संग्रहणी पेट का गंभीर रोग

sangrahni pet ka ganbhir rog  

Ank ke aur Lekh | Sambandhit Lekh | Views : 17982 |  
sangrahni : pet ka ganbhir rog acharya avinash sinh sangrahni rog ke mukhay karnon ka pata abhi nahin chal paya hai. baiktiriya, kuposhan, bhojan men maujud kuch vishesh protin iska karan ho sakte hain. pachan tantra sanbandhi aisa rog jisse grast rogiyon ke munh tatha amashay men pachak ras ka strav to samuchit rup men hota hai aur bhojan ka pachan bhi kafi had tak thik hota hai. parantu uski anton men pache hue bhojan ke pramukh ansh jaise vasa, glukoj, kailshiyam, kai prakar ke vitamin adi ka avshoshan nahin ho pata hai. is rog men aksar pachan sansthan se sanbandhit sare ang (yakrit, agnashay, pittashay adi) samanya hi milte hain. sath hi rogi rog ke akraman se purva athva bad men bhi samanya prakriti ka ho sakta hai. kintu rog ke akraman ke dauran uski antra ahar ka avshoshan kisi agyat karan ke prabhav men akar chor deti hai. is rog ke nishchit karnon ka abhi tak pata nahin chal paya hai. kuch vidvan sangrahni rog ke lie rog se purva maujud kuposhan ko iske lie jimmedar mante hain. fir bhi kuch rogiyon men ganbhir avastha ke dauran vitamin 'bi' samuh ka ghatak is rog ki shuruat karte dekha gaya hai. islie kah sakte hain ki sabhi rogiyon ke lie koi ek nishchit aur spasht siddhant abhi tak manya nahin hai. rog ke lakshan : jo sangrahni rog ke purane marij hain, unmen kuch lakshan milte hain jaise atyadhik thakan, mansik udasinta, avsad, vajan ka kam hona, bhukh ki kami, afara adi. rog ki shanti aur punravritti ka chakra chalta rahta hai. rog ki ganbhir avastha men rogi ko rojana 10 ya adhik bar mal tyag ho sakta hai. mal visarjan ki ichcha ekaek tivra ho jati hai. use rok pana mushkil ho jata hai. mal ki matra sadaiv hi jyada rahti hai. mal sadaiv hi taral rup men pile rang ka, jhag aur durgandh yukt hota hai aur usmen vasa ki matra bahut adhik hoti hai. mal shauchalay men chipak jata hai tatha use saf karna mushkil hota hai. mitli ke sath vaman tatha pet ka fulna adi lakshan bhi utpann ho sakte hain. rogi ki jibh bhi lal rang ki ghav yukt ho sakti hai aur usmen dard rahta hai. rogi ko bhojan niglne men bhi kathinai hone lagti hai. jaise jaise rog barhta jata hai, rogi ka vajan kam hota jata hai. sangrahni rog ke karan rogi ke sharir men vasa bhandar bahut kam rah jata hai. iske karan sharir ke sare antrik ang sikurakar chote hone lag jate hai. sangrahni rog ko lakshanon ke adhar par do bhagon men banta gaya hai. ushn katibandhiya sangrahni aur kothlik sangrahni. ushn katibandhiya : is sangrahni ka mukhay lakshan dast hain, jo rog ke praranbh men ati tivra sankhya men adhik tatha pani ke saman hote hain. iske bad daston ki sankhya ghatne lag jati hai. kintu unka pila rang jhag yukt aur matra barh jati hai. daston ki tivrata ke karan shighra hi vibhinn poshak tatvon ka abhav utpann ho jata hai. kothlik sangrahni : is ka pramukh lakshan hai ki rog ke aranbh men hi antra men vasa, protin, vitamin 'bi'12, karbohaidret aur pani adi aparyapt avshoshan hone se ye mal ke sath jane lagte hain. mal praranbh men bhi adhik matra men pila, jhag aur durgandh yukt chiknahat vala hota hai. sharir men vasa men ghulnshil vitamin e, bi, ke adi ka avshoshan n ho pane se inki alpata hone lag jati hai. kothlik sangrahni ke adhe se adhik rogi chote bachche hi hote hain. rog ka upchar : ayurvedik chikitsa men sangrahni rog ke lie kai yogon ka ullekh hai. kuch anubhut ayurvedik yog is prakar hain : 1. kutki, chirayta, patolapatra, nim mul, chal aur pitt papra. sabhi barabar matra men le kar un ka churn bana len aur fir 1 se 2 gram ki matra din men tin bar gau-mutra ke sath sevan karen to sangrahni rog men aram ane lag jata hai. 2. jayafal, shuddh singaraf, kauri, bhasm, saunth, sendha namak, shuddh afim, shuddh dhature ke bij aur pipal barabar matra men le kar churn bana len. fir ninbu ke ras, dhature ke bij ke kvath aur bhang ke svaras ki ek-2 bhavna de kar ninbu ke ras men ghont kar 50-50 gram ki goliyan bana kar sukha len aur ek-2 goli din men tin bar makkhan nikli hui dahi ki patli lassi ya taje pani ke sath sevan karen. 3. jayafal, afim, kalmi shora aur laung sabhi barabar matra men le kar churn kar len aur fir shahad men milakar 60 miligram ki goliyan bana len. bhayankar se bhayankar sangrahni aur atisar rog men niahsandeh labh hoga. 4. sukha anvla aur kala namak saman matra men le len. sukhe anvlon ko bhigo kar narm kar len aur kala namak milakar pis kar 60 miligram ki goliyan bana kar sukha len. bhojan ke adhe ghante bad pani ke sath len, vishesh labh hoga. jyotishiya drishtikon : sangrahni rog ka mukhay karan pet ki anten hain. ant men ahar ka avshoshan kisi jiv vish ke karan hota hai. kal purush ki kundli men shashth bhav pet ki anton ka hota hai, jiska karak grah mangal hai. kyonki ahar ka avshoshan jiv vish se hota hai aur vish ke karak grah rahu aur ketu hain, islie yadi kundli men lagnesh, lagn, shashth bhav, shashthesh mangal, rahu ke ashubh prabhavon men hon, to sangrahni jaisa rog jatak ko ho jata hai. vibhinn lagnon men sangrahni rog : mesh lagn : shani yukt lagnesh dvitiya bhav men ho. budh shashth bhav men rahu se yukt ya drisht ho, to sangrahni rog hota hai. vrish lagn : guru lagnesh aur shashth bhav par drishti rakhe. rahu dhanu ya min rashi men ho kar shashthesh par drishti rakhe. lagnesh par mangal ki drishti ho, to sangrahni rog hota hai. mithun lagn : rahu ki shashth men sthiti ya shashth bhav par drishti hona aur mangal ka lagnesh ya lagn ko dekhna. guru ka shashth bhav men hona, shani ke dvitiya bhav men hone se sangrahni rog ho sakta hai. vrish lagn men guru lagnesh aur shashth bhav par drishti rakhe. rahu dhanu ya min rashi men ho kar shashthesh par drishti rakhe. lagnesh par mangal ki drishti ho, to sangrahni rog hota hai. kark lagn : lagnesh chandra rahu se yukt ya drisht ho, budh dvitiya bhav men ya shashth bhav men surya se ast n ho. mangal ashtam men, shani 3, 6, 8 bhavon men shukra se yukt ho, to sangrahni rog hota hai. sinh lagn : lagnesh surya rahu se drisht ya yukt ho. lagn men budh ast ho, mangal 6 ya 8 bhav men ho kar shani se drisht ya yukt ho. chandra shukra dvitiya bhav men hon to sangrahni rog hone ki sanbhavnaen hoti hain. kanya lagn : lagnesh budh mangal se yukt ya drisht ho. rahu shashth ya ashtam bhav men ho, shesh sabhi grah 10, 11, 12, 1, 2, 3 bhav men sthit hon, jinmen chandra shani se yukt ya drisht ho, to sangrahni rog hota hai. tula lagn : guru shashth bhav men rahu se yukt ho. lagnesh shukra shani se saptam bhav men ho, aur rahu se drisht ho. chandra bhi rahu ya guru ke prabhav men ho to sangrahni rog hota hai. vrishchik lagn : budh dvitiya bhav men, shashth ya ashtam men ho aur rahu se yukt ho. shani ki lagn ya lagnesh par drishti ho aur chandra lagn men ho, to sangrahni rog hota hai. dhanu lagn : lagnesh guru chandra se yukt ho kar tritiya, shashth ya ashtam bhav men ho kar rahu se yukt ho. shani lagn ko dekhta ho aur budh dvitiya bhav ya pancham bhav men ho to sangrahni rog hota hai. makar lagn : shani trik bhavon men, rahu dhanu ya min rashi men ho aur guru se drisht ho. guru saptam ya ashtam bhav men ho kar chandra se yukt ho. lagnesh shani par mangal ki satvin ya athvin drishti ho, to sangrahni rog hota hai. kunbh lagn : rahu shashth bhav men ho. chandra shani se yukt ho kar pancham, saptam ya ashtam bhav men ho. mangal saptam bhav men, ashtam bhav men ya ekadash bhav men ho, to sangrahni rog ho sakta hai. min lagn : shukra shashth bhav, surya ashtam bhav men, shani lagn men ya lagn ko dekhe, lagnesh ashtam bhav men surya se ast ho. rahu lagn men ya shashth bhav par drishti ho, to sangrahni rog hota hai. uparyukt sabhi yog chalit par adharit hain. sanbandhit grah ki dashantardasha aur gochar ke pratikul hone par hi rog hota hai.
Kya aapko lekh pasand aaya? Subscribe
Kya aapko lekh pasand aaya? Subscribe


muhurt visheshank  June 2011

jivan ki mahatvapurn karyon jaise-vivah, grih pravesh, naya pad ya nai yojna ke kriyanvayan ke lie shubh muhurt nikalakar karya karne se saflta prapt hoti hai aur jivan sukhamay banta hai v bina muhurt ke karya karne par nishfalata dekhi hai. is visheshank me bataya gaya hai

Subscribe

Apne vichar vyakt karein

blog comments powered by Disqus
.