वास्तुदोष-कारण, निवारण और उपाय

vastudosh-karan, nivaran aur upay  

Ank ke aur Lekh | Sambandhit Lekh | Views : 23320 |  
vastudosh - karan, nivaran aur upay dayanand shastri is lekh men vastudosh nivaran ke upay diye ja rahe hain. ise apna kar ke, ap apne ghar ke vastu doshon ko dur karke apne yahan mangalamay vatavaran kar sakte hain. ghar men vastudosh hone par, uchit yahi hota hai ki use vastushastra ke anusar thik kar le, yathasanbhav ghar ke andar tor-for na kare; isse vastubhang ka dosh hota hai. har vyakti apne ghar ko khubsurat rakhna chahta hai. karine se saja hua ghar ke vyaktitva men char chand laga deta hai, sundar ghar sabhya aur sushikshit hone ka sabut hai. aj ke yuva draing rum aur living rum ko sajane men kafi dilachaspi lene lage hain. ghar ko sajana koi faishan nahin hai, balki ek jarurat hai. yadi ham ghar ki sajavat, rang-rogan adi jyotish evan vastu ke niyamon ke anusar karen to ghar ki sundrta to barhegi hi, hamare ghar-angan men khushiyan bhar jaengi. jaise- - puja ghar men farsh ke lie halke pile ya safed rang ke sangamaramar ka upyog shreshth mana hai. - kaksh ki divaron ya pardon ka rang bhi safed, halka pila, halka krim, halka asmani rakhen. - halka narangi, kesriya ya bhagva rang bhi achcha lagta hai. in rangon ka istemal karne se puja ghar ka vatavaran shubh kalyanaprad hota hai. niche die ja rahe upay karen aur vastudosh ka nivaran svayan karen- ghar men akhand rup se 9 bar shri ramchritmanas ka path karne se vastudosh ka nivaran hota hai. ghar men 9 din tak akhand kirtan karne se vastujnit doshon ka nivaran hota hai. hatkeshvar-kshetra men vastupad namak tirth ke darshan matra se hi vastujnit doshon ka nivaran hota hai. mukhya dvar ke upar sindur se nau angul lanba no angul chaira svastik ka chinh banaye aur jis jagah bhi vastu dosh hai vahan is chinh ka nirman karen vastudosh ka nivaran ho jata hai. rasoi ghar galat sthan par ho to agnikon men ek balb laga den aur subh-sham anivarya rup se jalayen. dvar dosh aur vedh dosh dur karne ke lie shankh, sip, samudra jhag, kauri lal kapre men ya moli men bandhakar darvaje par latkayen. bim ke dosh ko shant karne ke lie bim ko siling tayals se dhank den. bim ke donon or bans ki bansuri lagayen. ghar ke darvaje par ghore ki nal (lohe ki) lagayen. yah apne ap giri honi chahie. ghar ke sabhi prakar ke vastu dosh dur karne ke lae mukhya dvar par ek or kele ka vriksh dusri or tulsi ka paudha gamle men lagayen. dukan ki shubhta barhane ke lie pravesh dvar ke donon or ganpti ki murti ya stikar lagayen. ek ganpti ki drishti dukan par paregi, dusre ganpti ki bahar ki or. yadi dukan men chori hoti ho ya agni lagti ho to bhaum yantra ki sthapna karen. yah yantra purvottar kon ya purva disha men, farsh se niche do fit gahra gadrha khodakar sthapit kiya jata hai. yadi plaet kharide huye bahut samay ho gaya ho aur makan banne ka yog na a raha ho to un plat men anar ka paudha pushya nakshatra men lagayen. agar apka ghar charon or bare makanon se ghira ho to unke bich bans ka lanba jhanda lagaye ya koi bahut uncha barhne vala per lagayen. faiktri-karkhane ke udghatan ke samay chandi ka sarp purva disha men jamin men sthapit karen. apne ghar ke uttar ke kon men tulsi ka paudha lagaen. haldi ko jal men gholakar ek pan ke patte ki sahayta se apne sanpurn ghar men chirkav karen isse ghar men lakshmi ka vas tatha shanti bhi bani rahti hai. apne ghar ke mandir men ghi ka ek dipak niyamit jalaen tatha shankh ki dhvani tin bar subah aur sham ke samay karne se nakaratmak urja ghar se bahar niklti hai. ghar men safai hetu rakhi jhadu ko raste ke pas nahin rakhen. yadi jhadu ke bar-bar pair ka sparsh hota hai, to yah dhan-nash ka karan hota hai. jhadu ke upar koi vajndar vastu bhi nahin rakhen. apne ghar men divaron par sundar, hariyali se yukt aur man ko prasann karne vale chitra lagaen. isse ghar ke mukhiya ko hone vali mansik pareshaniyon se mukti milti hai. vastu dosh ke karan yadi ghar men kisi sadasya ko rat men nind nahin ati ya svabhav chidchira rahta ho, to use dakshin disha ki taraf sir karke shayan karaen. isse uske svabhav men badlav hoga aur anidra ki sthiti men bhi sudhar hoga. apne ghar ke ishan kon ko saf suthra aur khula rakhen. isse ghar men shubhatva ki vriddhi hoti hai. apne ghar ke mandir men devi-devtaon par charhae gae pushpa-har dusre din hata dene chahie aur bhagvan ko nae pushpa-har arpit karne chahie. ghar ke uttara-purva men kabhi bhi kachra ikattha n hone den aur n hi idhar bhari mashinri rakhen. apne vansh ki unnati ke lie ghar ke mukhya dvar par ashok ke vriksh donon taraf lagaen. yadi apke makan men uttar disha men storrum hai, to use yahan se hata den. is storrum ko apne ghar ke pashchim bhag men sthapit karen. ghar men utpann vastudosh ghar ke mukhiya ko kashtadayak hote hain. iske nivaran ke liye ghar ke mukhiya ko satmukhi rudraksh dharan karna chahie. yadi apke ghar ka mukhya dvar dakshinmukhi hai, to yah bhi mukhiya ke liye hanikarak hota hai. iske liye mukhya dvar par shevtark ganpti ki sthapna karni chahie. apne ghar ke puja ghar men devtaon ke chitra bhulakar bhi amne-samne nahin rakhne chahie isse bara dosh utpann hota hai. apne ghar ke ishan kon men sthit puja-ghar men apni bahumulya vastuen nahin chipani chahie. pujakaksh ki divaron ka rang safed halka pila athva halka nila hona chahie. yadi apke rasoi ghar men refrijretar rnaitya kon men rakha hai, to ise vahan se hatakar uttar ya pashchim men rakhen. dipavli athva anya kisi shubh muhurt men apne ghar men pujasthal men vastudosh nashak kavach ki sthapna karen aur nitya iski puja karen. is kavach ko doshyukt sthan par bhi sthapit karke ap vastudoshon se sarlta se mukti pa sakte hain. apne ghar men ishan kon athva brahmasthal men sfatik shriyantra ki shubh muhurt men sthapna karen. yah yantra lakshmipradayak bhi hota hi hai, sath hi sath ghar men sthit vastudoshon ka bhi nivaran karta hai. pratahkal ke samay ek kande/ uple par thori agni jalakar us par thori guggal rakhen aur naraynay namah’ mantra ka uchcharan karte hue tin bar ghi ki kuch bunden dalen. ab guggal se jo dhuna utpann ho, use apne ghar ke pratyek kamre men jane den. isse ghar ki nakaratmak urja khatm hogi aur vastudoshon ka nash hoga. ghar men kisi bhi kamre men sukhe hue pushp na rakhen. yadi chote guladaste men rakhe hue ful sukh jaen, to nae pushp laga den aur sukhe pushpon ko nikalakar bahar fek den. subah ke samay thori der tak nirantar bajne vali gayatri mantra ki dhun chalne den. iske atirikt koi anya dhun bhi ap baja sakte hain. sayankal ke samay ghar ke sadasya samuhik arti karen. isse bhi vastudosh dur hote hain. agar apke ghar ke pas koi nala ya koi nadi is prakar bahti ho ki uske bahav ki disha uttara-purva ko chorakar koi aur disha men hai, ya uska ghumav ghadi ghar ke pravesh dvar par svastik athva ‘un’ ki akriti lagane se ghar-parivar men sukh-shanti bani rahti hai. jis bhukhand ya makan par mandir ki pith parti hai, vahan rahne vale din-ba-din arthik v sharirik pareshaniyon men ghirte rahte hain. samriddhi ki prapti ke lie ishan kon men pani ka kalash avashya rakhna chahie. ghar men urjatmak vatavaran banane men surya ki roshni ka vishesh mahatva hota hai islie ghar ki antrik saj-sajja aisi honi chahie ki vastu ke anusar nimn baton ka bhi dhyan rakhen surya ki roshni ghar men paryapt matra men pravesh kare. ghar men kalah athva ashanti ka vatavaran ho to draing rum men fulon ka guladasta rakhna shreshth hota hai. ashuddh vastron ko ghar ke pravesh dvar ke madhya men nahin rakhna chahie. vastu ke anusar rasoighar men devasthan nahin hona chahie. grihasth ke bedrum men bhagvan ke chitra athva dharmik mahatva ki vastuen nahin lagi hona chahie. ghar men devasthan ki divar se shauchalay ki divar ka sanpark nahin hona chahie. ki viprit disha men hai, to yah vastu dosh hai. iska nivaran yah hai ki ghar ke uttara-purva kone men pashchim ki or mukh kie hue, nritya karte hue ganesh ki murti rakhen. yadi ghar men jal nikalne ka sthan/boring galat disha men ho to bhavan men dakshin-pashchim ki or mukh kie hue panchmukhi hanumanji ki tasvir lagaen. yadi apke bhavan ke upar se vidyut tarange (tar) gujrti ho to in taron se pravahit hone vali urja ka ghar se niklne vali urja se pratirodh hota hai. is prakar ke bhavan men nibuon se bhari plastik paip ko farsh se satakar ya thora jamin men gar kar ghar ke is par se us par bicha den, nibuon se bhari paip donon or kam-se-kam tin fit bahar nikli rahe. yadi bhavan men pravesh karte hi samne khali divar pare to us par bhav bhangimapurn ganeshji ki tasvir lagaen ya svastik yantra ka prayog karke ghar ke urja vritton ko barhaya ja sakta hai. agar taeylet ghar ke purvi kone men hai to taeylet sit is prakar lagvaen ki us par uttar ki or mukh karke baith saken ya purva ki or. is prakar ghar ki nakaratmak urja ki jagah sakaratmak urja le legi aur sare vastu dosh bhi dur ho jaenge. fir ap jis karya men hath dalenge, apko saflta nishchit rup se milegi.
Kya aapko lekh pasand aaya? Subscribe

Kya aapko lekh pasand aaya? Subscribe


vastu visheshank  December 2011

vastu shastra bharat ki ek prachin gudh vidya hai. vastu shastra ka adhar manav jivan men santulan ka pratipadan karna hai. vastu ka mulbhut siddhant prakriti ke sukshm evan sthul prabhavon ko manav matra ke anurup prayog men lana hai.

Subscribe

Apne vichar vyakt karein

blog comments powered by Disqus
.