वट सावित्री व्रत

vat savitri vrat  

Ank ke aur Lekh | Sambandhit Lekh | Views : 4456 |  
bhartiya sanskriti men vat savitri ek aisa divya vrat hai, jisko sanpann karke ek bhartiya nari ne yamraj par bhi vijay prapt kar sanpurn nari jati ko gaurvanvit kiya hai. yah vrat, skand aur bhavishyottar ke anusar, jyeshth shukla purnima ko aur nirnayamritadi ke anusar jyeshth krishn amavasya ko kiya jata hai. bharat desh men yah vrat prayah amavasya ko hi hota hai. is varsh yah vrat 28 mai 2014 ko manaya jaega. hm vaivart puran ka mat hai. madhav mat se jab attharah ghari chaturdashi tithi ho, to para grahan karni chahie. attharah ghari se kam hone par to purva viddha hi grahan karen. sansar ki sabhi striyon men aisi shayad hi koi hui hogi, jo savitri ke saman apne akhand pativrata dharm aur drirh pratigya ke prabhav se yam dvara saymni puri men gaye hue pati ko sadeh lauta layi ho. atah sadhva, vidhva, vriddha, balak, saputra, aputra sabhi striyon ko savitri ka vrat avashya hi karna chahie. nari va vidhva vapi putri putravivarjita. sabhartrika saputra va kuryad vratmidan shubham.. jaysinh kalpadrum men likhit vidhi yah hai ki jyeshth krishn trayodshi ko pratah snanadi ke pashchat ‘‘mam vaidhavyadi-sakldoshpriharthan satyavatsavitriprityarthan ch vatsavitri vratmhan karishye.’’ men nam, gotra, vansh adi ke uchcharan sahit sankalp kar tin din upvas karen. yadi samathrya n ho, to trayodshi ko ratri bhojan, chaturdashi ko ayachit aur amavasya ko upvas karke shukla pratipda ko vrat samapt karen. amavasya ko vat vriksh ke samip baith kar bans ke ek patra men sapt dhanya bhar kar use do vastron se dhank den aur dusre patra men suvarn ki brahm savitri tatha satya savitri ki pratima sthapan karke gandhakshatadi se pujan karen. tatpashchat vat vriksh ko kachche sut se lapet kar us vat ka yathavidhi pujan karke parikrama karen. punah ‘‘avaidhavyan ch saubhagyan dehi tvan mam suvrate. putran pautranshch saukhyan ch grihanaghryan namo'stu te..’’ is shlok ko parhakar savitri ko aghrya den aur ’vatsi×chami te mulan salilairmritopmaiah. yatha shakha- prashakhabhirvriddho'si tvan mahitle. tatha putraishch pautraishch sampannan kuru man sada..’ is shlok ko parhakar vat vriksh se prarthana karen. desh-deshantar men mat-matantar se puja paddhati men vibhinnata ho sakti hai. parantu bhav sabka ek hi rahta hai, jo yamraj dvara savitri ko pradatt vardan ya ashirvad hai. ismen bhainse par savar yamraj ki murti bana kar bhi puja ka vidhan hai. savitri katha ko bhi shravan karen. yah katha is prakar hai: madra desh ke naresh ashvapti dharm ke pran the. dharmanukul pavitra acharan evan indriya sanympurvak bhagava˜jan hi unke jivan ke adhar the. attharah varshon tak savitri devi ki aradhna kar ke inhonne santti prapti ka ashirvad paya tha. savitri ne inhin ki saubhagyavti patni (jo malav naresh ki kanya thi) ke garbh se janm liya tha. savitri apurva guni aur shilvti thi. vah kramshah barhti hui vivah ke yogya hui. us samay vah bahyabhyantr saundarya ki jivit pratima si pratit hoti thi. anupam rup lavanya ke sath usmen atulniya tej bhi u˜asit ho raha tha, jiske karan log use dev kanya samajh lete the aur isi karan koi bhi rajkumar uska pati banne ka sahas nahin kar saka. savitri ko purnavayaska dekh kar chintit ashvapti ne use svayan var dhunrhne ka adesh diya. atyant lajja aur sankoch se mata-pita ke charnon ka sparsh kar vah vriddh mantriyon ke sath ratharurh ho kar ramniya tapovan ki or chali. kuch dinon ke bad jab vah lauti, tab devarshi narad uske pita ke samip baithe hue mile. charan sparsh karne par ashvapti ke sath shri narad ji ne bhi use prempurvak ashish di. ashvapti ne savitri ko varanveshan ke lie bheja tha, yah sanvad shri narad ji ko pahle hi batla diya gaya tha. unhonne savitri se dhire se kahaah ‘beti, tumne kise pati chuna hai, devarshi ko bata do. savitri ne natmukh ho atyant sankshep mane kaha: ‘shalva desh ke dharmaparayan naresh dyumatsen ke putra ka nam satyavan hai. satyavan ne janm to nagar men liya tha, par unka laln-palan tapovan men hua hai. mainne unhin ke charnon men apne ko samarpit karne ka nishchay kiya hai. dyumatsen netrahin ho gaye hain aur unke ek shatru raja ne unka rajya bhi chin liya hai. vah apni pativrata patni aur shilvan tatha dharmagya suputra ke sath tapovan men nivas kar rahe hain. is prakar satyavan ka jivan rishi kumaron sa ho gaya hai.‘ udas ho kar shri narad ji ne kaha ah rajan, yah atyant khed ki bat hai. nishchay hi satyavan rup, shil aur gunon men advitiya hai; kintu ek varsh ke bad hi unki ayu samapt ho jaegi. vah is lok men nahin rah sakanege. ashvapti bolna hi chahte the ki dharmagya savitri ne turant kaha: pitaji, satyavan dirghayu hon athva alpayu, gunvan hon athva nirgun, mainne ek bar unhen apna pati svikar kar liya. ab dusre purush ko main nahin var sakti. dirghayurthvalpayuah saguno nirguno'pi va. sakridvritto maya bhatrta n dvitiyan vrinomyaham.. (maha0 van0 294/27) savitri ka nishchay sun lene par devarshi narad ji ne ashvapti se kaha: rajan, savitri buddhimti aur dharmashraya hai. ap ise satyavan ke hathon saup den.’ devarshi chale gaye. ashvapti samast vaivahik samagriyon ke sath dyumatsen ke ashram par pahunche. dyumatsen ne inka yathochit satkar kiya. vah savitri ke gunon par mugdh ho kar ashvapti ka agrah nahin tal sake. usi tapovan men savitri ka parinay satyavan ke sath vidhipurvak ho gaya. atyadhik vastrabhushan de kar ashvapti vida hue. pita ke jate hi savitri ne abhushnadi utar kar vanochit vastra dharan kar liye. vah tapasvini ho gayi. usne apne sadgun, vinay aur seva ke dvara sas-sasur ke man par adhikar kar liya. savitri se pura parivar santusht tha. vah svayan santusht aur atyant sukhi dikhti thi, parantu use shrinarad ji ki bat yad thi. uska hriday pratikshan ashant rahta tha. pati ki mrityu ki smriti se uska kaleja kanp jata tha. dhire-dhire vah samay bhi a gaya, jab satyavan ki mrityu ke char din shesh rah gaye the. patiprana savitri adhir ho gayi thi. usne tin ratri ka nirahar vrat dharan kiya. chaithe din usne pratah kal hi surya dev ko aghrya dan kar sas-sasur tatha brahmanon ka shubh ashirvad prapt kiya. satyavan samidha lene chale, tab sas-sasur ki agya le kar savitri us din unke sath ho gayi. van men thori lakri bhi vah nahin le paye the ki unka sir chakrane laga. sir ki asahya pira ke karan satyavan savitri ki god men let gaye. ful-si komal savitri ka hriday hahakar kar utha. usne dekha, samne lal vastra pahne shyamkay ek dev purush khare hain. chakit ho kar usne pranam kiya, to uttar mila: savitri, main yam hun. tumne apne kartavya ka palan kiya hai. ab main satyavan ko le jaunga. inki ayu puri ho gayi hai. yam satyavan ke sukshm sharir ko lekar akash marg se chal pade. adhira savitri bhi unke piche lag gayi. yamraj ne use lautne ke lie kaha, to vah boli: ‘bhagavan , patidev ka sath mujhe atyant priya hai. meri gati kahin nahin rukegi. main inke sath hi chalungi.’ savitri ki dharmayukt vani sun kar yam ne usse satyavan ko chor kar anya var mangne ke lie kaha, to savitri ne apne sasur ki netra jyoti mang li. par fir bhi unke sath chalti rahi. yam ne uske kasht ko dekh kar kaha: ab tum laut jao. par usne uttar men kaha, ‘pati ke sath apka durlabh sang chor kar main nahin ja sakungi. yam ne punah usse satyavan ke atirikt vardan mangne ke lie kaha. savitri ne apne sasur ka khoya rajya mang liya. yam ne dekha vah ab bhi piche chali a rahi hai aur rah-rah kar prarthana karti hui satsang mahima tatha dharm yukt bateen kahti jati hai. prasann ho - kar yamraj ne fir vaise hi vardan mangne ke lie kaha, to usne apne niahsantan pita ke lie sau putra mang liye. chaithi bar yamraj shart lagana bhul gaye, tab usne apne lie bhi, satyavan ke virya se, sau putron ka vardan prapt kar liya. itne par bhi usne yam ka sath nahin chora. satitva ke karan uski gati abadh thi. usne yam ki stuti karte hue kahaah bhagavan, ab to ap satyavan ke jivan ka hi vardan dijie. isse apke hi satya aur dharm ki raksha hogi. pati ke bina sau putron ka apka vardan satya nahin ho sakega. main pati ke bina sukh, svarg, lakshmi aur jivan ki bhi ichcha nahin rakhti. atyant santusht hokar yam ne satyavan ko apne pash se mukt kar diya aur apni or se char sau varsh ki navin ayu de di. satitva ke prabhav se navin prarabdh ban gaya.
Kya aapko lekh pasand aaya? Subscribe
Kya aapko lekh pasand aaya? Subscribe


ratn evan rudraksh visheshank  May 2014

fyuchar samachar ke ratn evan rudraksh visheshank men anek rochak aur gyanavardhak alekh hain jaise- rudraksh ki aitihasik prishth bhumi, rudraksh ki utpatti, rudraksh ek vardan, rudraksh dharan karne ke niyam, jyotish men ratnon ka mahatva, ratn dharan ka samuchit adhar, ratn dharan se rogon ka nidan, uparatn, lagnanusar ratn nirdharan, ratnon ka mahatva aur svasthya adi. iske atirikt panch pakshi ke rahasya, vat savitri vrat, akshay tritiya evan apki rashi, grah aur vakalat, ek sabhya samaj ke nirman ki prakriya, agla pradhanmantri kaun, kundali ke vibhinn bhavon men ketu ka fal, satya katha, punsavan sanskar, hailth kaipsul, shankh therepi, jyotish aur mahilaen tatha vastu prashnottari v vastu paramarsh jaise anya rochak alekh bhi sammilit kiye gaye hain.

Subscribe

Apne vichar vyakt karein

blog comments powered by Disqus
.