रक्तयुक्त पेचिशः खूनी दस्त

raktayukt pechishah khuni dast  

Ank ke aur Lekh | Sambandhit Lekh | Views : 10293 |  
raktayukt pechishah khuni dast acharya avinash sinh ayurved ke anusar sharir ki vayu dushit hone se raktayukt atisar rog paida hota hai. mansik rog se sharir ki vayu dushit hoti hai. yah vayu sharir men bari ant men paida hoti hai. atah dushit vayu ka asar sabse pahle bari anton par hota hai. isse bari ant ki karyapranali bigar jati hai, jisse raktayukt atisar ki sthiti paida hoti hai. aj har vyakti apne kshetra men sari unchaiyon ko chu lena chahta hai, jiski tamanna ne uske mastishk men ghar kar liya hai. is tamanna ki pratyakshata pa lene men use kafi duahkh jhelne parte hain, jisse krodh, chinta, tanav adi kai mansik vikar apna sir utha lete hain. inhin ke karan sharir ka har ang buri tarah se prabhavit hota hai aur kamjor ang sabse pahle rogagrast ho jata hai. uchch raktachap, hriday rog, madhumeh, udar rog adi isi tarah se utpann hone vale rog hain. isi shrrinkhla men ek rog hai, 'raktayukt atisar' ya pechish. ayurved ke granthon men atisar chah prakar ke bataye gaye hain. unmen se ek hai shokaj atisar, jismen dast ka karan, kisi prakar ka mansik aghat hota hai. iske rogi men dast raktamishrit, durgandhyukt, ya bilkul gandhhin ate hain. ayurved shastron ke anusar dushit pitt se utpann dast lagne par bhi agar vyakti garm, tej, masaledar chijen sevan karta rahe, to parinamasvarup mal raktayukt ane lagta hai. adhunik vigyan abhi iske karnon ko sahi rup se dhundh nahin paya hai. lekin mansik tanav ke sath yah jura hua hai, aisa nishchit rup se kaha ja sakta hai. lakshan : is rog men pahle bari ant men sujan ati hai aur bhitri satah par kisi karan se ghav ho jate hain, jisse rogi ko 3-4 bar raktayukt mal hota hai. agar sath men anya lakshan bhi hon, jaise dast men piv ana, anv sahit mal ana, sharir men jalan, adhik pyas lagna, sharir ka vajan ghatte jana, bukhar, fikapan, nari ki gati barh jana aur bari anten ful jana adi to sthiti ganbhir mani jati hai. lanbe samay tak yahi sthiti rahne se kabhi-kabhi bari anton ke fat jane se malashay ka kainsar jaisi ganbhir avastha bhi paida ho jati hai, jismen tatkal upchar ki avashyakta hoti hai. yah rog adhikatar burhe logon ko hota hai. iski shuruat achanak hoti hai. shok, chinta, bhavnatmak kunthayukt mansik sthiti men chand din, ya mahine guzar jane se rog adhik ganbhir ho jata hai. fir pet men dard, bechaini ke sath patle dast shuru ho jate hain. rogi ka vajan ghat jata hai. ismen khun ki kami spasht najar ati hai. ayurved ke anusar pet ki agni ki mandta is rog ki jar hoti hai. is bat ko chikitsa ke samay dhyan men rakhna chahie. upchar : kisi bhi prakar ka rog ho, uske utpann hone ke karnon ko dur karna ati avashyak hai. isse is rog ka age upchar asan ho jata hai. khun ka bahav rokne ke char siddhant ayurved ki sushrut sanhita men batlaye gaye hain : karve svad ki aushdhiyon se ghav bhar kar khun band ho jata hai, jaise daruhaldi, mocharas, nim, ashvagandha adi. shital aushdhiyon se shiraen sankuchit ho kar khun bahna ruk jata hai. inmen shuddh geru, shatavar, chandrakla ras, moti bhasm adi ka samavesh hota hai. kuch bhasm, jaise, trin bhasm, resham ke vastra ko jala kar banayi gayi bhasm adi se bhi khun band ho jata hai. dah, jismen fati shiraon ko garm sui se jala kar band kar dete hain. isse khun bahna band ho jata hai. kintu yah upchar is vyadhi men sanbhav nahin hai. gharelu upchar : paraval ke patte tatha mulhthi ke karhe ki dhara guda ke bhag par bahaen. shatavar ka churn 5 gram le kar 2 pyale dudh aur 2 pyale pani men dal kar pakaen. pani ka ansh ur jane par us dudh ko din men 4 bar pien. shahad men 2 se 5 gram mulhthi mila kar din men 3 bar chataen. lakh, sonth, pippali, kutki, daru, haldi ki chal tatha indra jau ke churn saman matra men mila kar rakhen. is churn ko 2 gram din men 2-3 bar khilaen. chandan ka churn shakkar ke sath mila kar chaval ke dhovan se pien. belgiri, sukha dhaniya aur misri pis kar churn bana len. 5 gram ki matra pani ke sath din men 3 bar dene se shighra labh hota hai. sukha dhaniya pis kar churn bana len aur misri mila kar pani men ghol kar pine se dast men khun ana band ho jata hai. mocharas se banae karhe men 2 chammach shuddh ghi dal kar uska enima den. ek saptah se ek mahine tak dene se anton ke ghav mit kar khun ana band ho jata hai. parhej : is rog men sabji khana varjit hai. rogi ko lal chaval aur dudh, anar dane ka ras dena chahie. mirch, achar, dahi, chach galti se bhi nahin dena chahie. jyotishiya drishtikon : raktayukt pechish ka mukhay karan pet ki anton men sujan ke karan ghav aur mansik tanav hain. kal purush ki kundli men pet ki anton ka sthan shashth bhav hai, jiska karak grah mangal hai. mangal rakt ka bhi karak hai. mansik tanav lagnesh chandra ke dushprabhavon se hota hai. islie jis kundli men lagn, lagnesh, chandra, mangal, shashthesh aur shashth bhav dushprabhavon men hon, to jatak ko raktayukt pechish hone ki sanbhavnaen barh jati hain. tula lagn men shashthesh lagn men ho, mangal shashth bhav men ketu se yukt, ya drisht ho aur shani saptam bhav men ho, chandra lagn men hi ho aur lagnesh ashtam bhav men rahu-ketu ke prabhav men ho, to guru, ya ketu, ya mangal ki dasha-antardasha men aisa rog hota hai. vibhinn lagnon men raktayukt pechish : mesh lagn : lagnesh mangal shashth bhav men chandra se yukt, ya drisht ho, budh lagn men ho, shashth bhav par shani ki drishti ho, ketu shani se yukt, ya drisht ho, to khuni pechish ki sanbhavna mangal, ya chandra ki dasha-antardasha men hoti hai. vrish lagn : lagnesh aur shashthesh mangal se yukt ho kar saptam bhav men hon, shashth bhav guru se yukt, ya drisht ho, chandra-lagn rahu-ketu ke prabhav men hon, to raktayukt pechish guru, ya mangal ki dashantardasha men hoti hai. mithun lagn : lagnesh dvadash bhav men, ya shashth bhav men guru se yukt, ya drisht ho, chandra ashtam bhav men shani se yukt, ya drisht ho, surya lagn men rahu, ya ketu se drisht ho, to guru v mangal ki dasha-antardasha men rog hota hai. kark lagn : shashthesh mangal se yukt ho kar dvadash bhav men shani se drisht ho, lagnesh chandra shashth bhav men ho, surya pancham bhav men rahu-ketu se yukt, ya drisht ho, to ketu, ya shani ki dasha-antardasha men raktayukt pechish rog hota hai. gochar men mangal dushprabhavon men hone se aisa hota hai. sinh lagn : lagn men surya ho, lagnesh surya shashth bhav men mangal se yukt, ya drisht ho kar rahu-ketu ke prabhav men ho, budh pancham bhav men ho aur shukra saptam bhav men ho, to raktayukt pechish hone ki sanbhavna shani ya mangal ki dasha-antardasha men hoti hai. kanya lagn : shashthesh ashtam bhav men, mangal shashth bhav men ketu se yukt ho, lagnesh budh dvitiya bhav men, surya lagn men ho aur chandra nich ka ho, to raktayukt pechish mangal ki dasha-antardasha men hone ki sanbhavna hoti hai. tula lagn : shashthesh lagn men ho, mangal shashth bhav men ketu se yukt, ya drisht ho aur shani saptam bhav men ho, chandra lagn men hi ho aur lagnesh ashtam bhav men rahu-ketu ke prabhav men ho, to guru, ya ketu, ya mangal ki dasha-antardasha men aisa rog hota hai. vrishchik lagn : shashth bhav men budh saptam bhav men shani, ya rahu se yukt, ya drisht ho, lagnesh ashtam bhav men shukra se yukt ho, chandra lagn men ho, to jatak ko raktayukt pechish mangal, budh, ya shani ki dashantardasha men hota hai. mangal gochar men dushprabhavon me rahe, tab bhi rog hota hai. dhanu lagn : shashthesh saptam bhav men ho, saptamesh budh shashth bhav men lagnesh guru shani se yukt, ya drisht ashtam, ya dvadash bhav men ho, shashth bhav rahu se drisht, ya yukt ho, chandra lagn men mangal se yukt ho, to raktayukt pechish mangal, ya shukra ki dasha-antardasha men hoti hai. makar lagn : shashthesh budh pancham bhav men, guru shashth bhav men, lagnesh shani ashtam bhav men, chandra lagn men rahu-ketu se yukt, saptam bhav mangal se drisht, ya yukt ho, to raktayukt pechish guru, ya mangal ki dasha-antardasha men hone ki sanbhavna hoti hai. kunbh lagn : chandra dvitiya bhav men rahu-ketu se yukt ho, guru saptam bhav men, mangal shashth bhav men budh se yukt ho, lagnesh shani ashtam bhav men shukra se yukt ho, to jatak ko mangal, chandra, ya shani ki dasha men raktayukt pechish hoti hai. min lagn : lagnesh guru shashth bhav men shani se drisht ho, mangal lagn men rahu-ket se yukt, ya drisht ho, chandra ashtam bhav men budh se yukt ho, surya saptam bhav men ho aur shukra ast ho, to jatak ko raktayukt pechish surya, mangal, ya shani ki dasha-antardasha men hone ki sanbhavna hoti hai. uparyukt sabhi yog chalit kundli par adharit hain. rog sanbandhit grah ki dasha-antardasha aur gochar ke pratikul rahne se hota hai. tadoprant rog dur ho jata hai.
Kya aapko lekh pasand aaya? Subscribe
Kya aapko lekh pasand aaya? Subscribe


hast rekhaen aur jyotish  April 2011

jo jyotish men hai vahi hath ki rekhaon men hai donon ek dusre ke purak hai. hath ki vibhinn rekhaen kya falit kathan karti hai iski jankari is visheshank men di gai hai.

Subscribe

Apne vichar vyakt karein

blog comments powered by Disqus
.