पेप्टिक अल्सर

peptik alsr  

Ank ke aur Lekh | Sambandhit Lekh | Views : 8116 |  
peptik alsar ayurved ke anusar manav sharir men agni mul hai. jab tak sharir men agni santulit rahti hai, tab tak svasthya ka anuvartan hota rahta hai. islie sharir men pran aur svasthya agnimulak hain. sharir men mandagni rahne se kai udar rog utpann hote hanai. mansik dabav aur tanav bhari jindgi jine valon ke sharirik vikaron men grahni aur pachan sansthan ke rog jyadatar dikhai dete hain, jinmen alsar sabse adhik payi jane vali vyadhi hai. manav sharir men amashay aur grahni ahar nal ke sabse mahatvapurn bhag hain. amashay ahar nal ka sabse chaira bhag hai, jo ann nalika ke ant se le kar choti ant ke praranbh ke madhya sthit rahta hai. amashay ka karya hai ahar ko grahan karna, apne pachak rason ko usmen milana, apni peshiyon dvara bhojan ka manthan karna aur use age ki taraf dhakel kar grahni men bhejna. grahni choti ant ka sabse chaira aur praranbhik bhag hai, jiska akar ‘si’ akshar ke saman hai. jab amashay ki bhitti men ghav (vran) ban jata hai, to use ‘amashay vran’ kaha jata hai. jab amashay aur grahni donon men hi ek sath ghav ban jaten hain, to use ‘gaistrodyudenal alsara’ kaha jata hai aur jab yah ghav ya vran grahni ki bhitti men banta hai, to use dyudenal alsar ke nam se jana jata hai. yadyapi in tinon prakar ke vranon ke rachnatmak rup men kai prakar ki vividhta hai, par in tinon ke karan aur upchar lagabhag ek jaise hi hain. atah inhen samanyatah ek hi nam ‘peptik alsara’- se sanbodhit kar diya jata hai . peptik alsar ke vastavik karan ka abhi tak sahi pata nahin chal paya hai. fir bhi rog utpatti men mukhya bhumika amashay amla ki sakriyata par nirbhar karti hai. amashay men haidroklorik amla ki adhikta ke karan, athva amashay aur grahni ki antrik shleshmik kala ki is amla ke prati pratirodh shakti kam par jane ke karan amashay ras ka amla is shleshmik kala ko pachane lag jata hai, jisse us sthan par ghav (vran) utpann ho jate hain. yah to sarvavidit hai ki tivra amla kisi bhi prakar ke mans ko gala sakta hai, svasth manav ke sharir men amashay koshikaon dvara utpann pachak ras aur amla se shleshmik kala ki raksha karta hai. is pachak ras men aise prajijiv bhi maujud rahte hain, jo amla ki kriya se bachate hain. kisi karan se inki nyunta hone se shleshmik kala ki pratirodh shakti ghatne tatha rakt sanchar ke paryapt n rahne se un sthanon ki shleshmik koshikaon ka pachan sanbhav ho pata hai, jisse vahan ghav ban jate hain. ‘peptik alsara’ ki utpatti ka sidha sa karan amashay ras ke peptik aur haidroklorik amla dvara amashay ki shleshmik kala ka pach jana hi hota hai, kyonki alsar ki utpatti ke lie amla aur peptik ki maujudgi avashyak hoti hai. rog ka upchar: peptik alsar ke upchar ke lie aushdhiyon se adhik avashyak hai parhej. apni buri adton aur chijon ko jivan bhar ke lie chorna parta hai. dhumrapan, sharab aur anya prakar ke nashile padarthon ko tyag kar santulit ahar par hi rahna parega. esprin aur anya kai shoth nivarak aushdhiyon ko bhi chorna parta hai. ayurved men kai aisi aushdhiyan hain, jo peptik alsar men shighra labh karti hainah yahan tak ki bahut jald hi rog ko samul nasht bhi kar dalti hain, jaise anvla. anvla apne vishesh rasayan se amashay ki shleshmik kala par myusin aur elyumin ko mila kar ek parat si bana deta hai, jisse shleshmik kala ka komal bhag jathar ras aur amla ke prabhav se bachne lag jata hai. ayurved ke saral upay: anvle ka taja ras, ek kilo pethe ka ras, derh kilo, derh kilo chini le kar inhen dhimi ag par garm kar ke kadha bana len. bad men usmen jira, pippali, dhaniya, musta aur chaturjatak 5-5 gram le kar churn bana kar mila len. subh-sham 10-10 gram shahad ke sath sevan karen. shankhvti ki 3 goliyan do bar dudh ke sath sevan karen. shatavri churn 1 gram, yashti madhu churn 1 gram, kamdudha ras 500 miligram, pravalpishti 500 miligram 3 bar, shatavri kshir pak ke sath, sevan karen. choti ilaychi, dalchini, tej patra, vansh lochan, harar, pippali, dhaniya, safed chandan aur anvla sabhi barabar matra men le kar barik churn bana len aur churn ke barabar misri mila len. ise subh-sham 3 se 6 gram ki matra men shahad ke sath len. û harar ki chal, pippali aur nishoth saman matra men le kar unka barik churn bana len aur usmen purana gur mila kar avleh sa bana len. is avleh ka 1 se 2 chammach ki matra men sevan, garm pani ke sath, din men do bar karen. saptamrit lauh 2 gram, shankh bhasm 1 gram, sut shekhar ras 400 miligram tatha shul vajrayi vati 2 gram ki matra men le kar inki do khuraken bana len. subh-sham ek-ek khurak, taje ninbu ras ke sath, sevan karen. jyotishiya drishtikon: jyotishiya drishti se kal purush ki kundli men pancham bhav peptik, arthat pachan sansthan ka hai aur sinh rashi is sansthan ka netritva karti hai. pachan sansthan men agni mul, jiske karan pachak ras utpann hota hai, bhojan ko pachane ka karya karta hai. is sansthan men pachak ras men amla ki matra adhik hone ke karan pachak sansthan men ghav (vran) ban jata hai, jo alsar kahlata hai. islie amla, jo agnikarak hai, uska netritva mangal aur surya karta hai. islie pancham bhav, sinh rashi, surya aur mangal ka dushprabhavon men rahne ke karan peptik alsar hota hai. vibhinn lagnon men peptik alsara: mesh lagna: surya shashth bhav men rahu, ketu se yukt, ya drisht, budh pancham bhav men shani se yukt, ya drisht, mangal chaturth bhav men rahne se peptik alsar ki sanbhavnaen hoti hain. vrish lagna: mangal ketu yukt aur guru se drisht pancham bhav men tatha budh ashtam bhav men surya se ast ho, shukra shashth bhav men ho, to jatak ko pachan sanbandhi samasya hoti hai, jo bad men alsar ka rup dharan kar leti hai. mithun lagna: panchmesh shukra surya se ast ho aur lagnesh pancham bhav men mangal se yukt ho aur guru se drisht ho. rahu navam bhav men ho, to alsar jaisa rog pachan sansthan par hota hai. kark lagna: budh, rahu pancham bhav men, mangal shani se yukt shashth bhav men, guru gyarhven bhav men rahne se aise rog ki sanbhavnaen ban sakti hain. sinh lagna: lagnesh shashth bhav men rahu, ya shani se yukt ho, mangal ashtam bhav men panchmesh ke sath ho aur budh pancham bhav men shukra ke sath ast n ho, to alsar rog ho sakta hai. kanya lagna: lagnesh shashth bhav men surya se ast ho, mangal pancham bhav men guru se yukt, ya drisht ho aur shani sthir rashiyon men sthit ho, to alsar hone ki sanbhavna rahti hai. tula lagna: lagnesh ashtam bhav men mangal se drisht, ya yukt ho, guru ekadash bhav men ho, surya pancham bhav men sthit ho aur budh ast ho kar shashth bhav men ho, to peptik alsar hone ki sanbhavna hoti hai. vrishchik lagna: lagnesh mangal dvitiya bhav men, shani ashtam bhav men, budh pancham bhav men surya se yukt, shukra shashth bhav men panchmesh rahu, ketu se yukt, ya drisht kundli men kahin bhi ho, to peptik alsar hone ki sanbhavna hoti hai. dhanu lagna: shukra-budh pancham bhav men, surya chaturth bhav men, lagnesh guru trik bhav men shani se drisht, ya yukt ho, guru panchmesh ketu se yukt kundli men kahi bhi ho, to peptik alsar ho sakta hai. makar lagna: guru pancham bhav men ket se yukt, ya drisht ho, mangal dvitiya bhav men, lagnesh shani apni nich rashi budh se yukt ho, to peptik alsar ki sanbhavna barhti hai. kunbh lagna: ashtamesh aur navmesh mangal ke sath yukt ho kar pancham bhav men sthit hon, surya chaturth bhav men guru se drisht ho, lagnesh shani trik bhavon men ho, to peptik alsar ki sanbhavna barhti hai. min lagna: shukra pancham bhav se drisht, ya yukt ho, surya aur mangal shashth bhav men, lekin mangal ast n ho, budh saptam bhav men, lagnesh shani se yukt dvadash bhav, ya ashtam bhav men ho, to peptik alsar ki sanbhavna barhti hai. uparyukt sabhi yog chalit kundli par adharit hain. rog ki utpati sanbandhit grah dasha-antardasha aur gochar grah ke pratikul rahne se hota hai. jab tak dasha-antardasha pratikul rahenge, sharir men rog rahega. uske bad thik ho jaega, lekin thik avastha men bhi pachan sansthan men kuch vyadhi rahegi.
Kya aapko lekh pasand aaya? Subscribe
Kya aapko lekh pasand aaya? Subscribe


vashikaran v sammohn  August 2010

sammohan parichay, sammohan v vashikaran labh kaise len ? jari buti ke sammohan karak prayog, shatakarm sadhan, dattatrey tantra men vashikaran, tantrik abhikarm se pratirakshan adi vishyon ki jankari ke lie aj hi parhen vashikaran v sammohan visheshank.falit vichar kolam men parhen acharya kishor dvara likhit rajbhang yog namak gyanavardhak lekh. is visheshank ki satyaktha vishesh rochak hai.

Subscribe

Apne vichar vyakt karein

blog comments powered by Disqus
.