राहु द्वारा निर्मित योग और उनका फल

rahu dvara nirmit yog aur unka fal  

Ank ke aur Lekh | Sambandhit Lekh | Views : 4073 |  
jyotish men rahu naisargik papi grah ke rup men jana jata hai. rahu ko dragon's head tatha north node ke nam se bhi jana jata hai. rahu ek chaya grah hai. inki apni koi rashi nahin hoti. atah yah jis rashi men hote hain usi rashi ke svami tatha bhav ke anusar fal dete hain. rahu ketu ke sath milakar kalasarp namak yog banata hai jo ki ek ashubh yog ke rup men prasiddh hai. isi prakar yah vibhinn grahon ke sath evan vibhinn sthanon men rahakar alg-alag yog banata hai jo ki nimn hai-- ashtalakshmi yog jab rahu janm kundali ke chathe bhav men hota hai aur brihaspati kendra men hota hai tab is yog ka nirman hota hai. ashtalakshmi yog se abhipray hai vyakti sabhi prakar ke sukh sadhan sampannata ko prapt karta hai. asht lakshmi ath prakar ki lakshmiee ko suchit karti hai-- (1) dhan lakshmi yog (2) dhanya lakshmi yog (3) dhairya lakshmi yog (4) vijay lakshmi yog (5) adi lakshmi yog (6) vidya lakshmi yog (7) gaj lakshmi yog (8) santan lakshmi yog jis jatak ka is yog men janm hota hai vah sabhi tarah ki saflta (eight fold prosperity) ko prapt karta hai. lekin is yog ke purn fal ki prapti tabhi sambhav hai jabki rahu aur brihaspati donon janm kundali men majbut sthiti men hon. kapat yog chaturth bhav men jab papi grah hane ya chaturth bhav ke svami ko papi grah dekhte hon ya uske sath yuti sanbandh banate hon tab is yog ka nirman hota hai. chaturth bhav men rahu jab shani ya mangal ke sath ho tatha chaturthesh bhi pap prabhav men ho tab kundali men kapat yog ka nirman hota hai. aisa vyakti dusht svabhav ka, dhokha dene vala tatha svarthi svabhav ka hota hai. inka charitra bhi sandehaspad hota hai . shrapit yog jab rahu shani ke sath ek hi rashi men hota hai to is yog ka nirman hota hai. kuch jyotishiyon ke anusar shani par rahu ka drishti prabhav bhi is yog ka nirman karta hai. is yog men jatak ki kundli purva janm ke karan shrapit ;bnatemak bhvatvebavachamaddha ho jati hai jiske karan vyakti ko is janm men mansik, arthik, sharirik pareshaniyon tatha sath hi vivah men pareshaniyan, santti prapti men pareshaniyan ho sakti hain. chandal yog guru aur rahu ki yuti se is yog ka nirman hota hai. yah ek ashubh yog hai. yah yog jis jatak ki kundli men nirmit hota hai use rahu ke pap prabhav ko bhogna padta hai. is yog ki sthiti men jatak ko arthik tangi ka samna karna padta hai, nich karmon ke prati jhukav rahta hai tatha ishvar ke prati astha ka abhav rahta hai. kalasarp yog jab sabhi grah rahu aur ketu ke bich men sthit hote hain to is yog ka nirman hota hai. kalasarp yog vale sabhi jatkon par is yog ka saman prabhav nahin parta. rahu tatha ketu kis bhav men hai tatha kaun si rashi men hai aur anya grah kahan-kahan baithe hain, aur unka balabal kitna hai ye sabhi bindu kalasarp yog ke fal ko prabhavit karte hain. jis jatak ki kundli men rahu dosh ya kalasarp yog hota hai use sadharntya sapne men sarp dikhayi dete hain, pani men dubna, unchai se girna adi ghatnaen ho sakti hain. grahan yog jab janm kundali men surya ya chandrama ki yuti rahu se hoti hai to grahan yog banta hai. is chaya grah ki yuti surya ke sath hone se surya grahan tatha chandrama ke sath hone se chandra grahan banta hai jiska prabhav vyakti vishesh ke jivan par parta hai.
Kya aapko lekh pasand aaya? Subscribe
Kya aapko lekh pasand aaya? Subscribe


rahu visheshank  July 2014

fyuchar samachar patrika ke rahu visheshank men shiv bhakt rahu ke prakatya ki katha, rahu ka gochar fal, ashubh faldayi sthiti, dvadash bhavon men rahu ka falit, rahu ke vibhinn grahon ke sath yuti tatha rahu dvara nirmit yog, hathon ki rekhaon men rajniti evan shadyantra karak rahu ke adhyayan jaise rochak v gyanavardhak lekh sammilit kiye gaye hain iske alava satyaktha falit vichar, grah sajja evan vastu fengshui, hath ki mahatvapurn rekhaen, adhyatma/shabar mantra, jat karm sanskar, bhagavat katha, grahon evan dishaon se sambandhit vyavsay, piramid vastu aur hailth kaipsul, vastu paramarsh adi lekh bhi patrika ki shobha barhate hain.

Subscribe

Apne vichar vyakt karein

blog comments powered by Disqus
.