मंगल दोष के उपाय

mangal dosh ke upay  

Ank ke aur Lekh | Sambandhit Lekh | Views : 3716 |  
mangal stotra ka jap mangal dosh parihar men is jap ka vishesh mahatva hai. yadi koi anya upay kar rahe hain to sath men is stotra ka jap jarur karen. manglvar ko is stotra ka path visham sankhya men 5-11-21 bar avashya karen. yah jap shukla paksh ke pratham manglvar ko shuru kiya ja sakta hai. vishnu pratima vivah yah un kanyaon ke liye hai jinki kundli men yah dosh hai. yadi kisi kanya ki kundli men yah dosh hai to use vaidhavya bhogna parta hai. isliye pipal vivah, kunbh vivah tatha vishnu pratima vivah ki vishesh manyata hai. bhagvan vishnu jivn-mrityu ke bandhn se dur hain isliye jis kanya ki kundli men yah dosh hota hai is upay se vaidhavya yog samapt ho jata hai. is vivah ko puri tarah gopniya rakhna chahiye anyatha fal prapta nahin hoga. yah keval kanya hi kare pita ki koi bhumika nahin hoti. vishnu pratima vivah men kanyadan ki jarurat nahin hoti. vivah ke samy parivar ki mahilayen upasthit rahen. yah vivah puri tarah gopniya rakhna chahiye. jis acharya se vivah karvana ho use iske bare men bata den. mangal ratna iska mukhya ratn munga hai. ise 8 se 15 ratti ka sone ya tanbe men jarvayen aur shuklapaksh ke prathm manglvar hanuman ji ke mandir men jakar .. om an angarkay namah.. mantra ka 11 bar jap karke anguthi par ghumakar anamika men dharan karen. 9 din ke bad iska prabhav shuru ho jata hai. dhyan rahe yadi patni ki kundli men mangal dosh hai to pati ko yah ratn dharan karna chahiye aur yadi pati ki kundli men yah dosh ho to patni ko dharan karna chahie. mangal vrat mangal dosh ko samapt karne ke liye mangalavrat ka bhi vishesh mahatva hai. yah vrat shuklapaksh ke pratham manglvar se aranbh karen. halka ahar jaise fal, mave ki mithai, churma adi liya ja sakta hai. . om kran krin kraun sah bhaumay namah ki ek mala ka jap karen. mantra jap ke samay lal rumal avashya rakhen. manglvar aur budhvar ko brahmacharya ka palan jarur karen. iske sath yah dhan, bhavan, sukh-samriddhi tatha manchahi santan bhi dene vala hai. mangal chandika stotra mangldosh samapt karne ke liye mangal chandika stotra ka path bahut labhdayak hai. panchmukhi dipk jalakar path karen. yah 108 manglvar karen. 7 ya 21 ki sankhya ho. jitni sankhya shuru karen utni hi puri rakhen, sankhya kam ya adhik nahin honi chahiye. angarak stotra is stotra ka path karne se dushit prabhav samapt ho jata hai. is stotra ka path roj ya har manglvar karen. mangal ke 108 nam mangal dosh ko samapt karne ke liye mangal ke 108 namon ka uchcharn bahut labhdayak hota hai. pratidin 108 namon ka path karne se mangl dosh ka parihar ho jata hai. isse danpatya jivan sukhi ho jata hai. mangal dosh mukti ke lie lagnanusar upay mangal dosh se mukt hone ke lie shukla paksh ke pratham manglvar ko karen. jo upay shanivar ko karne hain vah shanivar se shuru karen. 1. pratyek shanivar ko hanumanji ki tasvir ke age chameli ke tel ka dipak jalayen aur sundar kand ka path karen. 2. abhimantrit mangal yantra gale men dharan karen. 3. yadi patrika men mangal karak ho to trikon munga dharan karen. 4. tridhatu ka kara kanya bayen hath men aur purush dayen hath men dharn karen. 5. 750 gram gur ki revri bahte jal men pravah karen. yah 3 manglvar karen. 6. ghar ke darvaje par chandi ki kil thukvayen. 7. 900 gram lal masur ki dal lal vastra men bandh kar tin manglvar kisi yuva garib ko den. mesh lagna: 1. lal rumal sadaiv apne pas rakhen. 2. dakshinmukhi makan men n rahen. 3. manglvar ko kisi 9 varsh ki kanya ko mitha khilayen. vrishabh lagna: 1. patni ko chandi ki churi par lal rang karva kar dharn karvayen. 2. shri hanuman chalisa ka path karen. 3. mans-madira se dur rahen. 4. kisi vidhva ki seva karte rahen. 5. ghar men naukar ko samay se vetan dete rahna chahiye. mithun lagna: 1. kisi se mufta ki vastuen n len chahe vah uphar hi kyane n ho. 2. bhatijon se prem karen. 3. manglvar ko hanuman ji ke mandir men laddu ka bhog lagayen. kark lagna: 1. shri hanuman ji ka koi path ya mangal stotra ka path karen. 2. manglvar ko mitha vrat rakhen. 3. sote samay tanbe ke bartana men jal rakhen tatha subah khali pet grahan karen. sinh lagna: jhuthi gavahi kabhi mat den. 3. nirbal par atyachar n karen. 3. mata- mausi ki seva karen. kanya lagna: 1. hathi ki koi tasvir ghar men n rakhen. 2. kisi se dan n len. 3. bare bhai, tau v mama ki seva karen. 4. shahad va sindur bahte jal men pravahit karen. 5. kisi nirjan sthan men mitti se divar banakar svayan girayen. 6. bua, mausi athva sali ke ghar jayen to mithai lekar jayen. tula lagna: 1. manglvar ko mitha bhojan garibon ko khilayen. 2. gayatri mantra ka jap karen. 3. dudh se bane halve ko garibon men banten. 4. manglvar ko bajrangban ka path karke hanuman ji ke mandir men prasad banten. 5. tandur ki mithi roti kutte ko den. vrishchik lagna: 1. lal rumal hamesha apne pas rakhen. 2. subah uth kar shahad chaten. 3. bhatijon se vishesh prem karen. 4. kisi se apashabd na bolen. 5. shahad v sindur jal men pravahit karen. dhanu lagna: 1. mans, jua, tamsik bhojan se dur rahen. 2. manglvar ko kutte ko mithi roti khilaen. 3. dakshinmukhi makan men n rahen. makar lagna: 1. lal rang aur isse milte rang ke vastra dharn karen. 2. mehmanon ko mitha khilayen. 3. kale v kane vyakti se dur rahen. kunbh lagna: 1. hanuman chalisa ki pustak ka dan karen. 2. nirbalon ki sahayta karen. 3. manglvar va shanivar ko pipal ko jal den. min lagna: 1. muft ki koi vastu n len. 2. madyapan se dur rahen. 3. manglvar ko hanumanji ko chola charhayen. 4. ghar men koi jangvala purana hathiyar n rakhen. 5. shahad va kesar ka sevan karen.
Kya aapko lekh pasand aaya? Subscribe
Kya aapko lekh pasand aaya? Subscribe


mangal dosh visheshank  July 2015

fyuchar samachar ke is visheshank men mangal dosh ki vistrit charcha ki gai hai. kundali men yadi lagn, chaturth, saptam, ashtam bhav evan dvadash bhav men yadi mangal ho to aise jatak ko manglik kaha jata hai. vivah ek aisi pavitra sanstha jiske dvara purush evan stri ko ek sath rahne ki samajik manyata prapt hoti hai taki srishti ki nirantarata bani rahe tatha donon milakar parivarik evan samajik dayitva ka nirvahan kar saken. vivah sukhi evan safal ho iske lie hamare desh men var evan kanya ke kundali milan ki pratha rahi hai. kundali milan men var athva kanya men se kisi ek ko mangal dosh nahin hona chahie. yadi donon ko dosh hain to adhikansh paristhitiyon men vivah ko manyata pradan ki gai hai. is visheshank men mangal dosh se juri har sambhav pahlu par charcha ki gai hai. iske atirikt sthayi stambh men bhi vibhinn vishyon ko samavisht kar achchi samagri dene ki koshish ki gai hai.

Subscribe

Apne vichar vyakt karein

blog comments powered by Disqus
.