रत्न धारण का समुचित आधार

ratn dharan ka samuchit adhar  

Ank ke aur Lekh | Sambandhit Lekh | Views : 4175 |  
jo grah patrika men shubh evan karak hai athva jis grah ki dasha chal rahi ho aur vah shubh prabhav dene vala hai vahi ratn dharan karen. yadi vah lagnesh ya rashish ho to use jarur dharan karen. yadi ashubh grah ki dasha chal rahi ho to uski pratyantar dasha men jo shubh grah ane vala ho unki antardasha ke ratnon ko dharan karen. mitra grahon ke ratnon ko ek sath dharan kar sakte hain parantu shatru grahon ke ratnon ko ek sath dharan nahin karna chahiye anyatha vah ashubh fal denge. surya-mangl-brihaspati mitra hain. yadi kundli men inki sthiti achchi hai to manik, munga pukhraj pahan sakte hain. shani-budh-shukra mitra hain. nilam, hira, panna ek sath pahan sakte hain. parantu shukra-brihaspati shubh grah hote huye bhi ek dusre ke shatru hain inke ratn ek sath kabhi n pahnen. am dharna yah hai ki trikon sadaiv shubh hota hai. parantu in tinon men yadi koi grah uchch ya svarashisth hai to ratn dharan n karen. shubh grah yadi ast hai ya nirbal hai to us grah ka ratn dharan karen. yadi lagn nirbal hai ya lagnesh ast hai to lagnesh ka ratn dharan karen. bhagyesh nirbal hai ya ast hai to bhi bhagyesh ka ratn pahnen. parantu yadi trikon ka svami nich ka hai to uska ratn dharan n karen. kabhi bhi mark-badhak nich ya ashubh grah ka ratn dharan n karen. janmapatri n hone ki sthiti men kis grah ke ashubh prabhav se jatak pareshan hai nimnalikhit lakshanon se pata lag jata hai ki kaun sa grah ashubh hai, uska upay kar len. surya yadi pita se sanbandh thik n ho, mansik pareshani, dama, shvas rog, sardi-jukam adi ho to manik dharan karen ya chandi-chavl-dudh ka dan karen. chandra mata se sanbandh thik n ho, mansik pareshani dama, shvas rog, sardi-jukam adi ho to moti dharan karen ya chandi-chavl-dudh ka dan karen. mangl bhaiyon se anaban, krodh, adhik durghatanayen, rakt vikar, kushth rog, uchch rakt chap adi ho to munga dharan karen ya masur ki dal bahte pani men bahayen. budh vani dosh, vidya, buddhi sanbandhi pareshniyan, gale ke rog, nak ka rog, matibhram, vyavsay men hani adi ho to panna dharan karen ya bua, bahan, mausi se ashirvad len aur ched vala tanba ka paisa bahayen. guru nastik hona, guru ka adar n karna, arjit dhan ka kharch hona, vivah men deri, gathiya, kabj anidra adi hone se pukhraj dharan karane ya dharmik pustakon ka dan karen. shukra prem men asflta, patni sukh men badha, vahan se kasht, madhumeh, garbhashay rog, harniya adi se pirit hon to hira pahnen ya chini, chaval ka dan karen. shani naukri v pareshani, naukri se klesh, rirh ki haddi ka rog, kainsar, napunskta, pairon men taklif, vad, vikar adi ho to nilam salah lekar dharan karen ya shani ka dan, chaya dan karen. rahu ahankar hona, dada se pareshani, tvacha rog, bhut pret ka dar, mastishk rog adi hone par gomed dharan karen ya mukdme men jitne ke liye kachcha koyla pani men bahayen. jau ke kuch dane rat ko sirhane rakhakar subah pakshiyon ko dalen. ketu jadu-tona se pareshani, nana se pareshani, rakt vikar, chut ki bimari, haija adi se pirit hane to lahsuniya dharan karen ya ganesh ji ki puja karen. kutton ko roti khilayen.
Kya aapko lekh pasand aaya? Subscribe
Kya aapko lekh pasand aaya? Subscribe


ratn evan rudraksh visheshank  May 2014

fyuchar samachar ke ratn evan rudraksh visheshank men anek rochak aur gyanavardhak alekh hain jaise- rudraksh ki aitihasik prishth bhumi, rudraksh ki utpatti, rudraksh ek vardan, rudraksh dharan karne ke niyam, jyotish men ratnon ka mahatva, ratn dharan ka samuchit adhar, ratn dharan se rogon ka nidan, uparatn, lagnanusar ratn nirdharan, ratnon ka mahatva aur svasthya adi. iske atirikt panch pakshi ke rahasya, vat savitri vrat, akshay tritiya evan apki rashi, grah aur vakalat, ek sabhya samaj ke nirman ki prakriya, agla pradhanmantri kaun, kundali ke vibhinn bhavon men ketu ka fal, satya katha, punsavan sanskar, hailth kaipsul, shankh therepi, jyotish aur mahilaen tatha vastu prashnottari v vastu paramarsh jaise anya rochak alekh bhi sammilit kiye gaye hain.

Subscribe

Apne vichar vyakt karein

blog comments powered by Disqus
.