वास्तु शास्त्र का स्वरूप

vastu shastra ka svarup  

Ank ke aur Lekh | Sambandhit Lekh | Views : 5024 |  
vastu shastra ka svarup dae. tipu sultan ‘‘faij’’ shabdik taur par vastu ‘‘vastu’’ se utpann hua ek shabd hai, arthat vah vastu jiski satta sarvada sthapit ho. anya maton men vastu ‘‘vas’’ arthat vas se utpann hua ek shabd bhi mana gaya hai. iske atirikt sanskrit bhasha ke shabdik arthon men ‘‘vastu’’ shabd ki sangya us nivas ke rup men ki gai hai. jahan manushya v devta ka vas hota ho. vastushastra men bhavan ya grih ko pran ya jivatma ke rup men svikara gaya hai. vastutah vastu bhavn-nirman ki kala ka koi paryayvachi shabd nahin balki is men chupi gyan ki simaen atyant vistrit v vishal hain, jiski etihasiktaen ved v matsya puran jaise granthon ke vivrnon men dekhi ja sakti hai. iske atirikt tirupti men benkteshvar, madurai men minakshi, ujjain men mahakaleshvar adi mandiron ki nirman kala bhi vastu vidya ke jite jagte udaharan hain. aisa mana jata hai ki maharaja savai jay sinh ne bhi jaypur shahar ke nirman men vastu shastra ke vidhivat siddhant ka anusaran kiya tha. vastu shastra ki saiddhantik prishthabhumi ah vastutah vastu shastra brahmand ki pratyaksh v apratyaksh vyavasthaon ke antargat prithvi ke chunbkiya bal, ghurnan v dhuravon, shit v tap arthat jal v agni tatha prakash v vayu ki prakriti v santulan urja ki prishthabhumi men bhavan ya grih nirman ki ek saiddhantik prakriya hai, jiska tatparya akash ko chuti vaisi bhavya bahumanjili imarton se nahin, jaha sukh-suvidha ke sare adhunik sansadhnon ki upalabdhata ke bavjud bhi vahan rah rahe praniyon ka jivan sarvada tanav grast ya mansik rup se ashant rahta ho, balki tatparya us prakritivadi vyavastha ke nirman se hai jahan rah rahe praniyon ko uttam svasthya, apsi sneh, ekta, prem, sfurti, samriddhi v sukh-shanti ki anubhutiyan prapt hoti hon. vastu shastra ki vidhivat rup rekha ah is shastra ki sari vidhivat rup rekhaen prakriti pradatt panch mahabhut vayu, jal bhu agni v akash tatvon tatha in tatvon ko santulit v vyavasthit ya ek saman dhuri par kayam rakhne vale shashth tatva arthat chunbkiya shakti ya unke gurutvakarshan balon ke antargat nihit hai, jiske sarthak nirman ya sakaratmk nirman hetu prithvi ki charo dishaon-purva, pashchim, uttar, dakshin adi tatha in dishaon ke charo chaturbhujakar konon arthat ishan, agney, rnaitya vayavya adi konon ki vyavharik prakriti v unke gun - visheshon ka avlokan karna atyant anivarya hai. purva disha: is disha ke surya ke pratinidhitva ke antargat ane ke karan is kshetra ko prakash urja ke pratik ke rup men mana gaya hai. islie surya grah se sanbandhit man-samman, pitri-sukh, vansh-vriddhi, uttam svasthya, arthik samriddhi adi jaisi maulik upalabdhiyon ke hetu is kshetra ko dosh rahit hona atyant anivarya hai. vastu-shastra men purva ke mukh ki or khulne vale bhavan ya grah ke mukhya pravesh dvar ko sharirik v atmik sabla ke lie atyant labhaprad mana gaya hai. pashchim disha: yah disha shani grah ke pratinidhitva ke antargat ati hai. iske atirikt is kshetra ko vayu tatva arthat chanchlta ka suchak bhi mana gaya hai. atah bhavan ya grih ke is disha ko dosh rahit hona param avashyak hai, anyatha is or utpann dosh ke karan karyon men badha, adhik vyay, bachchon ke bhagya v shikshan karyon men badha, udasinta, mansik dabav adi jaisi sthitiyan atyant prabal ho jati hai. uttar disha: is disha ko matri bhav arthat rin-dhruv ka suchak mana gaya hai. jal tatva arthat shitoshn kshetra hone ke karan vidya adhyayan, chintn-manan adi jaise karyon ke hetu is or mukh karke baithne ki kriya ko atyant labhaprad mana gaya hai. is disha men kisi bhi prakar ke dosh utpann hone ke karan dhandhanya, sukh sanpatti adi men hani jaisi avasthaen praranbh ho jati hai. dakshin disha: mangal grah pradhan is disha ko dhairya v sthirta ke suchak ke rup men jana jata hai. parantu dusri taraf mrityu devta, yam, shatru rog adi ke pravesh kshetra bhi isi disha ke antargat ate hain, islie bhavan ya grih ke is disha ke or ki khirkiyon ya darvaje adi ko band karakar rakha jae to jyada uttam hoga. ishan kon: uttara-purva ka yah kon guru grah ke pratinidhitva ke antargat ata hai jis sthan ko bhavan ya grih ke shikhar ya mukh ki bhi sangya di jati hai. islie is sthan ko shital v pavitra rakhne ka vishesh nirdesh diya gaya hai. jal tatva prabhavit kshetra hone ke karan is sthan ko kuen, boring, bhumigat tanki adi ke nirman ya usse sanbandhit karyon hetu upyukt bataya gaya hai. kure-kachre ke dher, agni-sanbandhit karyon, shauchalay adi ke nirman ke lie is sthan ko varjit bataya gaya hai. is sthan par balkni, puja sthan v pravesh dvar ka hona shubh mana gaya hai. agney kon: dakshin-purva disha ke is kon ko agni tatva arthat urja ya agni ke shroton ke rup men jana jata hai agni pradhan kshetra hone ke karan is sthan ko rasoi ghar ke nirman tatha bijli mitar ya urja se sanbandhit karyon hetu upyukt mana gaya hai. is kon ke dushit hone se grih ke vyadhigrasth hone ya agni-bhay adi jaisi samasyaon ki sanbhavnaen barh jati hain. rnaitya kon: dakshin-pashchim ka yah kon rahu ya ketu grah ke pratinidhitva ke antargat ata hai. atyant sanvedshil samjha jane vala yah kshetra durghatana, apghat, shatrubhay, bhut-pret adi shankaon ke hetu bhi vicharniya mana gaya. ghar men rah rahe manushyon ki vani, achar-vichar, vyavharikta adi ke gun bhi isi kon se prabhavit hote hain tatha is sthan ke vikrit hone par yahan rah rahe nivasiyon ke vichar kalushit ho jate hain. is or pravesh dvar ko varjit bataya gaya hai. kyonki yah kon prithvi tatva hai, jo sthirta ka suchak bhi hai. islie shayan kaksh ke nirman hetu is jagah ko atyant upyukt mana gaya hai. vayavya kon: uttara-pashchim disha ka yah kon vayu sthan ka suchak hai tatha vyavharon men parivartan, parivarik, samajik adi sanbandhon ke hetu bhi ise vicharniya kaha gaya hai. lanbi ayu v uttam svasthya shakti ke lie is sthan ka vikrit rahit hona atyant anivarya hai. rashn-bhandar, mehmanon ke rahne, manoranjan se sanbandhit adi karyon ke hetu yah jagah upyukt mani gai hai. dakshin-pashchim ka yah kon rahu ya ketu grah ke pratinidhitva ke antargat ata hai. atyant sanvedshil samjha jane vala yah kshetra durghatana, apghat, shatrubhay, bhut-pret adi shankaon ke hetu bhi vicharniya mana gaya. ghar men rah rahe manushyon ki vani, achar-vichar, vyavharikta adi ke gun bhi isi kon se prabhavit hote hain tatha is sthan ke vikrit hone par yahan rah rahe nivasiyon ke vichar kalushit ho jate hain. .grih ya bhavan ke sammukh dudh v katon vale per-paudhe ya jhari adi n hon. .jal pravah sarvada uttara-purva disha ki or honi chahie. .dukan, faiktri, bhavan ya grih ke sammukh kisi bhi prakar ka dvar vedh n ho. .ishan kon ki disha se satakar machcharadani ki dandiyan jhadu ya gandi vastu adi n rakhen. .grih ya bhavan ke purva disha ki or unche vriksh adi n hon. .sirhiyon ke niche shauchalay ka nirman n karen. .tin dvar ek sidh men n ho tatha mukhya dvar anya dvaron se bara ho. .uttar disha ki or sir rakhakar sone ko atyant hanikarak mana gaya hai. atah sote samay sir ko prithvi par is prakar mani gayi hai ki uska sir ishan kon men niche ki or mukh karke hai pair sikure hue panje rnaitya kon men hai donon bhujayen agney v vayavya kon men hai. 1. vastu siddhant ke mul siddhant ke anusar ghar ya bhukhand ka purva, ishan v uttari kshetra sadaiv nicha, halka tatha khali rakhna chahie tatha dakshin v rnaitya kon uncha bhari v bhara hua hona chahiye. kyonki bhartiya sadaiv dakshin disha ki or rakhen. vastu-dosh . purva disha men yadi koi dosh utpann ho raha ho to is disha ki or abhimantrit surya yantra ko sthapit karen. . pashchim disha ki or yadi kisi bhi prakar ka vastu-dosh utpann ho raha ho to is or shani yantra ko sthapit karen. . uttar disha ki or yadi vastu dosh utpann ho raha ho to is or budh v kuber yantra ko sthapit karna atyant labhaprad hota hai. . dakshin disha ki sakaratmakata ko barkrar rakhne hetu mangal yantra atyant labhaprad mana gaya hai. . ishan kon men jal se sanbandhit karya yadi n ho rahe hon to pile dhatu ya vastu ke patra men jal bhar kar sarvada is sthan par rakhen tatha is kon ki divar par guru yantra ko sthapit karen. .agney kon men utpann dosh ko dur karne hetu is kon par lal balb ko sarvada jala kar rakhen tatha is sthan ki divar par shukra yantra ko sthapit karen. .vayavya kon men utpann dosh ko kam karne hetu is kon ki divar par chandra yantra ko sthapit karen. .rnaitya kon ko doshmukt rakhne ke lie is kon ki divar par sanyukt rahu-ketu tatha mahamrityunjay yantra ko sthapit karen.
Kya aapko lekh pasand aaya? Subscribe

Kya aapko lekh pasand aaya? Subscribe


vastu visheshank  December 2011

vastu shastra bharat ki ek prachin gudh vidya hai. vastu shastra ka adhar manav jivan men santulan ka pratipadan karna hai. vastu ka mulbhut siddhant prakriti ke sukshm evan sthul prabhavon ko manav matra ke anurup prayog men lana hai.

Subscribe

Apne vichar vyakt karein

blog comments powered by Disqus
.