कुंडली के विभिन्न भावों में केतु का फल

kundli ke vibhinn bhavon men ketu ka fal  

Ank ke aur Lekh | Sambandhit Lekh | Views : 1523 |  
pratham bhav ketu yadi pratham bhav men ho to vyakti rogi, chintagrast, kamjor, bhayank pashuon se pareshan tatha pith ke kashta ka bhagi hota hai. vah apne dvara paida ki gai samasyaon se larne vala, lobhi, kanjus tatha galat logon ka chayan karne ke karan chintit rahta hai. parivar sukh ka abhav aur jivan sathi ki chinta sada rahti hai. use girne se chot lagne ka bhay rahta hai. kintu ketu ke bali hone athva labhdayak avastha men hone par vyakti jivan men achchi pragti karta hai tatha sabhi prakar ke sukh pata hai. dvitiya bhav ketu ke dvitiya bhav men hone par jatak gale ke kasht se pirit tatha sansar ke viruddh jane vala hota hai. parivar se sukh men kami tatha shasn dvara dand ka bhay rahta hai. vah satya ko chipane vala aur apni baton se dusron ko chot pahunchane vala hota hai. yadi ketu shubh rashi men ho ya uchch ka hokar kisi shubh grah se yuti men ho to vah sukh - suvidha purn jivan, adhik ay, agyakari parivar tatha hriday se sannyasi vritti ka hota hai. tritiya bhav tritiya bhav men ketu jatak ko buddhi man, dhani tatha virodhiyon ka sarvanash karne vala banata hai. vah balshali, shastron ka gyata, vivad men ruchi rakhne vala, paropkari tatha udyam se bhara pura hota hai. vah khuli vritti vala, prasiddh, bhagyavan, apne logon se niktta aur sneh rakhne vala hota hai. jivan sathi se sukh tatha tirth yatraon ka shaukin hota hai. badhit ketu bahra, hriday rogi, batuni, dukhi, lipt tatha apayash ka bhagi hota hai. chaturth bhav chaturth bhav men ketu vyakti ko nikt sanbandhi se sukh ka abhav deta hai. mata se sukh men kami v mitron dvara apmanit bhi hota hai. vah dusron par vishvas ka sukh nahin pata tatha parivarik dhan ki hani pata hai. yadi ketu badhit ho to jivan men asani se sthirta nahin ati. bhai - bahnon ke karan dukh ka bhagi kundli ke vibhinn bhavon men ketu ka fal hota hai. ketu ke labhdayak hone par vijyi, imandar, mridubhashi, dhani, prasann, dirghayu, mata - pita se sukh tatha uttam vahan pata hai. pancham bhav pancham bhav men ketu jatak ko kapti, bhaybhit, jal se bhay rakhne vala, rogi, nirdhan, nishpaksh, udasin tatha vibhinn prakar ke kashton ka bhagi banata hai. vah ishvar se darne vala, putra se sukh ki kami vala tatha shasan se dand ka bhay rakhne vala hota hai. samasyaen sada munh bae rahti hain. kam santan parantu adhik putriyon vala ho sakta hai. apavyayi, akritagya tatha pet ke rogon se grasta ho sakta hai. uchch ka ketu hone par sannyasi, prachin shastron aur tirthatan men ruchi vala tatha kisi sanstha ka uchchadhikari ho sakta hai. vah gyanvan, bhramnshil, naukri se labh pane vala kintu vyavsay badlte rahne vala hota hai. shashtham bhav shashtham bhav men ketu jatak ko dayavan, sanbandh snehi, gyani tatha lok prasiddhi pane vala hota hai. vah achche pad, vidvanon ka sang pasand karne vala, shatruon, virodhiyon ko bhaybhit rakhne vala hota hai. vah rog mukt, pashu premi, logon ke samman ka bhagi kintu mata ke purn sneh men kami vala hota hai. yadi ketu labhdayak sthiti men ho to vah dusron ki chinta n karne vala tatha apne prabhav se unhen dabakr apni satta banane vala hota hai. kintu yadi ketu nich ka ho to pet ke rog, mithyahankari, alabhkari karyon men laga hua tatha dusron se imandar n rahte hue bhi labh uthane ka prayas karne vala hota hai. saptam bhav ketu jab saptam bhav men sthit hota hai to jatak ko asthir buddhi vala, jivan sathi se sukh men kami tatha uske sath n chalne vala banata hai. ketu ke badhit hone par vivah men deri, galat kamon men ruchi tatha atirikt vaivahik sambandh banane vala ho sakta hai. shubh ketu sada chintagrast parantu jivan men sukh suvidha se purn hota hai. ashtam bhav ashtam bhav men ketu jatak ko charitrahin, vyabhichari, dusron ki sanpatti par drishti rakhne vala tatha lobhi prakriti ka banata hai. vah vahan chalane se bhay rakhne vala hota hai. uske svabhav ka bura paksha jaldi samne a jata hai. vah netra rog se pirit hota hai. labhkari ketu use achchi dhan sanpda pradan karta hai. vah videsh men vas karne vala tatha vyapar se achchi ay karne vala hota hai. navam bhav navam bhav men ketu jatak ko krodhi, ishryalu, nindak tatha dharm men asthir astha rakhne vala banata hai. vah sukhon men vishesh ruchi rakhta hai tatha is karan nich logon se mitrata rakhne men bhi nahin hichkta. nikt sanbandhiyon se sukh prapti men kami ho sakti hai. bajuon men kasht v pita se sambandhon men tanav ka bhagi ho sakta hai. badhit ketu bahut bure parinam deta hai kintu videsh se achchi ay ka bhi karak hota hai. yadi ketu shubh ho to jatak sahsi, dayavan, dani, buddhiman tatha ishvar se darne vala hota hai. dasham bhav dasham bhav men ketu jatak ko buddhiman, darshanik, sahsi tatha dusron se prem rakhne vala banata hai. shubh ketu hone par ayogya patra ko bhi ashray dene vala hota hai aur jivan men achchi sanpda pane vala hota hai. vah apne virodhiyon ko kasht pahunchane vala hota hai. ketu ke badhit hone par durbhagya picha nahin chorta. vah durghatanaon ka bhagi hota hai tatha pita se achche sambandhon men kami karta hai. ekadash bhav ketu ke ekadash bhav men hone par vyakti vijyi, kathin se kathin samasyaon ka bhi sahaj hi samadhan dhunrh lene vala hota hai, achche svabhav ka svami hota hai. vah dusron ke prati dayalu kintu ketu ke ashubh hone par gupt rog se pirit ho sakta hai. santan se sukh men kami tatha jivan men sahyogi mitron ka abhav hota hai. dvadash bhav ketu ke dvadash bhav men hone par vyakti galat kam men lipt, niji sampatti ki hani karne vala, chanchal tatha alabhkari karyon men dhan ka apavyay karne vala hota hai. vah gupt rogon se pirit, danbhi v charitrahin ho sakta hai. kintu ketu ke labhkari sthiti men jatak imandar, dayavan, kripalu, sannyasi tatha jivan men dhan ka sukh bhog karne vala hota hai. vibhinn rashiyon men ketu ka parinam mesh ketu ke mesh rashi men hone par vyakti rugn, vibhinn rogon ka bhagi, aprasann tatha tanavpurna v chintapurn jivan ka bhagi hota hai. vah antahpragya ka svami hota hai tatha uske sahi prayog karne par jivan men vishesh labh prapt kar sakta hai. vrish ketu ke vrish rashi men hone par jatak rogi, chintarhit kintu nashe ka adi ho sakta hai. vah pretbadha se pirit apni hi duniya men rahne vala tatha sahaj hi apne man ki bat n kahne vala hota hai. mithun mithun rashi men ketu jatak ko apne hi logon se virodh tatha nirarthak karya men lagne vala banata hai. vah parishrami hota hai tatha apni buddhi ka sahi rup men prayog karne par achchi sanpda kamata hai. karka kark rashi men yadi ketu ho to jatak bhaybhit, chintit, rogi tatha dusron ki sangat men barbola banata hai. apni kshamataon ka smaran kiye jane par vah asanbhv ko bhi sanbhav kar sakta hai. sinh sinh rashi men ketu buddhiman hote hue bhi shiksha ke kshetra men badh aa deta hai. vah sada kuch bhramit rahta hai. vah sarkar ke hathon dand ka bhagi ho sakta hai. kanya kanya rashi men ketu hone par jatak bhramit, bhayanak tatha vibhinna rogon ka bhagi hota hai. ketu ke shubh (labhkari) hone par antahpragya vala hota hai tatha uska sahi prayog karne par jivn men saflta ki sirhiyon par charhta chala jata hai. tula tula rashi men ketu vyakti ko samanyatah santulit tatha kathin samasyaon ka hal karne vala banata hai. svasthya par dhyan dene ki avashyakta rahti hai. vah netra rog se pirit tatha santan se sukh men kami pata hai. vrishchik vrishchik rashi men ketu vyakti ko buddhiman, sahsi, dayalu tatha sahayta dene vala banata hai. kintu kabhi - kabhi vah ati ishryalu, tyagi tatha apne lie hi kasht paida karne vala hota hai. dhanu dhanu rashi men ketu jatak ko udarmna, dayavan tatha vishal hridyi banata hai. vah kathin samasyaon ka hal karne men safal tatha tirthatn ka premi hota hai. makr ketu yadi makar rashi men ho to vyakti rogi svabhav, parishrami, karya kushal tatha kartavya parayan hota hai. vah buddhiman hote hue bhi nikat ke logon dvara bhavnatmak vishyon men thaga jata hai. kunbh kumbh rashi men yadi ketu sthit hai to jatak udar hriday, darshanik, danshil tatha khule vicharon vala hota hai. vah anek mitron vala tatha shasan se labh prapt karne vala hota hai. min min rashi men ketu jatak ko buddhi man, vishal hridy tatha sukhon men ananda lene vala hota hai. vah dur deshon ki yatra karne vala tatha parivar se prem rakhne vala hota hai.
Kya aapko lekh pasand aaya? Subscribe
Kya aapko lekh pasand aaya? Subscribe


ratn evan rudraksh visheshank  May 2014

fyuchar samachar ke ratn evan rudraksh visheshank men anek rochak aur gyanavardhak alekh hain jaise- rudraksh ki aitihasik prishth bhumi, rudraksh ki utpatti, rudraksh ek vardan, rudraksh dharan karne ke niyam, jyotish men ratnon ka mahatva, ratn dharan ka samuchit adhar, ratn dharan se rogon ka nidan, uparatn, lagnanusar ratn nirdharan, ratnon ka mahatva aur svasthya adi. iske atirikt panch pakshi ke rahasya, vat savitri vrat, akshay tritiya evan apki rashi, grah aur vakalat, ek sabhya samaj ke nirman ki prakriya, agla pradhanmantri kaun, kundali ke vibhinn bhavon men ketu ka fal, satya katha, punsavan sanskar, hailth kaipsul, shankh therepi, jyotish aur mahilaen tatha vastu prashnottari v vastu paramarsh jaise anya rochak alekh bhi sammilit kiye gaye hain.

Subscribe

Apne vichar vyakt karein

blog comments powered by Disqus
.