विवाह में खलनायक मांगलिक दोष

vivah men khalnayak manglik dosh  

Ank ke aur Lekh | Sambandhit Lekh | Views : 1044 |  
vaidhavya ya vaivahik jivan ko nashta karne vala grah keval mangal hi nahin hai apitu anya krur grah bhi mangl ki tarah jatak ke vaivahik sukh men kami kar sakte hain. jyotish men lagna bhautik sharir ka suchak hai, chandrama man ko pradarshit karta hai jabki shukra grah vaivahik jivan ke sandarbh men sharirik sanbandhon ka karak grah mana jata hai. isilie in tinon se hi mangal grah tatha anya krur grahon ki sthiti ko vishesh bhavon men jancha parkha jata hai. janm kundli ke kuch bhav jaise ki pratham, dvitiya, chaturth, saptam, ashtama aur dvadash bhavon ko vaivahik jivn ke sandarbh se bahut hi sanvednshil mana gaya hai. isilie in bhavon men sthit mangal ya anya krur grah jaise surya, shani, rahu aur ketu ki upasthiti vaivahik sukh men kami kar deta hai. yadi mangl dosh sirf lagn se ho to kamjor mana jata hai, yadi chandrama se bhi ha to mangal dosh adhik hota hai aur yadi shukra se bhi ho to yah dosh aur bhi adhik shaktishali mana jata hai. mangal dosh vaivahik jivan ko itna bhi adhik nahin prabhavit karta jitna ki log samjhte hain. lekin kundli milan karte samay iska ati mahatvapurn sthan hai. mnagal dosh vaivahik jivan ko kitna prabhavit karega iske lie mangal grah ka kundli ke vishesh bhavon men upasthiti ke sath saptam bhav, saptamesh, shukra tatha guru ki sthiti ko ankna bhi avashyak hai. saptam bhavadhipti ki kundli men sthiti jaise ki yadi saptamesh svarashi, uchcharashi ka ho, yadi saptamesh saptam bhav par drishti dale, saptamesh par brihaspati ya shukra ki drishti ya fir saptam bhav par brihaspati ya shukra ki drishti mangl dosh ke prabhav ko kam karti hai ya naganya hi kar deti hai. yah is bat par nirbhar karta hai ki saptamesh, brihaspati tatha shukra ki sthiti kundli men kitni sudrirh hai. kuch vishesh paristhitiyon men in vishesh sthanon par mangal upasthit hokar bhi jatak ka ashubh nahin karta hai. yah vishesh paristhitiyan mangal dosh ke parihar ke rup men jani jati hain. (1) yadi mangal apni khud ki rashi mesh ya vrishchik ya apni uchcha rashi men ho ya fir apne mitra surya, brihaspati ya chandrama ki rashi men ho. (2) yadi mangal dvitiya bhav men ho lekin mithun ya kanya rashi men ho. (3) yadi mangal dvadash bhav men ho lekin vrishabh ya tula rashi men ho. (4) yadi mangal saptam bhav men ho lekin kark rashi men ho. (5) yadi mangal ashtam bhav men ho lekin dhanu ya min rashi men ho. (6) kark tatha sinh lagn men mangl yogkarak grah hota hai atah is lagn men mangal ki 1, 2, 4, 7, 8, 12 bhavon men upasthiti anishtakari nahin hoti hai. (7) kunbh lagn men mangal ki chaturth ya ashtam men sthiti mangal doshkari nahin hoti hai. (8) brihaspati ya shukra ki lagn men upasthiti bhi mangal dosh ka parihar karti hai. (9) yadi mangal, brihaspati ya chandrama se yukt ho ya drishti men ho (10) yadi mangal surya, budh, shani ke sath ho ya unki drishti men ho. (11) yadi shani mangal dvara shasit bhavon ko dekhta ho mnagal dosh ke upay (1) 28 varsh ke bad vivah karne se manglik dosh ka ashubh prabhav kam ho jata hai. (2) manglik kundli vali kanya ka vivah mangal dosh vale var se karne par mangal dosh ka parihar ho jata hai aur koi anisht bhi nahin hota hai tatha danpatya sukh men vriddhi hoti hai. (3) vadhu ki kundli men sthit vaidhavya yog ko nasht karne ke lie upyukta jyotish paramarsh ke bad kanya ka vishnu ki murti, pipal ya ghat vivah karvaya ja sakta hai. var ki sthiti men tulsi ke sath vivah karvaya ja sakta hai
Kya aapko lekh pasand aaya? Subscribe
Kya aapko lekh pasand aaya? Subscribe


mangal dosh visheshank  July 2015

fyuchar samachar ke is visheshank men mangal dosh ki vistrit charcha ki gai hai. kundali men yadi lagn, chaturth, saptam, ashtam bhav evan dvadash bhav men yadi mangal ho to aise jatak ko manglik kaha jata hai. vivah ek aisi pavitra sanstha jiske dvara purush evan stri ko ek sath rahne ki samajik manyata prapt hoti hai taki srishti ki nirantarata bani rahe tatha donon milakar parivarik evan samajik dayitva ka nirvahan kar saken. vivah sukhi evan safal ho iske lie hamare desh men var evan kanya ke kundali milan ki pratha rahi hai. kundali milan men var athva kanya men se kisi ek ko mangal dosh nahin hona chahie. yadi donon ko dosh hain to adhikansh paristhitiyon men vivah ko manyata pradan ki gai hai. is visheshank men mangal dosh se juri har sambhav pahlu par charcha ki gai hai. iske atirikt sthayi stambh men bhi vibhinn vishyon ko samavisht kar achchi samagri dene ki koshish ki gai hai.

Subscribe

Apne vichar vyakt karein

blog comments powered by Disqus
.