh pasand aaya? Subscribe


upay v totke visheshank  August 2011

tone –totke tatha upayon ka jansamanya ke lie arth tatha vastavikta v sanbandhit bhrantiyan. vartaman men prachlit upayon – totkon ki prachinta, pramanikta, upyogita evan kargrta. vibhinn deshon men prachlit totkon ka svarup, vivaran tatha unke jankon ka sankshipt parichay.

Subscribe

Apne vichar vyakt karein

blog comments powered by Disqus
.