लाल किताब का परिचय इतिहास एवं उत्पत्ति

lal kitab ka parichay itihas evan utpatti  

Ank ke aur Lekh | Sambandhit Lekh | Views : 4977 |  

jyotish ko ved (gyan) ki tisri ankh kahte hain, uska mahatva aj bhi barkrar hai. vartaman samay men bhi uske kamovesh avshesh vidyaman hain. is sadi ke mahan vaigyanik nyutan ne apni svayan ki kundali lal kitab ke adhar par svayan nirmit ki thi. nyutan ko ahsas ho gaya tha ki hastarekha se nirmit kundali manushya ke karnamon ki pol palak jhapkte hi kholne men saksham hai.

jagat ki sari prachin sabhyataon men jyotish evan khagol shastra ki parampara rahi hai. evan is gyan ka adan-pradan bhi hota raha hai. manav sabhyata ke itihas men do samanantar dharayen aviral chalti rahi hain. pratham dhara thi vishuddh grahon ki gati par adharit ghatnaon ki jo ganit jyotish ki tulna men falit jyotish kahlati hai. kalantar men ganit jyotish ki tulna men falit jyotish arthat lal kitab khub faili v 12vin sadi ke bad jyotish ke siddhant ki matra tikayen likhi jane lagin jabki ganit jyotish kitabon men simat kar rah gayi. falit jyotish ke kai rup ho gaye hain. jaise- hast rekha shastra, mukhakriti vigyan, hastakshar vigyan, prashn kundli vigyan, ank shastra, hora shastra adi n jane kitni vidhayen panpi v lokapriya rahin. kalakram men dhyan dene vali bat yah hai ki ajakal lal kitab bhi prachalan men a gayi hai. puratan kal men durlabh sahityon evan jyotishiyon ki bhavishya kathan ki prakriya uljhi hui v pahelinuma bhashaon men hoti thin, jaisa ki lal kitab par drishti dalne par pratit hota hai. uljhi hui bhavishyavaniyan hone par bhi vakt ane par unke arth svatah spasht ho jate the. jagat ki puratan sabhyataon men kalakram ke anusar mandiron men pujari evan pujarinen, bhavishya adhyayan v kathan lal kitab ke hi anusar kiya karte the.

san 1942 men hitalar ne apne niji jyotishi evan adhyatmik salahkar (shri kraft ) se pucha tha jarmani ki kismat men yuddh ka dhuan kab-tak bada hai. kraft ne kaha tha ki mai 1945 tak' 'evan mera bhavishya?', kraft ne uttar diya- 'suraj ki agni jaisa prakhar v bankar jaisa surakshit.' itihas sakshi hai ki 29 aprail 1945 ko barlin ke ek bankar men hitalar ne apni premika (ivavran) se vivah kiya evan agle hi din atmahatya karne ke purva apne anuchron ko adesh diya ki iva v uski lash ko petrol se jala den. iska yah abhipray hai ki manushya vartaman men jo achche karm karta hai ya bure karm karta hai, uska prabhav uske purvarjit adrisht par avashya parta hai. jyotish ke hisab se laukik paksh men ek mahatvapurn bat yah hai ki grah falafal men niyamak nahin hain, apitu suchak hain. arthat grah kisi ko sukh -duahkh nahin dete balki ane vale sukh-duahkh ki suchna dete hain. lal kitab ke anusar bani janm patri men talashen ki kaun sa grah kasht de raha hai. uske anusar ap us grah ki shanti ka upay kar len.

yadi apko apni janma-patri ka thik-thik pata nahin hai to bhi ap nimn prayog ek saptah avashya karen, karke dekhen. yadi apko abhas hota hai ki amuk din apke liye vishesh rup se kashtakari siddh hota hai to us din se sambandhit grah ka totka 40 se 43 dinon tak nitya karen. yah prayog apka arthik paksh sabal karega.

lal kitab ke totkon men (chalte pani men bahana) prayah prayog karaya jata hai. iske piche bhav yah hai ki apke sare kasht koi agyat shakti pani men bahakar apse dur liye ja rahi hai.

yunan men purva sagar tatiya kshetra men ethens ke pas delfi namak parvatiya anchal men apolo ka mandir tha jiske bhagnavshesh aj bhi vidyaman hain. isa purva ki chauthi sadi men delfi ki pujarine vishesh dinon men lal kitab ke anusar bhavishya kathan kiya karti thin, jinhen paythiya kaha jata hai. ve hath ki rekhaon ke adhar par nirmit janm kundali se bhavishyavani kartin thin. unhin dinon rom ke samrat niro ne delfi ke paythiya se apna bhavishya puchne ki kamna ki. vah kafi prayas ke bad lambi yatra karke delfi pahuncha. apolo ke pavitra mandir men use ghuste hi vahan upasthit paythiya ne chikhte huye kaha 'ja, bhag ja, mata ke hatyare, delfi aur bachakar rahe. is apman se niron ape se bahar ho gaya. usne delfi ki sari pujarinon ko evan us pujarin ka hath-pair kat kar unhen jinda hi jamin men dafnane ka hukm diya evan unke angarakshakon ne mandiron ko tahas -nahas kar diya. niro ne socha ki pujarin ne uski ayu 73 varsh batayi hai parantu pujarin ka ashay kuch aur tha. jisne niro ki hatya ki thi uska nam galba tha evan uska rajya bhi hathiya liya tha. tab uski ayu 73 varsh ki thi us galba ne 73 varsh purn hone ke purva hi niro ki hatya kar di. uprokt tathyon ke adhar par yah satya pratit hota hai ki divya-drishti se likhi lal kitab ke panne gurh evan gahan vidhaon evan atindriya shaktiyon ke svami hain jo manav ki atmaon m jhankakar vibhinn gopniya rahasyon ko ujagar karte hain.

kinvdanti hai ki lankadhipti ravan ne surya ke sarthi arun se is ilm ka samudrik gyan sanskrit men granth ke rup men grahan kiya tha. ravan ki tilasmi duniya samapt hone ke pashchat yah granth kisi prakar 'ad' namak sthan par pahunch gaya jahan iska anuvad arbi-farsi men kiya gaya. kuch log aj bhi yah mante hain ki pustak farsi men upalabdh hai jabki sachchai kuch aur hai yah granth urdu men anuvadit hone ke pashchat pakistan ke pustakalay men surakshit hai. parantu kalavash is granth arun sanhita banam lal kitab ka kuch hissa lupt ho chuka hai.

lal kitab men kaha gaya hai 'bimari ka ilaj dava hai, magar maut ka ilaj nahin, duniyavi hisab -kitab hai koi dava khudayi nahin.' iska tatparya yah hai ki lal kitab koi jadu nahin apitu bachav evan ruh (atma )ki shanti ke liye hai magar dusron par hamla karne ke liye nahin. agar bhagya ke rah men koi int ya patthar gira de evan marg ka avrodh kare to is vishay ki madad se patthar hatakar use pravahman karne ki koshish ki ja sakti hai.

lal kitab ke anusar surya ke devta vishnu ji, chandra ke devta shiv ji, budh ke devta durga ji, brihaspati ke devta brahma ji, shukra ke devta lakshmi ji, shani ke devta shiv ji, rahu ke devta sarp, ketu ke devta ganesh ji hain. apko lagta hai ki kisi grah ke karan ap bhautik kasht bhog rahe hain to ap us grah se sanbandhit devta ki puja-archana karen,prabhu avashya sukh-samriddhi tatha shanti pradan karenge.

Kya aapko lekh pasand aaya? Subscribe
Kya aapko lekh pasand aaya? Subscribe


lal-kitab  March 2011

lal kitab namak prasiddh jyotish pustak ka parichay, itihas evan anya deshon ke bhavishyavaktaon se iska kya sanbandh raha hai tatha iske saral upayon se kya praptiyan sanbhav hain vah sab janne ka avasar is pustak men milega.

Subscribe

Apne vichar vyakt karein

blog comments powered by Disqus
.