टॉनसिलाइटिस
Ank ke aur Lekh | Sambandhit Lekh | Views : 4483 |  
tonensilaitisah khan-pan men savdhani ka abhav acharya avinash sinh tonsilaitis ek bal rog hai, jo bachchon ko bachapan men hi apne shikanje men jakar leta hai. is ka mukhay karan galat khan-pan hota hai. agar bare hone par bhi khan-pan galat rahen, to bare ho kar bhi yah rog ho sakta hai. jo balak bachapan men apne khan-pan ka dhyan n rakhte hue khatti, tali aur masaledar chijon ka upyog karte hain, unhen tonsilaitis rog ho jata hai. har vyakti ke gale men do naram mans ke lizlije tukre hote hain, jo shleshmal jhilli se jure hote hain. inke dvara lasika ka bhraman hota hai, jo raktadhara se jivanuon aur gandgi ko dur karne men madad karta hai. gale ka tonsil vala bhag jab jivanu, ya vishanu ke karan dushit ho jata hai, to use tonsilaitis kahte hain. ismen grasni lasika ke dhanche men sujan a jati hai. sath hi lasika granthi aur uske aspas ka kshetra bhi suj kar lal ho jata hai. tonsil ek tarah ka pahredar hai, jo munh aur nak dvara sharir ke andar jane vale nuksandayak padarthon se bachata hai. jab sharir ke andar koi galat chij jati hai, to yah pahredar sara nuksan apne upar le leta hai; arthat tonsil suj jata hai. tonsil ki is suji avastha ko tonsilaitis kahte hain. tonsilaitis ho jane par aksar doktar shalya kriya dvara tonsil bahar nikal dete hain, jo galat hai. adhunik anusandhanon se malum hua hai ki tonsil ko nikal dene se vyakti ke sharir men rognirodhak shakti samapt ho jati hai. anchahi vastu sharir men pravesh kar sharir ko nuksan pahuncha kar bad men kai prakar ki samasyaen khari kar sakti hain, jaise sandushan hamare sharir men ghus jata hai tatha aram se hriday, joron, ya gurde, golablaidar men baith jata hai, tatha sharir ke un bhagon ko dhire-dhire kamjor kar deta hai, thik vaise hi jaise jang lohe ko kha jata hai. tonsil ek antahsravi granthi hai, jo avtu granthi ki virodhi hai. atah jab tonsil ko nikal diya jata hai, to thayraid bahut barh jata hai. kyonki thayraid piyush granthi ka virodhi hain, islie piyush granthi ka karya bigar jata hai. atah kai bar barhte bachchon ki yaddasht bigar jati hai. tonsil ke kisi bhi marij ko thik karne ka arth hai, uske sharir men is prakar ki pratirodh kshamata utpann karna, jisse vah sharir ke hanikarak sukshm jivon se lar sake. jab sharir ki pratiraksha paddhati bhang hoti hai, tab jivanu hamare sharir ke andar pravisht hote hain, jo pahle tonsil aur bad men pure sharir ko hani pahunchate hain. gharelu upchar : haldi, sendha namak, vayding tinon vastuon ka chah chah gram len aur 300 gram pani men panch minat dholen. fir kapre men chan kar garm pani se nitya do bar garare karen. rat men sote samay avashya karen. ek saptah men hi rog jata rahta hai. gajar ka ras pratidin tin-char baje din men ek chota gilas lagatar do-tin mah tak pien. garam pani men namak dal kar garare karne se aram a jata hai. din men do-tin bar namak ke garare karen. anvle ka churn gay ke dudh ke sath pien. fuli fitkri do gram garm pani men dal kar din men do-tin bar garare karen. bach, ajvayan, malkangni, kulanjan, harar ki giri, sendha namak, in sabka churn bana kar, subh-sham shahad men mila kar, sevan karen. sonth, kali mirch, pipal, harar, bahera, anvla aur javarvat, in sabka churn banakar thora-thora munh men dalte rahen. akrkra, kulanjan aur mulethi ke tukre supari ki tarah munh men rakhne se tonsil men aram milta hai. aduse ke patton ka karha shahad ke sath pien. gorkhmundi ki jar pan men rakh kar khaen. jyotishiya drishtikon : jyotishiya drishtikon se janmakundli men tritiya bhav se gale ka vichar kiya jata hai. tritiya bhav ka karak grah mangal hai. mangal ko grah mantrimandal men senapti mana gaya hai aur senapti ka karya suraksha karna hai. tonsil bhi ek tarah ka suraksha prahri hai, jo hamen nuksan pahunchane vale vishanuon se bachata hai. islie tonsil ka karak grah mangal hai. kundli men tritiya bhav, mangal, tritiyesh aur lagnesh jab dushit prabhavon men rahte hain, to tonsil rog, ya gale se sanbandhit rog hota hai. vibhinn lagnon men tonsil rog : mesh lagn : budh tritiya bhav men, shani shashth bhav men, ya lagn men ho aur rahu ki drishti lagn, ya tritiya bhav par ho aur lagnesh mangal shashth bhav men ho, to tonsil rog hota hai. vrish lagn : tritiyesh chandra shashth bhav men ho, lagnesh shukra dhanu, ya min rashi men rahe, guru tritiya bhav men ho, ya tritiya bhav ko dekhta ho aur mangal rahu se drisht ya yukt ho, to tonsil rog hota hai. mithun lagn : mangal tritiya bhav men ho, tritiyesh shashth bhav men lagnesh se yukt ho, lagnesh ast ho aur tritiya bhav ko dekhta ho aur mangal rahu se drisht, ya yukt ho, to tonsil rog hota hai. kark lagn : tritiyesh budh shashth bhav men, mangl-shani se yukt, kendra men ho, lagnesh chandra apni nich rashi men rahu, ya ketu se drisht ho, tritiya bhav par shashthesh ki drishti ho, to tonsil se bachchon ko samasya rahti hai. sinh lagn : mangal ashtam bhav men, tritiyesh shashth bhav men shani se yukt ho aur budh tritiya bhav men rahu se yukt, ya drisht ho, to gale sanbandhi rog hota hai. kanya lagn : mangal ashtam bhav men aur rahu tritiya bhav men hon, tritiya bhav par guru ki drishti ho, lagnesh budh trik bhavon men ast ho, to tonsil jaise gale se sanbandhit rog hote hain. tula lagn : guru ashtam bhav, ya dasham bhav men ho, chandra guru se trik sthanon men ho, budh tritiya bhav men mangal se yukt ho aur lagnesh shukra ast ho aur rahu-ketu se drisht ho, to aise rog hote hain. vrishchik lagn : budh tritiya bhav men ho aur lagnesh mangal shashth, ya ashtam bhav men rahu ya ketu se drisht ho, chandra shani se yukt, ya drisht ho, to tonsil jaise rogon ka janm hota hai. dhanu lagn : shukra lagn men ho aur shani se yukt ho, mangal tritiya bhav men budh se yukt ho aur rahu, ya ketu se drisht ho, lagnesh shashth bhav men ho, to tonsil rog hota hai. makar lagn : guru lagn men ho, mangal rahu, ya ketu se drisht, ya yukt ho aur ashtam bhav men sthit ho, tritiyesh par lagnesh ki drishti ho, to tonsilaitis rog hota hai. kunbh lagn : guru tritiya bhav men, mangal dvadash bhav men rahu ya ketu se yukt, ya drisht ho, tritiya bhav par pap grahon ki drishti ho, to tonsil jaise rog ki utpatti hoti hai. min lagn : shukra shashth bhav aur guru ashtam bhav men, budh tritiya bhav men, mangal chaturth, ya saptam men ho, lekin surya se ast ho, to tonsil hone ki sanbhavna hoti hai. uparyukt sabhi yog chalit kundli par adharit hain. rog ki utpatti sanbandhit grah dasha-antardasha aur gochar grah ke pratikul rahne se hota hai. jab tak dasha-antardasha pratikul rahenge, sharir men rog rahega. uske bad thik ho jaega. lekin thik avastha men bhi pachan sansthan men kuch vyadhi rahegi. vrish lagn men tritiyesh chandra shashth bhav men ho, lagnesh shukra dhanu, ya min rashi men rahe, guru tritiya bhav men ho, ya tritiya bhav ko dekhta ho aur mangal rahu se drisht ya yukt ho, to tonsil rog hota hai.
Kya aapko lekh pasand aaya? Subscribe
Kya aapko lekh pasand aaya? Subscribe


grah shanti evan upay visheshank  September 2010

jyotish men vibhinn upayon ka fal, lal kitab ke upay, vyavharik upay, upayon ka uddeshya, aushdhi snan v ratnon ka prayog ityadi sabhi vishyon ki sangopang jankari dene vala yah visheshank pratyek ghar ki avashyakta hai. upayon men mantra v upasna ke mahatva ke atirikt yantra dharn/pujan dvara grah dosh nivaran ki vidhi bhi spasht ki gai hai.jyotish dvara bhavishyakathan men sahayta milti hai parantu iska mul uddeshya samasyaon ke satik samadhan jutana hai. is uddeshya ki pratipurti karne ke uddeshya ko pura karne ke lie yah ank vishesh upyogi hai.

Subscribe

Apne vichar vyakt karein

blog comments powered by Disqus
.