राष्ट्रपति प्रतिभा पाटिल की हस्तरेखाओं का अध्ययन

rashtrapti pratibha patil ki hastarekhaon ka adhyayn  

Ank ke aur Lekh | Sambandhit Lekh | Views : 2321 |  
mati pratibha devi sinh patil ko desh ki pratham mahila rashtrapti banne ka gaurav islie prapt hua ki jivan ke uttarardh men unki bhagyarekha men rajyog hai. yahi karan raha ki rashtrapti chunav ke dauran ummidvaron ki rassakshi ke bich shrimti patil ke nam ka pahli hi bar shrimti soniya gandhi ne prastav kiya aur shighra hi is prastav ko samarthan bhi mil gaya. vartaman samay ke bad unki bhagya rekhaen aur prabal hongi. rashtrapti ke rup men to vah bharat men hi shirshasth hain lekin unke hastarekhaon ka adhyayan yah sanket de raha hai ki bhavishya men vah vishva shanti, atankvad unmulan aur vishesh rup se vishva mahila sashaktikaran ke lie sanpurn duniya men ek adarsh rashtrapti ke rup men sthapit hongi. kisi ko malum nahin hoga, yahan tak ki svayan shrimti patil bhi yah nahin janti hongi ki umra ki chaithi avastha men unhen desh ka gaurav banne ka suavasar milega, lekin unki hastarekhaen spasht karti hain ki unmen prabal rajyog hai. is rajyog ka hi pratifal raha ki shrimti patil ne rashtrapti chaynit hone se lekar ab tak jo bhi kamyabiyan prapt ki hain unke ayam abhutpurva v apratyashit rahe hain. aie, janen ki unke hath ki rekhaon men kaun sa prabal yog hai jisne unhen yah sarvaechch samman prapt karaya. ham hastarekha shastra ke madhyam se prapt anubhav ke adhar par 10 binduon ko rakh rahe hain jo shrimti patil ke shikhar par pahunchne ki prabal sanbhavnaen bana rahe hain. s shrimti patil ki ungliyan choti, patli v sidhi hain. unka hath bhari hai tatha usmen sabhi grah uchchasth hain. aisa hath kam hi paya jata hai. uchch koti ke vyaktitva ko darshane vali in hastarekhaon ne shrimti patil ke sarvochch pad par pahunchne men aham bhumika nibhai. badhaen ati to jarur thin lekin hastarekhaon men bhagya itna prabal hai ki sare masle svayan hal hote gae aur vah sarvochch pad par asin ho gain. s rashtrapti mahodya ki jivan rekha gol hai, mastishk rekha dvibhajit hai tatha hridyrekha shani v guru ke bich men samapt ho rahi hai. vahin inke grah unnat hain. faltah jab do virodhi davon ke bich inke nam ka prastav kiya gaya to donon dalon ka anumodan mil gaya. s shrimti patil ka angutha patla v lachkdar hai. yah sthiti kisi vyakti ke jivan ke uttararddh men advitiya pragti v khyati prapt karne ki dyotak hai. yahi karan tha ki unhen desh ka sarvochch pad prapt hua. s unke hath bhari, mulayam v gulabi hain. bhagya se sanbandhit samast hastarekhaen spasht hain. yah sthiti prabal rajyog ko darshati hai. s surya rekha saf suthri v unnat hai. sath hi sabhi grah bhi shirshasth hain. ukt rekha tatha grahon ki yah sthiti bhi unke is pad par pahunchne ka karan rahi. s inki ungliyon ke sabhi adhar barabar hain aur unmen ekrupta hai. yah ek prabal rajyog ka lakshan hai aur vyakti ke sarvochch pad par pahunchne ka sanket deta hai. s shrimti patil ki hriday v mastishk rekhaon men rikt sthan hai. mastishk rekha chandrama par jati hai. hath bhari, rekhaen kam v suspasht hain. yah sari sthiti inke pragti ke path par nirantar barhte jane ka sanket deti hai. s hastarekhaon ke adhar ka barabar hona yah parilakshit karta hai ki unke jivan ke sare pahlu svarnim v susajjit rahenge aur vah rashtrahit se purit hokar pad ki garima v maryada banae rakhengi. s hath mulayam v gulabi hona yah bhi pradarshit karta hai ki aise vyaktitva men bhagyoday ki sanbhavnaen sada prabal hoti hanai. yahi karan raha ki shrimti patil apne seva kal ke aranbh se ab tak kamyabi ki bulandiyan prapt karti rahin. s guru ki ungli ka surya ki ungli se bari hona is bat ka dyotak hai ki is prakriti ke vyakti ka vyaktitva mahan v ekaki hota hai aur vah parivar tatha samaj ke prati samarpit rahta hai aise logon men rashtra ke prati samarpan ki bhi bhavna kut-kut kar bhari rahti hai. aise vyaktitva ke log chunautiyon ka samna bare sahas v shalinta ke sath karte hain aur lakshya bhi prapt kar lete hain. tatparya yah ki rekhaon, grahon v ungliyon ki is utkrisht sthiti ke karan shrimti patil is sarvochch pad par pahunchi hain.
Kya aapko lekh pasand aaya? Subscribe

Kya aapko lekh pasand aaya? Subscribe


baglamukhi visheshank  March 2008

baglamukhi ka rahasya evan parichay, baglamukhi devi ka mahatmya, baglamukhi tantra mantra evan yantra ka mahatva evan upyog, baglamukhi ki upasna vidhi, baglamukhi upasna men samagriyon ka mahatva is visheshank se jana ja sakta hai.

Subscribe

Apne vichar vyakt karein

blog comments powered by Disqus
.