अध्यात्म का रंग

adhyatm ka rang  

Ank ke aur Lekh | Sambandhit Lekh | Views : 882 |  
janm janmantron ke karmafal svarup manushya ko bhakti v gyan adi shubh fal prapt hote hain aur vah ishvarabhimukh ho jata hai lekin kahte hain ki aisi buddhi adhik samay tak kayam nahin rahti parantu yadi kayam rahe to adhyatm ka aisa rang charh jata hai ki manushya ko vairagya hone lagta hai. pratyek vyakti ke jivan kal men bachapan se burhape tak anek mitra bante rahte hain. kuch mitra kuch din tak sath chalte hain aur kuch ki mitrata bahut gahri v atmik hoti hai jo lanbe samay tak sath chalte hain aur n milte hue bhi unki mitrata sada hamare sath rahti hai. aise mitra shayad pratyek ke kuch ya ek-do hi hote hain par unki mitrata se v unki yad se hi man khushi se bhar jata hai. meri bhi ek aisi hi mitra hai rashmi. ham donon kalej men sath-sath parhte the. vah bahut shararti, batuni aur faishan parast thi. ham log ikatthe parhte aur ghumte the aur ek-dusre ke ghar bhi ana jana tha. kalej ke bad ham donon apne-apne kamon men lag gaye aur donon ka vivah bhi ho gaya. vivah ke bad bhi ham donon apne-apne pati ke sath milte rahe aur hamari dosti aur madhur ho gai. kuch varsh pashchat uske pati ko koriya jana para aur rashmi apne bachchon sahit vahan chali gai lekin vahan jane ke bad usmen ek bahut bara parivartan dekhne ko mila. rashmi ki mulakat apne aefis men kisi se hui jinki baton se vah itna prabhavit hui ki usne unhen guru bana liya. unke vachan v unki vani ne rashmi ko bahut prabhavit kiya. vah unke batae hue marg par chalne lagi aur puja path men apne ko puri tarah se vyast kar liya. kahan to pahle kalej ke dinon men vah bahut chanchal hua karti thi aur puja-path v adhyatm ke marg se kosane dur thi vahin ab puri tarah se uski astha dharm aur adhyatm par gahri ho gai thi. uske pati aur mata-pita ne bahut samjhaya aur unhonne use is tarah se jivan shaili ko badlne ke lie apna rosh bhi dikhaya par rashmi par koi asar nahin hua. koriya se hi usne apni naukri chor di aur tan-man aur atma se prabhu prem men lin ho gai. lekin uske guru ji ne use adesh diya ki abhi use apne grihasthi jivan ka bhi palan karna hai. bachchon ki parhai puri hone ke bad jab tak ve svavlanbi n ho jaen tab tak use ghar ko puri tarah sanbhalna hai aur ghar ke prati sabhi karÿavyon ka palan karna hai. isi bich uske pati ka transafar vapis bharat ho gaya aur ab rashmi jahan apne grihasth jivan ka palan kar rahi hai vahin puri tarah se ishvar ke prati samarpit hai. vah jyada se jyada samay prabhu ke dhyan men rahti hai v apne guru ke batae marg par chalakar guru dharm ka palan kar rahi hai. rashmi se milakar mujhe bhi ek sukhad anubhuti hui aur laga ki meri yah mitra jo ishvariya rah par itni age nikal jaegi aisa kabhi lagta nahin tha lekin yah bhi kuch pichle janm ka sanyog hoga jo ham is janm men mile aur apni mitrata ko ab tak kayam rakha aur shayad mujhe bhi is marg par chalne ka ek khubsurat jariya mil gaya hai. aiye karen rashmi ke kundli ke grahon ka vivechn: rashmi ki janm kundli ke anusar min lagn ke svami guru lagnesh karmesh hokar kendra (saptam bhav) men bhagyesh mangal ke sath sthit hain v lagn ko purn drishti se dekh rahe hain. bhagyesh (dharmesh) tatha dhanesh mangal karm sthan ko dekh rahe hain aur raj yog bana rahe hain. chandra lagn se dekhen to dharmesh guru, karm sthan ko dekh rahe hain. lagn se panchmesh chandrama se pancham men surya hai aur surya se navam sthan arthat dharm sthan men chandra baithe hain. lagn se navam bhav (dharm sthan) se navam (dharma) ke svami bhi chandra hain. bhagyesh mangal bhagya sthan se ekadash sthan men sthit hokar chandrama ko dekh rahe hain. is kundli men dharm sthan ka svami mangal navansh men uchch rashi men hai aur guru mangal se trikon men hai. rashmi ki janmapatri men mangal guru ki yuti unhen n keval lauhsankalp shakti sanpann bana rahi hai apitu yah uchchastariya adhyatmik unnati ka sabab bhi ban rahi hai kyonki yah yuti lagnesh v chandra lagnesh ki yuti hai. bhagyesh adhyatmik unnati ka pratik hai jo adhyatm ke karak grah (guru) se yukt hokar uchch navansh men hai. bhagyesh, bhagya bhav ka karak guru tatha bhagya bhav adhyatmik unnati ke binduon ke adhyayan men sarvopri hain. inki kundli men bhagya bhav men baitha shani vargottami hone se shreshth ho gaya. is prakar bhagya bhav, bhagyesh v bhagya ke karak sabhi ki sthiti utmottam hai. sath hi navansh kundli men shani mangal v guru shukra ka sthan parivartan yog bhi hai. guru mangal adhishthit rashi ka svami budh uchch navansh men hai. navam bhav men shani ki sthiti kundli men shreshth adhyatmik unnati ka yog hone par jatak ko uchchakoti ka sanyasi bana sakti hai. shayad aise yog rahne ke karan hi rashmi ke sath aisa hua. rahu ki mahadsha men rashmi ki adhyatm ke prati ruchi barhne lagi aur jab rahu men chandra aur mangal ki antardasha ai to vah us disha men pure manoyog se lag gai kyonki navansh men rahu guru ke ghar men baithe hain. 1997 men mangal ki antardasha men usne apne sarkari uchch pad se bhi istifa de diya aur puri tarah se apne ap ko adhyatm v ishvar ke prati samarpit kar diya. dharm sthan ka svami mangal kanya rashi men sthit hai aur kanya rashi ka svami navansh men uchch rashi men hai. chaturthansh kundli ke anusar bhagya evan dharm rashi ka svami mangal v lagn ka svami guru donon hi kendra men hain. isi tarah dharm aur adhyatm ka navam bhav atyant balvan hai aur isi vajah se rashmi dhire-dhire adhyatm ka rasasvadan karte hue nirantar isi disha men barhti ja rahi hai. vartaman samay men guru men chandra ki dasha chal rahi hai jo navam se navam ka svami hai fir guru men mangal ki dasha aegi jo svayan dharm bhav ka svami hai aur guru men rahu ki dasha men gochar ke rahu dharm bhav men rahenge arthat guru ki puri mahadsha use adhyatm ke unche sopan tak le jaegi. guru ki dasha ke bad shani ki dasha men bhi vah is disha men age barhegi kyonki shani svayan dharm bhav men virajman hai aur navansh men vargonÿam hai islie vah sansarik jivan ko tyagakar puri tarah se adhyatm ke kshetra men lag jaengi. rahu aur shukra ki ashtam bhav men yuti bhi use sansarik jivan se prithak karne ka karya karegi. vaise to kisi bhi stri ke lie apna ghar, bachche v pati ko chor unki moh mamta se prithak hona atyant kathin hai parantu grahon ki chal kuch bhi karane men saksham hoti hai.
Kya aapko lekh pasand aaya? Subscribe
Kya aapko lekh pasand aaya? Subscribe


grah shanti evan upay visheshank  September 2010

jyotish men vibhinn upayon ka fal, lal kitab ke upay, vyavharik upay, upayon ka uddeshya, aushdhi snan v ratnon ka prayog ityadi sabhi vishyon ki sangopang jankari dene vala yah visheshank pratyek ghar ki avashyakta hai. upayon men mantra v upasna ke mahatva ke atirikt yantra dharn/pujan dvara grah dosh nivaran ki vidhi bhi spasht ki gai hai.jyotish dvara bhavishyakathan men sahayta milti hai parantu iska mul uddeshya samasyaon ke satik samadhan jutana hai. is uddeshya ki pratipurti karne ke uddeshya ko pura karne ke lie yah ank vishesh upyogi hai.

Subscribe

Apne vichar vyakt karein

blog comments powered by Disqus
.