राहु की विभिन्न ग्रहों के साथ युति फल

rahu ki vibhinn grahon ke sath yuti fal  

Ank ke aur Lekh | Sambandhit Lekh | Views : 81863 |  

surya + rahu

surya aur rahu do aise grah hain jo jo ek dusre se viprit hote huye bhi anek prakar se saman bhi hai. donon hi grah vigrahkari krur grah, darshanikta aur rajniti ke karak bhi hain.

kundli men in donon grahon ki yuti ko samanyatah shubh nahin kaha ja sakta. surya aur rahu ki yuti grahan yog ka nirman karti hai. kundli ke jis bhav men yah yog banta hai, us bhav se sanbandhit shubh falon men nyunta deta hai. aisa jatak jiski kundli men surya$rahu ki yuti ho vah safal rajneta bhi hota hai. mukhyatya yah yog yadi navam, dasham evan ekadash bhavon men ho to rajniti karak bhi hota hai kyonki ye donon grah rajniti, prabhutva evan satta ke karak grah bhi hain. atah jab kabhi kundli men sthit in grahon ka sanbandh gochar men labh bhav arthat ekadash bhav men banega to rajniti men saflta dekar jatak ka varchasva sthapit karega.

chandra + rahu

do viprit grah, ek dusre ke shatru grah kintu anek prakar se saman bhi hain. donon hi dhan tatha yatra ke karak grah hain. in donon grahon ki yuti yadi kundli ke 3, 7 bhavon men ho to aise jatak ko adhikadhik yatraen karni parti hain. navam bhav men yahi yuti dharmik yatra ka karan bhi banti hai. saptam bhav men vyapar se sanbandhit yatraen, lagn men chandra$rahu ki sthiti svasthya ke lie ghatak siddh hoti hai. donon hi grah tvacha ke karak bhi hain atah lagnasth chandra$rahu grahan yog ka nirman kar tvacha rog tatha mansik bechaini ka karan banta hai. in par yadi budh ka dushit prabhav ho to parinam aur bhi ghatak hote hain.

chandrama jal ka karak grah hai aur rahu ‘shishe’ ka pratinidhitva karta hai. parinamtah uttam chandrama vale jatak ka man sadaiv jal ke saman nirmal hota hai. jab chandra + rahu par guru ki shubh drishti a rahi ho to aise jatak ka jivan ke prati drishtikon sadaiv shishe ki tarah paradarshi evan nishpaksh hota hai. ekadash bhav men yadi yah yog shubh prabhav lekar a jaye to achanak dhan labh bhi deta hai. yadi chaturth bhav ka svami hokar chandrama rahu ke sath dvadash bhav men yuti banaye to yah yog videsh yatra ka karak bhi hota hai.

mangal + rahu

mangal aur rahu donon ek dusre ke shatru grah- shadyantra, jhagre, vivad, shatru evan sahas, parakram ke bhi karak hain. mangl$rahu ki yuti kanudli men angarak yog ka nirman karti hai. is yuti ke falasvarup jatak ka vyaktitva duahsahsi, atikrodhi, kathor, avegshil aur shadyantrakari hota hai.

lagn men yahi yuti ati krodhi tatha achanak durghatana, dvitiya bhav men bhaiyon se matbhed, tritiya men parakrami, chaturth men mata evan sukh ke liye ashubh, pancham men saflta mane kami, kshin ayu, shashth men shalya chikitsa ke kshetra men saflta pradan karti hai. pancham bhav men mangl$rahu satta paksh se saflta dilate hain. saptam men jivan sathi se matbhed, ashtam bhav men jivnsathi ki ayu par prashnachihn lagati hai. navam, dasham tatha ekadash bhavon men yah grahyog rajniti men saflta, varchasva evan prabhuta sanpann banata hai.

dvadash bhav men yadi mangal kark rashi men hokar rahu ke sath yuti banaye to aise jatak ka vaivahik jivan sukhi nahin rahta hai. mangal nich rashi men agar dvadash bhav men rahu ke sath hoga to aisa jatak atyant akramak, shadyantrakari evan hatya karne ki pravritti vala hoga.

budh + rahu

budh+rahu ki yuti ‘jaratva yog’ ka nirman karti hai. budh grah ko jyotishiya drishti se buddhimatta, tark, abhivyakti, bhasha gyan, vyapar ityadi ka karak mana jata hai. rahu-rajniti, dhokha, chal-kapat, prapanch, fareb, rajniti, kalank, videshi bhasha, videshi log tatha mansik rogon ka bhi karak hai.

lagn tatha shashth bhav men donon ki yuti tvacha rog, mirgi athva lailaj bimari, jar buddhi, asthirta (2, 11 men), chaturth tatha pancham men shiksha men vighn tatha dhan bhav evan labh bhav men anavashyak kharch ityadi dete hain. tritiya bhav men sanbandhiyon se, saptam ashtam bhav men jivan sathi se virodh, navam bhav men yahi yuti nastik banati hai. dasham bhav men apne nirnayon ke dvara hi vyavsay men hani tatha dvadash bhav men dan, yagya, puja men avishvas tatha shaiya sukh men kami karti hai. ‘jaratva yog’ jatak ko chalak, dhurt, kapti evan dharm ke viruddh acharan karne vala banata hai. yadi is yuti par guru ka shubh prabhav ho to jatak anek bhashaon ka gyata athva chalaki se apna svarth siddh karne vala hota hai.

guru + rahu

guru+rahu ki yuti chandal yog ka nirman karti hai. jis jatak ki kundli men donon grahon ki yuti hoti hai, vah paranpra virodhi aur adhyatmikta men ruchi n rakhne vala hota hai. aisi sthiti men rahu guru ke satvik aur shubh gunon ko kam kar deta hai.

jis jatak ki kundli men lagn men guru rahu ki yuti hoti hai vah nastik, pakhandi tatha dharmikta men ruchi n rakhne vala hota hai. dhan bhav men yah yog daridrata ka suchak mana jata hai. kintu yahi yuti yadi pancham, navam athva kendra bhavon men ho to aisa jatak jyotish shastra ka gyata hota hai. tritiya, saptam men dharmik yatraen tatha dasham, ekadash bhav men rajniti men saflta milti hai. aisi sthiti men yadi rahu guru ke nakshatra men bhi ho to aisa jatak safal rajneta ho sakta hai. ekadash tatha dvadash bhavon men yadi yah yuti hai to aisa jatak tantra sadhna athva tantrik karyon ke dvara bhi dhanarjan karta hai.

shukra + rahu

rahu ke sath yadi shukra lagn men hai to ‘krodh yog’ ka nirman hota hai. yah yog jatak ko krodhi svabhav ka svami banakar ajivan larai-jhagre evan vivad ka karan banta hai, jiske falasvarup jatak ko apne katu svabhav ke karan apne jivan men anekanek nuksan uthane parte hain.

shukra aur rahu ek dusre ke param mitra grah hain. shukra prem, vivah, saundarya, ghunghrale bal evan shyam varn ityadi ka karak grah hai.

rahu bhi gupt sanbandhon evan prem sanbandhon ka karak hai. vyakti ko shyam varn hi deta hai. kundli men donon grahon ki yuti jatak ko viprit ling ke prati svabhavik akarshan pradan karti hai. yadi shukra rahu ki yuti pati patni donon ki kundli men saptam bhav men hai to vaivahik jivan men kasht evan sanbandh vichched ka karan bhi banti hai. aise jatak ke anyatra sanbandh avashya hi bante hain.

shani + rahu

shani ke sath rahu ki yuti ko jyotish men ‘nandi yog’ ke nam se jana jata hai. yah yuti jis bhav men banti hai us bhav se sanbandhit kasht evan jis bhav par drishti dalti hai usse sanbandhit shubh fal pradan karti hai. is yog ke falasvarup jatak ko sukh, vaibhav evan samriddhi bhi prapt hoti hai.

shani rahu ki yuti par yadi mangal ka prabhav bhi a jaye to aisa jatak sadharntya krur evan atankvadi pravritti ka hota hai.

yah yuti yadi lagn men a jaye to aisa jatak hatya ya atmahatya ka prayas bhi kar sakta hai. lagn men shani$rahu ke falasvarup kshin svasthya, dvitiya bhav men dhanabhav, tritiya bhav men sanbandhiyon se virodh, chaturth men mata ke liye ashubh, pancham men saflta men kami, shashth bhav men rog, saptam men jivan sathi se vaimanasya, ashtam men paitrik sanpatti prapt karne men archnane, navam men nirbal bhagya, dasham men vyavsay men pareshani, ekadash men labh kam tatha dvadash bhav men bhi vaivahik sukh men kami hoti hai.

Kya aapko lekh pasand aaya? Subscribe
Kya aapko lekh pasand aaya? Subscribe


rahu visheshank  July 2014

fyuchar samachar patrika ke rahu visheshank men shiv bhakt rahu ke prakatya ki katha, rahu ka gochar fal, ashubh faldayi sthiti, dvadash bhavon men rahu ka falit, rahu ke vibhinn grahon ke sath yuti tatha rahu dvara nirmit yog, hathon ki rekhaon men rajniti evan shadyantra karak rahu ke adhyayan jaise rochak v gyanavardhak lekh sammilit kiye gaye hain iske alava satyaktha falit vichar, grah sajja evan vastu fengshui, hath ki mahatvapurn rekhaen, adhyatma/shabar mantra, jat karm sanskar, bhagavat katha, grahon evan dishaon se sambandhit vyavsay, piramid vastu aur hailth kaipsul, vastu paramarsh adi lekh bhi patrika ki shobha barhate hain.

Subscribe

Apne vichar vyakt karein

blog comments powered by Disqus
.