pagal kutte, ya anya janvron ke katne se utpann bhayankar rog rebiz kahlata hai. yah ek janleva rog hai, jiska upchar keval bachav hai.
rebiz ek bhayankar janleva rog hai, jise ‘haidrofobiya’, ‘laisa’ aur ‘paglpn’ bhi kahte hain. yah rog akasar janvron ko hi hota hai. lekin kisi pagal janavar ke kat lene se yah rog insanon ko bhi ho jata hai.
rebiz kaise failta hai?:
rebij ‘rahebdo vayrs’ namak vishanu, ya vayaras se failta hai. ye vishanu aksar khun men maujud nahin hote; sirf tantrika tantra ko nuksan pahuncha kar sharir ko prabhavit karte hain. pagal kutton, ya anya janvron men ye vishanu paye jate hain. jab in vishanuon se yukt janavar insan ko kat leta hai, to uski lar se ye vishanu insan ke sharir men pravesh kar ke fail jate hain. aksar kutte aur anya janavar apne nakhunon ko chatte hain, jisse rebij ke vishanu lar se nakhunon men chale jate hain aur jab yahi janavar insan ke sharir par kharonch bhi laga deta hai, to rebij ke vishanu insan ke sharir men pravesh kar jate hain; arthat kharonch se bhi yah rog ho jata hai.
rog ke lakshan aur avdhi:
pagal (rebijagrasta) janavar ke katne ke bad rog ke lakshan kitne samay men nazar ate hain, iska samay nirdharit nahin hai. 9 din se 1 varsh, ya aur bhi bad men lakshan najar ate hain. yah sab is bat par nirbhar karta hai ki janavar ne sharir ke kis bhag par kata hai, ghav men lar ki matra kitni hai, ghav kitna gahra hai aur katne ke pashchat pahla upchar kiya gaya, ya nahin. ghav sir ke jitne najdik hai, rog utni hi shighrata se failta hai. yadi niche ke bhag par, arthat tang, ya pair par kata hai, to rog ke lakshan der se dikhte hain, kyonki vishanu mastishk tak pahuchne men deri lagate hain. isi prakar ghav kam gahra hai, to lar ki matra kam pahunchegi, ya katne ke turant bad yadi pahla upchar dhang se ho jae, to lakshan kafi samay bad zahir hote hain. am taur par 1 mah se 3 mah ke bhitar hi is rog ke lakshan nazar ane lagte hain aur 10 dinon men hi rogi ki mrityu ho jati hai.
is rog ke praranbhik lakshan janvron dvara kati gayi jagah par jalan, bukhar, ji michlana, hath-pair men dard hona, uske bad mastishk men bukhar tatha sans lene men mushkil hoti hai. rogi uttejit ho jata hai.
svabhav men chirchirapan aur sir dard barhne lagte hain. sharir ki rirh ki haddi ke charane or ki manspeshiyon men khinchav aur akaran ho jati hai. daure parne lagte hain. rebiz ke rogi ko tej pyas lagti hai, lekin vah pani pi nahin pata. pani ko dekhte hi rogi ko dar lagta hai. uski gale, sine, sans marg ki manspeshiyan akar jati hain. munh se jhag, ankhon se ansu ana, lar tapkna, adhik pasina ana adi rog ke lakshan hote hain. mastishk puri tarah kshatigrast ho jata hai aur rogi behoshi ki halat men pahunch jata hai.
upchar:
jis jagah pagal janavar ne kata hai, us sthan ko achche sabun se achchi tarah dho den, taki vishanu sharir men pravesh n kar paen aur usapar koi bhi entiseptik krim laga den. uske bad rogi ko aspatal pahuncha kar tike lagvane chahien.
is rog ka koi upchar nahin. keval bachav hi is ghatak rog ka upay hai. keval tika lagva kar is rog se bachav kiya ja sakta hai. tike, janavar ke sanpark men ane se pahle, aihtiyat ke taur par, 1, 7, 21 dinon ke antral par lagaye ja sakte hain.
ajakal rebiz ke adhunik tike bajar men upalabdh hain, jinmen hyuman diplai sel vaiksin, pyofaid chik enbriyo sel vaiksin aur pyurifaid vito sel vaiksin, purn rup se surakshit hone ke karan, prachlit hain. ye tike mahange avashya hain, lekin bachav ke lie upyogi hain, jo bhuja par 0, 3, 7, 14, 18 dinon ke antral par lagaye jate hain. in rog se 99 pratishat bachav ho sakta hai. janavar ke katne ke turant bad ye tike lagva lene chahien. katne vale janavar ke marne ka intjar karna hi hai aur 10 din tak janavar, ya kutta nahin marta, to uske bad tika lagvane ki avashyakta nahin. kyonki is rog ka koi ilaj nahin hai aur rog hone ke bad maut nishchit hai, islie samay par tike ka upchar karva kar rog se bacha ja sakta hai.
jyotishiya drishtikon:
yah rog vayaras, arthat vishanuon ka sharir men pravesh hone se hota hai, jo mastishk men pahunch kar apna rang dikhata hai, jisse vyakti pagal ho kar marta hai; arthat sharir ka prabhavit ang mastishk hai.
jyotishiya drishtikon se kal purush ki kundli men mastishk ka bhav lagn hai, arthat pratham bhav hai. vishanuon ko sakriya karne men rahu-ketu ki bhumika vishesh hoti hai aur rog ka bhav shashth hai; arthat kundli men yadi lagn, lagnesh, shashth bhav, shashthesh adi rahu-ketu ke dushprabhavon men a jaen, to rebij jaisa rog hota hai. surya aur chandra bhi rahu-ketu ke prabhav men nahin hone chahien.
vibhinn lagnon men rebij rog:
mesh lagna: lagnesh mangal shashth, ya ashtam bhav men, lagn men rahu aur budh-surya par shani ki purn drishti ho, to rebij jaisa rog hota hai.
vrish lagna: lagnesh shukra, akarak guru aur surya ke bich men anshon anusar ho kar, trik bhavon men ho, chandra lagn men ho aur rahu, ya ketu se drisht, ya yukt ho, to aisa rog hota hai.
mithun lagna: lagnesh budh trik bhavon men, akarak mangal ki chandra, lagnesh, ya lagn par drishti, ketu lagn men ho, ya lagn, ya lagnesh par uski drishti ho, to rebij jaisa rog hota hai.
kark lagna: lagnesh chandra trik bhavon men, akarak budh lagn men ho, ya lagn par drishti rakhe, rahu, ya ketu chandra, ya lagn se yukt, ya drisht ho, to rebij hone ki sanbhavna hoti hai.
sinh lagna: lagnesh surya aur rogesh shani ki ek dusre par drishti ho, rahu, ya ketu ki surya aur lagn donon par drishti ho aur chandra rahu, ya ketu ke sath ho, to rebij jaisa rog hota hai.
kanya lagna: lagnesh budh akarak mangal se yukt ho, ketu lagn aur lagnesh par drishti lagae, purn chandra par rahu, ya ketu ki drishti ho, to rebij jaise rog ki sanbhavna hoti hai.
tula lagna: lagnesh shukra shashth, ya ashtam bhav men ho, akarak guru lagn men ho, shukra surya se ast ho aur lagn men ketu ki yuti guru se, ya lagn par ketu ki drishti ho, to rebij rog hone ki sanbhavna hoti hai.
vrishchik lagna: akarak budh lagn men ho, lagnesh mangal ashtam bhav men ho, budh rahu se yukt, ya drisht ho, chandra ketu se yukt, ya drisht ho, to aisa rog dekhne men ata hai.
dhanu lagna: lagnesh guru shashth, ya asht bhav men, rogesh aur akarak shukra lagn men rahu se yukt, ya drisht ho, ashtamesh chandra shashth bhav men ho, to uparyukt rog hota hai.
makar lagna: lagnesh shani shatru rashi men ho, ya trik bhav shashth, ya ashtam men ho, akarak guru lagn men ketu se yukt, ya drisht ho, chandra surya se ast ho aur rahu-ketu ki drishti men ho, to aisa rog hota hai.
kunbh lagna: lagnesh shani, rogesh chandra se yukt ho kar, shatru rashi, ya ashtam bhav men ho, lagn par guru ki drishti ho, ya lagn men ho, shani, ya lagn par ketu ki drishti ho, to aisa rog hota hai.
min lagna: lagnesh surya se ast ho kar shatru rashi men ho, shukra lagn men ho aur rahu se yukt, ya drisht ho, shani ki lagnesh, ya lagn par drishti ho, chandra pirit ho, to rebij jaisa rog hota hai.
uparyukt sabhi yog chalit par adharit hain. rog sanbandhit grah ki dasha-antardasha aur gochar pratikul hone se hota hai. uske uprant rog dur ho jata hai.
prastut kundli purush jatak ki hai, jise pagal kutte ne kata. magar sahi vakt par upchar se rebiz se bachav ho gaya.
jatak ka mithun lagn hai. grah sthiti is prakar hai: guru-chandra chaturth bhav men, mangal dasham, shukra pancham, surya, budh, shani, rahu shashth aur ketu dvadash bhav men hain.
lagnesh budh aur surya rahu se yukt hai. chandra aur guru ketu se drisht hain. chandra aur guru akarak mangal se bhi drisht hain. jatak ki rahu ki dasha men guru ke antar aur rahu ke hi pratyantar men ek pagal kutte ne jatak ki jangh par kata. durghatana ke din gochar men bhi mangl-budh ki yuti, chandra rashi se shashth bhav men thi. surya aur guru saptam, shukra ashtam, shani dasham aur rahu chandra se yukt tritiya bhav men bhraman kar raha tha. ye sab jatak ke lie pratikul the.
is jatak ke lie sanbandhit grahon ka gochar aur unki dasha donon hi pratikul hone ke karan aisa hua. parantu samay rahte upchar se bachav ho gaya, kyonki jatak ki kundli men rahu, budh men anshon ka antar adhik hai aur budh surya se ast hai, jiske karan upchar se rebiz se bachav hua. lekin grahon ki pratikulta ne aisi durghatana avashya ki.