सिंतारों की कहानी अचार्य रजनीश

sintaron ki kahani acharya rajnish  

Ank ke aur Lekh | Sambandhit Lekh | Views : 7182 |  
acharya rajnish gujasta sadi ke mahan chintak rajnidga! profesar pad aur sari duniya par cha gae. apne dardgan se, apne krantikari vicharon se hajaron logon ke jivan ki dadgaa aur didgaa badal dali. sach hai, brahmand men faile grah chahen to kisi vyakti ko jamin se uthakar asman ki unchaiyon par bitha den, chahen to asman chatue vyakti ko dhalu chata d.en kya rahi in grahon ki bhumika rajnidga ke is unchai tak pahunchne men? kaise unhanen bhagvan ka pad hasil kiya? aie, jane... gupt shakti, ishvariya shakti, gurh gyan, siddh gyan v atul aishvarya pradan karne vale ashtam bhav ke rajyog ki charcha ko jari rakhte hue prastut hai acharya rajnish ki janmakundli ka jyotishiya vishleshan. vishvavikhyat darshanik acharya rajnish itni vilakshan pratibha se yukt the ki unhen bhagvan rajnish ke nam se pukara jane laga tha. unki dhara pravah vani aur lekhni ka samast sansar kayal tha. unhonne darshan par lagabhag 650 pustaken likhin. unke abhibhashan ko sunakar log mantramugdh ho jate the aur kahte the ki itni achchi bhashan kala, gyan v atmavishvas to keval ishvar men hi ho sakta hai. unka pura nam rajnish chandra mohan jain tha. 1960 ke dashak men acharya rajnish ke nam se vikhyat is adhyatmik guru ko 1970 aur 1980 ke dashak men bhagvan shri rajnish ke nam se pukara jane laga aur bad men vah osho nam se prasiddh hue. osho rajnish bharat aur kuch anya deshon ke alava kuch samay ke lie amerika men rahe aur unhonne osho andolan ka netritva kiya jo purnataya adhyatmik aur darshanik tha. bhagvan rajnish ko n keval sansar ke sabhi dharmon v darshan ka apitu adhunik kal ke manovigyan ki sabhi avdharnaon ka bhi purn gyan tha. unka darshan kuch-kuch shunyavad ke siddhant v bauddh dharm ke darshan jaisa tha. unke darshan men jedu krishnamurti ke darshan ki jhalak milti hai aur unke anusar keval jedu krishnamurti hi purn vidvan sant the. bhagvan rajnish apne samay ke sarvadhik prasiddh v sarvadhik charchit darshanik the. osho ka lagn vrishabh aur rashi dhanu hai. guru uchcharashisth, rahu ekadash bhavasth, ketu panchamasth aur surya saptamasth hai. sath hi ashtam bhav men panch grah sthit hain. osho ki kundli men lagnesh, panchmesh v bhagyesh ki yuti hai. pancham v navam bhav ka karak guru uchcharashisth hai. pancham bhav ko ishvar bhakti, navam ko ishvar kripa v adhyatmik unnati tatha pratham bhav ko atma ka karak mana gaya hai. is karan panchmesh, lagnesh v bhagyesh ki yuti ko jyotish men bhakti yog mana jata hai. jyotish shastra ke anusar yadi shani ka lagnesh, panchmesh, bhagyesh v chandra se sanbandh ho, to yah jatak ko chintnshil, vicharak v darshanik banata hai. osho ki kundli men yah yog vidyaman hai tatha unka shani yog karak hokar guru ki rashi men sthit hai. guru ki rashi men shani sthanvriddhi karta hai. unka shani adhyatmik unnati ke bhav ka svami hokar lagnesh, panchmesh, saptamesh aur tritiyesh se sanyukt hokar ashtam bhav ko bal de raha hai. iske atirikt ashtamesh guru uchcharashisth hai jiski adhyatmik unnati ke navam bhav par purn drishti bhi hai. isi karan unhonne aisa adhyatmik gyan arjit kiya jiski pure vishva ne sarahna ki. jyotish shastra men ashtam bhav ko gupt gyan, navam ko adhyatmik unnati, chandra v ketu ko adhyatm ka karak v guru ko adhyatm ka guru mana gaya hai. unki kundli men ketu ishvar bhakti ke pancham bhav men sthit hai. panchagrahi yog tatha ashtamesh ke uchcharashisth hone ke falasvarup ashtam bhav ki sthiti uttam hai. navmesh shani, panchmesh budh, lagnesh shukra, tarkashastra ke karak mangal v adhyatm ke karak chandra adhishthit rashi dhanu ka svami hokar guru navam bhav ko purn drishti se dekh raha hai tatha chandra v guru men sthan parivartan yog hai. yahi karan hai ki chandra ki mahadsha men osho ko gyan ki prapti hone ka purn yog bana. unke anusar unhen 1953 men 21 varsh ki avastha men gyan prapt hua tha. march 1953 ke gochar ke anusar unki kundli ke ashtam bhav par gochar ke guru v shani donon ki drishti par rahi thi. san 1966 men ekadash bhav men guru ki rashi men sthit rahu ki mahadsha tatha guru ki antardasha men unhonne profesar ke pad se tyagapatra dekar adhyatmik guru banne ka nishchay kar liya. varsh 1966 men guru gochar men vani ke dvitiya bhav men sthit hokar karm ke dasham tatha ashtam bhavon ko purn drishti se dekh raha tha. shani mahadshanath rahu par gochar kar raha tha. varsh 1969 men osho ke anuyayiyon aur shishyon ne munbai men unke nam par ek sanstha ki ninv rakhi jise bad men pune sthanantrit kar diya gaya. is ashram ko aj 'osho intrneshanal mediteshan rijorta' ke nam se jana jata hai. us samay un par ashtam, navam, dasham aur ekadash bhavon ko prabhavit karne vale grahon ki dasha chal rahi thi. mahadsha ekadash bhav men sthit rahu ki chal rahi thi tatha antardasha ashtamasth bhagyesh v dashmesh shani ki. san 1969 men varsharanbh ke gochar men mahadshanath rahu par shani v guru ka purn tatha varsh ke madhya men bhagya bhav par ukt donon grahon ka gochriya prabhav tha. osho 1966 se 1981 arthat 15 varshon ke lanbe samay tak jagh-jagah pravachan karte rahe. lekin varsh 1981 ke bad lagabhag sarhe tin varshon tak maun apna liya. is samay unke satsang men sabhi log maun hokar baith jate the aur osho ki kisi rachna ko sunte the. anuyayiyon ki samuhik maun sabhaon ka varsh 1984 men ant hua aur osho ne fir se pravachan karna shuru kar diya. varsh 1981 men un par uchcharashisth guru ki mahadsha chal rahi thi. varsh 1985-86 men osho adhyatmagyan ke prachar-prasar hetu vishva yatra par nikal pare aur varsh 1986 men vapas bharat laut ae tatha 1987 men apne pune sthit ashram men fir se pravachan karna aranbh kiya. varsh 1989 men unhonne bhagvan rajnish ka tyag kar osho nam apna liya. varsh 1990 men 58 varsh ki ayu men unhonne antim sans li. osho ko jen mastar bhi kaha jata hai kyonki vah dhyan v ekagrata ki uchch avasthaon men pravesh karne ke lie vishesh rup se jane jate the. osho ke anusar is sansar men prem, hansi v dhyan se shreshth kuch bhi nahin hai. jyotish sikh ashtam bhav par adhik grahon ka prabhav tatha ashtamesh guru ka uchch hona ye donon yog chamatkrit kar dene vale gyan ka srijan karte hain. ashtam bhav par adhikadhik grahon ka prabhav svasthya sanbandhi pareshaniyon ko janm deta hai tatha ayu paksh ko bhi prabhavit karta hai. ashtam bhav ki uttam sthiti gyan v dhan donon ke lie shreshth hai. mahadshanath yadi uttam sthiti men ho aur uski mahadsha chal rahi ho, to aise men us grah par gochriya shani v guru ka prabhav hone par uttam fal ki prapti hoti hai. jaise osho ka 1969 ke aranbh ka gochar. jatak granthon men likha hai ki kundli men jis bhav par adhikadhik grahon ka prabhav ho, vah balvan ho jata hai aur us bhav se sanbandhit shubh fal ki prapti hoti hai tatha jatak ka jivan usi bhav ke irda-gird ghumta rahta hai. osho ki kundli men gurh gyan ka bhav prabal hone falasvarup unhonne apna samast jivan gyan ka anveshan karne men laga diya.
Kya aapko lekh pasand aaya? Subscribe
Kya aapko lekh pasand aaya? Subscribe


najar v bandhan dosh mukti visheshank  March 2010

najrdosh ke lakshan, bachav v utarne ke upay, upri badha ki pahchan, karan v nivaran, najrdosh ka vaigyanik adhar tatha najar dosh nivarak mantra v yantra adi vishyon ki jankari prapt karne hetu yah visheshank atyant upyogi hai.is visheshank men mahan adhyatmik neta acharya rajnish ki janmakundli ka vishleshan bhi kiya gaya hai. iske vividha namak stanbh men ÷hastakshar vigyan dvara rogon ka upchar namak lekh ullekhniya hai.

Subscribe

Apne vichar vyakt karein

blog comments powered by Disqus
.