उंगलियाँ और उँगलियों के बीच दूरी का फल

ungliyan aur ungliyon ke bich duri ka fal  

Ank ke aur Lekh | Sambandhit Lekh | Views : 57880 |  
ungliyon ka sidha sanbandh mastishk se hota hai. yadi ungliyon men vishesh bojh padta hai to mastishk ki dhamniyan bhi bojhal hone lagti hai. ungliya dekh kar vyakti ke svabhav ke bare men kuch jankari ho sakti hai. iske liye ungliyon ki lanbai, motapan, patlapan tedhapan dhyan se dekhne par uske bare men bhavishyavani kiya ja sakta hai. ungliyan char prakar ki hoti hain. 1. tarjani: anguthe ke sath vali ungli. iska svami guru hai. 2. madhyama: tarjani ke sath vali dusri ungli. iska svami shani hai. 3. anamika: tisri ungli, iska svami surya hai. 4. kanishthika: chaithi aur sabse choti ungli. iska svami budh hai. tarjani adhikatar hathon men yah ungli anamika se choti hoti hai. yah vyakti ke ahan bhav, samman pane ki ichcha batati hai. yadi yah ungli anamika se badi ho to vyakti uttaradayitva vale padon par kam karne vala hota hai. adhinasth karmachari se kadai se kam lene vala tatha ghanmandi hota hai. yadi yah samanya se choti ho to vyakti men koi mahatvakanksha nahin hoti. yadi yah anamika se choti ho to vyakti chalak hota hai. yadi yah ungli lanbi ho aur upar se nukili ho to vyakti andhvishvasi, dharm par astha rakhne vala hota hai. yadi tarjani aur madhyama donon barabar hon to vyakti pure sansar men prasiddhi prapt karta hai. yadi yah ungli anamika se lanbi ho aur vargakar ho to aise vyakti sachcharitra tatha udar hote hain. madhyama ungli yah ungli tarjani aur anamika se badi hoti hai. parantu lanbai 1/4 inch (6 em. em.) se badi nahin honi chahie. yadi yah 1/4 inch se badi hai to samanyatah aise vyakti ka jivan dukhamay, abhav evan pareshaniyon se vyatit hota hai. madhyama ungli tarjani se 1/2’’ ya isse badi ho to jatak nishchay hi hatyara hota hai. yadi madhyama ungli lanbi ho to jatak rogi evan kami hota hai. madhyama ungli lanbi hone ke sath-sath yadi ganthedar aur fuli hui ho to vyakti svarthi, chintaon se grast rahne vala hota hai. yadi yah pahli ungli tarjani ya tisri ungli anamika ke barabar ho to ise choti madhyama kahte hain. samanya se choti madhyama vale vyakti men chichorapan hota hai aur samanya se lanbi madhyama ungli vala vyakti sosaiti ke mel jol se dur rahta hai. yadi madhyama ungli lanbi ho aur udar ka sira vargakar ho to vyakti ganbhir svabhav vala tatha uttaradayi padon par kam karne vala hota hai. aise vyakti kala ke kshetra men vishesh saflta prapt karte hain. yadi madhyama ungli lanbi tatha chapti ho tatha madhyama ungli ke upar ka sira tarjani ki taraf jhuka hua ho ya muda ho to aise jatkon men jarurat se jyada atmavishvas hota hai. yadi madhyama ungli ke upar ka sira anamika ki taraf jhuka ho to vyakti bhagya par bharosa karne vala tatha sangit premi hota hai. anamika ungli yah madhyama se choti tatha tarjani se apekshakrit lanbi hoti hai. tarjani se badi hone par aisa vyakti unnati karta hai tatha usmen daya, sneh, prem adi gun jarurat se jyada hote hain. yadi yah ungli samanya se adhik lanbi ho arthat tarjani se adhik lanbi ho to vyakti ka dikhava adanbar ban jata hai aur jokhim men ras lene ki uski ichcha badh jati hai. yadi yah ungli madhyama ke barabar pahunch jati hai to vyakti pure svarthi hote hain tatha apne svarth ke liye samne vale ka ahit karne se nahin chukte. ye bhagyavadi hote hain. aise vyakti apne dhan ka adhikansh bhag jua satta adi men laga dete hain. yadi anamika ka jhukav kanishthika ki or ho to vyapar men vishesh labh milta hai. yadi jhukav madhyama ki or ho to jatak chinta grast aur atm kendrit hota hai. vah jivan men kuch aise karya kar jata hai jo samaj use yad rakhta hai. anamika tarjani ke barabar ho to us vyakti ko vishesh khyati ki bhukh bani rahti hai. yadi anamika ungli madhyama ke barabar ho ya us se thodi choti ho to uske jivan men kai karya achanak hote hain aur ant men aise vyaktiyon ko saflta milti hai. yadi anamika ungli sidhi ho to jatak ko sammanit hone ke yog, parivarik sanbandh achche, lekhak, sahityakar adi ke rup men prasiddhi pate hain. kanishthika ungli yah hath men sabse choti ungli hoti hai. yah ungli vyakti ki vakpatuta aur chaturya batati hai. yadi yah ungli anamika ke nakhun tak pahunch jaye to vyakti jivan men atyant uchchastariya saflta prapt karta hai. kanishthika ungli jitni adhik lanbi hoti hai utna hi shubh hota hai. yadi yah anamika ke upri por ke adhe bhag par pahunch jaye jo aisa vyakti sachiv athva ai. e. es. adhikari tak hota hai tatha jivan ka uttararddh sukhpurvak bitta hai. yadi yah ungli sadharan se choti ho to inke jivan men sangharsh bahut hota hai. yadi yah tedhi ho to aise vyakti gupt rahasya dhundh nikalte hain. samanya se choti kanishthika vale vyaktiyon men hinta ki bhavna hoti hai aur ye apni bat khulakar nahin kah pate. yadi yah ungli sidhi ho to vyakti bahut sidha hota hai aur jivan ke daud men piche rah jata hai. aur yadi yah ungli bahut adhik choti ho to vyakti bat ke marm ko bahut shighra samajh leta hai tatha turant nirnay lene men samarth hota hai. yadi ungliyon ke age sire nukile hon to vyakti buddhiman, sukshm drishti sanpann tatha vakpatu hota hai. yadi age ka bhag vargakar ho to vyakti bolne ki kala men nipun hota hai. yadi age ka bhag chapta ho to vyakti vaigyanik, mashinri sanbandhi karyon men vishesh ruchi rakhne vala hota hai. yadi kanishthika ungli anamika ke barabar ho to aise vyakti unche star ke darshanik tatha buddhiman hote hain. kanishthika ungli madhyama ke barabar ho to vyakti apne karyon se vishvavikhyat hota hai. sahityakar, kathavachak, bade-bade vyapari, rajnitigyaon ki yah ungli tedhi hoti hai. ungliyon ke bich ki duri tarjani aur madhyama ke bich men khali jagah ho to jatak apne vicharon men svatantra hota hai tatha apni bat ko kahne men nahin hichkchata. madhyama aur anamika ke bich khali jagah ho to vyakti laprvah aur asabhya hota hai. anamika aur kanishthaka ke bich khali sthan vyakti ko krur aur hatyara banata hai. ungliyon ke (parva) poro ka fal 1. tarjani ungli ka pahla por lanba hone par jatak atm vishvasi hota hai. dusra por bada hone par vyakti uchchabhilashi hota hai. tisra parva (por) bada hone par jatak ghamandi aur abhimani hota hai. 2. madhyama ungli ka pahla parva (por) bada hone par vyakti atm hatya karta hai. dusra parva bada hone par jatak vyapar ke kshetra men mashinon ka vyapar karta hai aur ise labh milta hai. tisra parva bada hone par vyakti jarurat se jyada kanjus evan apayash ka bhagi hota hai. 3. anamika ungli ka pahla parva bada hone par jatak men kalatmak ruchi hoti hai. dusra parva bada hone par jatak apni pratibha ke bal par unchai tak pahunchta hai. anamika ka tisra parva bada hone par (lanba evan chaida ho) vyakti rashtravyapi samman prapt karta hai. 4. kanishthika kanishthika ungli ka pahla parva bada hone par jatak vaigyanik evan khoji pravritti ka hota hai. dusra por bada hone par jatak parishram ke adhar par vyaparik saflta prapt karta hai. tisra parva bada hone par vyakti chalak, chatur evan jhuth bolne men mahir hota hai.
Kya aapko lekh pasand aaya? Subscribe
Kya aapko lekh pasand aaya? Subscribe


paravidya visheshank  June 2013

fyuchar samachar patrika ke paravidya visheshank men shani jayanti, vivah, vivah men vilanb ke karan v nivaran, kundli men panchmhapurush yog evan ratn chayan, tabadla ek jyotishiya vishleshan, shukra ki dasha ka fal, shani chandra ka vish yog, ungli aur ungliyon ke duri ka fal, dakshinavarti shankh, brihaspati ka priya kesar, dah sanskar-antim sanskar, parvej musharraf ke sitare gardish men, chand ne duboya taitenik ko, ank jyotish ke rahasya, vibhinn bhavon men mangal ka fal, svargiya jagdanba prasad ki jivan katha, mahotkat vinayak ki pauranik katha ke atirikt, kal sarp dosh se mukti ke lie lal kitab ke achuk upay, vastu prashnottari, yantra samiksha/mantra gyan, helth kaipsul, prakritik urja santulan, vivadit vastu, vishisht mahatva hai kashi ke kal bhairav ka tatha hastarekha dvara janmakundli nirman ki vidhiyon par vistrit rup se charcha ki gai hai.

Subscribe

Apne vichar vyakt karein

blog comments powered by Disqus
.