जन्म पत्रिका में ज्योतिषी योग

janm patrika men jyotishi yog  

Ank ke aur Lekh | Sambandhit Lekh | Views : 12308 |  
janm patrika men jyotishi yog rashmi chaudhri jyotish vidya gyan ka athah sagar hai. is vidya men parangat vyakti 'jyotishi' kahlata hai. ek safal jyotishi keval vahi ban sakta hai jo sachchi nishtha evan lagan se ishvaropasna ki or unmukh hokar us paramabrahm ka ashirvad evan ishvariya kripa prapt kar le. ek safal jyotishi banne ke liye janm patrika men shubh grahon ka bali hona ati avashyak hai. kundli men lagn, pancham, navam bhav tatha budh, guru, shukra, shani evan ketu grah ki uttam sthiti jatak ko jyotish vidya ke adhyayan ki or agrasar karti hai. faldipika granth ke anusar- dashmesh yadi budh ke navansh men ho to kavyagam, lekhnvritti, lipividya, jyotish, grah nakshatra se sanbandhit vyavsay, ganit, puja path, purohit adi ke karya dvara vritti hoti hai. navam bhavasth, mithun, kark rashigat surya, kark rashisth chandra, lagnasth tatha ekadashasth budh, lagnasth ya svarashigat shukra, min rashigat shani evan panchamasth ketu jatak ko jyotishi banane men aham bhumika nibhate hain. -lagn bhav ya lagnesh se budh ya guru grah ka sanbandh ho athva budh kendrasth ho tatha shukra lagnasth hokar svarashi men ho to jatak achcha jyotishi ban sakta hai. kundli nan. 1 men budh lagnesh shukra ke sath lagn bhav men hi yuti bana raha hai. shukra svarashigat hai tatha guru bhi labh bhav men min rashi men sthit hai. budh, guru, shukra shubh sthiti men hai. jatak ek safal, lokmanya jyotishi hai. kundli men yadi chandra guru ki yuti pancham ya navam bhavon men hai athva chandra guru ka drishti sanbandh in bhavon men ban raha ho to jatak mukhytah hast rekha vigyan men saflta prapt karta hai. kundli nan. 2 men guru pancham bhav men, tatha mitra rashisth chandra saptam men aur shukra apni hi rashi navam bhav men sthit hai, surya mithun rashigat tatha budh ekadash bhavasth hai. yah kundli ek jyotishi ki hai, jo atyant kushagra buddhi evan prabhavshali, ojasvi vani ka svami hai. jatak jyotishiya gannayen karne men bhi purnataya samarth hai. matra 25-26 varsh ki ayu men hi jatak ne ek lokapriya kathavachak, kushal hastarekhavid evan satik faladesh karne men parangat jyotishi ke rup men khayati arjit kar li hai. kundli men navam bhavasth shukra par pancham bhavasth guru ki pancham drishti is bat ka spasht sanket de rahi hai ki bhavishya men bhi jatak ke jyotish ke kshetra men charam shikhar tak pahunchne ki puri sanbhavna hai. shani grah ko bhi jyotish evan gyan ka adhar grah mana gaya hai. janmakundli men shani yadi min rashi men ho to bhi jatak achcha jyotishi banta hai. sath hi gochar men shani yadi janmasth shani se saptam sthan men bhraman kare tatha uchchasth grah ki dasha-antardasha chal rahi hai us vishesh samay men jatak jyotish sanbandhi alaukik gyan prapt karke khayati, prasiddhi, kirti, dhan, samman, yash sabhi kuch prapt karta hai. kundli nan. 3 ek jyotishi ki hai. patrika men budh v ketu lagn bhav men sthit hai. shani min rashisth hai tatha chandra guru ki yuti labh bhav men gajkesri yog ka nirman kar rahi hai. jatak jyotish vidya ka adhyayan kafi samay se kar raha hai. kintu ek pratishthit evan sammanit jyotishi ke rup men saflta use ab mili hai. vartaman samay men shani ka gochar kanya uchcharashisth mangal ki mahadsha chal rahi hai jisne jyotish ke karak grah budh ki antardasha evan gocharasth shani ke shubh prabhav men jatak ko vartaman samay men ek safal jyotishi banne men purn sahayta pradan ki hai. ketu grah ko ganitiya yogyata, gupt gyan evan advitiya pratibha ka karak grah mana gaya hai tatha pancham bhav se purva janmon ke sanchit karm, man-punya, mantra, atma adi ka vichar karte hain. is prakar ketu grah tatha pancham bhav donon hi gupt gyan se sanbandhit hain. yahi karan hai ki yadi ketu pancham bhav men sthit ho to jatak advitiya gupt gyan, ganitiya yogyata evan bauddhik pratibha ke bal par ek safal jyotishi ban sakta hai. kundli nan. 4 mithun lagn evan sinh rashi ki hai. shani tatha mangal apni uchch rashi men hain. in sab ke sath hi pancham bhav men uchch ka shani vishisht sthiti men hai. budh tatha ketu donon hi jyotish ke adhar grah hain. un par uchchasth shani ki tritiya drishti bhi hai. budh v ketu ki is vishesh sthiti ke karan jatak prakand vidvan, safal jyotishi evan uchch bauddhik pratibha ka dhani hai. janmapatrika men ukt grahyog jitni adhik prabal evan shubh sthiti men honge, jatak jyotish vidya men utna hi parangat hoga evan apne pas ane vale pratyek vyakti ka uchit marg darshan karke use uske ane vale palon ke lie taiyar kar sakega.
Kya aapko lekh pasand aaya? Subscribe
Kya aapko lekh pasand aaya? Subscribe


hast rekhaen aur jyotish  April 2011

jo jyotish men hai vahi hath ki rekhaon men hai donon ek dusre ke purak hai. hath ki vibhinn rekhaen kya falit kathan karti hai iski jankari is visheshank men di gai hai.

Subscribe

Apne vichar vyakt karein

blog comments powered by Disqus
.