रुद्राक्ष धारण करने के नियम

rudraksh dharan karne ke niyam  

Ank ke aur Lekh | Sambandhit Lekh | Views : 13677 |  
rudraksh manvjati ko bhagvan ke dvara ek amulya den hai. rudraksh bhagvan shiv ka ansh hai. rudraksh dharan karna bhagvan shiv ke divya gyan ko prapt karne ka sadhan hai. sabhi manushya rudraksh dharan kar sakte hain . hindu dharm granthon ke anusar brahman ko shvetavarn ke rudraksh, kshatriya ko raktavarn ke rudraksh, vaishya ko mishrit rudraksh tatha shudra ko krishnavarn ke rudraksh dharan karne chahie. rudraksh dharan karne se bara hi punya prapt hota hai tatha jo manushya apne kanth men battis, mastak par chalis, donon kanon men chah-chah, donon hathon men barh-barah, donon bhujaon men solh-solah, shikha men ek aur vaksh par ek sau ath rudrakshon ko dharan karta hai vah sakshat bhagvan nilakanth ke rup men jana jata hai. isi karan rudraksh dharan karne vala tatha uski aradhna karne vala vyakti samriddhi, svasthya tatha shanti ko prapt karne vala hota hai. lekin fir bhi rudraksh dharan karte samay nimn savdhaniyan bartni chahie: - rudraksh ko siddh karne ke bad hi dharan karna chahie. sath hi ise kisi pavitra din men hi dharan karna chahie. - pratahkal rudraksh ko dharan karte samay tatha rat men sone ke pahle rudraksh utarne ke bad rudraksh mantra tatha rudraksh utpatti mantra ka nau bar jap karna chahie . - rudraksh dharan karne vale vyakti ko mansahari bhojan ka tyag kar dena chahie tatha sharab/elkohal ka sevan bhi nahin karna chahie . - grahan, sankranti, amavasya aur purnamasi adi parvon aur punya divson par rudraksh avashya dharan karna chahie . - shmashan sthal tatha shavyatra ke dauran bhi rudraksh dharan nahin karna chahie. iske sath hi jab kisi ke ghar men bachche ka janm ho us sthal par bhi rudraksh dharan nahin karna chahie . - yaun sambandhon ke samay bhi rudraksh dharan nahin karna chahie . - striyon ko masik dharm ke samay rudraksh dharan nahin karna chahie . rudraksh ki pravritti garm hoti hai . kuch log isko nahin pahan sakte kyonki iske pahnne ke unki tvacha par elarji ke se chihn ubhar ate hain. unke lie rudraksh ko mandir men hi rakha ja sakta hai tatha niyamit rup se aradhna ki ja sakti hai. rudraksh ko suti dhage men ya sone men ya fir chandi ki chen men pahan sakte hain . rudraksh ke vishay men kuch vishesh batenah - rudraksh ko hamesha svachch sthan par hi rakhen . - rudraksh ko hamesha saf rakhen tatha mulayam brush ki sahayta se samay samay par rudraksh ko saf karte rahen. - kabhi-kabhi rudraksh ki tel malish bhi kar den . karve tel jaise sarson ya til ka tel iske lie prayog kiya ja sakta hai . - sote samay rudraksh dharan n karen kyonki is dauran rudraksh dabav se tut ya chatak bhi sakta hai . rudraksh ko takie ke niche rakha ja sakta hai . jis rudraksh mala ka ham jap men prayog karte hain usko sharir par dharan nahin karna chahie .
Kya aapko lekh pasand aaya? Subscribe
Kya aapko lekh pasand aaya? Subscribe


ratn evan rudraksh visheshank  May 2014

fyuchar samachar ke ratn evan rudraksh visheshank men anek rochak aur gyanavardhak alekh hain jaise- rudraksh ki aitihasik prishth bhumi, rudraksh ki utpatti, rudraksh ek vardan, rudraksh dharan karne ke niyam, jyotish men ratnon ka mahatva, ratn dharan ka samuchit adhar, ratn dharan se rogon ka nidan, uparatn, lagnanusar ratn nirdharan, ratnon ka mahatva aur svasthya adi. iske atirikt panch pakshi ke rahasya, vat savitri vrat, akshay tritiya evan apki rashi, grah aur vakalat, ek sabhya samaj ke nirman ki prakriya, agla pradhanmantri kaun, kundali ke vibhinn bhavon men ketu ka fal, satya katha, punsavan sanskar, hailth kaipsul, shankh therepi, jyotish aur mahilaen tatha vastu prashnottari v vastu paramarsh jaise anya rochak alekh bhi sammilit kiye gaye hain.

Subscribe

Apne vichar vyakt karein

blog comments powered by Disqus
.