कुछ उपयोगी टोटके

kuch upyogi totke  

Ank ke aur Lekh | Sambandhit Lekh | Views : 14514 |  

chote-chote upay har ghar men log jante hain, par unki vidhivat jankari ke abhav men ve unke labh se vanchit rah jate hain. is lokapriya stanbh men upyogi totkon ki vidhivat jankari di ja rahi hai....

manokamna ki purti hetu

  • holi ke din se shuru karke pratidin hanuman ji ko panch lal pushp charhaen, manokamna shighra purn hogi.
  • holi ki pratah belapatra par safed chandan ki bindi lagakar apni manokamna bolte hue shivling par sachche man se arpit karen. bad men somvar ko kisi mandir men bholenath ko panchmeva ki khir avashya charhaen, manokamna puri hogi.

rojgar prapti hetu

  • holi ki ratri barah baje se purva ek dag rahit bara nibu lekar chaurahe par jaen aur uski char fank kar charon konon men fenk den. fir vapis ghar jaen kintu dhyan rahe, vapis jate samay piche murakar n dekhen. upay shraddhapurvak karen, shighra hi bure din dur honge v rojgar prapt hoga.

svasthya labh hetu

  • mrityu tulya kasht se grast rogi ko chutkara dilane ke lie jau ke ate men kale til evan sarson ka tel mila kar moti roti banaen aur use rogi ke upar se sat bar utarakar bhains ko khila den. yah kriya karte samay ishvar se rogi ko shighra svasth karne ki prarthana karte rahen.

vyapar labh ke lie

  • holi ke din gulal ke ek khule paiket men ek moti shankh aur chandi ka ek sikka rakhakar use nae lal kapre men lal mauli se bandhakar tijori men rakhen, vyavsay men labh hoga.
  • holi ke avasar par ek ekakshi nariyal ki puja karke lal kapre men lapet kar dukan men ya vyapar sthal par sthapit karen. sath hi sfatik ka shuddh shriyantra rakhen. upay nishthapurvak karen, labh men din duni rat chauguni vriddhi hogi.

dhanhani se bachav ke lie

  • holi ke din mukhay dvar par gulal chirken aur us par dvimukhi dipak jalaen. dipak jalate samay dhanhani se bachav ki kamna karen. jab dipak bujh jae to use holi ki agni men dal den. yah kriya shraddhapurvak karen, dhan hani se bachav hoga.

    durghatana se bachav ke lie

    • holika dahan se purva panch kali gunja lekar holi ki panch parikrama lagakar ant men holika ki or pith karke panchon gunjaon ko sir ke upar se panch bar utarakar sir ke upar se holi men fenk den.
    • holi ke din pratah uthte hi kisi aise vyakti se koi vastu n len, jisse ap dvesh rakhte hon. sir dhak kar rakhen. kisi ko bhi apna pahna vastra ya rumal nahin den. iske atirikt is din shatru ya virodhi se pan, ilaychi, laung adi n len. ye sare upay savdhanipurvak karen, durghatana se bachav hoga.

    atmaraksha hetu

    kisi ko kasht n pahunchaen, kisi ka bura n karen aur n sochen. apki raksha hogi.

    • ghar ke pratyek sadasya ko holika dahan men deshi ghi men bhigoi hui do laung, ek batasha aur ek pan ka patta avashya charhana chahie. holi ki gyarah parikrama karte hue holi men sukhe nariyal ki ahuti deni chahie. isse sukh-samriddhi barhti hai, kasht dur hote hain.

    anaban dur karne ke lie

    • holi ke din 5-5 ratti ke 5 motiyon ka breslet pahnen. iske atirikt har purnima ko chandi ke patra men kachcha dudh dal kar chandrama ko arghya den, pati-patni ki apsi sanbandhon men madhurta aegi.

    matbhed dur karne ke lie

    • putra ki pita se n banti ho to amavasya, chaturdashi ya grahan ke din putra pita ke juton se purane moje nikal kar unmen nae moje rakh de, donon ke bich chal raha vaimanasya dur ho jaega.
Kya aapko lekh pasand aaya? Subscribe
Kya aapko lekh pasand aaya? Subscribe


vastu evan sheyar bajar visheshank  February 2009

sheyar evan vastu bajar adharit visheshank men sheyar bajar, mediniya jyotish evan sheyar bajar, bharat men senseks ka bhavishya, vyakti vishesh ke liye labhdayak utpadon ka chayan, sheyar bajar men safal vyaktiyon ki kundliyon sanbandhit jankari prapti ki ja sakti hai.

Subscribe

Apne vichar vyakt karein

blog comments powered by Disqus
.