विश्वकप-2011

vishvakp-2011  

Ank ke aur Lekh | Sambandhit Lekh | Views : 3638 |  
vishva kap -2011 : jyotishiya vivechan sudhanshu nirbhav kriket ka mahakunbh ek bar fir bhartiya upmhadvip men lagne ja raha hai. vishvakriket ki shirsh timen ismen bhag lene ki apni-apni taiyariyon men vyast hain. is mahakunbh ki shuruat 19 farvri ko mirpur (bangladesh) se hogi jabki mejban desh bharat evan bangladesh pahla maich khelenge. samapn-02 aprail ko munbai ke vankhere stediyam men fainal maich ke sath hoga. saurav ganguli ke netritva men bhartiya tim 2003 ka fainal maich har gayi thi. tab se nirantar pragtiman hote hue bhi vishva kap men antim vijay hamen ab tak tarsa rahi hai. bharat ke kriket shahanshah evan vishva kriket ke bhagvan mastar blastar sachin tendulakar ki dili khavahish hai ki tim ka hissa bane rahte hue bharat unki maujudgi men vishva kap jite. aie, jyotishiya tathyon ke sath is vishayagat sanbhavnaon ka vivechan karte hain. 19 disanbar 1928 ko munbai ke roshan ara klab men bhartiya kriket kantrol bord ki sthapna ki gayi. chunki bisi. si. ai ka janm lagn evan chandra lagn donon ek hi hain, atah shani ka is par vishesh prabhav hai jo gochar men ashtamasth evan dvitiya bhavasth guru se samasaptak hai. vishvakap ke samay mangal prayah lagn par hi gochar karega. mai 2010 se chandrama ki mahadsha shuru ho chuki hai. march 2011 tak chandrantar uprant aktubar 2011 tak bhaumantar rahega. kundli vigyan ke anusar vishva kap 2011 men bhartiya sanbhavnaen sarvangin rup se prabal hain. aur adhik satik bhavishyakathan ke lie ham anya kundliyon par bhi vichar kie lete hain. bhartiya kaptan mahendra sinh dhoni, ka janm 7 julai 81 ko ranchi (jharkhand) men hua. unke janmang evan gochriya grah sthiti se adhyayan karne par gyat hota hai ki vishva kap 2011 men parishram se nishchit saflta ke yog ban rahe hain. inhen apni danbhi pravritti par ankush lagana chahie. sitanbar 2011 tak rahu mahadsha men budhantardasha inke lie anukul evan shubh falkarak hain. inhen hathi ko kele khilane chahie jisse samast vighn shant hon aur vijay prapt ho. kriket ke bhagvan, mastar blastar adhunik braidmain jaisi jane kitni upadhiyon se vibhushit sachin ka janmang unke is vyaktitva ko sarthak siddh karta hai. vartaman men 'inhen' rahu ki mahadsha men suryantardasha chal rahi hai. achche fal pradan karne vala grah gochar, dasha, antardashaen bharat ke khate men svarnim safltaen ankit kara sakti hain. sachin bharat ko is vishvakap ke dauran sarvadhik mahan tim ke rup men shrey dila sakte hain. shuruati maincho se hi inka jadu kriket priya janta ke sir charhakar bolega. ye bharat ke vijay abhiyan ki ek majbut ninv rahenge. 20 aktubar 1978 ko najafagarh (dilli) men janme yuva ballebaj virendra sahvag ke grah gochar majbut dikhai de rahe hain. vartaman men inhen guru ki mahadsha men budhantar hai jo ki viprit rajyog nirmit kar saflta pradan kar raha hai. 22 march ke uprant inke tufan ko rok pana kisi bhi tim evan gendbaj ke lie mushkil hi nahin balki namumkin hoga. kvartar fainal men ye pahle se bhi adhik akramak najar aenge. vartaman men inko ekagrata ki kami se jujhna par raha hai. aise men ye panna jarur dharan karen. madhyam kram ke umda peshevar khilari shreshth kshetrarakshak yuvraj sinh ke sitare uday hona shuru ho rahe hain. 12 disanbar 1981 ko janme yuvraj ki is samay rahu ki dasha evan usmen shani ki antardasha chal rahi hai. lagnesh ki dasha ka shubh fal inhen avashya prapt hoga. inhen jiddi svabhav ko ek ballebaj ke upar charhana hoga. akramak shaili inke sath juri apekshaon ko pura karne men sahayak siddh hogi. inhen vishvakap se purva rudrabhishek avashya karana chahie evan nilam ya satmukhi rudraksh dharan karna labhdayak siddh hoga. ''bhajji ke nam se mashhur gendbaj har bhajan sinh bhi is vishvakap ke dauran kahin bhi piche nahin dikhenge. 3 julai 1980 ko jalandhar men janmen har bhajan ko vartaman men shani ki mahadsha men chandrantardasha chal rahi hai. shani ke ghar men chandra ki sthiti evan us par shani ki drishti is dasha ki shubhta ko svamev siddh kar rahi hai. iske prabhav se inhen saflta nishchit hi milegi. anukul gochar bhi inke prabhav ko aur adhik barhaega. bharat ke yuva evan anubhvi tej gendbaj jahir khan ki gedon men vividhta evan akramkta is vishva kap men barhi hui chanranajar aegi. 7 aktubar 1978 ko shrirampur (maharashtra) men janmen zahir khan ka gochar sarvadhik anukul dikhai de raha hai. bharat ke vijay abhiyan men jahir ek majbut stanbh siddh hote ja rahe hain. shukra ki mahadsha men guru ka antar punah guru evan shani ka anukul gochar nisandeh inhen safal tim ka safalatam gendbaj banane ja raha hai. vishva kap men inka kahar ballebajon par tutna tay hai. 12 agast 1983 ko bharuch (gujrat) men janmen munaf patel ko is vishva kap men khud ko siddh karne ka ek achcha avasar prapt hone ja raha hai. anukul gochar, vahin lagnesh men uchchasth rahu ki dasha inhen marak prabhav vala gendbaj siddh karti hai. avasar prapt hone par inhen apne atmavishvas evan tim ko saflta ki prapti hogi. mahatvapurn maichon men inhen avashya khilaya jana chahie. inka upyog tim ke lie labhdayi siddh hoga. aie ab svatantra bharat ki kundli par bhi charcha kar lete hain. svatantra bharat ke janmang ka gochar anukul hai. march ke tritiya saptah se aur adhik anukul hone ja raha hai. vartaman men mangal ki dasha men suryantadarsha 26 march 2011 tak hai. uprant chandrantar prabhavi rahega. dashakram bhi purn anukul hai. chandrantar shubhta ko aur barhane vala rahega. bharat ki varsh lagn ki sthiti bhi desh ke lie anukul faldayak siddh ho rahi hai. grah gochar evan dasha antardasha ko dekhakar to lagta hai ki bharat ko vishvakap apne nam kar lena hi chahie. bharat ke log maincho par gaur karen to bharat asani se kvartar fainal men pravesh karega. 23-24-25 march 2011 ko hone vale pahle tin kvartar fainal men se kisi ek men bharat ko khelne ko milta hai to bharat ki semifainal ki tikat 100 pratishat pakki ho jaegi. jahan tak semi fainal maichon ki bat hai to bharat ko pahla semifainal khelne ko mil jae to asani se vijay milegi jabki dusre semifainal men sangharsh se saflta ki ummid hai. fainal maich bharat ke lie ektrfa siddh hoga. vijyi hona sunishchit hai. kriket bord chayan men pakshapat evan duragrah na rakhte hue ek sarvashreshth tim vishvakap ke lie chune. kaptan dhoni apne svayan ke svasthya ka pura dhyan rakhen. shit sankraman sanbhavya hai. evan udghatan maich men vishesh dhyan ranniti se khelen. pahla hi maich sangharshapurn siddh hoga. kul milakar surt-e-hal yah hai ki bharat is vishvakap ko prabal sanbhavnaon ke sath pane men kamyab ho sakta hai. rashtra ki saflta ki shrrinkhlaon men ek aur kirtiman banne ki sanbhavna hai. thora anya timon par bhi vichar karen to mere hisab se nyujilaind, shrilanka do timen sarvashreshth parinam ki or jati dikh rahi hai. inglaind ki sanbhavnaen bhi achchi ban rahi hain. astreliya-pakistan v dakshin akrika ko koi ullekhniya saflta milti nahin dikh rahi hai. bangladesh lig maichon men kuch apratyashit karne ke firak men hai. lekin manjil koson dur hai. kul milakar surt-e-hal yah hai ki bharat is vishvakap ko prabal sanbhavnaon ke sath pane men kamyab ho sakta hai. rashtra ki saflta ki shrrinkhlaon men ek aur kirtiman banne ki sanbhavna hai.
Kya aapko lekh pasand aaya? Subscribe
Kya aapko lekh pasand aaya? Subscribe


lal-kitab  March 2011

lal kitab namak prasiddh jyotish pustak ka parichay, itihas evan anya deshon ke bhavishyavaktaon se iska kya sanbandh raha hai tatha iske saral upayon se kya praptiyan sanbhav hain vah sab janne ka avasar is pustak men milega.

Subscribe

Apne vichar vyakt karein

blog comments powered by Disqus
.