अक्षय तृतीया एवं आपकी राशि

akshay tritiya evan apki rashi  

Ank ke aur Lekh | Sambandhit Lekh | Views : 3791 |  
akshay tritiya ka din ek sarvamanya shubh din hai. is din kisi bhi shubh karya ko karne ke lie kisi vishesh samay ya muhurt ki avashyakta nahin hoti. aj ke din kisi bhi vyapar, udyog, naukri ya peshe ko arambh kar sakte hain. akshay tritiya vaishakh mah ke shukla paksh ki tisri tithi ko hoti hai. is varsh yah shubh din 2 mai shukravar ke din hoga. yah din purn 24 ghante ke lie har karya ke lie shubh hoga. sagai, vivah, parhai, jamin jaydad, motar, vahan, sona-chandi adi bahumulya vastuen kharidne aur puja-path aur dharmik-ayojan ke lie is din ko vishesh labhkari mana jata hai. aisi manyata hai ki is din niveshit dhan ya dan punya sada kayam rahta hai. akshay tritiya evan apki rashi yahan fyuchar samachar ke pathkon ke lie is shubh avasar par punya kamane ke upay rashi ke anusar bataya ja raha hai jisse sabhi log khushhal rahen, unhen har prakar se dhan, sampatti evan sukh-samriddhi mile aur ve svasth hokar rashtra ke vikas aur nirman men sahyog den aur bharat men arthik, samajik, rajnitik aur dharmik unnati ho sake. mesh: surya dev is rashi men virajman rahenge. is rashi ke svami mangal agni, vidyut, shakti, yuddh, bhumi, hotal aur transport ke karya men saflta dene vale hain. is rashi ke jatkon ko aj ke din pratah nadi ya samudra ya bahte pani men snan kar surya ko jal dena chahie. sanpatti kray karne ka yog bhi inko prapt ho sakta hai. vrishbh: vrishabh rashi ke svami shukra hain. iske jatkon ko chini, safed vastra brahmanon ko ya mandir men dan kar pita ko uphar dena chahie. patni ya mata ke lie bahumulya vastu kharidna labhkari nirnay hoga. mithun: mithun rashi ke svami budh hain. iske jatkon ko hare vastra dan kar gay ko palak ya hari sabji khilani chahie. isse inhen panna kharidne, kheti ki jamin kharidne ka saubhagya prapt hoga. baink se lon ki prapti ka avasar bhi prapt ho sakta hai. karka: kark rashi ke svami chandrama hain. is rashi ke jatkon ko is din chini, safed vastra brahmanon ko ya mandir men dan karna aur vrat rakhna vishesh labhkari hoga. mata ko sona chandi adi uphar svarup dena chahie. sinh: is rashi ke svami grahon ke raja surya dev hain jo is samay vrishabh rashi men virajman hokar vilasita ki or prerit kar rahe hain. pita evan dada ko sona chandi uphar dene se sarkari naukri milne aur ruke kam niptne ka saubhagya prapt ho sakta hai. kanya: rashi ke svami budh hain. iske jatkon ke lie yah parva vishesh labhdayi hai. is rashi ki kanyaon ke vivah ka yog banega is din surya puja, ganesh puja kar panditon aur ghar ki kanyaon ko uphar dena labhdayi hoga. tula: is rashi ke svami vaibhav aur vilasita ke svami shukra dev hain. patni ya premika ko hire, sona-chandi ke jevar lekar dene chahie. iske falasvarup videsh yatra aur nae vahan kharidne ka avasar milne ki ummid hoti hai. vrishchik: vrishchik rashi ke svami mangal hain. is rashi ke jatkon ko is din bare bhai ko upharasvarup tanbe ke bartan v patni ko gahne uphar dena labhdayi hoga. adalti karyavahi se mukt hone ka suavasar bhi prapt ho sakta hai. dhanu: brihaspati is rashi ke svami hain. is rashi ke jatkon ko snan aur jal arpan ke bad apne guru ko pahle vastra, arahar ki dal laddu aur mata ko sone ki vastu uphar men dena chahie. shiksha aur prakashan vyavsay men nae avasar mil sakte hain. makr: makar rashi ke svami nyayadhish shani dev hain. is din is rashi valon ko apne adhinasth karmachariyon ko kali dal, sarson ka tel, stil ke bartan adi uphar men dena chahie jisse unke pending mukdmon ka niptara shighra ho sake. kunbh: makar rashi ke svami bhi shani dev hi hain. unhen bhi makar rashi ki bhanti punya karna hai lekin unhen pita aur patni ko uphar aur man-samman ki jarurat hai, inhane naukri men padonnati aur vyavsay men navin avasar milenge. min: min rashi ke svami brihaspati hain. is rashi valane ko shivling par jal charhana chahie aur un namah shivay ka jap karna chahie. bahan, patni aur beti evan matashri ko sone, pital ke gahne ,baratan ityadi uphar svarup dene chahie, garib kanyaane ko putke aur skul baig evan shiksha ki samagri dan dena atyadhik shubh evan manglkari rahega. ghar parivar men kanya ke vivah ka yog banega, makan dukan ya farmahaus kharidne ka yog banega. parivar ke sath videsh yatra ka sukh bhi prapt ho sakta hai.
Kya aapko lekh pasand aaya? Subscribe
Kya aapko lekh pasand aaya? Subscribe


ratn evan rudraksh visheshank  May 2014

fyuchar samachar ke ratn evan rudraksh visheshank men anek rochak aur gyanavardhak alekh hain jaise- rudraksh ki aitihasik prishth bhumi, rudraksh ki utpatti, rudraksh ek vardan, rudraksh dharan karne ke niyam, jyotish men ratnon ka mahatva, ratn dharan ka samuchit adhar, ratn dharan se rogon ka nidan, uparatn, lagnanusar ratn nirdharan, ratnon ka mahatva aur svasthya adi. iske atirikt panch pakshi ke rahasya, vat savitri vrat, akshay tritiya evan apki rashi, grah aur vakalat, ek sabhya samaj ke nirman ki prakriya, agla pradhanmantri kaun, kundali ke vibhinn bhavon men ketu ka fal, satya katha, punsavan sanskar, hailth kaipsul, shankh therepi, jyotish aur mahilaen tatha vastu prashnottari v vastu paramarsh jaise anya rochak alekh bhi sammilit kiye gaye hain.

Subscribe

Apne vichar vyakt karein

blog comments powered by Disqus
.