वरुण-यामिनी का दाम्पत्य जीवन

varun-yamini ka dampatya jivn  

Ank ke aur Lekh | Sambandhit Lekh | Views : 2797 |  
nehru parivar ki ab tak ki paranpra men kul milakar dampatya sanbandhi shreshth parinam dur hi rahe hain. hal hi men ek lanbe arse ke bad 6 march 2011 ko varun-yamini ka dampatya sanbandh bhavishya men kis prakar v kya kya parivartanon ka agaj karega, iska ek satik jyotishiya vishleshan prastut hai- nehru parivar men akhir ek lanbe arse bad shahnaiyan baj hi gayin. 6 march 2011 ko pratahkal 7.30 baje kashi men vaidik mantrochchar ke sath indira gandhi ke pautra evan sanjay v menka ke putra varun gandhi ka kolkata ki brahman putri yamini ray chaidhri ke sath vivah hua. vivah jaise pavitra evan mahatvapurn sanskar ke vishay par yadi is parivar ka vivechan kiya jay to bare hi kashtaprad tathya prapt hote hain. is paranpragat dosh ko samapt karne ka koi jyotishiya upay karna chahie. pan. javahar lal nehru ka vivah kamla nehru ke sath san 1916 men hua. inki ek matra santan rahin indira gandhi. nehru ji ek dhani, pratishthit parivar se the, kintu gandhi ji ke sath svatantrata andolan men anugami hokar ghar-parivar se dur hote gae. pan. nehru evan kamla ji ko dampatya sukh ka bhi abhav raha aur santan sukh ka bhi. inndira ji ne 1942 men firoj se shadi ki. indira ji ko do santanen prapt hui sanjay evan rajiv. kintu dampatya sukh ka abhav raha. kam ayu men firoj gandhi ka svargavas ho gaya. rajiv ne soniya ke sath 1968 men vivah kiya. inke priyanka evan rahul do santanen hui. kam ayu men hi ye atankvad ki bhent charh gaye. 1974 men sanjay ne menka ke sath shadi ki. varun santan ke rup men mile kintu vivah ke 5-6 varsh bad hi ye durghatanavash mrityu ko prapt hue. 1997 men rajiv ki beti priyanka ne raebart ke sath shadi ki aur varun ne 2011 men vivah kar liya, fir bhi rahul abhi kunvare hain. kul milakar is parivar men dampatya vishay par shreshth parinam ab tak to dur hi rahe hain. varun gandhi ki shadi ke agami bhavishya par jyotishiya vishleshan karte hain. 13 march 1980 ko tula lagn men janmen varun gandhi ki grah sthiti kafi kuch sthitiyan spasht karti hai. lagnesh lagn ko purn drishti se dekhta hai. jo unhen sundar evan akarshak rang rup pradan karta hai. pancham men budhaditya yog dimagi yogyata, prakhrta pradan karta hai. jahan tak dampatya vishayak bat hai to saptamesh mangal par guru evan rahu ka prabhav hai. lagnesh saptamasth hai. lagnesh-saptamesh ek dusre se navam pancham hai. keval rahu inke sukh men badhakarak hai kintu saptamesh mitra bhav men hai. atah mujhe nahin lagta ki koi bara dushprabhav chor paega. ek mahatvapurn bat aur hai ki inhen santan sukh men kasht ki sthiti hai. pratham garbh ka apripakva avastha men nasht hone ka grah yog bhi hai. atah vivah ke uprant is vishay par purn ekagra rahen. vivahkalik lagn par vichar karen to is vishay par hamen aur adhik satik vishleshnatmak parinam prapt hogen. varun gandhi evan yamini ray chaidhri ka panigrahan 06 march 2011 ko pratah 7.25 se 8.30 ke madhya kashi men sanpann hua. is din falgun shukla paksh dvitiya, din ravivar tha. ek sarvashreshth vivah muhurt. vivah sanskar ke samay min lagn udit ho raha tha. lagnesh panchmesh, hans evan gajkesri yog nirmit kar lagn men hi vidyaman hai. pancham bhav par shukra ki kripa drishti hai. shani dev vakri hokar saptamasth hai. vahin rahu dasham evan ketu chaturth men hai. is sthiti ke adhar jyotishiya nishkarsh inhen shubhta ki or le ja raha hai. vakri shani ke kutil prabhavon ko guru apni drishti se nyunatam sthiti men le ja rahe hain. lagn ka svabhav bhi premamay hai. lagnesh evan panchmesh bhi gyan, vivek, dhairya ke pratik hain. vivah ke uprant inka rajnaitik jivan niahsandeh age barhega. jyotishiya vivechan to inhen vaivahik sukh men 90ah tak saflta pradan karta hai. han santan sukh ke lie upay parmavashyak hai.
Kya aapko lekh pasand aaya? Subscribe
Kya aapko lekh pasand aaya? Subscribe


  April 2011

Apne vichar vyakt karein

blog comments powered by Disqus
.