शादी के समय निर्धारण में सहायक योग

shadi ke samay nirdharan men sahayak yog  

Ank ke aur Lekh | Sambandhit Lekh | Views : 3413 |  
vivah sanbandhi prashn par vichar karte samay sarva pratham kundli men satven bhav, saptamesh, lagnesh, shukra evan guru ki sthiti ko dhyan men rakhna chahiye. vivah ke liye saptam bhav hai. saptamesh ko dekhna isliye avashyak hai kyonki yahi is bhav ka svami hota hai. shukra is bhav ka karak hai. stri/purush donon ke liye shukra vaivahik sukh ke liye sanbandhit grah hai. striyon ke lie guru pati sukh dene vala grah hai. lagnesh ka saptamesh evan panchmesh ke sath sanbandh bhi jarur dekhna chahiye. lagna-kundli, chandra kundli evan navansh kundli ko adhar banaya ja sakta hai. saptam bhav men saumya rashi ho, vahan shubh grah ho ya shubh grah ki drishti ho. saptamesh bhi shubh sthan men baitha ho. saptamesh ke sath ya saptam bhav par kisi pap grah ki yuti/drishti n ho to jivan sathi, sundar sushil, vidvan, achche svabhav ka v bhagyavan hota hai. vivah ka samay saptam bhav ke svabhav par nirbhar karta hai. yadi budh saptamesh ho to vivah 18 se 20 varsh ke bich, yadi chandrama saptamesh ho to vivah 22-23 varsh ki ayu men, mangal saptamesh ho to 20-21 varsh ki ayu men, shukra yadi saptamesh ho to 20 se 22 varsh ki ayu men, guru saptamesh ho to 24 varsh ki ayu men, surya saptamesh ho to 26 varsh men aur shani saptamesh ho to 28 varsh ki ayu men vivah hoga. pancham bhav men shukra aur chaturth men rahu ho to 31ven ya 33ven varsh men vivah hoga. lagnesh se shukra jitna najdik ho utni jaldi vivah hota hai. shukra ki sthiti jis rashi men ho us dasha men vivah hota hai. gochar men guru 2/5/7/9/11 ven sthan men hone par vivah ka yog banta hai. saptamesh, panchmesh v ekadshesh ki dasha-antardasha men vivah yog hota hai. shukra aur chandrama in donon men jo bali ho uski mahadsha men vivah hota hai. yadi saptamesh shukra ke sath ho to saptamesh ki antardasha men vivah hota hai tatha navmesh, dashmesh aur saptam bhavasth grah ki antardasha men vivah hota hai. dvitiyesh aur saptamesh 1, 4, 5, 7, 9 aur 10ven men ho to vivah ka yog hota hai.
Kya aapko lekh pasand aaya? Subscribe
Kya aapko lekh pasand aaya? Subscribe


vivah visheshank  March 2014

fyuchar samachar patrika ke vivah visheshank men sukhi vaivahik jivan ke jyotishiya sutra, vaidik vivah sanskar paddhati, kundli milan ka mahatva, vivah ke prakar, vartaman paripekshya men kundli milan, talak kyon, shadi ke samay nirdharan men sahayak yog, shani v mangal ki vaivahik sukh men bhumika, shadi men deri: karn-nivaran, dampatya jivan sukhi banane ke upay tatha kanya vivah ka achuk upay adi vishyon par vistrit jankari dene vale alekhon ko sammilit kiya gaya hai.

Subscribe

Apne vichar vyakt karein

blog comments powered by Disqus
.