रत्न धारण से रोगों का निदान

ratn dharan se rogon ka nidan  

Ank ke aur Lekh | Sambandhit Lekh | Views : 3986 |  
ratnon ko dharan karke ham apni karyakshamata, gatividhi, kriya-pratikriya, soch men nishchit rup se parivartan kar sakte hain. prachin granthon men manikya, moti, munga adi navaratnon ke dharan karne ke labh v inko dharan karne ki vidhi ki vistarpurvak charcha pai jati hai, isi ke sath-sath jyotish shastra men vibhinn dhatuon ke sath ratnon ko pahnne ki charcha ki gai hai. adhunik vigyan ne bhi yah mana hai ki vibhinn dhatuon ke sath ratn pahnne se inke gunon men atyadhik barhottari ho jati hai jo ki sharir ke liye labhdayak utprerak ka karya karti hai. ratnon ki upyogita hamare prachin granthon men bhi varnit hai, tabhi to purane samay ke raja-maharaja, rani-maharani, sadharan praja apne liye labhdayak ratn dharan kiye huye parilakshit hote hain. raja log yuddh par jate samay vishesh prakar ke ratn dhatuon men jarvakar jate the aur vijay prapt karte the. vyapari varg vyapar praranbh karne se purva vishesh ratn jarit yantra adi ki sthapna vyapar sthal par kar vyapar praranbh karte the. ratn pahnna tabhi karagar hota hai jab inko nirdharit prakriya, muhurt adi ke anusar dharan kiya jay, ratnon ke dharan karne ke mahatva ka varnan gita ramayan adi men bhi aya hai. yadi ratn purn shastrokt vidhi tatha jyotish vigyan men bataye gaye niyamane evan nirdeshon ke sath pahna jata hai to shubh fal evan yadi niyamon evan nirdeshon ka palan n karte huye dharan kiya gaya hoga to ashubh fal prapt hoga. aisa anubhav kiya gaya hai ki ratn tin se sat din men apna prabhav dikhane lagte hain. aj tak huye anusandhanon evan pramanon se siddh hua hai ki kuch vishisht ratnon ko dharan karne se rogon ka bhi shaman hota hai. kuch vishisht rogane men ratn dharan karne ka vidhan is prakar hai: edsa janmang men jab shukra aur mangal ki yuti vrish ya vrishchik rashi men ho aur inapar shani ya rahu ki drishti ho ya lagn men mangal ya shani sthit ho aur chandrama ki drishti ho to eds rog hone ki sanbhavna rahti hai. is rog se bachav hetu firoja, munaston pukhraj, nilam adi pahna jata hai. gathiya mithun, tula tatha kunbh rashi ke log is rog se adhik pareshan hote hain. isi ke sath-sath guru lagn men tatha shani satven bhav men honge to gathiya rog hone ki sanbhavna banti hai. vrish, sinh, kanya, makar, min rashiyon men yadi shani rahu ki yuti aur in par mangal ki sidhi drishti hogi to nishchit hi gathiya hone ki sanbhavna bani rahegi. balhin surya bhi is rog ka karan ho sakta hai. is rog se bachav hetu sone ya tanbe men gomed tatha pukhraj dharan karaya jata hai. hriday rog janmang men surya ya chandra par rahu, mangal, shani ki drishti ho to 40-45 varsh ki ayu men hriday rog hone ki sanbhavna kahi jati hai. rahu mangal ka sanbandh ashubh surya se hone par bhi hriday rog ho sakta hai. kark ya makar rashi men pap grah sthit ho to hriday rog ho sakta hai. is rog se bachav hetu munga v pukhraj dharan karvaya jata hai. yadi kinhin karnon se labh prapt nahin hota hai to panna, moti dharan karaya jata hai. enimiya janmang men jab surya aur shani pirit ho to pet ki kharabi se yah rog hota hai. yadi trikon bhav grahrhit ho to bhi yah rog ho sakta hai. guru sinh rashi men mangal se shashth, ashtam ya dvadash hone par bhi yah rog ho sakta hai. is rog se chutkare hetu munga tatha pukhraj pahnaya jata hai. blad kainsr mangal par shani tatha rahu-ketu ki drishti hone par yah rog ho sakta hai. nich surya bhi iska karak hota hai. is rog se bachav hetu munga, manikya, lahsuniya, gomed dharan karaya jata hai. safed dag vrish rashi men chandra, mangal, shani ka sanbandh is rog ka karak hota hai. chandrama lagn men, mangal dvitiya men, surya saptam men tatha shani dvadash bhav men ho to safed dag ho sakte hain. chandrama tatha shukra ka yog kisi bhi jalrashi men hone par bhi rogkarak hota hai. budh shatru rashi men ast ho, shukra nich rashi men vakri ho to bhi yah rog ho sakta hai. is rog se bachav hetu hira, firoja, moti dharan karvaya jata hai. ganjapn surya lagn, tula ya mesh rashi men sthit hokar shani par drishtipat karta ho to yah rog ho sakta hai. ganjepan se bachav hetu manikya aur pukhraj sanyukt karke pahnaya jata hai. kainsr chandrama kisi bhi rashi ka hokar chathe, athven, barhven bhav men ho aur is par tin pap grahon ki drishti ho to nishchit hi is rog ka karak mana gaya hai. chathe bhav men sthir rashi ka mangal bhi iska karak ho sakta hai. guru aur shani kark ya makar rashi men hane, ketu, mangal ya chandrama ya rahu ya shani kahin bhi ek sath baithe hon to yah rog ho sakta hai. is kathin rog ko samapt karne hetu bich ki anguli men sone ya tanbe men manikya ya anamika men nilam dharan karvaya jata hai. yadi kainsar ka aepreshan ho chuka ho to uske bad hone vale kasht se chutkara hetu pukhraj aur munga dharan karaya jata hai. uprokt kathan evan vivechan se siddh hota hai ki aj ke yug men bhi ratn dharan karne ka pramanik adhar hai. samaj ke pratyek manushya yah mante hain ki ratn dharan karne se unki bhagya unnati, rog se chutkara, mansik shanti, grih klesh se mukti, rojgar adi men ratn dharan karne se labh hua hai.
Kya aapko lekh pasand aaya? Subscribe
Kya aapko lekh pasand aaya? Subscribe


ratn evan rudraksh visheshank  May 2014

fyuchar samachar ke ratn evan rudraksh visheshank men anek rochak aur gyanavardhak alekh hain jaise- rudraksh ki aitihasik prishth bhumi, rudraksh ki utpatti, rudraksh ek vardan, rudraksh dharan karne ke niyam, jyotish men ratnon ka mahatva, ratn dharan ka samuchit adhar, ratn dharan se rogon ka nidan, uparatn, lagnanusar ratn nirdharan, ratnon ka mahatva aur svasthya adi. iske atirikt panch pakshi ke rahasya, vat savitri vrat, akshay tritiya evan apki rashi, grah aur vakalat, ek sabhya samaj ke nirman ki prakriya, agla pradhanmantri kaun, kundali ke vibhinn bhavon men ketu ka fal, satya katha, punsavan sanskar, hailth kaipsul, shankh therepi, jyotish aur mahilaen tatha vastu prashnottari v vastu paramarsh jaise anya rochak alekh bhi sammilit kiye gaye hain.

Subscribe

Apne vichar vyakt karein

blog comments powered by Disqus
.