जन्माष्टमी निर्णय

janmashtami nirny  

Ank ke aur Lekh | Sambandhit Lekh | Views : 2932 |  
hal hi men janmashtami 1 v 2 sitanbar ko manai gai. vrindavan v anek mandiron men 1 sitanbar ko v mathura, birla mandir adi men 2 sitanbar ko. sarkari chutti bhi 2 sitanbar ko thi atah adhikansh logon ne bhi isi din yah parva manaya. lekin yadi nirnay sindhu adi dharm shastron ko dekhen jinmen parva sunishchit karne ke niyam vistar se die gae hain to yah parva 1 sitanbar ko hi manana dharmochit tha. is prakar ka antar aksar sany v ratri viddha tithi vale parvon men dekha ja sakta hai jaise shivratri, holi, janmashtami, dhanteras, narak chaturdashi v dipavli ityadi. janmashtami v dipavli men yah sandeh aksar dekha jata hai kyonki donon hi madhya ratrikalin parva hain. pratahkal ek tithi hoti hai to prayah ratri men dusri tithi hoti hai. yahi sanshay ka karan banta hai. punah jis din sarkari chuti ho to vah mukhya karan ban jata hai parva ke us din manane ka. dekha gaya hai ki sarkar kailendar banate samay adhik tavajjo nahin deti aur yah karan ho jata hai hindu tyoharon men aniyamittaon ka. aie dekhte hain ki dharm shastra ka janmashtami ke lie kya mat hai aur vastav men yah parva kis din arthat 1 ya 2 sitanbar ko manana chahie tha? nirnay sindhu ke anusar - 1. krishnashtami do prakar ki hoti hain - janmashtami aur jayanti. vrat krishnashtami ko karna chahie. 2. din v ratri ke samay yadi rohini nakshatra jara bhi n ho to chandroday ke samay rat ke samay ki ashtami ko janmashtami manana chahie. keval ashtami ko hi vrat karna chahie. 3. yadi bhadrapad ki krishn paksh ki ashtami rohini nakshatra se yukt ho to vah jayanti kahlati hai. rohini nakshatra ka yog rat aur din donon men ho to shreshth, keval arddharatri men ho to madhyam aur keval din men ho to adham mana jata hai. 4. yadi ashtami aur rohini ka yog purn ahoratri men n bhi ho tatha thora sa samay bhi ahoratri ka ho to usi din janmashtami ka vrat karna chahie. 5. ardharatri ke samay hi rohini yog men jayanti hoti hai. kisi aur tarah se nahin hoti. 6. pahle aur agle din yadi rohini nakshatra ka yog ho jaye to janmashtami bhi jayanti ke bich men a jati hai tab janmashtami ka vrat alag se nahin karna hota. 7. adhi rat ke samay yadi ashtami ho jaye to usmen shri krishn ka pujan karne se tin janm ke pap dur hote hain. pahle din ardharatri men yog n ho to agle din uski stuti ke nimitt hai. 8. is vrat men adhi rat ka vedh hi grahan karna chahie kyonki vahi samay mukhya kaha gaya hai. madhviya men likha hai ki ashtami aur shivratri adhi rat se pahle ghari bhar bhi ho to lena chahie. bhavishyapuran men likha hai ki krishn paksh ki ashtami ko adhi rat ke samay rohini nakshatra men shri krishn ka pujan karne se tin janm ke pap dur hote hain. vashishth sanhita men likha hai ki adhi rat ko rohiniyukt ashtami hi mukhya samay hai kyonki svayan bhagvan usmen pragat hue the. 9. ashtami do prakar ki hoti hai. 1. rohini rahit 2. rohini yukta rohini rahit ashtami char prakar ki hoti hai - 1. pahle din jo adhi rat men ho 2. agle din adhi rat men ho 3. donon din adhi rat men ho 4. donon din adhi rat men n ho in charon men se pahli donon men karmakal vyapini leni chahie kyonki bhrigu ne likha hai ki janmashtami, rohini tatha shivratri purva tithi se viddha (praranbh) hi leni chahie. agli donon men agli tithi hi leni chahie, kyonki usmen pratahkal sankalp kal vyapini hoti hai. rohini yukt ashtami bhi char prakar ki hoti hai- 1. pahle din adhi rat men rohini se yukt ho 2. agle din adhi rat men rohini se yukt ho 3. donon din adhi rat men rohini se yukt ho 4. donon din adhi rat men rohini se yukt n ho padmapuran v garur puran ke anusar saptami rohini yukt viddha janmashtami men hi vrat karna chahie. vahnipuran ke anusar saptamiyukt ashtami ko yadi adhi rat men rohini ho to vah ashtami tab tak pavitra hai jab tak surya chandrama hain. atah pahle v dusre paksh men pahle v dusre din manani chahie. arthat ashtami ke adhar par parva manana chahie. tisre paksh men agle din leni chahie. chaithe paksh men ashtami tin prakar ki hoti hai. 1. pahle din se adhi rat men ashtami aur agle din rohini nakshatra 2. agle din ashtami aur pahle din rohini nakshatra 3. donon din ashtami aur rohini nakshatra lekin adhi rat men nahin. pratham paksh men agle din jayanti yog hone ke karan ashtami agle din hi manani chahie. dvitiya v tritiya paksh donon men bhi dusre din ashtami vrat karna chahie. mathura men 1 sitanbar ko suryoday 5ah58 baje v suryast 18ah38 baje hua. 1 sitanbar ko saptami pratah 10ah50 baje samapt hui v ashtami praranbh hui. tatpashchat rohini nakshatra dopahar 13ah19 baje praranbh hua. 1 sitanbar ki ardharatri ko ashtami v rohini nakshatra donon vidyaman the. 2 sitanbar ki pratah 10ah42 baje ashtami samapt ho gai v rohini nakshatra madhyahn 13ah47 baje samapt ho gaya. 2 sitanbar ki ardharatri ko navmi v mrigshira nakshatra the. kathan (8) v kathan (10) ke pratham bhag ke anusar janmashtami spasht rup se 1 sitanbar ko hi manani chahie thi 2 sitanbar ko nahin. parvon ke nirnay ke bare men hindu dharmashastra bahut hi vistrit v satik ganna batlate hain v leshmatra bhi sanshay nahin chorte. 2 sitanbar ko janmashtami manana keval ek bhul v sarkari garabar hi thi. vidvanon ko chahie ki 66666666666yadi parva nirnay men sarkar dvara kabhi galti ho bhi jae to parva dharmashastranusar hi manana chahie n ki kailendar anusar. parvon v anya manyataon ke ekikaran hetu fyuchar paeint ne fyuchar panchang ke nam se vistrit panchang ka prakashan praranbh kiya hai jo ki purnataya kampyutar dvara nirmit hai. asha hai iska prayog jyotishiya ganna v satik parva nirnay men sahayak siddh hoga.
Kya aapko lekh pasand aaya? Subscribe
Kya aapko lekh pasand aaya? Subscribe


grah shanti evan upay visheshank  September 2010

jyotish men vibhinn upayon ka fal, lal kitab ke upay, vyavharik upay, upayon ka uddeshya, aushdhi snan v ratnon ka prayog ityadi sabhi vishyon ki sangopang jankari dene vala yah visheshank pratyek ghar ki avashyakta hai. upayon men mantra v upasna ke mahatva ke atirikt yantra dharn/pujan dvara grah dosh nivaran ki vidhi bhi spasht ki gai hai.jyotish dvara bhavishyakathan men sahayta milti hai parantu iska mul uddeshya samasyaon ke satik samadhan jutana hai. is uddeshya ki pratipurti karne ke uddeshya ko pura karne ke lie yah ank vishesh upyogi hai.

Subscribe

Apne vichar vyakt karein

blog comments powered by Disqus
.