hastarekha dvara vivah nirnay prashnah hast rekha ke adhar par vivah ka sanbhavit samay kaise nikal sakte hain. is paddhati dvara vaivahik jivan ke bare men bhavishya kathan ke niyam v vidhi ka vistarpurvak varnan karen. is vishay par bhi charcha karen ki kya var-vadhu ka milan hast rekha se sanbhav hai? hastarekha ke adhar par vivah ka sanbhavit samay deshkal ki paranpraon ke anusar jatak ke vivah ki umra ka anuman kiya jana chahiye. samanya niyam yah hai ki hriday rekha se kanishthika mul tak ke bich ki duri ko pachas varsh ki avdhi manakar uska vibhajan karke samay ki ganna karni chahiye. is sanpurn kshetra ko bich se vibhajit karne par pachchis varsh ki ayu prapt hoti hai. yadi is kshetra ko char barabar bhagon men vibhajit karne ke liye iske bich men tin ari rekhaen khich di jayen to hriday rekha ke nikat ki pahli rekha vale bhag se bachapan men vivah (lagabhag 14 se 18 varsh ki avastha men) hota hai. dusri rekha vale bhag se yuvavastha men vivah (lagabhag 21 se 28 varsh ki avastha men) hota hai. tisri rekha vale bhag se vivah lagabhag 28 se 35 varsh ki avastha men hota hai, jabki chauthe bhag arthat tisri rekha v kanishthika mul ke bich vale bhag se praurhavastha men arthat 35 varsh ki ayu ke bad vivah samjhna chahie. vivah ki umra ka yatharth bodh aur samay ka anuman jivan rekha, bhagya rekha, surya rekha v unki anya prabhav rekhaon ke dvara adhik yatharth aur vishvasniya dhang se hota hai. hastarekha ke adhar par vaivahik jivan ke bare men bhavishya kathan ke niyam v vidhi : vivah rekha ko anurag rekha, prem sanbandh rekha, lalna rekha, jivan sathi rekha, asakti rekha, spadam vi unttpanhmae spadam vi svaamae spadam vi nadapavad adi namon se jana jata hai. vivah rekha ke sthan ke bare men prachin vicharak ekamat nahin the.
kuch vicharkon ne shukra kshetra ki rekhaon ko, to kuch ne chandra kshetra ki rekhaon ko vivah rekha ke rup men svikar kiya hai. kintu adhikansh prachin granthon vivek vilas, shaiv samudrik, hast sanjivan, prayog parijat, karalakkhan adi men hriday rekha ke upar budh kshetra men sthit ari reshaon ko hi vivah rekha mana gaya hai. vivah rekha ka aranbh : jo rekhaen budh kshetra ke bhitar ari rekhaon ki tarah hon, ve vivah ki suchak nahin, balki budh kshetra ke gunon men viprit ya dushit prabhav utpann karti hain. karatal ke bahar se akar budh kshetra men pravesh karne vali sidhi, spasht aur sundar rekhaen hi sukhad vaivahik jivan ka sanket deti hai. yadi vivah rekha ka aranbh hriday rekha ke bhitar se ho ya uchch mangal kshetra se nikalakar budh kshetra men chap khand ki tarah pravesh kare to aise jatak ka vivah abodh avastha men ho jata hai. aise vivah prayah bemel hote hain jo age chalakar asthirta ya dukh ka karan bante hain. yadi is yog ke sath jatak ke hath men madhya budh kshetra men dusri spasht vivah rekha maujud ho to dusre vivah ki sanbhavna adhik rahti hai. yadi vivah rekha kanishthika ke mul se nikalakar chap khand ki tarah budh kshetra men pravesh karen to jatak ko vriddhavastha men paristhitiyon ke dabav men vivah karna parta hai. yadi vivah rekha ka aranbh dvip chihn se ho, to jatak ke vivah ke piche koi gopniya rahasya chipa hota hai.
yadi kisi mahila ke hath men is prakar ka yog ho, to usko fansakar ya dhokha dekar, majburi men shadi ki jati hai, aise men aranbhik vaivahik jivan kashtakar hota hai. yadi bad men rekha shubh ho, to paristhitiyan samanya ho jati hain. yadi vivah rekha ke aranbh ki ek shakha kanishthika mul ki or jaye aur dusri shakha hriday rekha ki or jhuk jaye to pati-patni ko aranbhik vaivahik jivan men ek dusre se dur rahna parta hai. yadi age jakar ye donon shakhaen mil gayi hon to pati-patni ka sanbandh punah jur jata hai. vivah rekha ka samapan : yadi vivah rekha surya kshetra men samapt ho, to jatak ko vivah ke karan pratishtha aur dhan-labh hota hai. yadi vivah rekha upar ki or murakar surya rekha se mil jaye, to jatak ka jivnsathi uchchakul ka tatha pratibha se sanpann hota hai. aisa vivah jatak ke liye shubh hota hai, kintu ajivan jivan sathi ke prabhav men rahna parta hain yadi surya kshetra tak jane vali vivah rekha niche murakar surya rekha ko kat de, to jatak ka vaivahik sanbandh usse nimn koti ke vyakti ke sath hota hai aur is vivah ke karan uski pratishtha ko hani pahunchti hai v dukh uthana parta hai. yadi vivah rekha shani kshetra tak chali jaye, to yah ek bahut ashubh yog mana jata hai. aisi sthiti men jatak apne nihit svarthon ki purti ke liye jivn-sathi ko ghayal karta hai ya use mar dalta hai.
yadi is yog men shani kshetra par bhagya rekha ke ant men kras ka chihn ho, to jatak ko apne jivn-sathi ki hatya ke arop men mrityudand diya jata hai. yadi vivah rekha niche ki or murakar hriday rekha ki or jhuk jaye, to is bat ki suchak hai ki jatak ke jivn-sathi ki mrityu usse pahle hogi. yadi aisi rekha dhire-dhire ek dhalan ke sath niche ki or mur jaye to, aisa samjhna chahiye ki jivn-sathi ki mrityu ka karan koi lanbi bimari hogi. aisi rekha ke dhalan men yadi kros chihn ho ya ari rekha ho to mrityu achanak kisi rog ya durghatana ke karan hoti hai. dvip chihn hone se sharirik nirbalata ya bimari ke karan mrityu hoti hai. yadi vivah rekha shukra kshetra men jakar samapt ho, aur yah yog sirf bayen hath men hi ho, to vaivahik sanbandh vichched karne ki ichcha hi vyakt karta hai. donon hathon men yahi yog ho to nishchit hi sanbandh vichched hota hai. yadi vivah rekha budh-kshetra men upar ki or mur jaye aur kanishthaka mul ko sparsh karne lage, to jatak ajivan avivahit rahta hai. yadi vivah rekha ka samapan uchch mangal ke maidan men ho to jivan sathi ke vyavhar ke karan vaivahik jivan dukhi rahta hai.
yadi vivah rekha ka ant uchch mangal ke kshetra men ho aur samapan sthan par kros chihn ho, to jatak ke jivn-sathi ke jivan men aniyantrit irshya v dvesh ke karan koi pran ghatak durghatana ghatit hoti hai. yadi vivah rekha ka ant trishul chihn se ho, to jatak pahle apne prem ki ati kar deta hai aur bad men sanbandhon ke prati udasin ho jata hai. vivah rekha ki shakhaen evan prabhav rekhaen : vivah rekha se hriday rekha ki or girti hui choti-choti shakhaen jivan sathi ki asvasthata ko batati hain. do shakhaon vali vivah rekha ki ek shakha mangal ke maidan tak pahunche to apas men talak ho jata hai. yadi vivah rekha ki ek shakha hriday rekha ko sparsh kare to yah samjhna chahie ki jatak ke krur vyavhar aur hridyhinta ke chalte vaivahik sanbandh samapt ho jaega. vivah rekha ke aranbh aur ant men dvishakhaen hon, to kahin dur yatra men chale jane se ek dusre se viyog pira sahte hain kintu vaidhanik taur par alag nahin hote. yadi vivah rekha do shakhaon men vibhakt ho jaye aur ek alag rekha surya rekha men bane hue dvip tak jae to jatak ke pad aur pratishtha ki hani hoti hai aur vaivahik sanbandh kalankpurn paristhitiyon men samapt hota hai. yadi vivah rekha ki ek shakha mastishk rekha se mil jaye to matantar ke karan jivan sathi se talak hota hai. jab rekha dvip chihnon se bhari ho aur ant men do shakhaon men vibhakt ho jae to vaivahik jivan atyant dukhad hota hai.
surya rekha ko sparsh karne vali vivah rekha ki shakha pratishtha deti hai. yadi vivah rekha ki shakha surya rekha ko kate to vivah ke karan pad-pratishtha ki hani hoti hai. yadi vivah rekha do shakhaon men vibhakt ho aur mangal ke maidan men se niklne vali prabhav rekha jo bhagya rekha, mastishk rekha, hriday rekha ko katti hui upar uthe tatha vivah rekha ko bhi kat de, to vaivahik sanbandh vichched ho jata hai. yadi aisi prabhav rekha dvip chihnayukt ho, to vivah vichched hone ka karan anuchit ch chalakapat ki bhavna hoti hai. yadi koi prabhav rekha shukra kshetra se akar vivah rekha ko kat de ta parivar valon ke hastakshep se vaivahik jivan men badha ati hai. yadi shukra kshetra se uthne vali prabhav rekha jivan rekha ki urghvagami shakha ko katti hui budh kshetra men jakar vivah rekha ko kat de, to kanuni dhang se talak manjur ho jata hai, kintu iske pahle adalti karravai chalti hai. is talak ka karan bhi parivar ka hastakshep hota hai. yadi kanishthika ke mul sthan se koi lanbavat rekha akar vivah rekha ko kat de, to jatak ke vivah men anya logon ke virodh ke karan badha ati hai. yadi koi bahut patli rekha, vivah rekha ko lagabhag sparsh karti hui, uske samanantar chalti ho, to jatak vivah ke pashchat apne jivnsathi ko bahut pyar karta hai. yadi budh kshetra par vivah rekha pushtata se ankit ho aur koi prabhav rekha chandra kshetra se akar bhagya rekha se mile, to jatak vivah ke bad dhanvan ho jata hai. parantu jab prabhav rekha chandra kshetra par pahle sidhi charh jaye aur fir murakar bhagya rekha se mile, to vivah sanbandh men sachche prem ki bhavna nahin hoti balki dikhava matra hota hai.
yadi prabhav rekha bhagya rekha se adhik balvti ho to jatak ka vyaktitva apne premi ke vyaktitva ki apeksha kamjor hota hai, jisse vah dabbu bana rahta hai. dohri vivah rekhayen : vyavhar men yah dekha gaya hai ki adhikansh vyaktiyon ke hathon men ek se adhik vivah rekhaen maujud rahti hain, fir bhi samanyatah unki ek hi shadi hoti hai. isliye ek ya ek se adhik vivah rekhaon ki upasthiti ko, anya prabhav rekhaon ke pariprekshya men mulyankit karna chahiye, vivah rekhaon ke hone matra se vivah hona sanbhav nahin hai, kintu akarshan ya prem avashya rahta hai. isiliye kai logon se prem sanbandh rakhne vale vyaktiyon ke hathon men kai vivah rekhaen hoti hain, kintu vyavhar men unki shadi nahin hoti ya matra ek hi hoti hai. iske viprit jo log vaivahik sanbandhon ke prati udasin rahte hain, unke hathon men vivah ho jane ke bavjud vivah rekha nahin hoti hai. isliye ek se adhik vivah rekha hone par vaivahik sanbandhon ki sankhya ka nirnay shukra kshetra, chandra kshetra v jivan rekha se niklne vali anya prabhav rekhaon ke adhar par karna chahiye. yadi sahayak lakshan n hon, to vivah rekhaon ko akarshan ya prem rekha manna chahiye. yadi budh kshetra men do vivah rekhaen maujud hon aur bhagya rekha se nikalakar uski ek shakha hriday rekha men mil jaye, to jatak ki dusri shadi hoti hai. vivah rekhaon ke dosh : yadi vivah rekha achanak khandit ho jaye to vaivahik sanbandh achanak tut jata hai. yadi vivah rekha se choti-choti shakhayen upar ki or uth rahi hon, to jis vyakti ke hath men aisi rekhaen hongi, uske jivan sathi ke prem sanbandh jatak tak hi simit n rahakar aur anya logon ke bich vibhajit hoga.
jis mahila ke hath men aisi rekhayen hoti hain, uski anek sauten hoti hai. yadi vivah rekha se aisi shakhaen hriday rekha ki or gir rahi hon, to jivan sathi ka svasthya hamesha kharab rahta hai. vivah rekha ko katne vali ari rekhaen apsi sanbandhon ke tutne, avruddh hone ya jivnsathi ke asvasth hone athva uski durghatana ka sanket deti hai, jinki vajah se vaivahik jivan men anavashyak dikkaten utpann hoti hain. yadi vivah rekha budh kshetra tak jaye aur vahan par ankush ki tarah niche ki or jhuk jaye to aisa vyakti jise prem karta hai, vah kisi dusre se prem karta hai. vivah rekha men vibhinn chihn : dvip chihn : yadi vivah rekha ke ant aur anguthe ke mul men dvip chihn ho, to jatak ka vivah kisi najdiki rishtedar se hota hai. vivah rekha ke madhya men dvip chihn vaivahik jivan men ane vali dikkaton ka sanket dete hain. kras chihn : kras chihn sanbandh vichched ya mrityu ka sanket dete hain. yadi vivah rekha niche ki or mur gai ho aur uske ant men kras chihn ho to jivn-sathi ki mrityu ho jati hai. vivah rekha ko sparsh karta hua upar ki or sthit kros chihn garbhapat ka sanket hai.
bindu chihn : vivah rekha par kale rang ka bindu chihn ho to jatak ke jivan sathi ki mrityu ho jati hai. nakshatra chihn : surya kshetra tak jane vali vivah rekha ke ant men nakshatra chihn uchch kul men vivah karata hai. yadi vivah rekha men nakshatra chihn ho to jivan sathi ki mrityu ho jati hai aur atyant atmik kasht hota hai. yadi vivah rekha kanishthika mul ki or muri hui ho aur uske ant men nakshatra chihn ho to jatak apne premi ki kalushit bhavnaon ko satya ke rup men jan leta hai aur uska moh bhang ho jata hai. varg chihn : vivah rekha ke upar bana hua varg chihn vivah men hone vali pareshaniyon ke dushprabhav ko kam karta hai. hast rekha ke adhar par var-vadhu ka milan hast rekha ke adhar par var-vadhu ke danpatya sukh ka andaja lagaya ja sakta hai. iske liye var tatha vadhu ke hathon ka print le lena chahiye. sukhi vaivahik jivan ke lie nimnalikhit baton par dhyan dena chahiye. mangal rekha jivan rekha ke samanantar kintu tanik dur ho aur patli tatha nirdosh ho. yadi var tatha vadhu ke hathon men vivah rekha nirdosh ho, jivan rekha patli tatha golakar ho, bhagya rekha patli aur nirdosh ho aur jivan rekha se dur ho, hriday aur mastishk rekha samanantar kintu dur-dur hon, aur unki shakhaen ek-dusre men pravesh n karen, ungliyan sidhi hon, angutha bara ho, tarjani bari ho, to vaivahik jivan sukhi hota hai. yadi donon ke hi hathon men hriday rekha ki shakhaen guru parvat ki or hon to dhan, saubhagya ki drishti se sukhi vivahit jivan hota hai. yadi donon ke hi hathon men bhagya rekha patli aur gahri ho, donon ke anguthon ke madhya ki vibhajak rekha men spasht yav hon to var-vadhu ka sukh lanba hota hai. yadi donon ke hi hathon men vivah rekha sidhi ho to vaivahik jivan sukhi hota hai. yadi vivah rekha ka rukh halka sa ungliyon ki or ho, to jivan sathi lanbi umra pata hai.
mangli yog : var ya kanya ke hath men yadi vivah rekha hriday rekha ko chukar jaye, athva budh ki or jaye to vidhva ya vidhur yog banta hai- ise mangli yog ki sangya di gai hai. (purush ka bayan aur stri ka dayan hath dekhna chahie) yadi vivah rekha niche ki or hriday rekha ko sparsh kare to vivah ke kuch din bad jatak ya jatika ki mrityu ho jati hai. - ise mangli yog ki sangya di gai hai. yadi jatak ya jatika ki vivah rekha par nakshatra chihn ho to vivah ke bad mrityu ho jati hain ise mangli ki sangya di gai hai. yadi is nakshatra ko koi rekha kat de to mangli yog bhang ho jata hai. yadi kisi stri ki nasika ke ag bhag men kala til ya massa ho - to stri vidhva ho jati hai. ise bhi mangli ki sangya di gai hai. kisi purush ya stri ke vivah rekha ke madhya men til ho use mangli ki sangya di gai hai. jis stri ya purush ke hath men mangal rekha par kros (gaddh aur til ho, use bhi mangli kahte hain. yadi vivah rekha sarpakar ho, hriday rekha ko chuti ho, to vivah ke bad uske jivan sathi ki mrityu ho jati hai. vivah rekha surya rekha ko sparsh kare to jivan sathi se khat-pat hoti hai. yadi vivah rekha tuti ho (-- ) age vali rekha hriday rekha par jaye to jivan sathi ki mrityu hoti hai. piche vali tuti rekha hriday par aye to jivan sathi se khat-pat ka yog bana rahta hai. ye sabhi mangli yog hai.
yadi vivah rekha hriday rekha par milakar tribhuj ki akriti banaye to uske jivan sathi ki mrityu ho jati hai. ise mangli yog ki sangya di gai hai. yadi vivah rekha dvijihvakar ho aur ek surya par, dusra hriday par jaye to jatak ya jatika avivahit rahta hai. yadi koi rekha mangal parvat se akar vivah rekha ko kate to jivan sathi ka viyog hota hai, yah mangli yog hai. yadi vivah rekha par dvip ka chihn ho to vivah vichched ho jata hai. yadi yah dvip hriday rekha se ja mile to jatak ka jivan sathi rog grast rahte hain tatha ant men mar jate hain- mangli yog. aisa chihn purush ke hath men ho to patni prasav kal men mar jati hai. yadi gopuchchakrit vivah rekha ho to stri, parpurush gamini aur purush parastri gami hote hain. yadi vivah rekha budh kshetra par akar hriday ko katte hue, madhya hath men aye to vivah ke bad jivan sathi ki mrityu ho jati hai. ise mangli yog kahte hain. vivah men arachan : yadi rekha kai bhag men kati ho (---) aur chandra parvat par ari tirchi rekhayen hon. anmel vivah -yadi vivah rekha surya rekha ko kate athva shukra parvat viksit rahe to anmel vivah hota hai. sukhhin vivah : yadi bhagya rekha par kros ho, vivah rekha par dvip ho, shukra parvat kam ubhra hua ho to vivah sukhhin rahta hai. talak hone ka yog : vivah rekha ke ant men guchcha ho, mangal parvat se koi rekha vivah rekha ko kate, vivah rekha se shakha nikal kar mastishk rekha se milti ho ya shukra parvat se prabhav rekha jivan rekha ko katti hui vivah rekha se milti ho, athva vivah rekha ko katti ho to talak hota hai. vivah ki disha : jatak ke manibandh rekha ke bich men ∇ho to uttar disha, kisi anguli ke jar men ∇ho to dakshin diksha, hath ke madhya men ∇ho to purva disha aur angushth ke mul men ∇ho to, pashchim disha men vivah hota hai.