चंद्र पृथ्वी का एक मात्र उपग्रह

chandra prithvi ka ek matra upagrah  

Ank ke aur Lekh | Sambandhit Lekh | Views : 11054 |  
goliya drishtikon: upagrah ve akashiya pind hain jo grahon ke irda-gird chakkar lagate hain. chandra prithvi ke irda-gird chakkar lagata hai, islie ise upagrah mana gaya hai. lekin surya ke bad chandra ka mahatvapurna sthan hai. chandra bhi surya ki bhanti roshni failata hai kintu vastav men yah surya ki roshni se hi chamkta hai. anya grahon ki bhanti chandra ki dainik gati bhi purva se pashchim hai. aisa prithvi ke apni dhuri par pashchim se purva ki or ghumne ke karan hi hota hai. anya grahon ki bhanti chandra bhi pashchim se purva ki or gamn karta hai. ek purn chakra lagane men chandra ko lagabhag 27 din 7 ghante aur 43 minat lagte hai. chandra ke ek purna chakra ka yah samay, jiska aust pariman 27.3127 saur din hain, ek nakshatra mas kahlata hai. ek amavas se dusre amavs tak ke samay ko ek sanyuti mas kahte hain, jo 29.5305887 aust saur din ke barabar hota hai. yah nakshatra mas se adhik hai kyonki jab tak chandra prithvi ki ek parikrama puri karta hai, surya bhi lagabhag ek rashi age chala jata hai aur chandra ko fir se surya ke samne ane men kuch samy aur lag jata hai. chandra ki prithvi se ausat duri 2,39,000 mil hai. yah duri bhumi nich par 2,21,460 mil se bhumi uchcha par 2,52,700 mil ke bich ghatti-barhti rahti hai. chandra ki kaksha ke akar men bhi parivartan hota rahta hai kyonki chandra par prithvi ki akarshana shakti ke prabhav ke atirikt anya grahon evan surya ki akarshan shakti ka prabhav bhi parta hai. isilie chandra ke bhumi-nich bindu ki disha bhi badlti rahti hai. chandra ke prithvi ke charon or chakkar lagane men ek bhumi nich bindu se dusri bar bhumi nich bindu tak ane men jo samay lagta hain use parimas ya konikantar mas kahte hain, jo 27.5546 ausat saur din ke barabar hota hai. chandra ko ek charhte pat se dusre charhte pat tak ki sthiti men ane men jo samay lagta hai use ek pat mas kahte hain, jo 27. 2122 ausat saur din ke barabr hota hai. chandra prithvi ke charon or jo kaksha banata hai, vah kranti vritt se 5015’ tak uÿari aur dakshini akshansh par rahta hai. chandra ka hamesha ek hi bhag prithvi ke samne hota hai kyonki yah apni dhuri par utne hi samay men ek bar ghumta hai jitne samay men yah prithvi ka ek pura chakkar lagata hai. ham chandra ke keval 59 pratisht bhag ko dekh pate hain. pauranik drishtikon: chandra dev ka varn gaur hai. inke vastra, ashva aur rath tinon shvet varn ke hain. ye sanudar rath par kamal ke asan par virajman hain. inke sir par sundr svarn mukut tatha gale men motiyon ki mala hai. inke ek hath men gada hai aur dusra hath vardan ki mudra men hai. shri madbhagavat ke anusar chandradev maharshi atri aur ansuya ke putra hain. inhen sarvamay kaha gaya hai. ye solah kalaon se yukt hain. inhen kha 60 û fyuchar samachar û march 2008 khagol jyotish . annamay, manomay, amritamay, purush svarup bhagvan kaha jata hai. bhagvan shrikrishn ne inhin ke vansh men avtar liya tha, isilie ve chandra ki solah kalaon se yukt the. harivansh puran ke anusar brahma ne chandra dev ko bij, aushdhi, jal tatha brahmanon ka raja bana diya. inka vivah ashvini, bharni, krittika, rohini adi daksh bhi saÿaais kanyaon se hua, jo saÿaais nakshatron ke rup men bhi jani jati hain. chandra dev ke putra ka nam budh hai, jo tara se utpanna hue hain. chandra ke adhidevta ap aur pratyadhi devta umadevi hain. nau grahon me inka sthan dusra hai. mahabharat ke van parva ke anusar chandra dev ki patniyan shil aur saundarya sampanna hain tatha pativrat-dharm ka paln karne vali hain. is tarah nakshatron ke sath chandra dev parikrama karte hue sabhi praniyon ke poshan ke sath-sath parva, sandhiyon evan vibhinn mason ka vibhag kiya karte hain. purnima ko chandrody ke samay tanbe ke bartan men madhu mishrit pakvan yadi chandra dev ko arpit kiya jae, to inki tripti hoti hai. inki tripti se aditya, vishvadev, marudgna aur vayudev tript hote hain. matsya puran ke anusar chandradev ka vahan rath hai. is rath men tin chakra hote hain aur das balvan ghore jute rahte hain. sabhi ghore divya, anupm aur man ke saman vegvan hain. ghoron ke netra aur kan bhi shvet hain. ve shankh ke saman ujjval hain. jyotishiya drishtikon: jyotish men chandra ko grah mana gaya hai. iske prithvi ke sarvadhik nikt hone ke karan prithvivasiyon par iska prabhav sab se adhik parta hai. isi karan kundli men chandra jis rashi men hota hai vahi jatak ki rashi mani jati hai. anya grahon ke gochar ko chandra ke sandarbh men hi dekha jata hai. mahadsha ki ganna bhi chandra ki sthiti par hi nirbhar karti hai. jyotish men muhurt adi ki ganna bhi chandra ki sthiti ke adhar par hi ki jati hai. sanvat aur mason ki ganna bhi chandra par nirbhar karti hai. mal-mas aur adhik mas bhi chandra ki sthiti par hi nirbhar karte hain. tithi, nakshatra, karan, yog adi ki ganna bhi chandra ki sthiti ke adhar par ki jati hai. chandra apni kranti vritt men 24 ghante men ausatan 13020sh age barhta hai. chandra se prabhavit jatak sthul sharir, shvet varn aur sundar akarshaka ankhon vala hota hai. uske bal ghunghrale hote hain. chandra man, pratibha, manbhavon, dil, mata, sundrta, yuvtiyon, prasiddh vyaktiyon, sair ke shaukinon, mridu vani akarshak shakti, itra, ras, asthir man, vyasan aur rakt ke pravah ka shasak hai. chandra jaliya tatvon, jhilon, samudron, nadiyon, varsha, dudh, shahad, ganno, moti, mithi vastuon, chaval, jau, gehun aur krishi ka pratik hai. sharir ke angon men yah dhamniyon, nason, mastishk, motape, pet, garbhashay, blaidar, chati, andashay aur prajnn angon ka pratik hai. chandra ke kundali mane kamjor hone par yaun rog, piliya, shvasan rog (dama), tvacha rog, apch adi hote hanai. kaf aur vayu vikar bhi chandra ke karan hi hote hain. jyotish men chandra ko striling mana gaya hai. nau grahon men chandra ko rani ki upadhi di gai hai. chandra uÿar-pashchim disha ka svami hai. chandra ki pratikulta se vyakti mansik kasht aur shvasan rogon se pirit hota hai. chandra ki shanti ke lie somvar ka vrat tatha shiv ki upasna karni chahie. chaval, kapur, safed vastra, chandi, shankh, safed chandan, shvet pushp, chini, dahi, moti adi brahman ko dan karne chahie. chandra ka bij mantra ‘‘¬ shran shrin shraun sah chandramse namah’’ tatha samanya mantra ‘‘¬ son somay namah’’ hai. inmen se kisi ka bhi shraddhapurvak nitya ek nishchit sankhya men jap karna chahie.
Kya aapko lekh pasand aaya? Subscribe
Kya aapko lekh pasand aaya? Subscribe


baglamukhi visheshank  March 2008

baglamukhi ka rahasya evan parichay, baglamukhi devi ka mahatmya, baglamukhi tantra mantra evan yantra ka mahatva evan upyog, baglamukhi ki upasna vidhi, baglamukhi upasna men samagriyon ka mahatva is visheshank se jana ja sakta hai.

Subscribe

Apne vichar vyakt karein

blog comments powered by Disqus
.