उद्योग धन्धे क्यों बंद हो जाते हैं

udyog dhandhe kyon band ho jate hain  

Ank ke aur Lekh | Sambandhit Lekh | Views : 2594 |  
udyog ke prarambh aur uske falne-fulne ko lekar dekha jae to multah tin baten samne ati hain- dhan, jokhim aur shram arthat vyakti ke pas uchit dhanrashi ho, uske pas kam karne ka josh aur jokhim uthane ka dhairya ho aur sabse upar shram karne ke lie manv shakti ho. parantu tadanantar udyog ke safal athva asafal hone ke piche tin nahin balki anek karn ho sakte hain. vyakti ka sabse pahle apna bhagya aham bhumika nibhata hai. fir udyog men sanlagna anya logon ka bhagya, bajar ka utar-chadhav, mausam, bijli-pani, kar bhar, lendari aur dendari, koi akasmik apda athva durghatana adi...adi. udyog ke asfl hone ke piche uska vastu dosh bhi ek aham bhumika nibhata hai. vastu niyamon ke anukul nirman nahin hua hai to bare-bare anek udyog tak band hote dekhe gae hain. parantu anek aise log bhi hain jo vastu shastra ke prati purnataya avishvas rakhte hain. unka manna hai ki vastu shastra aur kuch nahin balki ek bhram hai aur yah sab amiron ke chochle hain. is shastra ke piche jo kuch bhi manyataen hon parantu antatah yah to n manne vala bhi udyog men asafal hone ke bad ek bar avashya manne lagta hai ki is shastra ke piche kuch na kuch sar hai avashya. jo kuch bhi hai, yah sab ek alag vishay hai tathapi aie dekhte hain ki vastu ke anusar kya niyam ho sakte hain jo udyog-dhandhon ko saflta athva asflta dete hain. yadi in nimyon ka palan karte hain to apne-apne bhagya aur karmanusar purn nahin to kuch n kuch pratishat antar avashya dikhai dega. - udyog parisar purnataya vargakar athva aytakar hona chahie. akar men 1ah2 ka anupat ek achcha vikalp ho sakta hai. parisar ka uttara-pashchim aur dakshin-pashchim kona purnataya 90 ansh ka hona chahie. - bhavan ka mukhya dvar purab athva uttar disha men ho. pashchim disha men bhi mukhya dvar ho sakta hai parantu dakshin-pashchim men yah sarvadhik nikrisht siddh hota hai. - bhutal se upar vale flor par pani ki vyavastha pashchim athva uttara-pashchim disha men ho. - bhutal ke niche pani ki vyavastha parisar ke purab, uttar athva uttara-purab disha men hona chahie. bag-bagiche adi bhi isi disha men shubh fal dete hain. - bhulbhut siddhant ke anusar pani ka nikas uttara-pashchim disha men ho. aisi vyavastha ho ki parisar is disha men svatah hi nicha ho athva nicha bana liya jae taki uska dhalan uttara-purab disha men rahe to yah bahut hi uttam aur bhagyashali siddh hota hai. - bhavan parisar ka uttari-purvi bhag jitna adhik khula hua hoga, utna hi adhik vah shubh faldayak siddh hoga. vahn adi ki parking vyavastha ke lie bhi yah sthan uttam hai. - parisar ke dakshin aur pashchim disha ki divaren anya dishaon ki divaron se unchi aur bhari honi chahie. - purab, uttar aur uttara-purb dishaon men tar adi se bhi sima nirdharit ki ja sakti hai. - bhavan ke pashchimi bhag men prayogshala, karyalay banane shubh hote hain. - 2 se 3 fit athva adhik chorkr dakshin-purab disha men jenretar, transfaermar adi upkrnon ke lie kamra banvaya ja sakta hai. chaikidar, sevadar adi ke kamre bhi parisar ke isi bhag men shubh hote hain. parantu unki divaren in kamron se chute hue nahin honi chahie. isi disha men bijli, agni adi se sambandhit anya upakaran lagane bhi shubh siddha hote hain. - dakshin-pashchim disha men kabar, bhari samagri athva upyog men n ane vala anya saman bhi ekatrit kiya ja sakta hai. - sevadaron athva anya karmachari, majduron adi ke lie rahne ki vyavastha uttara-pashchim disha men rakhna shubh hota hai. - udyog ke lie upyog ki ja rahi mashin, plant adi bhavn ke dakshin-pashchim bhag men shubh rahti hain. - samanya se niyam ke antargata prayog hone vale upakaran, mashin adi jo atyadhik bhari hain dakshin disha men tatha halki mashinen adi uttar disha men lagvana shubhta dete hain. - bikri ki nikasi ke lie taiyar mal uttara-pashchim disha men aise rakhna athva jama karna shubh hai jahan se uski nikasi uttara disha se ho sake. vastu shastra ke ye bahut hi samanya se niyam hain. purnataya vastu shastra ke anurup nirman aur anya sanbandhit gatividhiyan tab hi sambhav ho pati hain jab parisar, bhavan adi ki vishuddh sthiti gyat ho aur sthan, sthan vishesh ke sapeksh anupatik gannaon ke adhar par thik-thik vastu ke anurup talmel bitha liya jae. yah karya itna sarl nahin hai jitna ki bana diya gaya hai. vastushastri ko jyotish, bhugol, sthan, vatavaran aur sabse upr vyakti-vyakti ki mansikta ka purnataya gyan hona atyant avashyak hai tab hi vastujnit doshon ka nirakaran sambhav ho sakta hai nahin to agyanta ke karan vastu niyamon ka pura-pura labh pana asambhav hai. parinamasvarup udyog dhandhe band ho hi rahe hain aur hote rahenge.
Kya aapko lekh pasand aaya? Subscribe
Kya aapko lekh pasand aaya? Subscribe


Apne vichar vyakt karein

blog comments powered by Disqus
.