ग्रह शांति की विधियां

grah shanti ki vidhiyan  

Ank ke aur Lekh | Sambandhit Lekh | Views : 43812 |  

ajakal log anubhav siddh evan vyavharik upay chahte hain taki am vyakti, jan samanya evan pirit vyakti labh utha sake. grahon ki shanti ke lie saral evan achuk upay prastut hain- jismen lal kitab v rishi parashar pranit jyotish shastra ke upay sammilit hain.

sansar men pratyek vyakti kisi n kisi grah se pirit hai. har vyakti dhan-dhanya sanpann bhi nahin hai. grah-pira ke nivaran ke lie nirdhan evan madhyam varg ka vyakti duvidha men par jata hai. yah varg n to lanbe-chaure yagya, havan ya anushthan karva sakta hai, n hi hira, panna, pukhraj jaise mahange ratn dharan kar sakta hai. jyotish vidya dev vidya hai. yadi jyotishiyon ke pas jaen to ve prayah puratan granthon men se lie gae upay evan ratn dharan karne ki salah de dete hain. parantu ajakal log anubhav siddh evan vyavharik upay chahte hain taki am vyakti, jan samanya evan pirit vyakti labh utha saken.

grahon ki shanti ke lie saral evan achuk upay prastut hain- jismen lal kitab ke anusar v rishi parashar pranit jyotish shastra ke anusar upay batae gae hain.

parashar estroloji ke anusar :

1. surya grahon ka raja hai. islie devadhidev bhagvan vishnu ki aradhna se surya dev prasann hote hain. surya ko jal dena, gayatri mantra ka jap karna, ravivar ka vrat karna tatha ravivar ko keval mitha bhojan karne se surya dev prasann hote hain. surya ka ratn 'manikya' dharan karna chahie parantu yadi kshamata n ho to tanbe ki anguthi men surya dev ka chihn banvakar dahine hath ki anamika men dharan karen (ravivar ke din) tatha sath hi surya ke mantra ka 108 bar jap karen.

un hran hrin hraun sah suryay namah

2. grahon men chandrama ko stri svarup mana hai. bhagvan shiv ne chandrama ko mastak par dharan kiya hai. chandrama ke devta bhagvan shiv hain. somvar ke din shivling par jal charhaen v shiv chalisa ka path karen. 16 somvar ka vrat karen to chandrama grah dvara pradatt kasht dur hote hain. ratnon men moti chandi ki anguthi men dharan kar sakte hain. chandrama ke dan men dudh, chini, chaval, safed pushp, dahi (safed vastuon) ka dan diya jata hai tatha mantra jap bhi kar sakte hain.

un son somay namah

3. janmakundli men mangal yadi ashubh ho to manglvar ka vrat karen, hanuman chalisa, sundrkand ka path karen. munga ratn dharan karen ya tanbe ki anguthi banvakar usmen hanuman ji ka chitra ankitakar manglvar ko dharan kar sakte hain. striyon ko hanuman ji ki puja karna varjit bataya gaya hai. mangal ke dan men gur, tanba, lal chandan, lal ful, fal evan lal vastra ka dan den.

un an angarkay namah

4. grahon men budh yuvraj hai. budh yadi ashubh sthiti men ho to hara vastra n pahnen tatha bhulakar bhi tota n palen. anyatha svasthya kharab rah sakta hai. budh sanbandhi dan men hari mung, hare fal, hari sabji, hara kapra dan-dakshina sahit den v bij mantra ka jap karen.

un bun budhay namah

5. guru : guru ka arth hi mahan hai- sarvadhik anushasan, imandar evan karttavyanishth. guru to dev guru hain. jis jatak ka guru nirbal, vakri, ast ya papi grahon ke sath ho to vah brahmaji ki puja karen. kele ke vriksh ki puja evan pipal ki puja karen. pili vastuon (bundi ke laddu, pile vastra, haldi, chane ki dal, pile fal) adi ka dan den. ratnon men pukhraj sone ki anguthi men dharan kar sakte hain v brihaspati ke mantra ka jap karte rahen.

un brin brihaspataye namah

6. shukra asuron ka guru, bhog-vilas, grihasth evan sukh ka svami hai. shukra stri jatak hai tatha jan samaj ka pratinidhitva karta hai. jin jatkon ka shukra pirit karta ho, unhen gay ko chara, jvar khilana chahie evan samaj seva karni chahie. ratnon men hira dharan karna chahie ya bij mantra ka jap karen.

un shun shukray namah

7. surya putra shani, grahon men nyayadhish hai tatha nyay sadaiv kathor hi hota hai jisse log shani se bhaybhit rahte hain. shani chahe to raja ko rank tatha rank ko raja bana deta hai. shani pira nivritti hetu mahamrityunjay ka jap, shiv aradhna karni chahie. shani ke krodh se bachne ke lie kale urad, kale til, tel evan kale vastra ka dan den. shani ke ratn (nilm) ko dharan kar sakte hain.

un pran prin praun sah shanaishcharay namah

8. rahu ki rakshasi pravritti hai. ise dregans haid bhi kahte hain. rahu ke dan men kanbal, loha, kale ful, nariyal, koyla evan khote sikke ate hain. nariyal ko bahte jal men baha dene se rahu shant ho jata hai. rahu ki mahadsha ya antardasha men rahu ke mantra ka jap karte rahen. gomed ratn dharan karen.

un bhran bhrin bhraun sah rahve namah.

9. ketu rakshasi manovritti vale rahu ka nimn bhag hai. rahu shani ke sath samanta rakhta hai evan ketu mangal ke sath. iske aradhya dev ganpti ji hain. ketu ke upay ke lie kale kutte ko shanivar ke din khana khilana chahie. kisi mandir ya dharmik sthan men kanbal dan den. ratnon men lahsuniya dharan karen.

un stran strin straun sah ketve namah

dan muhurt

1. surya ka dan : gyani pandit ko ravivar dopahar ke samay.

2. chandra ka dan : somvar ke din, purnamasi ya ekadshi ko navyauvna stri ko dena chahie.

3. mangal ka dan : kshatriya navyuvak ko dopahar ke samay.

4. budh ka dan : kisi kanya ko budhvar sham ke samay.

5. guru ka dan : brahman, jyotishi ko pratah kal.

6. shukra ka dan : sayankal ke samay navyuvti ko.

7. shani ka dan : shanivar ko garib, apahij ko sham ke samay.

8. rahu ka dan : korhi ko sham ke samay.

9. ketu ka dan : sadhu ko dena chahie.

navagrah shanti ke anubhvsiddh saral upay : surya grah ko prasann karne ke lie ravivar ko pratah surya ko arghya den tatha jal men lal chandan ghisa hua, gur evan safed pushp bhi dal len tatha sath hi surya mantra ka jap karte hue 7 bar parikrama bhi kar len.

chandra grah ke lie hamesha bujurg aurton ka samman karen v unke pair chukar ashirvad len. chandrama pani ka karak hai. islie kuen, talab, nadi men ya uske aspas gandgi ko n failaen. somvar ke din chaval v dudh ka dan karte rahen.

mangal ke lie hanuman ji ko lal chola charhaen, manglvar ke din sindur evan chameli ka tel hanuman ji ko arpan karen. isse hanuman ji prasann hote hain. yah prayog keval purush hi karen.

budh grah ke lie tanbe ka ek sikka lekar usmen ched karke bahte pani men baha den. budh ko apne anukul karne ke lie bahan, beti v bua ko ijjat den v unka ashirvad lete rahen. shubh karya (makan murhut) (shadi-vivah) ke samay bahan v beti ko kuch n kuch avashya den v unka ashirvad len. kabhi-kabhi (napunsk) ka ashirvad bhi lena chahie.

brihaspati grah ke lie baron ka donon panv chukar ashirvad len. pipal ke vriksh ke pas kabhi gandgi n failaen v jab bhi kabhi kisi mandir, dharm sthan ke samne se gujren to sir jhukakar, hath jorakar jaen. brihaspati ke bij mantra ka jap karte rahen.

shukra grah yadi achcha nahin hai to patni v pati ko apsi sahmti se hi karya karna chahie. v jab ghar banaen to vahan kachchi jamin avashya rakhen tatha paudhe lagakar rakhen. kachchi jagah shukra ka pratik hai. jis ghar men kachchi jagah nahin hoti vahan ghar men striyan khush nahin rah saktin. yadi kachchi jagah n ho to ghar men gamle avashya rakhen jismen fulon vale paudhe hon ya hare paudhe hon. dudh vale paudhe ya kantedar paudhe ghar men n rakhen. isse ghar ki mahilaon ko sehat sanbandhi pareshani ho sakti hai.

shani grah se pirit vyakti ko langre vyakti ki seva karni chahie. chunki shani dev langre hain to langre, apahij bhikhari ko khana khilane se ve ati prasann hote hain.

rahu grah se pirit ko kauriyan dan karen. rat ko sirhane kuch muliyan rakhakar subah unka dan kar den. kabhi-kabhi safai karmachari ko bhi chay ke lie paise dete rahen. ketu grah ki shanti ke lie ganesh chaturthi ki puja karni chahie. kutta palna ya kutte ki seva karni chahie (roti khilana).

ketu grah ke lie kale-safed kanbal ka dan karna bhi faydemand hai. ketu-grah ke lie patni ke bhai (sale), beti ke putra (dohte) v beti ke pati (damad) ki seva avashya karen. yahan seva ka matalab hai jab bhi ye ghar aen to inhen ijjat den.

Kya aapko lekh pasand aaya? Subscribe
Kya aapko lekh pasand aaya? Subscribe


grah shanti evan upay visheshank  September 2010

jyotish men vibhinn upayon ka fal, lal kitab ke upay, vyavharik upay, upayon ka uddeshya, aushdhi snan v ratnon ka prayog ityadi sabhi vishyon ki sangopang jankari dene vala yah visheshank pratyek ghar ki avashyakta hai. upayon men mantra v upasna ke mahatva ke atirikt yantra dharn/pujan dvara grah dosh nivaran ki vidhi bhi spasht ki gai hai.jyotish dvara bhavishyakathan men sahayta milti hai parantu iska mul uddeshya samasyaon ke satik samadhan jutana hai. is uddeshya ki pratipurti karne ke uddeshya ko pura karne ke lie yah ank vishesh upyogi hai.

Subscribe

Apne vichar vyakt karein

blog comments powered by Disqus
.