ravivar yah surya ka var hai. sarvapratham iska nanbar ek hai. jiska janm 1, 10, 19 aur 28 tarikh men ho to us jatak par surya ka prabhav rahega. surya grahon ka raja hai aur atma ka karak hai. is var ko janme jatak ka sir gol, chaikor, nate aur mote sharir vala, shahad ke saman matmaili ankhen, purva disha ka svami hone ke karan, ise purva men shubh labh milte hain. surya ke in jatkon ka 22-24ven varsh men bhagyoday hota hai. surya mesh rashi men uchch ka aur tula rashi men nich ka hota hai. in jatkon ki prakriti pitri pradhan hai. dil ka daura, fefdon men sujan, pet sanbandhi bimariyan ho sakti hain.
chehre men gal ke upar donon haddiyan ubhri hui hoti hain. jab surya 00 se 100 ansh tak ho to apna prabhav deta hai kyonki yah grahon ka raja hai islie in jatkon men raja ke saman gun hone ke karan pal men prasann aur pal men rusht hone ki adat hoti hai, ye jatak shakki svabhav ke hote hain. ganbhir vani, nirmal drishti aur rakt shyam varn inka svarup hota hai. ganth ke pakke aur pratishodh lene ki bhavna tivra hoti hai. inhen pi ki taklif hoti hai. somvar yah chandrama ka var hai,iska ank do arthat jin jatkon ka janm somvar 2, 11, 20, 29 tarikhon men ho to chandrama ka svarup spasht karte hue kaha gaya hai ‘svagyan pragyauah gaurashchapalah, kaf vatiko rudhisar, mriduvani priya saravastanu, vritashchachandramaah hashuah.. arthat sundar netra vala, buddhiman, gaur varn, chanchal svabhav, chanchal prakriti, kaf, vat prakriti pradhan, madhurbhashi, mitron ka priya, hota hai.
aisa jatak har samay apne ap ko sajane men rahta hai chandrama man ka karak hai. 24 se 25 varsh men yah apna prabhav pata hai. rakt aur mukh ke as-pas iska adhikar rahta hai. aise jatak ke kesh ghane, kale, chikne aur ghunghrale hote hain. soch samajhakar bat karte hain. paristhatiyon ko mapne ki inmen kshamata hoti hai. ye bhavuk bhi hote hain. bat-chit karne men kushal aur virodhi ko apne paksh men karne ki inmen kshamata hoti hai. is din janmi striyan pyar men dhokha khati hain. ye jatak kalpana men adhik rahte hain. ye premi, lekhak, shaukin, patli vani vale hote hain. vat aur kaf prakriti ke karan jivan ke antim dinon men fefdon ki pareshani, hart ki bimariyan sanbhav hain. charm aur rakt sanbandhi bimariyan aksar hoti rahti hain.
manglvar yah hanuman ji ka var hai iska nanbar nau hai. 9, 19, 27 tarikh ko janme jatak ka svami mangal grah hai is din janme jatak ka sanvla rang, ghunghrale bal, lanbi gardan, vir, sahsi, khiladi, bhu-mafiya pulis ke adhikari, senadhyaksh svarthi hote hain. inki ankhon men halka-halka pilapan aur ankhon ke charon or halki si kalima ya chai rahti hai. inka chehra tanbe ke saman chamkila hota hai. pratyek karya karne se pahle hit-ahit ka vichar kar lete hain. yadi mangal uchch ka arthat makar rashi ka ho to jatak daktar, thekedar, kheti ka vyapar karne vala hota hai. yadi mangal akarak ho to jatak chor, daku bhi ho sakte hain. mangal dakshin disha ka svami hota hai. aisa jatak kisi par vishvas nahin karta. shark pradhan prakriti hai yahan tak man-bap, pati-patni aur santan par bhi shak karta hai.
kathin se kathin paristhitiyon men yah jatak vichlit nahin hota. rajnitik kshetra men achche se achcha aur bure se bura karya kar sakta hai. ek bar jo kam hath men le le use pura karke chodta hai. bahut sahsi, khatron ki jindgi men inhen anand milta hai. shatruon se ladna inka svabhav hota hai. majja aur mukh ke as-pas iska adhikar kshetra hai. 28 se 32ven varsh men yah fal deta hai. mahilayen chidchidi aur katubhashi hoti hain. rakt evan charm rog se grast rahte hain. budhvar ganesh ji iske svami hain. iska ank panch hai jo jatak 5, 14, 23 tarikhon men janma ho vah jatak thigna, samanya rang, furtila, bahut bolne vala, durbal sharir, choti ankhen, krur drishti, pi prakriti, chanchal svabhav dviarthak bat karne vala, hasya priya, sharir ke madhya bhag men sanda durbal, ur disha ka svami, mata-pita se prem karne vala, chitrakar, 8ven aur 22ven varsh men arisht 32ven varsh men bhagyoday, tvacha aur nabhi ke nikat sthal par adhikar, vani, vat-pi ka karak hota hai.
yah jatak adhikatar bainkars, dalal, sanpadak, is jatak ko desh, kal aur patra ki pahchan hoti hai. vatavaran ke anukul batchit karne men hoshiyar hote hain. budh grah jis jatak ka karakatva hota hai uska rang gora, ankhen sundar aur tvacha sundar aur majbut hoti hai, ye achche guptachar ya rajdut ban sakte hain. yah jatak spasht vakta hota hai aur munh par khari-khari kahta hai aur is prakar se bat karta hai ki dusre ko bura n lage. safai priya hota hai kaf-pi-vat prakriti pradhan hone se balyavastha men jirn jvar se pidit rahta hai. vriddhavastha mane anek rogon se pidit rahta hai. yauvnavastha men prasannachi rahta hai. safal vyapari ke ismen gun hote hain. anek rangon ka shaukin hota hai. hara rang ise priya hota hai aur vah shubh bhi hota hai. jyotish ya grah nakshatron ka gyan, ganitagya, purohit ka karya karna, lekhadhikari. is var men janmi mahilaen shighra ruthne vali, chugli, ninda karne vali aur pati se inki anaban rahti hai. guruvar yah samast devtaon ka guru hai. iska ank tin hai arthat 3, 12, 21, 30 tarikhon men janme jatak svasth sharir, lanba kad, ghunghrale bal, tikhi nak, bada sharir, unchi avaj, shahad ke saman netra vale aise jatak sachche mitron ke premi, kanun janne vale adhikari, jaj, khadya samagri ke vyapari, neta abhineta bhi hote hain.
aise jatak bolte samay shabdon ka chayan savdhani purvak karte hain. ankhon se jhankne ki aisi pravri hoti hai ki mano samast sansar ki shanti aur karuna ismen akar bhar gai ho, jiv hinsa aur pap karm se bachte hain. mahilaen charitravan, pati ki sevika, pati ko vash men rakhne vali sadguni, kushal adhyapikaen hoti hain. pujari, ashram chalana, sarkari, naukri, puran, shastra vedadi, nitishastra, dharmopdesh se byaj par dhan dene se jivika hoti hai. aise jatak shatru se bhi batchit karne men namrata rakhte hain. charbi-nak ke madhya adhikar kshetra hai. 16-22 ya 40ven varsh men saflta milti hai. ur-purva (ishan) is grah ka svami hai kark rashi men yah grah uchch ka hota hai. pila rang inke lie shubh hota hai. yah ek rashi men ek varsh rahta hai. yah 110 ansh se 200 ansh men apne fal deta hai, 7, 12, 13, 16 aur 30 varsh ki ayu men kasht pata hai. dirgh ayu karak hai. yah gulm aur sujan vale rog bhi deta hai. charbi aur kaf ki vriddhi karta hai. netritva ki shakti ismen svabhavik rup se hoti hai.
shukravar yah lakshmi ka var hai. iska ank chah hai arthat 6, 15, 24 tarikhon men janm lene vale jatak par shukra grah ka prabhav hota hai. is din janme jatkon ka sir bada, bal ghunghrale, sharir patla, dubla, netra bade, rang gora, lanbi bhujaen, shaukin, vinodi, chitraklaen, chatur, mithai filmamekar, abhushan vikreta hote hain. shukra tikshn buddhi, ubhra hua vakshasthal aur kantiman chehra hota hai. virya pradhan aisa vyakti striyon men bahut priya hota hai. yah jatak muskurahat bikherne vala sarvada prasannachit rahne vala hota hai. shukra grah stri karak hota hai aur navagrahon men sabse adhik priya hota hai. aise jatak kamuk aur shangar priya hote hain, is din janma jatak viprit ling ko akarshit karta hai. aise vyakti safal hote hain, vipakshi ko kis prakar se sammohit karna chahie adi gun inmen janmajat hote hain. mitron ki sankhya bahut hoti hai aur mitron men lokapriya hote hain. vat-kaf pradhan inki prakriti hai aur vriddhavastha men jodon men dard aur haddiyan men pida hoti hai. prem ke badle prem chahte hain. nritya sangit men ruchi rakhte hain. agney disha ka svami hai. shanivar shani ko kal purush ka das kaha gaya hai.
iska ank ath hai. dinank 8, 17, 26 ko janme jatkon ka svami shani hai. yah apne pita surya ka shatru hai. tula men shani uchch ka hota hai tatha 210 ansh se 300 ansh tak apna fal shubh-ashubh deta hai, is din janma jatak sanvla rang nasen ubhri hui, chuglkhor, lanbi gardan, lanbi nak, jiddi, karkash avaj, ghor mehnti, mote nakhun, chote bal, alsi, adhik sone (nind) vala, gandi rajniti vala hota hai choti ayu men kasht pane vala, dusron ki bhalai se prasann n hone vala, parivar ka shatru, 20-25-45ven varsh men kasht bhogne vala, snayu (nasane) pet par adhikar 36-42ven varsh men shubh ya ashubh prabhav, nirdayi, dusron ko vip men dalne vala aur inhen pareshan karne men anand ata hai, shikshan kal men kafi rukavten, apashabd kahne men prasannata milti hai. mahilaen katubhashi, pati se nitya takrar karne vali, dampatya jivan sukhamay nahin hota, shuddhata ka dhyan kam hota hai. svabhav, krodhi, arthik mamlon men yah samanya hota hai.
loha adi ya kale rang ke udyogon men saflta milti hai, vayu pradhan, murkh, tamoguni, ayu se adhik dikhne vala, kabadi ka kam, kursi bunna, majduri karna, pati-patni ke vicharon men matbhed. yah tula rashi men uchch aur mesh rashi men nich ka hota hai. 210 ansh se 300 ansh men is jatak ke jivan par prabhav dalta hai. dant ka dard, nak sanbandhi taklifen, lakva, namardi, kushth rog, kainsar, dama, ganjapan rog sanbhav ho sakte hain. in jatkon ko pashchim disha men labh mil sakta hai.