mangli hona dosh nahin, balki yog hai  

samanyatah manglik patrika vale jatak pratibha sanpann hote hain tatha unmen vishesh gun paye jate hain. manglik hone ka vishesh gun yah hai ki jatak kisi bhi karya ko purn lagan evan nishtha se karta hai. kisi bhi kathin se kathin paristhitiyon se vah nahin ghabrata hai tatha kathin se kathin karya bhi purn imandari se, samay se purva purn karne ka prayas karta hai. netritva ki kshamata bhi gajab ki hoti hai.

yah gun manglik patrika men janmajat dekha ja sakta hai. aise jatkon men mahatvakanksha adhik hoti hai jiske karan unka svabhav krodhi pravritti ka hota hai. parantu is prakar ke jatkon men dayaluta ka bhav adhik hota hai. lagn, chaturth, saptam bhav ka mangal is prakar ke gunon men vriddhi karta hai. aise jatak koi bhi galti karne se parhej karte hain tatha galat ke samne nahin jhukte hain, manvtavadi vichardhara ko apnane vale hote hain. apne sanbandhon ko purnata ki or pahunchane ka prayas karte hain.

uchch pad, vyavsayik yogyata, rajniti, chikitsak, abhiyanta jaise padon par pahunchane ka saport manglik patrika karti hai. ab ek prashn uthta hai ki jab itne sare gun manglik patrika men upasthit hain to fir manglik patrika vale jatak ka vivah manglik kanya se hi kyon kiya jata hai. jyotish shastra ke anusar manglik purush ya stri apne jivan sathi ke prati vishesh sanvednshil rahte hain tatha isi sanvednshilta ke chalte ve apne jivan sathi se vishesh apekshaen rakhte hain.

shayad isi karan manglik purush jatak ka vivah, manglik jatika se kiya jata hai. is vishay par aur bhi tark die ja sakte hain. atah manglik hona koi amanglkari nahin hai tatha ise dosh n samajhakar yog svikar karna uchit hoga. jis prakar kisi yog ka parinam yog nirmit karne vale grahon ki shakti par nirbhar karta hai usi prakar manglik yog men mangal ki shakti v iska anya grahon se sanbandh bhi parinam ko kam ya adhik karta hai.

kya ap manglik hai janne ke lie klik karen 

ise vibhinn lagnon men dekhne ka prayas karte hain:-

1. mesh lagn mesh lagn men mangal lagnesh v ashtamesh hokar manglik yog banata hai. aisa mangal lagn v ashtam bhav men svarashi hone ka bal prapt karta hai. sath hi aisa mangal jahan dvadash bhav men guru ka saport prapt karta hai vahin saptam bhav men shukra ka saport prapt karta hai. guru v shukra naisargik rup se shubh grah hote hain.atah is lagn men mangal yog karak grah ki bhumika ada karta hai. halanki chaturth bhav men aisa mangal nich ka hota hai. parantu manglik yog vichar men nich, ast tatha vakri mangal ko dosh parihar ka karan bataya gaya hai. is sthiti men yadi nich bhang yog bana to mesh lagn ka mangal jatak ko shikhar tak pahuncha deta hai.
2. vrish lagn vrish lagn men mangal dvadshesh v saptamesh hokar manglik yog banata hai. mangal stri ke lie rati sukh ka karak hai. aisa mangal dvadash bhav men v saptam bhav men svarashi ka bal prapt karta hai. lagn men shukra ka v ashtam bhav men guru ka sahyog prapt karta hai. chaturth bhav men apne mitra surya ka sahyog prapt kar jatak men shukra, surya v guru ke karak gunon ko apnata hai. aisa mangal nishchit rup se jatak ke lie kalyankari hota hai basharte aise mangal par shani v rahu ka ashubh prabhav n ho.
3. mithun lagn mithun lagn men mangal labhesh v shashthesh hokar manglik yog ka nirman karta hai. shashthesh hone ke karan svasthya sanbandhi pareshaniyan to de sakta hai parantu lagn men budh, chaturth men budh, saptam men guru, ashtam bhav men uchch hone ka bal v dvadash bhav men shukra ka sahyog pane men saksham hota hai. vastutah is lagn ka mangal, apne manglik gharon men achche parinam dene men saksham ho sakta hai basharte anya ashubh grahon ka prabhav is par n ho.
4. karka lagn kark lagn men mangal, niahsandeh yog karak (kenderasha/trikonesh) hokar manglik yog ka srijan karta hai. aisa mangal dvadash bhav men budh ka, chaturth bhav men shukra ka, saptam bhav men uchch ka hone ka tatha ashtam bhav men shani ka bal prapt karta hai. keval lagn men nich rashi men hokar jivan men thori bahut badhaen deta hai parantu nich bhang yog hone se aisa mangal jivan ki pragti men sahyog prapt karne men saksham ho sakta hai.
5. sinh lagn sinh lagn men mangal kendresh v trikonesh hokar apni mahatvapurn bhumika ada karta hai. aisa mangal dvadash bhav men chandra ka, lagn men surya ka, saptam bhav men shani ka, ashtam bhav men guru ka sahyog prapt karta hai. chaturth bhav men sthit hokar kalyankari ruchak yog ka nirman karta hai. sinh lagn men chaturth bhavasth mangal par yadi anya koi shubh ya yogkarak grah ka prabhav ho to jatak ko ruchak yog ke parinam milne men sandeh nahin rahta.
6. kanya lagna: kanya lagn men mangal tritiyesh v ashtamesh hokar jahan parakram men vriddhi karta hai vahin thori bahut pareshaniyan bhi deta hai. aisa mangal chaturth men guru ka, saptam men guru ka, ashtam men svayan ka tatha dvadash bhav men apne mitra surya ka sahyog prapt karta hai.
7. tula lagn tula lagn men mangal dvitiyesh v saptamesh hokar prabal markesh hone ka praman deta hai. parantu aisa mangal dvadash bhav men budh ka, lagn men shukra ka sahyog prapt karta hai. ashtam bhav men bhi shukra ka sahyog prapt karta hai. chaturth aur saptam bhav men ruchak yog ka nirman karta hai. atah aise mangal ko yadi anya shubh ya yog karak grahon ka saport mil jae to jatak apni mahatvakankshaon ko purn karta hua apni manjil prapt kar hi leta hai.
8. vrishchik lagn vrishchik lagn men mangal lagnesh v shashthesh hokar karak grah ki bhumika men hota hai. dvadash v saptam bhav men sthit hokar shukra ka v ashtam bhav men sthit hokar budh ka naisargik sahyog prapt karta hai. chaturth bhavagat hokar shani ka saport lene men saksham hota hai.
9. dhanu lagn dhanu lagn men mangal dvadshesh hokar karya karta hai. parantu aisa mangal shubhta prapt karta hai. dvadash sthan men svayan ke gunon men vriddhi karta hai. lagn v chaturth bhavagat ho kar guru ki shubhta ko grahan karne men saksham hota hai.
10. makr lagn makar lagn men mangal chaturthesh hokar karyon men gati pradan karta hai. aisa mangal dvadash bhav men guru ka, saptam men chandra ka v ashtam men surya ka sahyog prapt karta hai. chaturth bhav men vo ruchak yog ka nirman karta hai. atah makar lagn ke manglik sthanon men sthit mangal ko yadi shubh grahon ka aur saport mil jae to jatak apni mahatvakankshaon ko purn karne men safal hota hai.
11. kunbh lagn kunbh lagn men mangal karmesh hokar karya karta hai. arthat is lagn men mangal vishesh balshali hokar karya karta hai. aisa mangal dvadash bhav men shani ka, chaturth bhav men shukra ka, saptam bhav men surya ka v ashtam men budh ka sahyog prapt karta hai.
12. min lagn is lagn ka mangal dvitiyesh v navmesh hokar dharmaprasiddhi ke karya karata hai tatha apne manglik sthanon men rahakar vishesh shubhta deta hai. chaturth v saptam bhav men sthit hokar budh ka v lagn men sthit hokar guru ka sahyog prapt karta hai. is prakar ham dekhte hain ki mangal apne manglik sthanane men rahakar vivah ke karak grahon shukra v guru se nishchit rup se sahyog prapt karta hai. atah manglik yog har drishti se kalyankari rahta hai. isse darne ki koi avashyakta nahin. yadi jivan men mangal nahin hoga ya mangal ka prabhav nahin hoga to vyakti urjahin ho jaega.

atah mangal se darna chorakar sahyog lene ka prayas karna chahie tatha mangli ko dosh nahin balki yog ke rup men pahchanna chahie.

vaivahik jivan ko sukhamay banane ke lie hamare visheshagya jyotishi se paramarsh len