टोटका विज्ञान अंधविश्वास नहीं है

totka vigyan andhvishvas nahin hai  

Ank ke aur Lekh | Sambandhit Lekh | Views : 4940 |  

totka vah vigyan hai jiske santulit, samayabaddh aur nirantar prayog karte rahne se samasyaon ka nirakaran sanbhav ho sakta hai. jo baten hamara karya siddh karva deti hain tatha hamari samajh se bahar hain, unhen ham alaukik, guhya adi kah dete hain. alaukik arthat jo hamare lok ki n ho. aise hi alaukik padarth, prayog, karm jo alp samay men aur nyunatam prayas dvara sanpann kie jate hain, totka kahlate hain. inke falibhut hone ke piche do baten dhyan men rakhna ati avashyak hoti hain. ek to inko karte samay koi toke nahin, dusre inke prati purn rup se shraddha aur astha karta ke man men honi chahie.

apne prayah suna hoga ki kamar ki nas yadi charh jae, ise samanya bhasha men ‘chik charhna’ kahte hain, to kisi aise bachche ke pair sat bar pith par lagvane se vah thik ho jati hai jo ulte pair janma ho.

bachchon ko najar lag jati hai, yah akatya satya hai. najar lagne par prabhavit bachche ke upar se namak, mirch utar kar jalai jati hai.

lahsun ki kali, jayafal, nilkanth ka par adi ka najarabattu dalna athva uske mathe par kajal ka tika laga kar najar ke kuprabhav se raksha karna sarvavidit hai. kale dhage ko pahnana to adhikanshtah prachlit hai.

chote bachche ko dant niklte vakta kabhi-kabhi asahya pirajnit paristhiti utpann ho jati hai. iske lie ek totka hai. bachche ke gale men rohu machli ke panch dant dhage men bandh kar latkva dijie, chamatkari rup se apko labh dikhai dega.

kabhi-kabhi navjat shishu nind men dar kar chaink jate hain jaise kisi bhayanak drishya se saham gaye hon. aise bachchon ke gale men lahsun ki char panch kaliyan dhage men bandh kar dal dijie. sukhne par yah nae se badl diya kijie. bachcha nind men darega nahin.

janm lene vali pratham santan yadi larka hai to uski ‘nal’ uske chathi ke kapre men bandh kar apne pas surakshit rakh len. kisi bhi shubh karya men athva apne isht karya ki siddhi ke lie ghar se niklte samy usko bhi apne sath shraddha bhav se le jaya karen. apka vanchit karya avashya hi purn hoga.

‘buri najar vale tera munh kala’, ‘buri najar vale tere bachche sharab pien’, ‘buri najr’, ulta ho tujh par asr’, adi shabd apne trakon ke piche likhe avashya dekhe honge. dukanon par ninbu-mirch, bhavnon par rakshas ke daravne mukhaute, handiya, haldi ki ganth, am ke patton ki bandnbar adi bhi avashya dekhi hogi. totkon men avishvas karne vala vyakti bhi inhen kisi n kisi rup men prayog karta avashya dikhai de jata hai.

najar ke asar ko beasar karne ke lie log apne-apne tarike se athva suvidha anusar kuch na kuch upakram karte rahte hain. ek bar yah prayog bhi karke dekhie apko ashatit labh dikhai dega. vyapar men unnati ke lie yah totka bahut hi prabhavshali siddh hoga. mote gatte athva tin ko ek svastik ke akar ka kat len. ate ki lei se us par nag kesar chipka len.

yadi ap apne karya sthal par mircha athva ninbu tangte hain to ab se is svastik ke upar dhage se pirokr tanga karen. mirchon ki sankhya sat rakha karen. antar svayan dekh len.

mahilaon ke upar tin sthitiyon men sarvadhik totke kie jate hain. burai athva kisi ka anarth karne ke lie kie gaye in totkon ke dushprabhav bahut hi jaldi dikhai dene lagte hain. striyon ki tin sanvednshil sthitiyan hain. unka ritukal ka samay, vivah ke samay suhag ke jore men tatha garbhavastha ke dinon men. burai athva kisi ka anarth karne ke lie aise anekon totke kie jate hain. burai vale prayog bahut shighrata se karya karte hain. kamjor mansikta valon par to inka parmanu bam ki tarah prabhav parta hai. anarth ke lie kie jane vale totkon men mahilaon tatha navjat shishuon ke kapre, unke nakhun, unke bal adi ko kata jata hai tatha jalaya aur dabaya jata hai. aise totko ke piche ishrya, dvesh adhik hota hai. aise totkon ka prabhav tab adhik hota hai jab vyakti inke sanpark men ata hai. iske lie aisi vyavastha ki jati hai ki vyakti ko kuch khilaya jay, kahin daba diya jae aur us par se vah langh jae, uske ghar, kapron adi men chirak diya jae adi.

aisa nahin ki totka keval vyakti par hi prabhav dalte hain. yah pashu-pakshi, fal-ful adi vanaspati, faiktri, dukan adi par bhi prabhavi hote hain. totkon ka vaigyanik adhar to ham nahin khoj pae hain, parantu yah n samjhen ki yah andhvishvas hai. yah adrishya rup men apna karya kar jate hain. per-paudhon men bali ke nam par jun diya jata hai. anek belon men, katahal adi ke peron men totka svarup machli dabai jati hain. kuch faldar vrikshon men lohe ki kil athva aise anek upakram jadui shakti athva chamatkar ki tarh pratit hote hain. darasal in upakramon dvara vriksha-lataon men khanij, lavan, protin v anya poshak tatvon ki purti machli, khun adi ke vightn se hoti hai. vriksha-lataon ki jaren, koshikaen inko sidhe tatva ke rup men grahan karti hain.

Kya aapko lekh pasand aaya? Subscribe
Kya aapko lekh pasand aaya? Subscribe


totke visheshank  February 2015

fyuchar samachar patrika ke totke visheshank men vibhinn karyon ke safal hone hetu sahjta tatha sulbhta se kiye jane vale totke diye gaye hain. ye totke am logon ke dvara asani se kiye ja sakte hain. in totkon ko karne se santan sukh, svasthya sukh, ajivika, vaivahik sukh prapt hota hai tatha anisht ka nivaran hota hai. is visheshank men totkon par bahut sare lekh sammilit kiye gaye hain. ye lekh hain: tone-totke kya hain tatha ye kitne karagar hain?, totka vigyan andhvishvas nahin hai, totke tantra ki vishishtata v sutra, santan, svasthya, ajivika evan vaivahik sukh ke lie totke, totkon ka adbhut sansar, janmapatrika ke anishtakari yog evan anisht nivarak totke adi hain. totkon ke alava is visheshank ke masik stambh, samyik charcha, astha, jyotish evan vastu par lekh ullekhniya hain.

Subscribe

Apne vichar vyakt karein

blog comments powered by Disqus
.