दत्तात्रेय तंत्र में वशीकरण प्रयोग

dattatrey tantra men vashikaran prayog  

Ank ke aur Lekh | Sambandhit Lekh | Views : 70514 |  

bhagvan dattatrey ka upasna tantra shighra kamna ki siddhi karne vala mana jata hai. bhagvan dattatrey ko avtar ki sangya di gayi hai. kaliyug men amar aur pratyaksh devta ke rup men bhagvan dattatrey sada prashansit evan pratishthit rahenge. dattatrey tantra devadhidev mahadev shankar ke sath maharshi dattatrey ka ek sanvad patra hai.

mohan prayog

tulsi-bijchurn tu sahdevya rasen sah.
ravau yastilkan kuryanmohyet saklan jagat..

tulsi ke bij ke churn ko sahdevi ke ras men pis kar tilak ke rup men use lalat par lagaen. usse usko dekhne vale mohit ho jate hain.

haritalan chashvagandhan peshyet kadlirse.
gorochnen sanyuktan tilke lokmohanam..

hartal aur asagandh ko kele ke ras men pis kar usmen gorochan milaen tatha uska mastak par tilak lagaen to usko dekhne se sabhi log mohit ho jate hain.

shrringi-chandana-sanyukto vacha-kushth samanvitah.
dhupau gehe tatha vastre mukhe chaiv visheshtah..
raja praja pashu-pakshi darshananmohkarkah.
grihitva mulmambulan tilkan lokmohanam..

kakda singi, chandan, vach aur kushth inka churn banakar apne sharir tatha vastron par dhup dene tatha isi churn se tilak lagane par raja, praja, pashu aur pakshi use dekhne matra se mohit ho jate hain. isi prakar tambul ki jar ko ghis kar uska tilak karne se logon ka mohan hota hai.

sinduran kunkuman chaiv gorochan samanvitam.
dhatrirsen sampishtan tilkan lokmohanam..

sindur, keshar, aur gorochan in tinon ko anvle ke ras men pisakar tilak lagane se log mohit ho jate hain.

sinduran ch shvet vacha tambul ras peshita.
anenaiv tu mantren tilkan loknohanam..

sindur aur safed vach ko pan ke ras men pis kar age uddhrit kiye mantra se tilak karen to log mohit ho jate hain.

apamargon bhringarajo laja ch sahdevika.
ebhistu tilkan kritva trailokyan mohyennarah..

apamarga-onga, bhangra, laja, dhan ki khol aur sahdevi inko pis kar uska tilak karne se vyakti tinon lokon ko mohit kar leta hai.

shvetdurva grihita tu haritalan ch peshyet.
ebhistu tilkan kritva trailokyan mohyennarah..

safed durva aur hartal ko pisakar uska tilak karne se manushya tinon lokon ko moh leta hai.

manahshila ch karpuran peshyet kadlirse.
tilkan mohnan nrinan nanyatha mam bhashitam..

mainsil aur kapur ko kele ke ras men pis kar tilak karne se vah manushyon ko mohit karta hai.

ath kajjal vidhanam grihitvaudumbaran pushpan varti kritva vichakshanaiah.
navniten prajvalya kajjalan karyennishi..
kajjalan chanjyennetre mohyet saklan jagat.
yasmai kasmai n datavyan devanampi durlabham..

buddhiman vyakti ko chahie ki gular ke pushp se kapas rui ke sath batti banae aur us batti ko navnit se prajvalit kar jalti hui jvala se kajal nikale tatha us kajal ko rat men apni ankhon men laga len. is kajal ke lagane se vah samast jagat ko mohit kar leta hai. aisa siddh kiya hua kajal kisi bhi vyakti ko nahin den.

ath lepvidhanam

shvet-gunjarse peshyan brahmadandiya-mulakam.
sharire lepmatren mohyet sarvato jagat..

shvetgunja safed ghunghchi ke ras men bahmadandi ki jar ko pis len aur uska sharir men lep karen to usse samast jagat mohit ho jata hai.

panchangdadimi pishtva shvet gunja samanvitam.
ebhistu tilkan kritva mohyet saklan jagat..

anar ke panchang (jar, patte fal, pushp aur tahni) ko pisakar usmen safed ghunghuchi milakar tilak lagaen. is tilak ke prabhav se vyakti samast jagat ko mohit kar leta hai.

mantrastu - in prayogon ki siddhi ke lie agrim die hue mantron ke das hajar jap karne se labh hota hai.

” un namo bhagvte rudray sarvajaganmohnan
kuru kuru svaha.“

athva

” un namo bhagvte kamdevay yasya yasya drishyo bhavami
yashya yashya mam mukhan pashyati tan tan mohytu svaha..

akarshan prayog

krishn dhatturapatranan rasan rochnsanyutam.
shvetakarvir lekhanya bhurjapatre likhet tatah..
mantran nam likhenmadhye tapyet khadiragnina.
shatyojngo vapi shighramayati nanyatha.

kale dhature ke patron se ras nikalakar usmen gorochan milaen aur syahi bana len. fir safed kaner ki kalam se bhojapatra par jiska akarshan karna ho uska nam likhen aur uske charon or mantra likhen. fir usko khair ki lakri se bani ag par tapaen, isse jiske lie prayog kiya ho, vah sau yojan dur gaya ho to bhi shighra hi vapas a jata hai.

anamikaya rakten likhenmantran ch bhurjake.
yasya nam likhanmadhye madhumadhye ch nikshipet..
ten syadakarshanan ch siddhayog udahritah.
yasmai kasmai n datavyan nanyatha mam bhashitam..

anamika anguli ke rakt se bhojapatra par mantra likhen aur madh y men abhisht vyakti ka nam likh kar madhu men dal den, ismen jiska nam likha hua hoga uska akarshan ho jaega. yah siddh yog kaha gaya hai.

athakarshan mantra

” un nam adipurushay amukasyakarshanan kuru kuru svaha.“

ekalakshajapanmantrah siddho bhavti sarvatha.
ashtottarashatajapadagre prayogo'sya vidhiyate..

is mantra ka ek lakh bar jap karne se yah mantra purn rup se siddh ho jata hai. tadantar prayog se purva is mantra ka 108 bar jap karke iska prayog kiya jata hai.

sarvajan vashikaran prayog

brahmadandi vachakushth churn tambul madhyatah.
payyed yan ravau vare sovashyo vartate sada..

brahmadandi, vach aur kuth ke churn ko ravivar ke din pan men dalakar khila den. jisko khilaya jae vah sadaiv ke lie vash men ho jata hai.

grihitva vatmulan ch jalen sah gharshayet.
vibhutya sanyutan shale tilkan lokavashyakrit..

bar ke per ki jar ko pani men ghis kar usmen bhasm milaen aur uska tilak lagaen to use dekhne vale log vashibhut ho jate hain.

pushye punarnavamulan kare saptabhimantritam.
buddhva sarvatra pujyet sarvalok vashankarah..

pushya nakshatra ke din punarnava ki jar ko lakar use vashikaran mantra se sat bar abhimantrit karen aur hath men bandhe to vah sarvatra pujit hota hai tatha sabhi log uske vashibhut ho jate hain.

pishtva'pamargamulan tu kapila paysa yutam.
lalate tilkan kritva vashikuyojjagattrayam..

kapila gay ke dudh men apamarg andhi jhara ki jar ko pis kar lalat par tilak karne se trilok ko bhi vash men kiya ja sakta hai.

grihitva sahdevin ch chayashushkan ch karyet.
tambulen ch tachchurn sarvalokvshankrah..

sahdevi ko chaya men sukhakar uska churn bana len tatha use pan men dal kar khilaen to sabhi ka vashikaran ho jata hai.

rochna sahdevibhyan tilkan lokavashyakrit.

gorochan aur sahdevi ko milakar uska tilak karne vala sab ko vash men kar leta hai.

grihitvaudumbaran mulan lalate tilkan charet.
priyo bhavti sarveshan drishtamatro n sanshyah..

udumbar ki jar ko ghis kar usse jo tilak lagata hai, us par jiski drishti parti hai, vah uske vash men ho jata hai. ismen koi sanshay nahin hai.

tambulen pradatavyan sarvalok vashankaram.

yadi gular ki jar ka churn pan men dalakar khilaya jae to usse vah vash men ho jata hai jise yah khilaya jata hai.

siddharth devdalyoshch gutikan karyed budhah.
mukhe nikshipya bhashet sarvalok vashankaram..

sarson aur devdali ke churn ki goli banakar use munh men rakhakar batchit karne se jisse bat karta hai, vah vash men ho jata hai.

kunkuman nagran kushthan haritalan manahshilam.
anamikaya rakten tilkan sarvavashyakrit..

keshar, sonth, kuth, hartal aur mainsil ka churn karke usmen apni anamika anguli ka rakt milakar tilak lagane se sabhi log vash men ho jate hain.

gorochnan padmapatran priyangun raktachandanam.
eshan tu tilkan bhale sarvalok vashankaram..

gorochan, kamal ka patra, kangni aur lal chandan inka lalat par tilak karne se vyakti vash men ho jate hain.

grihitva shvetgunjan ch chayashushkan tu karyet.
kapila paysa sarddh tilkan lokavashyakrit..

safed ghunghuchi ko chaya men sukha kar kapila gay ke dudh men ghis kar tilak karne se sarvajan vash men ho jate hain.

shvetark ch grihitva ch chayashushkan tu karyet.
kapila paysa sarddh tilkan lokavashyakrit..

safed madar (ak) ko chaya men sukha kar kapila gay ke dudh men ghis kar tilak karne se sarvajan vash men ho jate hain.

shvetark ch grihitva ch kapila dugdh mishritam.
lepmatran sharire tu sarvalok vashankaram..

safed durva ko kapila gay ke dudh men milakar sharir men lep karne matra se sabhi jan vash men ho jate hain.

bilvapatrani sangrihay matulungan tathaiv ch.
ajadugdhen tilkan sarvalok vashankaram..

bilva patra aur bijora nibu ko bakri ke dudh men pisakar tilak karne se sarvajan vash men ho jate hain.

kumari mulmaday vijya bij sanyutam.
talkan mastake kuryat sarvalok vashankaram..

ghi kunvari ki jar aur bhang ke bij, donon ko milakar mastak par tilak karne se sarvajan vash men ho jate hain.

haritalan chashvagandha sinduran kadli rasah.
eshan tu tilkan bhale sarvalok vashankaram..

hartal aur asagandh ko sindur tatha kele ke ras m milakar lalat par tilak karne se sarvajan vash men ho jate hain.

apamargasya bijani chagdugdhen peshyet.
anen tilkan bhale sarvalok vashankaram..

apamarg ke bijon ko bakri ke dudh men pisakar uska kapal men tilak lagane se samast jan vash men hote hain.

tambulan tulsi patran kapiladugdhen peshitam.
anen tilkan bhale sarvalok vashankaram..

nagrbel ka pan aur tulsi patra ko kapila gay ke dudh men pis kar uska mastak par tilak lagane se samast jan vash men ho jate hain.

dhatriflrsairbhavyamashvagandha manah shila.
anen tilkan bhale sarvalok vashankaram..

anvle ke ras men mainsil aur asgandh ko milakar lalat par tilak karne se samast jan vash men ho jate hain.

ath vashikaran mantra

in uparyukt vastuon ko abhimantrit karne ka mantra is prakar hai-

” un namo naraynay sarvalokan mam vashan kuru kuru svaha.“

iski prayogatmak saflta ke lie

ekalakshajapanmantrah siddho bhavti nanyatha.
ashtottarashatajapat prayoge siddhiruttama..

ek lakh jap se yah mantra siddh hota hai aur prayog ke samay is mantra ka 108 bar jap karke prayog karne se saflta milti hai.

yuvak evan yuvti vashikaran prayog

ravivare grihitva tu krishnadhatturpushpakam.
shakhan latan grihitva tu patran mulan tathaiv ch..
pishtva karpursanyuktan kunkuman rochnan tatha.
tilkaiah strivshibhuta yadi sakshadrundhati..

ravivar ke din kale dhature ke pushp, shakha, lata aur jar lekar unmen kapur, keshar aur gorochan pisakar mila den aur tilak bana len. is tilak ko mastak par lagane se stri chahe vah sakshat arundhti jaisi bhi ho, to bhi vash men ho jati hai.

kakajangha v tagran kunkuman tu manahshilam..
churn strishirsi kshiptan vashikaranamadbhutam..

kakajangha, tagar, keshar aur mainshil ka churn banakar use stri ke sir par dale to vah vash men ho jati hai. yah uttam vashikaran hai.

brahmadandin samaday pushyarken tu churnayet.
kamarta kaminin drishtva uttamange vinikshipet..
prishthatah sa samayati nanyatha mam bhashitam.

ravi pushya ke din brahmadandi ko lakar usko pis len. tadnantar jis kam pirit kamini ke mastak par vah churn dala jae vah stri aisi akarshak ho jati hai ki prayog karne vale purush ke piche-piche vah chali ati hai.

rajvshikaran prayog

kunkuman chandanan chaiv karpuran tulsidalam.
gavan kshiren tilkan rajavashyakran param..

keshar, chandan, kapur aur tulsi patra ko gay ke dudh men pis kar tilak karne se raja ka vashikaran ho jata hai.

kare sudarshanan mulan baddhva rajapriyo bhavet.

sudarshan jamun ki jar ko hath men bandhakar manushya raja ka athva apne bare adhikari ka priya ho jata hai.

haritalan chashvagandhan karpuran ch manahshilam.
ajakshiren tilkan rajavashyakran param..

hartal, asgandh, kapur tatha mainsil ko bakri ke dudh m pis kar tilak lagane se raja ka vashikaran hota hai.

haret sudarshanan mulan pushyabhe ravivasre.
karpuran tulsipatran pishtva tu vastralepne..
vishnukrantasya bijanan taile prajvalya dipke.
kajjalan patyed ratrau shuchipurva samahitah..
kajjalan chanjyennetre rajavashyakran param..

jamun ki jar ko ravipushya ke din lae aur kapur tatha tulsipatra ke sath pis kar ek vastra ke upar lapet len. tadnantar aprajita ke bijon ke tel se dipak jalaen. dipak se ratri men pavitrata aur savdhani se kajal banaen aur use apne donon netron men laga len. aisa karne se raja ka vashikaran hota hai.

bhaumvare darshadine kritva nityakriyan shuchiah.
vane gatva haypamargavrikshan pashyedudan mukhah..
tatra vipran samahuya pujan kritva yatha vidhi.
karshamekan suvarn ch dadyat tasmai dvijanmane..
tasya hasten grihiniyadpamargasya bijakam.
kritva nistushbijani mauni gachchennijan griham..
rameshan hridye dhyatva rajanan khadyechch tan.
yenkenapyupayen yavajjivan vashan bhavet..

manglvar ke din vali amavasya ko apna nityakarm karke pavitrata purvak van men chala jae aur vahan uttar ki or munh karke khara ho, apamarg vriksh ko dekhe. fir vahan brahman ko bulakar vidhipurvak uski puja karke use 16 masha suvarn dan den aur uske hath se apamarg ke bijon ko saf karke hriday men bhagvan vishnu ka dhyan karen aur jaise bhi bane ve bij raja ko khila den. is prakar prayog karne se raja janm bhar ke lie das ban jata hai.

talis, kuth aur tagar ko ek sath pis kar lep bana len. fir nar kapal men sarson ka tel dalakar reshmi vastra ki batti jalaen tatha kajal banaen. us kajal ko ankhon men laga len. ismen jo bhi dekhne men ata hai vah vash men ho jata hai. yah prayog tinon lokon ko vash men karne vala hai.

apamargasya bijan tu grihitva pushya bhaskare.
khane pane pradatavyan rajavashyakran param..

ravipushya ke din apamarg ke bij lakar unhen bhojan men athva pani men milakar yadi raja ko khila diya jae to vah vash men ho jata hai.

th vashikaran mantra

” un namo bhaskaray trilokatmane amukan mahiptin vashan kuru kuru svaha.“

iska vidhan is prakar hai –

ekalakshajapadasya siddhirbhavati nanyatha.
ashtottarashatajapadasya prayoge siddhiruttama..

pratham purashcharan ke rup men uparyukt mantra ka ek lakh bar jap kar len. isse nishchit siddhi hoti hai aur prayog karne ka avasar ane par ek sau ath bar jap karke prayog karen to usmen purn saflta prapt hoti hai.

Kya aapko lekh pasand aaya? Subscribe
Kya aapko lekh pasand aaya? Subscribe


vashikaran v sammohn  August 2010

sammohan parichay, sammohan v vashikaran labh kaise len ? jari buti ke sammohan karak prayog, shatakarm sadhan, dattatrey tantra men vashikaran, tantrik abhikarm se pratirakshan adi vishyon ki jankari ke lie aj hi parhen vashikaran v sammohan visheshank.falit vichar kolam men parhen acharya kishor dvara likhit rajbhang yog namak gyanavardhak lekh. is visheshank ki satyaktha vishesh rochak hai.

Subscribe

Apne vichar vyakt karein

blog comments powered by Disqus
.