एक सभ्य समाज के निर्माण की प्रक्रिया

ek sabhya samaj ke nirman ki prakriya  

Ank ke aur Lekh | Sambandhit Lekh | Views : 8451 |  
vishvavyapi bahai samuday is karya men tallin hai ki kis prakar sabhyata nirman ki prakriya men yah apna yogdan de sake. yah do prakar ke yogdan ko mahatva de raha hai. pahle prakar ka yogdan bahai samuday ke vikas aur unnati se sambandhit hai aur dusra iski samaj men sahbhagita se. pahle prakar ke yogdan ke sandarbh men yah kaha ja sakta hai ki bahai pure sansar men nirhankari vatavaran men ek aisi karyapranali v samrupi prashasnik dhanchon ki sthapna ke lie prayasarat hai jo manvta ki ekatmakata ke siddhant v ise naya adhar dene vale vishvas ko mutrt rup dete hain. - inmen se kuch vishvas ye hain- sachetan atma ka koi ling, jati ya varg adi nahin hota aur is prakar ke vishvas se har prakar ke bhedbhav ko mitaya jata hai kyonki is prakar ke bhadebhav ka hi yah ek ocha rup hai ki mahilaon ki yogyataon ko najrandaj karke unhen unke vibhinn uddeshyon ki or barhne se roka jata raha hai. - bhedbhav ka mul karan agyanta hai jise keval shiksha ka prachar-prasar karke hi mitaya ja sakta hai kyonki aisa hone se hi gyan jan-2 tak pahanuch paega. ‘dharm aur vigyan’ gyan aur abhyas ki purak pranaliyan hain jinki sahayta se ham is vishva ko samajh pate hain aur hamen yah nahin bhulna chahie ki dharm aur vigyan ki badaulat hi sabhyata arthat samajik vikas ki rah saral hoti hai. - bina vigyan ke dharm shighra hi ek unmad ya andhavishvas men parivartit ho jata hai aur bina dharm ke vigyan aprishkrit bhautikvad ka sadhan ban jata hai. - hamara aisa manna hai ki bhautikvad aur adhyatmavad men sakriya talmel ke fal ke rup men sachchi samriddhi tab tak hamari pahunch se pare rahegi jab tak hamare jivan men hamari upbhoktavad ki pravritti ke daitya ka prabhutva barha rahega. - nyay atma ki shakti, kshamata, yogyata v sankay hai. yahi shakti prani ko satya v jhuth men bhed karne men saksham banati hai. jab ise samajik muddon par samuchit rup se pratyaropit kiya jata hai to yah ekta sthapit karne ka ekmatra v sarvadhik mahatvapurn upakaran ban jata hai. seva ki bhavna se kiya gaya karya prarthana ka hi ek rup hai. is uddeshya ko pura kar pana ek jatil karya hai yadyapi bahai samuday gyan prapti ki ek aisi dirghavdhi vali prakriya men samarpit hai jo is uddeshya ki purti hetu samuday ke sammilit hone ko avashyak batati hai. - hamen yah janna hoga ki vibhinn samudayon ko bina sangharsh ke kis prakar ek sath laya ja sakta hai. vightnkari, pakshapatpurn, himayti v gurilla mansikta ka parityag kar den, vichar aur karya men uchch koti ki samanta v ekta ko protsahan den aur tahedil v tanmayata se sahbhagi banen. yah janne ka prayas karen ki kis prakar se ek aise samuday ki gatividhiyon ka prabandhan kiya jae jismen paurohitya sambandhi-visheshadhikaron vala shaskiya varg n ho. -kis prakar se logon ko nishkriyata v vishad ki kaid se mukt hone men saksham banaen taki unhen adhyatmik, samajik v bauddhik vikas ki gatividhiyon men lagaya ja sake. hamen shreshth stariya urjaon vale yuva varg ko manav sabhyata ki unnati men yogdan karne hetu protsahit karna hoga. - hamen parivar ke bhitar aisi gatividhiyon ko janm dene ki avashyata hai jinke madhyam se bhautik v adhyatmik samriddhi prapt ki ja jae. kis prakar se yah sanbhav ho sakega ki paramarshak prakriya ke bahuayami pariperakshyon men shreshth nirnay lene ka labh liya ja sake. is prakar kee sabhi prashnon ka javab dene ke lie bahai samuday ne ek aisi pranali ko apnaya hai jiski visheshtaon men kriya, chintan, paramarsh, adhyayan v adhyayan men asha, prem v astha ko sudrirh karne vala sahitya pramukh hai. parantu sath hi karya pranali ke vaigyanik vishleshan ko prakat karne vale sahitya ko bhi saman mahatva diya gaya hai. is alekh ko samajh kar ham yah nishkarsh nikal sakte hain ki pratyek shreshth stariya sabhyata men bhautikvad aur adhyatmavad ke samanjasya ko mahatva diya gaya. bhautikvad manav ke utthan ke lie avashyak hai lekin ati upbhoktavad ki pravritti adhyatmik paksh ko nishkriya karne lagti hai jis karan mansik shanti v samaj men ekta ka abhav tatha dh arm ka unmad men parivartit ho jana jaise dushparinam utpann ho sakte hanai. jyotish men guru grah ko gyan ka karak mana jata hai jiske karan manav jati jiyo aur jine do ke shreshth sutra ko dharm ka pratipadak manti hai tatha upbhoktavad v ahankar ki apeksha seva ki bhavna ko adhik mahatva deti hai. guru grah ke bina adhyatmikta v sansarikta mane samanvay nahin sthapit ho sakta aur inmen samanvay sthapit hue bina shreshth sabhyata ka nirman nahin ho sakta. jis tarah se janm kundali ke sabhi grahon men guru ka mahatva islie sarvadhik ho jata hai kyonki yah jatak ko n keval buddhijivi v gyani banata hai balki use bhagyashali v dhan sampann bhi banata hai. parantu uska jivan anyajnon se islie shreshth hota hai kyonki usmen seva, vinamrata v santosh ki bhavna bhi hoti hai tatha vah n keval svayan unnati karta hai apitu dusron ki unnati men bhi sahayak bhumika nibhata hai. thik isi prakar mediniya jyotish men bhi sangthnatmak yogyataon ke srijan men v sabhya v sushikshit samaj ke gathan men guru grah ka yogdan sarvopri hai kyonki isi grah ke prabhav se manav samaj men bhedbhav ki kuritiyon ko dur karne vale samaj sudharkon ka avirbhav hota hai. guru grah ke prabhav se hi agyanata mitti hai aur samuchit shiksha ka prachar prasar sanbhav ho pata hai. dharm aur vigyan ke panditon ka janmadata to guru hai hi sath hi yah adhyatmikta aur bhautikvad men samanvay sthapit karne ka sutradhar bhi hai. guru grah ke prabhav se hi anyay ke viruddh manvta ki avaj buland ho pati hai. guru grah se hi prani men shreshth sanskar, prarthana v seva adi sadgunon ka vikas hota hai. samaj men vibhinn samudayon men ekta sthapit karne tatha jan samanya ke vicharon men samrupta lane men is grah ka mahatvapurn yogdan hai. logon ko yah karmashil v pragtishil banata hai tatha jati, samaj v rashtra ki unnati ka paryay hai. atah shreshthatam samaj ke navnirman ke lie ham guru grah ke abhari hain.
Kya aapko lekh pasand aaya? Subscribe
Kya aapko lekh pasand aaya? Subscribe


ratn evan rudraksh visheshank  May 2014

fyuchar samachar ke ratn evan rudraksh visheshank men anek rochak aur gyanavardhak alekh hain jaise- rudraksh ki aitihasik prishth bhumi, rudraksh ki utpatti, rudraksh ek vardan, rudraksh dharan karne ke niyam, jyotish men ratnon ka mahatva, ratn dharan ka samuchit adhar, ratn dharan se rogon ka nidan, uparatn, lagnanusar ratn nirdharan, ratnon ka mahatva aur svasthya adi. iske atirikt panch pakshi ke rahasya, vat savitri vrat, akshay tritiya evan apki rashi, grah aur vakalat, ek sabhya samaj ke nirman ki prakriya, agla pradhanmantri kaun, kundali ke vibhinn bhavon men ketu ka fal, satya katha, punsavan sanskar, hailth kaipsul, shankh therepi, jyotish aur mahilaen tatha vastu prashnottari v vastu paramarsh jaise anya rochak alekh bhi sammilit kiye gaye hain.

Subscribe

Apne vichar vyakt karein

blog comments powered by Disqus
.