स्तन कैंसर महिलाओं को होने वाला एक भयंकर रोग

stan kainsar mahilaon ko hone vala ek bhayankar rog  

Ank ke aur Lekh | Sambandhit Lekh | Views : 19619 |  
stan kainsar : mahilaon ko hone vala ek bhayankar rog mahilaon ko hone vale rogon men sabse khatrnak rog stan kainsar hai, jo bari umra ki mahilaon men adhik paya jata hai. is rog ki praranbhik avastha men vaksh men ek choti si ganth hoti hai. yah dhire-dhire barhti hai. ise viksit hone men panch se das varsh lag jate hain. yadi praranbhik avastha men hi stan kainsar ke lakshan malum ho jaen, to rogi ko asani se maut ke munh se bachaya ja sakta hai. a ksar mahilaon ko stan kainsar ki praranbhik avastha ka pata nahin chalta. fir bhi unhen chahie ki vah apne stanon ki janch karti/krvati rahen ki kahin par koi kathor si ganth to nahin ban rahi hai? agar aisi koi ganth mahsus ho, to yahi stan kainsar ki praranbhik avastha hai. iske lie turant rog visheshagya ke paramarsh se chikitsa karva kar mrityu se bacha ja sakta hai. adhunik yug men mahilaon men stan kainsar bahut teji se fail raha hai. jo mahilaen bachchon ko dudh nahin pilatin, unke lie stan kainsar hone ki sanbhavnaen adhik barh jati hain. kainsar ki mamuli si jankari se mahilaon ko praranbhik lakshanon se hi kainsar ki ashanka ka abhas ho sakta hai evan uchit upchar se rog ke prahar se bacha ja sakta hai. kainsar kyon aur kaise hota hai? : hamara sharir anginat koshikaon se bana hai, jo bhinna-bhinn prakar ke karya karti hain. in koshikaon ka banna-bigrna prakritik rup se hota rahta hai. lekin kabhi-kabhi ek koshika apna nirdharit karya karne ke atirikt ahar men se adhik poshak tatva grahan kar leti hai aur apne jaisi koshikaen utpann kar deti hai. ye vikrit koshikaen nasht nahin hotin aur ganth ka rup dharan kar leti hain, jise kainsar kahte hain. kainsar ki ganthon ko apne vikas ke lie auksijan tatha sabhi poshak tatvon ki avashyakta hoti hai. yah sharir se (rakt ke madhyam se) puri ho jati hai. yadi kisi karan se poshak tatva rakt dvara n milen, to ganth kali par jati hai aur dhire-dhire sikur kar nasht ho jati hain. sharir ke jis ang men kainsar ki ganth hoti hai, use vaise hi nam se jana jata hai, jaise, rakt kainsar, tvacha kainsar, mukh kainsar, gurda kainsar, amashay kainsar adi. aise hi stan kainsar jyadatar mahilaon ko ho jata hai. lekin yah purushon men bhi hota hai, jo hajaron men se kisi ek purush men paya jata hai. stan kainsar ke lakshan : stan kainsar adhikatar 30 varsh ki ayu se adhik ki mahilaon ko hota hai. jo mahilae avivahit, talakshuda, ya vidhva hoti stan kasain r adhik paya jata h.ai iske atirikt stan kainsar un mahilaon men paya jata hai, jinhonne garbh dharan nahin kiya, ya kisi karan se apne bachche ko stan pan n kara payi hon. stan par bar-bar aghat hona, sujan ki avastha bani rahna, tang vastron ka upyog karna adi bhi stan kainsar ki sanbhavna ko barhate hain. islie kisi bhi asamanya badlav jaise stanon men dard, sujan, khinchav adi par dhyan de kar uski puri janch- partal karvani chahie, taki samay par uchit upchar kiya ja sake. mahilaon ko nimn baton par vishesh dhyan dena chahie, taki stan kainsar hone ki ashanka ka samadhan kiya ja sake. stanon men ganth ka mahsus hona. sath hi bagal men bhi ubhar dikhai dena. ganth barhne se halki vedna or kari sujan malum hona. sujan ke sthan par ghav ho jana aur bad men rakt srav hona. ganth ka stan ke upri aur bahri bhag par hona. stan chuchuk se srav hona. kabhi-kabhi is srav men rakt bhi mil jata hai. ganth sparsh karne par kathor mahsus hona adi. stan kainsar ki chikitsaah shalya chikitsa : yadi stan kainsar ka praranbhik avastha men hi pata chal jata hai, to iska ilaj sanbhav ho sakta hai. kainsaragrast bhag ko samay par kat kar bachaya ja sakta hai. yadi stan kainsar barh chuka hai, to pura stan kat diya jata hai. isse mahilaon men mansik tanav hona svabhavik hai, kyonki yah stritva ka chihn hai. vikiran chikitsa : sakriya rediyo kirnon ki sahayta se kainsaragrast bhag ke upchar ko vikiran chikitsa kahte hain. is upchar se kainsaragrast bhag ki koshikaen kirnon dvara nasht kar di jati hain, jisse kainsar ki ganth dhire- dhire choti ho kar nasht ho jati hai. kimotherepi : yah ek rasaynik chikitsa hai. rasaynon ki sahayta se kainsaragrast bhag, ya ang ki koshikaon ko nasht kiya jata hai. is chikitsa ka prabhav sare sharir par parta hai, jo vish ki tarah karya karta hai. isse kainsar ki ganth sikudne lagti hai aur dhire-dhire nasht ho jati hai. ye rasayan aushdhi evan injekshan adi se rogi ko diye jate hain. hormon therepi : hormon ki uchit khurak de kar kainsar ki ganth par chot pahunchayi jati hai. hormon therepi ke madhyam se stan kainsar ka upchar bahut asan mana jata hai. imyunotherepi : yah chikitsa is siddhant par adharit hai, jismen manav sharir ko yah sikhaya jata hai ki kainsar, ya aur rogon se apna bachav kaise karen. is vidhi se mahilaon men stan kainsar ke vikas aur dard ko roka ja sakta hai. jyotishiya drishtikon : kal purush ki kundli men stanon ka sthan chaturth bhav hai. kainsar rog dhire-dhire sharir men failta hai aur shani-rahu purani bimari aur dhire-dhire failne vali bimariyon ke karak hote hain. surya, chandra, lagn, lagnesh, kark rashi, chaturth bhav aur chaturthesh jab dushit prabhavon men rahte hai,to stan kainsar jaisa rog hota hai. sinh lagn me lagnesh rahu-ketu se yukt, ya drisht ho kar lagn, ya chaturth bhav men ho, chandra par shani ki drishti ho, chaturthesh aur ashtamesh trik bhavon men hon, to stan kainsar hota hai. vibhinn lagnon men stan kainsar : mesh lagn : budh chaturth bhav, shani dasham bhav, saptam bhav, dvitiya bhav, ya chaturth men, chandra, ya surya par shani, ya rahu ki drishti ho, lagnesh trik bhavon men dushprabhav m en ha,e ta e stan kaisan r hate a h.ai vrish lagn : chaturthesh, ashtam bhav men guru se drisht, ya yukt ho, chandra chaturth bhav men shani se drisht, ya yukt ho, lagnesh shashth bhav men rahu se yukt ho, to stan kainsar hota hai. mithun lagn : chaturthesh tritiya bhav men ast ho, ya shani se drisht ho, chaturth bhav aur chandra shani se drisht, ya yukt hon, chaturth bhav men rahu, ya ketu ki drishti, ya sthiti ho, to jatak ko stan kainsar ka samna karna parta hai. kark lagn : chaturthesh shukra surya se ast aur lagnesh chaturth men rahu se yukt ho aur shani se drisht ho, budh lagn men ho, to jatak ko stan kainsar hota hai. sinh lagn : lagnesh rahu-ketu se yukt, ya drisht ho kar lagn, ya chaturth bhav men ho, chandra par shani ki drishti ho, chaturthesh aur ashtamesh trik bhavon men hon, to stan kainsar hota hai. kanya lagn : chaturthesh ast ho aur shani se drisht ho, shani chaturth bhav men chandra se yukt, ya drisht ho, guru ki chaturth bhav par drishti ho aur rahu, ya ketu se yukt, ya drisht ho, to stan kainsar hota hai. tula lagn : guru chaturth bhav men chandra se yukt ho aur shani se drisht ho, lagnesh ketu se yukt ashtam, ya dvadash bhav men ho, surya dasham bhav men ho, to stan kainsar hota hai. vrishchik lagn : lagnesh tritiya bhav men surya se ast ho, budh chaturth bhav men chandra se yukt aur shani se drisht ho, rahu trik bhavon men ho, to stan kainsar hota hai. dhanu lagn : shukra chaturth bhav men chandra se yukt ho, shani se drisht, ya yukt ho, chaturthesh shashth bhav men ho aur rahu-ketu se drisht, ya yukt ho, to stan kainsar hota hai. makar lagn : chaturthesh lagn men ho, guru, chandra chaturth bhav men shani se drisht hon, guru, surya ashtam bhav men budh se yukt hon aur budh ast n ho, ketu se yukt ho, to stan kainsar hota hai. kunbh lagn : shashthesh chaturth bhav men shani se drisht aur mangal se yukt ho, rahu, ya ketu lagnesh se yukt hon, guru ashtam bhav, ya dvadash bhav men chandra ke nakshatra men ho, to stan kainsar hota hai. min lagn : surya chaturth bhav men aur budh tritiya bhav men ast ho, chandra kendra men ho, shani chaturth bhav aur chandra ko dekh raha ho, guru rahu-ketu se yukt, ya drisht ho kar ashtam, ya dvadash bhav men ho, to stan kainsar hota hai. uparyukt sabhi yogon men sanbandhit grahon ki dashantardasha aur gochar grah sthiti ke anusar rog hota hai. jab tak grah prabhavit rahte hain, rog dete hain. uske uprant rogi thik ho jata hai. udaharan : is mahila jatak ke janm samay mithun lagn purvi kshitij par uday ho raha tha. anya grah is prakar hain : shukra lagn men, shani tritiya men, chandra chaturth, ketu pancham, guru ashtam, rahu ekadash aur mangal, budh, surya dvadash bhav men the. mahila ke janm samay chandra ki dasha chal rahi thi. vartaman dasha shani ki chal rahi hai aur shani ki hi dasha men rog utpann hua. mahila ki kundli men chaturthesh budh dvadash bhav men surya se ast hai aur akarak mangal se yukt hai tatha shani se drisht hai. chandra chaturth bhav men hai aur badhak guru se drisht hai. mahila ko shani ki mahadsha aur budh ki dasha men rog hua. gochar men shani nich rashi men chandra se ashtam chal raha tha aur shalya chikitsa ke din chandra janm rashi par hi tha. islie stan kainsaragrast mahila ki janmakundli, jiska shalya chikitsa se upchar hua jatak ka shalyakriya dvara ek stan kat diya gaya. ab yah mahila svasth hai. jyotish ki drishti se kundli se yahi gyat hua ki mahila ko stan kainsar shani aur chaturthesh se hua tatha kainsar ke failne men shani ka vishesh yogdan hai.
Kya aapko lekh pasand aaya? Subscribe
Kya aapko lekh pasand aaya? Subscribe


bhagavat prapti  February 2011

bhagavat prapti ke anek sadhan hain. yah marg kathin hote hue bhi jis ek matra sadhan ananyata ke dvara prapt kiya ja sakta hai, aie ,janen sahaj shabdon men nirupit sadhna ka yah svarup.

Subscribe

Apne vichar vyakt karein

blog comments powered by Disqus
.