विविध तंत्र प्रयोग

vividh tantra prayog  

Ank ke aur Lekh | Sambandhit Lekh | Views : 57847 |  

1. mohan tantra prayog:

jis karm ke dvara kisi stri ya purush ko apne prati mugdh karne ka bhav nihit ho, vo ‘mohanakarma’ kahlata hai. mohan athva sammohan yah donon prayah ek hi bhav ko pradarshit karte hain. moh ko mamatva, prem, anurag, sneh, maya aur samipya prapt karne ki lalsa ka kritya mana gaya hai. mohan karm ki yahi sab pratikriyaen hoti hain. nishthur, virodhi, virakt, pratidvandi athva anya kisi ko bhi apne anukul, pranyi aur snehi banane ke lie mohan karm ka prayog kiya jata hai. mohan karm ke prayogon ko siddh karne ke lie pahle nimnalikhit mantra ka das hajar jap karna chahie.

un namo bhagvte kamdevay yasya yasya drishyo bhavami yashch mam mukhan pashyati tan tan mohytu svaha.’’

prayog se purva pratyek tantra ko pahle uparyukt mantra se abhimantrit kar lena chahie. mohan karm ke prayog nimnalikhit hai:-

1. tulsi ke sukhe hue bij ke churn ko sahdevi ke ras men pisakar lalat par tilak ke rup men lagaen.

2. asgandh aur hartal ko kele ke vividh tantra prayog dae. nirmal kothari ras men achchi tarah se pisakar usmen gorochan milaen tatha mastak par tilak lagaen to dekhne vale mohit ho jayenge.

3. vach, kut, chandan aur kakar singi ka churn banakar apne sharir tatha vastron par dhup dene athva isi churn ka mastak par tilak lagane se manushya, pashu, pakshi jo bhi dekhega mohit ho jaega. isi prakar pan ki mul ko ghisakar mastak par uska tilak karne se bhi dekhne vale mohit hote hain.

4. kesar, sindur aur gorochan in tinon ko anvle ke ras men pisakar tilak karne se log mohit hote hain.

5. shvet vach aur sindur pan ke ras men pisakar evan tilak lagakar jiske bhi samne jaenge vo mohit ho jaega.

6. apamarg (jise aunga, mangra ya laja bhi kahte hain) dhan ki khil aur sahdevi - in sabko pisakar uska tilak karne se vyakti kisi ko bhi mohit kar sakta hai.

7. shvet durva aur hartal ko pisakar tilak karne se manushya tinon lokon ko mohit kar leta hai.

8. kapur aur mainsil ko kele ke ras men pisakar tilak karne se abhisht stri-purush ko mohit kar sakta hai.

9. tantra sadhak gular ke pushp se kapas ke sath batti banae aur usko navnit se jalae. jalti hui batti ki jvala se kajal pare tatha us kajal ko ratrikal men apni ankhon men anj le. is kajal ke prabhav se vo sare jagat ko mohit kar leta hai. aisa siddh kiya hua kajal kabhi kisi ko nahin dena chahie.

10. shvet dhundhli ke ras men brahmadandi ki mul ko pisne ke bad sharir par lep karne se sara sansar mohit ho jata hai.

11. bilva patron ko lane ke bad unhen chaya men sukha len. fir unhen pisakar kapila gay ke dudh men milakar goli bana len. us goli ko ghisakar tilak karne se dekhne vala tan, man aur dhan se mohit ho jaega.

12. shvet madar ki mul aur shvet chandn-in donon ko pisakar uska sharir par lep karen. is kriya se kisi ko bhi sahaj hi mohit kiya ja sakta hai.

13. shvet sarson ko vijay (bhang) ki patti ke sath pisakar mastak par lep karen. ab jiske samne bhi jaenge vo mohit ho jaega.

14. tulsi ke patton ko lakar unhen chaya men sukha len. fir unmen vijya yani bhang ke bij tatha asgandh ko milakar kapila gay ke dudh men pis len. tatpashchat uski char-char mashe ki goliyan banakar pratah uthakar khaen. isse sara jagat mohit hua pratit hota hai.

15. karvi tunbi ke bijon ke tel men kapre ki batti banakar jalaen aur usse kajal par kar ankhon men anjan ki bhanti lagaen. ab jiski taraf bhi drishti uthakar dekhegen, vo mohit ho jaega.

16. anar ke panchang ko pisakar usmen shvet dhundhli milakar mastak par tilak lagaen. is tilak ke prabhav se koi bhi mohit ho sakta hai.

2. stanbhan tantra prayog:

stanbhan kriya ka sidha prabhav mastishk par parta hai. buddhi ko jar, nishkray evan hatprabh karke vyakti ko vivek shunya, vaicharik rup se pangu banakar uske kriya-kalap ko rok dena stanbhan karm ki pramukh pratikriya hai. iska prabhav mastishk ke sath-sath sharir par bhi parta hai. stanbhan ke kuch anya prayog bhi hote hain. jaise-jal stanbhan, agni stanbhan, vayu stanbhan, prahar stanbhan, astra stanbhan, gati stanbhan, vak stanbhan aur kriya stanbhan adi. tretayug ke mahan parakrami aur ajey-yoddha hanumanji in sabhi kriyaon ke gyata the. tantra shastriyon ka mat hai ki stanbhan kriya se vayu ke prachand veg ko bhi sthir kiya ja sakta hai. shatru, agni, andhi v tufan adi ko isse nishkriya banaya ja sakta hai. is kriya ka kabhi durupyog nahin karna chahie tatha samaj hitarth upyog men lena chahie. agni stanbhan ka mantra nimn hai.

1. ‘‘un namo agnirupay mam sharire stanbhan kuru kuru svaha. ayutjpat siddhi rbhavati. ashtottarashat japat prayog (siddhim) bhavti..’’ ‘‘un namo ityadi agni stanbhan ka mantra hai. is mantra ke das hajar jap karne se siddhi hoti hai tatha ek sau ath jap karne se prayog siddh hota hai. stanbhan se sanbandhit kuch prayog nimnalikhit hai:

2. ghi v gvar ke ras men ak ke taja dudh ko milakar, sharir par uska lep karne se bhi agni stanbhan hota hai.

3. kele ke ras men ghritkumari v jvarpatha ke ras ko milakar sharir par lep karne se sharir agni men ghira hone par bhi nahin jalta hai.

4. pipal, mirch aur saunth ko kai bar chabakar nigal len. iske pashchat munh men jalta hua angara bhi rakhen, tab bhi munh nahin jalega.

5. chini ke sath gay ke ghrit ko pikar adarak ke tukre ko munh men dalakar chabaen fir tape hue lohe ke tukre ko munh men rakhe to vah bhi barf ki bhanti thanda pratit hoga.

6. ‘‘un namo diganbray amukasya stanbhan kuru kuru svaha. ayut japat mantrah siddho bhavti. ashtottar shat japat prayogah siddho bhavti. uparyukt mantra ka das hajar jap karne se mantra siddh hota hai aur avashyakta hone par ek sau ath bar jap karne se mantra siddh ho jata hai. mantra - ‘amukasya’ ke sthan par jiske asan par stanbhan karna ho uska nam lena chahie.

7. bhangre ke ras men sarson (safed) ko pisakar, mastak par uska lep karke jiske sammukh bhi jaenge uski buddhi ka stanbhan ho jaega.

8. apamarg aur sahdei ko lohe ke patra men dalakar pinsen aur uska tilak mastak par lagaen. ab jo bhi dekhega uska stanbhan ho jaega.

9. bhangra, chirchita, sarson, sahdei, kankol, vacha aur shvet ak in sabko saman matra men lekar kuten aur satva nikal len. fir kisi lohe ke patra men rakhakar tin dinon tak ghoten. ab jab bhi uska tilak kar shatru ke sammukh jaenge, to uski buddhi kunthit ho jaegi.

10. un namo bhagvte mahakal parakramay shatrunan shastra stanbhan kuru-kuru svaha. prayog vidhi mantra: ek laksh japamantrah siddho bhavti nanyatha. ashtottarashat japat prayogah siddhayati dhruvam.. uprokt mantra ka ek lakh jap karne se vah siddh ho jata hai aur jab iska prayog karna ho, ek sau ath bar punah jap kar prayog karen to yah prayog safal hota hai.

11. pushya nakshatra vale ravivar ke din aprajita ki mul ko ukharakar munh men rakhne athva sir par dharan karne se shastra stanbhan ho jata hai.

12. ravi pushya ke din shvet gunja ki mul ko lakar dharan karen to yuddh men shatru ke shastra ka bhay nahin rahta athva uske shastra ka stanbhan ho jata hai.

13. khajur ki mul ko pair aur hath men dharan karne se khanjr-shastra ka stanbhan ho jata hai.

14. jamun ki mul ko hath par aur kebre ki mul ko mastishk par tatha tar ki mul ko munh men rakhne se shastra chahe jis prakar ho, uska stanbhan ho jata hai. in tinon jaron ka churn banakar ghrit ke sath sevan karne se akramnkari ke shastra ka stanbhan ho jata hai.

15. chameli ki mul ko mukh men rakhne se kisi bhi shastra ka bhay nahin rahta. ravivar ko pushya nakshatra ane par apamarg ki mul lakar use pis len aur sharir par uska lep karen to sabhi prakar ke shastra se stanbhan ho jata hai.

16. un namah kal ratri trishuldharini. mam shatrusainya stanbhan kuru kuru svaha. ek lakshajapachyapan mantrah siddhah prajayte. uprokt shatjpat prayoge siddhirutma.. se bhi garbh stanbhan hota hai. ravivar ke din jab pushya nakshatra ho, tab kale dhature ki mul lakar garbhini stri ki kamar men bandh den. isse garbh ka stanbhan hota hai.

17. mitti ke ek patra men shmashan ki bhasm se shatru ka nam likhen aur use nile sutra se bandhakar ek gahre gaddhe men gar den. tadnantar us par ek patthar rakhakar dhanp den. aisa karne se shatru ki puri sena ka hi stanbhan ho jata hai.

18. un namo bhagvte maharaudray garbhastanbhnan kuru kuru svaha.. is mantra ko siddh karne ke lie 1 lakh jap karna jaruri hai. anyatha prayog safal nahin honge. jab bhi prayog karna ho to ek sau ath bar jap avashya karen.

prayog:

19. keshar, shakkar, jvarpatha aur kundpushp ko saman matra men shahad men milakar khane se garbhapat se raksha hoti hai.

20. ritusnata stri yadi rendi ke bij ko nigal le to uska garbh kabhi nahin girta. kamar men dhature ka bij bandhan ghar men har samay kalah bani rahegi.

21. kumhar ke hath se lagi hui chak ki mitti ko shahad men milakar bakri ke dudh ke sath sevan karne se garbh ka stanbhan hota hai.

3. vidveshan tantra prayog:

‘ dvesh’ ka arth hai dusron ke labh men avrodh utpann karna hai isi dvesh bhavna ka kriyatmak rup ‘vidveshn’ kahlata hai. iska mukhya uddeshya hota hai kinhin do logon ke bich fut, vidroh, upadrav, avishvas aur shatruta ke bhav utpann karke vighatan ki utpatti karna.

un namo narday amukasyaken sahvidveshanam kuru-kuru svaha. is mantra ka ek lakh jap karne se yah siddh ho jata hai aur jab koi tantra prayog karna ho to pahle mantra ka ek sau ath bar jap karke siddhi prapt kar leni chahie. mantra men amuk ke sthan par jis par prayog karna ho uske nam ka uchcharan karen.

prayog:

1. sher aur hathi ke danton ko gay ke makkhan ke sath pisakar jinke namon se ag men havan kiya jaega, ve vidveshan ke prabhav men a jaenge.

2. kutte ke bal tatha billi ka nakhun milakar jahan jalaya jaega vahan ke logon men vidveshan utpann ho jaega.

3. sahi ka kanta jiske makan ke mukhya dvar par gar diya jaega, us uparyukt mantra ke ek lakh jap se yah mantra siddh ho jata hai aur prayog ke samay ek sau ath bar jap karke prayog karne se sainya stanbhan hota hai.

4. jab kabhi bhi do vyaktiyon ke bich dvesh utpann karna ho, to unke pairon ki mitti ko san evan gundhakar usse ek putli banaen aur shmashan men le jakar use bhumi men gar den. is kriya ko karne se unke bich dvesh utpann ho jaega.

5. koi bhashan ya samaroh chal raha ho, to bhainse aur ghore ke balon ko paraspar milakar jalaen. isse sabha ya samaroh men bhagadar mach jaegi.

6. ek hath men kavve ka pankh aur dusre hath men ullu ka pankh lekar vidveshan ke mantra se abhimantrit karen aur un donon pankhon ko fir kale sut se bandhakar jis ghar men gar diya jaega, us ghar men rahne valon ka apas men jhagra ho jaega.

4. vashikaran tantra prayog:

vashikaran ka arth vash men karna hai. vah karm jiske dvara prayogakarta abhisht prani ko apne vash men kar leta hai ‘vashikaran kahlata hai. vastutah yah akarshan aur mohanakarm ka charam viksit aur atyadhik prabhavi rup hai.

Kya aapko lekh pasand aaya? Subscribe
Kya aapko lekh pasand aaya? Subscribe


vashikaran v sammohn  August 2010

sammohan parichay, sammohan v vashikaran labh kaise len ? jari buti ke sammohan karak prayog, shatakarm sadhan, dattatrey tantra men vashikaran, tantrik abhikarm se pratirakshan adi vishyon ki jankari ke lie aj hi parhen vashikaran v sammohan visheshank.falit vichar kolam men parhen acharya kishor dvara likhit rajbhang yog namak gyanavardhak lekh. is visheshank ki satyaktha vishesh rochak hai.

Subscribe

Apne vichar vyakt karein

blog comments powered by Disqus
.