शुभफल कारक राहु

shubhafal karak rahu  

Ank ke aur Lekh | Sambandhit Lekh | Views : 1974 |  
apni janmakundli men sthit rahu ko lekar jahan ham shankaon aur bhay se vyapt rahte hain vahin kuch aisi sthiti bhi hoti hai jinmen rahu hamare liye shubh fal dene vala ban jata hai kyonki rahu to apni sthiti ke anusar hi fal karta hai. rahu ki shubh sthitiyon ko dekhen to kundli ke tritiya, shashth evan ekadash bhav men bahut shubh karak mana jata hai tatha lagn, pancham, navam v dasham bhav men bhi shubh hota hai. iske atirikt kundli ke lagnesh, panchmesh aur bhagyesh ke sath baitha ya drisht rahu bhi shubh fal karak hota hai. vrish, mithun tatha kanya rashi men bhi shubh hota hai parantu rahu ki shreshth sthiti labh sthan arthat ekadash bhav men hoti hai. trishday men rahu (3, 6, 11 bhav) 1. yadi rahu kundli ke tisre bhav men ho to vah vyakti ko purusharthi aur parakrami banata hai aur pratispardha ki shakti deta hai aur jivan ke sangharsh men sahayak hota hai. 2. yadi kundli ke chathe bhav men rahu ho to virodhiyon par vijyi banata hai tatha vyakti pratispadrdha men age rahta hai. 3. rahu jab kundli ke gyarhven bhav men ho to yah uski shreshth sthiti hoti hai. aise vyakti ko jivan men akasmik labh bahut hote hain aur vyakti ki mahatvakankshaon ko purn karne men yah sahayak hota hai. rahu jab uprokt paristhitiyon ke anurup shubh sthanagat ho to labh bhi bari matra men karata hai. aise vyaktiyon ko tikshn buddhi ya rahasyavadi karyon men bhi unnati milti hai. shubh rahu vale vyakti ko entibayotik aur vishrodhi davaiyon ke karya men bhi labh prapt hota hai. jab shubh sthiti vale rahu ki dasha ati hai to vyakti ko thore se prayason se kuch hi samay men unnati kara deti hai tatha vyakti ke man ki sabhi akankshaon ki sahaj hi purti ho jati hai. rahu akasmikta ka grah hai atah apni dasha men jhatke se dhan labh bhi karata hai. yadi rahu kundli men shubh sthiti men hai to nishchit hi aise men vah vyakti ko vaibhav pradan karta hai.
Kya aapko lekh pasand aaya? Subscribe
Kya aapko lekh pasand aaya? Subscribe


rahu visheshank  July 2014

fyuchar samachar patrika ke rahu visheshank men shiv bhakt rahu ke prakatya ki katha, rahu ka gochar fal, ashubh faldayi sthiti, dvadash bhavon men rahu ka falit, rahu ke vibhinn grahon ke sath yuti tatha rahu dvara nirmit yog, hathon ki rekhaon men rajniti evan shadyantra karak rahu ke adhyayan jaise rochak v gyanavardhak lekh sammilit kiye gaye hain iske alava satyaktha falit vichar, grah sajja evan vastu fengshui, hath ki mahatvapurn rekhaen, adhyatma/shabar mantra, jat karm sanskar, bhagavat katha, grahon evan dishaon se sambandhit vyavsay, piramid vastu aur hailth kaipsul, vastu paramarsh adi lekh bhi patrika ki shobha barhate hain.

Subscribe

Apne vichar vyakt karein

blog comments powered by Disqus
.