मंगल दोष: कुछ दृष्टांत

mangal dosh: kuch drishtant  

Ank ke aur Lekh | Sambandhit Lekh | Views : 763 |  
inka vivah budh/shni dasha men 23-1-2004 ko hua. dvadsh bhavasth yah mangal mangal dosh kark hai. 2 anshon par hone se yah grah balya avastha men hai. navansh, derashkan, saptansh, dvadshansh, trishansh adi men inka mangal mesh rashi men hi hai. atah yog karak hokar vargottam sthiti men hai. shubh fal hi ghatit hona chahiye. parantu sthiti iske thik viprit to nahin kahenge par santoshajanak bhi nahin kah sakte. jatak ko punya karya karne ke avsron men vighn utpanna hota hai. sarkari naukri to hai par jitni inki yogyata hai us hisab se nahin, amdni se kharche adhik hain. shatru aye din naye-naye utpanna hote rahte hain. eksident bhi hua hai. lekin ab svasth hain. patni se bhi vah sahyog prapt nahin hai jo hona chahie. anaban rahti hai. inki patni ko tula lagn men shashth bhav men min rashi ka mangal hai. patni aksara bimar rahti hai. aepreshan tin tak ho chuke hain. atah yah kah sakte hain ki mangal inki kundli men vargottama sthiti men hone par bhi vivah sanbandhi falon men barhottari nahin hui. fir bhi ye sukhi hain. tatparya yah hai ki 12vane bhav men mangal hone par bhi jatk sukhi jivn-yapan kar raha hai. atah is bhav men mangal ne ashubh prabhav to diya parantu itna bhayavh bhi nahin. is kundli men mangal satmangli yog ka nirman kar raha hai. lekin sinh lagn men kendra-trikon ka svami hone se yog karak hai. parantu yah jatk abhi tak vivah sukh se vanchit hai. sinh lagn men vivah men deri sambhavya hai kintu itni bhi nahin. uchit mangal milan n hone ki vajah se iski abhi tak shadi nahin hui. kai rishte bante-bante n ban paye. jatak jal vibhag men karyarat hai, achchi faimili hai. akela bhai hai. kundli men saptam bhav prabal mangl yog karak bana hua hai. vairagi shani ki mul trikon rashi ka mangl balat vairagya ki or dhakel raha hai. chaturth drishti se yah mangal shani se takra raha hai. hadson ka kai bar shikar ho chuka hai. saptam drishti se tanu (sharir) se bhi kamjor hai. ashtam drishti se dhan evan kutunb bhav ko pareshan kar hai. jatak ki bari bahnane hain, bahnon men chota bhai hai. inki bat ko nahin manta hai. ghar vale iski shadi ko lekar pareshan hain. yah hai ki shadi ki bat age barhne nahin deta. atah mangal ise is sukh se vanchit kar raha hai. tatparya yah hai ki saptam bhav men mangal vishesh doshpun hota hai. is sthiti men mangal var-kanya ko uchit dhyan dekar milan karna chahie. kaha bhi hai: ‘‘kuj doshvti deya kujdosh vate kil. nastidosho n chanishtan dampatyoah sukh vardhanam.. ek anya mangli kundli hai jiska vivah hone ke pashchat turant talak ki arji ho gai aur kalantar men barhven ghar men nich mangal ne jatk ko chaturth drishti se parakramhin bana diya. jatak hririsht pusht hai, parantu karyon men saflta nahin milti. ab jakar shani, antar guru men yah jatak sarkari naukri men laga hai. adhyapan se kariyar ki dhimi lekin achchi shuruat hui hai. iski shani antar guru dasha 5-8-2013 se 16-12-2016 tak hai. saptam drishti se kai shatru hain. par dabe rahte hain, uchch drishti hone ki vajah se. ashtam drishti se saptama bhav prabhavit hai. ab dusri shadi ki soch raha hai. parantu lagta hai ki patni se iski bagavat hamesha rahegi kyonki shani bhi to saptam bhav par purn drishti garaye huye hain. atah vaivahik jivan sangharshamay hi rahne ki ummid hai. agli kundli peshe se vakil ki hai. is vakil jatak ki kundli men kutunb bhav men bali mangal hai. is karan iski pancham bhav par drishti hui, is bhav ke fal ko mangl ne barhaya, jatak uchch shikshit hai. vakalat ka dhandha bhi fal-ful raha hai. vivahottar ashtam bhav ko dekhne se yah mangal apni mehanat ke balbute safal bana raha hai tatha bhagya bhav ko bhi jaga raha hai. budh shukra ka sath hone par vani ke kshetra men saflta mil rahi hai. parantu manglik hone ke karan vivah sukh abhi tak prapt nahin hua hai. atah is bhav ka mangal bhi mangl karak hi hua. bhale hi vivah kinhin anya rahu shani adi grahon se badhit ho raha hai parantu usmen mangl ka bhi purn yogdan hai atah yah kaha ja sakta hai ki is bhav ka mangal bhi vivah sanbandhon ko prabhavit kar sakta hai. krur grahon ka bhi inhin sthanon 1-2-4-7-8-12 men baithna vaivahik jivan ko prabhavit karta hai. udahrntya kisi bhi jatak ko lagn men mangal ko chorakar anya suryadi krur grah deh kanti ko prabhavit karenge hi, tatha har grah ki saptam drishti hoti hai atah saptam bhav (jaya) prabhavit huye bina nahin rah sakta. chaturth bhav men krur grah hon to sukh chain nahin milta, dusre bhav men krur grahon se ghar ke sadasyon se anaban tatha dhan prapti nahin hoti. saptam men surya patni ko krodhi banata hai. shani ho to kurup patni tatha larai jhagre hote hain. rahu se patni ki mrityu tak ho sakti hai. ketu se rogi stri prapt hogi. aisa shastron men varnit hai. muhutrt sangrah darpan ka shlok drishtavya haiah- lagnekrura vyaye krarahdhne kraraah kujastatha. saptame bhavne kruraah parivar kshayankraah.. atah var kanya ke vaivahik jivn ke lie keval mangal milan hi nahin anya krur grahon par bhi drishtipat kisi suyogya jyotishi ko karna chahiye.
Kya aapko lekh pasand aaya? Subscribe
Kya aapko lekh pasand aaya? Subscribe


mangal dosh visheshank  July 2015

fyuchar samachar ke is visheshank men mangal dosh ki vistrit charcha ki gai hai. kundali men yadi lagn, chaturth, saptam, ashtam bhav evan dvadash bhav men yadi mangal ho to aise jatak ko manglik kaha jata hai. vivah ek aisi pavitra sanstha jiske dvara purush evan stri ko ek sath rahne ki samajik manyata prapt hoti hai taki srishti ki nirantarata bani rahe tatha donon milakar parivarik evan samajik dayitva ka nirvahan kar saken. vivah sukhi evan safal ho iske lie hamare desh men var evan kanya ke kundali milan ki pratha rahi hai. kundali milan men var athva kanya men se kisi ek ko mangal dosh nahin hona chahie. yadi donon ko dosh hain to adhikansh paristhitiyon men vivah ko manyata pradan ki gai hai. is visheshank men mangal dosh se juri har sambhav pahlu par charcha ki gai hai. iske atirikt sthayi stambh men bhi vibhinn vishyon ko samavisht kar achchi samagri dene ki koshish ki gai hai.

Subscribe

Apne vichar vyakt karein

blog comments powered by Disqus
.