कन्या विवाह का अचूक उपाय

kanya vivah ka achuk upay  

Ank ke aur Lekh | Sambandhit Lekh | Views : 12321 |  
janm patrika men sanyam aur bauddhikta se yadi talasha jaye to grah-nakshatron ke aise anek sanyog mil jaenge jo larkiyon ka vivah karvane, n karvane athva vilanb adi se karvane ke sanket dete hain. grah-gochar adi ki sukshm gannaon se vivah ki samyavdhi ka bhi thik-thik anuman lagaya ja sakta hai aur tadnusar vivah sanpann bhi hote hain. parantu aise anek prakaran samne ate hain ki vyaktigat janmapatrika men vivah ke spasht sanket hone ke bad bhi vivah kinhin karnon se sanpann nahin ho pata aur larki sahit pure parivar ke lie mansik santras ka ek karan ban jata hai. yadi janm patrika men vivah n ho pane ke karan aisi viprit paristhiti ban rahi ho to yah upay ek bar avashya karke dekhiye. durbhagyavash ban rahi viprit paristhiti aur badha adi ka ashanurup samadhan ho jaega. vivah ki kamna rakhne vali larkiyan sat janeu haldi ke ghol men pile rang len, sat pital ke sikke le len. yadi sikke sulabh n ho paen to pital ki patli shit men se sikke ke akar ke sat tukre katva len, sat haldi ki akhandit ganth le len, sat gur ke chote-chote tukre le len, sat pile ful, sattar senti mitar pila kapra, sattar gram chane ki dal aur ek bhojapatra ka vargakar tukra le len. bhoj patra par yantra ankit karne ke lie anar athva chameli ki kalam aur haldi tatha roli ki syahi vyavasthit kar len. upay ka shri ganesh karne ke lie guru grah ke tin nakshatron punarvasu, vishakha tatha purvabhadrapad men se koi sa ek nakshatra apne samay ki suvidhanusar sunishchit kar len. in nakshatron ke madhya parne vale guru ke hora kal ko bhi yadi upay ke lie chun len to prabhav adhik tvarit ho jaega. achcha ho pile rang ke sat ful us din hi len jis din upay praranbh kar rahi hon. anya samagri purva men bhi jutakar rakh sakti hain. nishchit kal men tan-man se pavitra aur asthavan hokar bhoj patra par haldi aur roli mishrit syahi se nimnalikhit yantra ankit kar len. rekhaon tatha ankon ko bharne ka kram baen se daen tatha niche se upar ki or rakhen. man men sita ji athva parvati ji ka smaran karte hue apni ichcha ki purti ki kamna karti rahen. yantra ko pile rang ke kapre par sthapit karke us par pile ful arpit karen tatha anya li hui samagri us par alankrit kar den. sab samagri ki ek potli bana len. chahen to isko paelithin men bhi band kar sakti hain. yah potli apni almari, baeks adi men kahin surakshit rakh len, iska karna kuch nahin hai. yah bas aise hi rakhe rakhna hai. guru ke hora kal men hi nimn mantra ki tin mala (108’3) jap karen. mala apni suvidhanusar koi bhi le sakti hain. parantu yadi pit varn koi mala upalabdh ho jae to achcha hai. tadanantar men apni nitya puja ke sath is mantra ki tin mala man parvati athva sita ji ka dhyan karte hue jap liya karen. jap mantra katyayni mahamaye mahayoginyadhishvari. nand gop sutan devi patin me kuru te namah.. iske sath nitya nahin to kam se kam pratyek guruvar ko nimn char niyam apnane ka sankalp le len aur yathasamay aur suvidha isko karti rahen. 1. gay ko gur tatha roti khilaen. 2. pakshiyon ko chaval den. 3. kele ke vriksh men jal arpit karen. 4. jal men chini mila kar surya ko aghrya den.
Kya aapko lekh pasand aaya? Subscribe
Kya aapko lekh pasand aaya? Subscribe


vivah visheshank  March 2014

fyuchar samachar patrika ke vivah visheshank men sukhi vaivahik jivan ke jyotishiya sutra, vaidik vivah sanskar paddhati, kundli milan ka mahatva, vivah ke prakar, vartaman paripekshya men kundli milan, talak kyon, shadi ke samay nirdharan men sahayak yog, shani v mangal ki vaivahik sukh men bhumika, shadi men deri: karn-nivaran, dampatya jivan sukhi banane ke upay tatha kanya vivah ka achuk upay adi vishyon par vistrit jankari dene vale alekhon ko sammilit kiya gaya hai.

Subscribe

Apne vichar vyakt karein

blog comments powered by Disqus
.