गौतम बुद्ध

gautam buddh  

Ank ke aur Lekh | Sambandhit Lekh | Views : 9562 |  
gotam buddh yashakaran sharma manushya ke jivan par brahmand men faile grahon ka niyantran hota hai. kaun janta tha ki rajvansh ka rajkumar siddharth sant banega aur fir buddh ho jaega. lekin ye grah the jinhonne unhen raj moh se mukt kiya aur fir param gyani bana dala. kaise hua yah sab? kya the siddharth ke grah yog? kahte hain ki manushya ki janmakundli uske dvara janm janmantron men kie gae karmon ka parinam hoti hai. bhagvan buddh sansar ke mahanatam vyakti hue. har jyotirvid yah janne ki ichcha rakhta hai ki kaisi rahi hogi unki janm kundli. aie, janen... gautam buddh aise hain jaise himachchadit himalay. parvat to aur bhi hain. himachchadit parvat aur bhi hain, par himalay atulniya hai. uski koi upma nahin hai. himalay bas himalay jaisa hai. gautam buddh bas gautam buddh jaise hain. puri manushya jati ke itihas men vaisa mahimapurn nam dusra nahin. gautam buddh ne jitne hridyon ki vina ko bajaya hai utna kisi aur ne nahin. gautam buddh ke madhyam se jitne log jage aur jitne log param bhagavatta ko upalabdh hue utne kisi aur ke madhyam se nahin. buddh ka dharm buddhi ka dharm kaha gaya hai. buddhi ya uska adi to hai, ant nahin. shuruat buddhi se hai, praranbh buddhi se hai, kyonki manushya vahan khara hai, lekin ant, ant uska buddhi men nahin. ant to param atikraman hai, jahan sab vichar kho jate hain. sab buddhimatta visarjit ho jati hai. jahan keval sakshi, matra sakshi shesh rah jata hai. lekin buddh ka prabhav un logon men tatkshan anubhav hota hai, jo soch-vichar men kushal hain. buddh ke sath manushya jati ka ek naya adhyay shuru hua. pachchis sau varsh pahle buddh ne vah kaha jo aj bhi sarthak malum parega aur jo ane vali sadiyon tak sarthak rahega. buddh ne kaha hai : mere pas ana, lekin mujhse bandh mat jana. tum mujhe samman dena, sirf islie ki main tumhara bhavishya hun, tum bhi mere jaise ho sakte ho. tum mujhe samman do, to yah tumhara buddhatva ko hi diya gaya samman hai, lekin tum mera andhanukaran mat karna. kyonki tum andhe hokar mere piche chale, to buddh kaise ho paoge? buddhatva to khuli ankhon se upalabdh hota hai, band ankhon se nahin aur buddhatva to tabhi upalabdh hota hai, jab tum kisi ke piche nahin chalte, khud ke bhitar jate ho. gautam buddh bauddh dharm ke pravartak the. rajkumar siddharth ke rup men unka janm 623 isvi purva hua tha. unko is vishva ke sabse mahan vyaktiyon men se ek mana jata hai. buddh gautam gotra ke the aur unka satya nam siddharth gautam tha. unka janm shakya ganrajya ki rajdhani kapilavastu ke nikat lunbini men hua tha. shakyaraj shuddhodan unke pita the. paranpragat katha ke anusar, siddharth ki mata mayadevi unke janm ke kuch der bad mar gain. kaha jata hai ki fir ek rishi ne shuddhodan se kaha ki siddharth ya to ek mahan raja banenge, ya fir ek mahan sadhu. shishu ke janm ki suchna pate hi shishu ke dada sihhnu ke guru tatha rajpurohit tatkshan kapilavastu pahunche. shishu ko apni god men uthaya aur jaise hi use nikat se dekha, to unki ankhen pahle to khushi se chamak uthin lekin fir ansuon men dub gain. raja shuddhodan dvara karan puche jane par unhonne bataya ki yah shishu buddh banne vala hai islie main prasann hun. kintu duahkh is bat ka hai ki shishu ki buddhatva prapti tak main jivit nahin rah sakunga. shishu ke janm ke panchven din uske namakaran ke avasar par ek sau ath jyotishiyon ko amantrit kiya gaya, jinmen ath vilakshan jyotishi bhi the. un vishisht ath men se chah ram, dhaj, lakkhan, manti, bhoj aur sudant ne bhavishyavani ki thi ki vah shishu ya to chakravarti samrat banega ya ek buddh. kintu sabse kam umra ke jyotishi kondaj ka kathan tha ki vah shishu nishchit rup se ek buddh banega. jyotirvid ke anusar yadi yah balak ek bimar, burhe ya mrit vyakti ko dekh lega to grihastha-jivan ka tyag karke sannyas grahan kar lega. is bhavishyavani ko sunakar raja shuddhodan ne apni samarthya ki had tak siddharth ko duahkh se dur rakhne ki koshish ki. fir bhi 29 varsh ki umra men unki drishti char drishyon par pari - ek vriddh viklang vyakti, ek rogi, ek mrit sharir aur ek sadhu. in char drishyon ko dekhakar siddharth samajh gae ki sab ka janm hota hai, sab ko burhapa ata hai, sab ko bimari hoti hai, aur ek din sab ki mrityu hoti hai. unhonne apna rajsi jivan, apni jati, apni patni, apna putra, sab ko chorakar bhatkte sadhu ka jivan apna liya taki vah janm, burhape, dard, bimari aur maut ka koi uttar khoj paen. satya ki khoj : siddharth ne do brahmanon ke sath apne prashnon ke uttar dhundhne shuru kie. samuchit dhyan laga pane ke bad bhi unhen in prashnon ke uttar nahin mile. fir unhonne tapasya karne ki koshish ki. ve is karya men bhi pravin nikle, apne guruon se bhi jyada, parantu unhen apne prashnon ke uttar fir bhi nahin mile. fir unhonne kuch sathi ikatthe kie aur chal die adhik kathor tapasya karne. aisa karte karte chah varsh bad, bhukh ke karan mrityu ke karib-karib se gujar kar, bina apne prashnon ke uttar pae, vah fir kuch aur karne ke bare men sochne lage. is samay, unhen apne bachapan ka ek pal yad aya jab unke pita khet taiyar karna shuru kar rahe the. us samay vah ek anand bhare dhyan men par gae the aur unhen aisa mahsus hua ki samay sthir ho gaya hai. gyan prapti : kathor tapasya chorakar unhonne arya ashtang marg dhundh nikala, jo madhyam marg bhi kahlata hai, kyonki yah marg tapasya aur asanyam donon ki parakashthaon ke bich men hai. apne badan men kuch shakti dalne ke lie, unhonne ek brahmani se kuch khir li thi. vah ek pipal ke per ke niche baith gae - yah pratigya karke ki satya jane bina vahan se nahin uthenge. vah sari rat baithe aur subah unhen pura gyan prapt ho gaya. unhen nirvan yani bodhi prapt hui aur vah 35 varsh ki umra tak buddh ban gae. jis pipal ke vriksh ke niche unhen gyan ki prapti hui, vah bodhi vriksh kahlaya. unhonne apna pahla dharmopdesh varansi ke pas sarnath men apne pahle mitron ko diya. unke mitron ne bhi thore hi dinon men bodhi prapt kar li. fir gautam buddh ne unhen bauddh dharm ka prachar karne ke lie bhej diya. bhagvan buddh ke anusar yah sansar dukhon ka ghar hai. dukh ka mukhay karan hai agyanta. agyanta ke mukhay lakshan hain asakti v lalach. asakti, lobh, dukh aur agyanta ke nirakaran hetu buddh ne ashtang marg ka updedga kiya, jiske ath ang is prakar hain - samyagdrishti, samyaksankalp, samyagvak, samyakkarm, samyagajiv, samyagvyayam, samyaksmriti aur samyaksamadhi. bhagvan buddh ki janmakundli men dadgam bhav men uchch radgia ke surya se sanyukt panch grah sthit hain aur lagnedga purn chandra ki purn drishti hai. dadgam bhav se kirti v shreshth karm ka vichar kiya jata hai. is bhav ki vilakshan sthiti ke karan hi unhen uchch koti ka samman, mahanta v akshay kirti prapt hui. is bhav men balvan panchagrahi yog ke karan hi vah itni kathin tapasya karne men saksham ho sake. kark lagn ke log bhavuk hote hain. bhagvan buddh ki kundli men lagnedga chandra purnima ka hokar man ke chaturth bhav men sthit hai aur chah grahon se drisht hai. chandra ki is sthiti ne unhen atyant sanvedanadgail vyakti bana diya. vyaktitva ka vichar pratham bhav se aur vyakti ke achar-vichar v vyavhar ka vichar pratham v chaturth bhavon se kiya jata hai. in donon bhavon men chah grahon se drisht purnima ke chandra ka purn prabhav hone ke karan bhagvan buddh daya, karuna v bhavukta se otaprot sundar hriday vale vyakti the. is had tak bhavuk hone ke karan hi vah ek burhe, bimar v mrit vyakti ko dekhakar dravit ho uthe aur in dukhon ka hal dhundhne ke uddedgay se unhonne apna rajsi that-bat chor diya. kundli men char ya char grahon se adhik grahon ki yuti ho, to yah bhi pravrajya arthat sannyas yog hota hai. kundli men yadi shani grah ka prabhav guru, lagnedga, chaturthedga, chaturth bhav v chandra par ho, to bhi vyakti uchch koti ka vicharak ya yogi ban jata hai. bhagvan buddh ki kundli men yah yog bhi ghatit ho raha hai. unke dadgam bhav men uchch radgiasth surya ke atirikt ruchak yog vala mangal, chandra lagnedga shukra, gajkesri yog banane vala guru tatha chakravarti yog banane vala shani sthit hai. dadgam bhav lagnedga chandra se bhi drisht hai. karm, kirti v yadga ke dadgam bhav par chah prabhavadgaali grahon ka prabhav hone ke falasvarup buddh ne aisa karm kiya jiske karan is vidgav men jab bhi mahanatam vyaktiyon ke namon ki suchi banegi to unka nam sabse upar hoga. chakravarti yog nichasthitojanmani yograhah tadrashinathah tatha taduchchanathah bhavet chandralagnadyapi kendravatrikonavarti raja bhavetdharmik chakravarti. bhagvan buddh ki kundli men nich rashisth shani chakravarti yog bana raha hai, kyonki shani ki uchch v nich rashiyon ke svami shukra v mangal janm lagn v chandra se kendra men sthit hain. is chakravarti yog, balvan dasham bhav tatha bali lagnesh ke prabhav se bhagvan buddh gyan ke samrajya ke nirvivad chakravarti raja bane. lagn v lagnesh donon par mangal ki drishti hone ke karan bhagvan buddh atyant akarshak v sundar vyakti the. lagnesh par shukra, mangal v guru ki drishti hone ke falasvarup jatak aur bhi adhik sundar ho jata hai. buddh raja ke ghar men janme, jiske karan unke ghar par rajaon, pujariyon v yoddhaon ka ana jana laga rahta tha. budh grah mitra rashisth hai v pirit nahin hai tatha buddhi ke pancham bhav ko purn drishti se dekh raha hai. iske atirikt panchmesh mangal ki bhi pancham bhav par purn drishti hai. buddh manovinod ka, mangal virta v parakram tatha pratap ka grah surya uchch rashisth hokar dasham bhav men sthit hai jis karan buddh ki buddhi atulniya tatha pratishtha atal hai. lagnesh chandra ke mangal se drisht hone ke karan unhen lauh sankalp shakti prapt hui. unki janmakundli men sabse balvan yog dasham bhav men hai. surya atmakarak v dvitiyesh hokar dasham bhav men uchch rashisth hai. mangal dashmesh hokar bhagyesh guru se, shukra chaturthesh hokar panchmesh se, mangal panchmesh hokar saptamesh se aur shukra chaturthesh hokar bhagyesh guru se yukt hai. is prakar lagn se dasham v lagnesh se saptam bhav men bahut sare rajyogon ka nirman ho raha hai. dasham bhav men sthit sabhi rajyog karak grahon ka lagnesh ke sath paraspar drishti yog hai. dasham bhavasth nich rashisth shani chakravarti yog ka nirman karke sone men suhage ka karya kar raha hai. solah varsh ki ayu men kalatrakarak shukra v panchmesh se yukt saptamesh shani ki mahadsha men unka yashodhra se vivah ho gaya. rahu ki antardasha aranbh hote hi buddh ne mahan sannyas dharan kar liya. 35 varsh ki ayu men buddh ki mahadsha men buddh ki hi antardasha aranbh hone par vaishakh purnima ke din bodhi vriksh ke niche baithe-baithe unhen gyan ki prapti hui. unka buddh dvadshesh (moksh bhav ka svami) hokar bhakti ke pancham v buddhi ke pancham bhav par drishti dal raha hai. shukra ki mahadsha men buddh ne bauddh dharm ke siddhanton ka prachar-prasar kiya. jyotish gyan kisi bhi bhav par adhikadhik grahon ka prabhav hone se vah bhav atyadhik balvan ho jata hai - jaise buddh ke dasham bhav par uttam rajyogon ke prabhav se unhen akshay kirti ki prapti hui. chandra ke lagnesh aur purn bali hokar man ke chaturth bhav men adhishthit hokar sabhi mahatvapurn grahon ke drisht hone se buddh bhavuk, gyani, man par niyantran karne men samarth v sarvagun sanpann hue. kundli ki visheshta - chakravarti yog, mahapurush yog v pravrajya yog. chakravarti yog nichasthitojanmani yograhah tadrashinathah tatha taduchchanathah bhavet chandralagnadyapi kendravatrikonavarti raja bhavetdharmik chakravarti. mahapurush yog lagnesh, chaturthesh, panchmesh, saptamesh, bhagyesh v dashmesh arthat sabhi kendra v trikon sthanon ke adhiptiyon ka kendra men shubh sanbandh hone se mahapurush yog ka srijan hota hai. pravrajya yog : kundli men char ya char se adhik grahon ki yuti hone se pravrajya yog banta hai, jiske prabhav se jatak, sannyas ke marg ko apna leta hai.
Kya aapko lekh pasand aaya? Subscribe
Kya aapko lekh pasand aaya? Subscribe


panchang visheshank  April 2010

is anupam visheshank men panchang ke itihas vikas ganna vidhi, panchangon ki bhinnata, tithi ganit, panchang sudhar ki avashyakta, mukhya panchangon ki suchi v panchang parichay adi atyant upyogi vishyon ki vistrit charcha ki gai hai.pavan sthal namak stanbh ke antargat tirtharaj kailash mansrovar ka rochak varnan kiya gaya hai.

Subscribe

Apne vichar vyakt karein

blog comments powered by Disqus
.